RCB ಮಾಜಿ ಕೋಚ್ ಸೇರಿದಂತೆ 3 ವಿಶ್ವ ವಿಖ್ಯಾತ ಕ್ರಿಕೆಟಿಗರನ್ನ ಕೋಚ್​ ಬಳಗಕ್ಕೆ ಆಯ್ಕೆಮಾಡಿದ SRH

ಕಳೆದ ಆವೃತ್ತಿಯಲ್ಲಿ ಐಪಿಎಲ್​ನಲ್ಲಿ ಕಾಮೆಂಟೇಟರ್ ಆಗಿರುವ ಬ್ರಿಯಾನ್ ಲಾರಾ ಮುಂಬರುವ ಆವೃತ್ತಿಯಲ್ಲಿ ಸನ್​ರೈಸರ್ಸ್ ಹೈದರಾಬಾದ್​ ಬ್ಯಾಟಿಂಗ್ ಕೋಚ್ ಮತ್ತು ತಂತ್ರಗಾರಿಕೆ ಸಲಹೆಗಾರನಾಗಿ ಕೆಲಸ ಮಾಡಲಿದ್ದಾರೆ ಎಂದು ತನ್ನ ಸಾಮಾಜಿಕ ಜಾಲಾತಾಣದ ಅಧಿಕೃತ ಖಾತೆಯಲ್ಲಿ ಎಸ್​ಆರ್​ಹೆಚ್​ ಪ್ರಕಟಿಸಿದೆ.

ನವದೆಹಲಿ: ಕಳೆದ ಐಪಿಎಲ್ ಆವೃತ್ತಿಯಲ್ಲಿ ದಯನೀಯ ವೈಫಲ್ಯ ಕಂಡಿದ್ದ ಸನ್​ರೈಸರ್ಸ್ ಹೈದರಾಬಾದ್​​ ಫ್ರಾಂಚೈಸಿ ಈ ಬಾರಿ ತಂಡದ ಬಲವನ್ನು ಹೆಚ್ಚಿಸಿಕೊಳ್ಳುವುದಕ್ಕಾಗಿ ವೆಸ್ಟ್ ಇಂಡೀಸ್ ದಂತಕತೆ ಬ್ರಿಯಾನ್ ಲಾರಾ, ದಕ್ಷಿಣ ಆಫ್ರಿಕಾದ ಮಾಜಿ ವೇಗಿ ಡೇಲ್ ಸ್ಟೇನ್​ ಅವರನ್ನು 2022ರ ಆವೃತ್ತಿಗೆ ತಂಡದ ತರಬೇತಿ ಸಿಬ್ಬಂದಿಯಾಗಿ ನೇಮಕ ಮಾಡಿಕೊಂಡಿದೆ.

ಕಳೆದ ಆವೃತ್ತಿಯಲ್ಲಿ ಐಪಿಎಲ್​ನಲ್ಲಿ ಕಾಮೆಂಟೇಟರ್ ಆಗಿರುವ ಬ್ರಿಯಾನ್ ಲಾರಾ ಮುಂಬರುವ ಆವೃತ್ತಿಯಲ್ಲಿ ಸನ್​ರೈಸರ್ಸ್ ಹೈದರಾಬಾದ್​ ಬ್ಯಾಟಿಂಗ್ ಕೋಚ್ ಮತ್ತು ತಂತ್ರಗಾರಿಕೆ ಸಲಹೆಗಾರನಾಗಿ ಕೆಲಸ ಮಾಡಲಿದ್ದಾರೆ ಎಂದು ತನ್ನ ಸಾಮಾಜಿಕ ಜಾಲಾತಾಣದ ಅಧಿಕೃತ ಖಾತೆಯಲ್ಲಿ ಎಸ್​ಆರ್​ಹೆಚ್​ ಪ್ರಕಟಿಸಿದೆ.

• Introducing the new management/support staff of SRH for #IPL2022!
  
  Orange Army, we are #ReadyToRise! 🧡@BrianLara #MuttiahMuralitharan @TomMoodyCricket @DaleSteyn62 #SimonKatich @hemangkbadani pic.twitter.com/Yhk17v5tb5

  — SunRisers Hyderabad (@SunRisers) December 23, 2021 " class="align-text-top noRightClick twitterSection" data="

  Introducing the new management/support staff of SRH for #IPL2022!
  
  Orange Army, we are #ReadyToRise! 🧡@BrianLara #MuttiahMuralitharan @TomMoodyCricket @DaleSteyn62 #SimonKatich @hemangkbadani pic.twitter.com/Yhk17v5tb5

  — SunRisers Hyderabad (@SunRisers) December 23, 2021

  ">

  Introducing the new management/support staff of SRH for #IPL2022!
  
  Orange Army, we are #ReadyToRise! 🧡@BrianLara #MuttiahMuralitharan @TomMoodyCricket @DaleSteyn62 #SimonKatich @hemangkbadani pic.twitter.com/Yhk17v5tb5

  — SunRisers Hyderabad (@SunRisers) December 23, 2021

ಇನ್ನು ಕೆಲವು ಆವೃತ್ತಿಗಳಲ್ಲಿ ಹೈದರಾಬಾದ್​ ತಂಡದಲ್ಲಿ ಆಡಿದ್ದ ಡೇಲ್​ ಸ್ಟೇನ್​ ಅವರನ್ನು ವೇಗದ ಬೌಲಿಂಗ್ ಕೋಚ್​ ಆಗಿ ನೇಮಕ ಮಾಡಲಾಗಿದೆ. ಸ್ಟೇನ್ ಈ ವರ್ಷದ ಆರಂಭದಲ್ಲಿ ಎಲ್ಲ ಮಾದರಿಯಿಂದ ನಿವೃತ್ತಿ ಹೊಂದಿದ್ದರು. ಶ್ರೀಲಂಕಾದ ಲೆಜೆಂಡ್​ ಮುತ್ತಯ್ಯ ಮುರಳೀಧರನ್​ ಸ್ಪಿನ್​ ಬೌಲಿಂಗ್ ಕೋಚ್ ಆಗಿ ಮುಂದುವರಿಯಲಿದ್ದಾರೆ.

ಆಸ್ಟ್ರೇಲಿಯಾದ ಟ್ರೆವೆರ್ ಬೇಲಿಸ್​ ಸನ್​ರೈಸರ್ಸ್ ಮುಖ್ಯಕೋಚ್​ ಹುದ್ದೆಯನ್ನು ತ್ಯಜಿಸಿದ್ದರಿಂದ, ಕಳೆದ ಆವೃತ್ತಿಯಲ್ಲಿ ಡೈರೆಕ್ಟರ್ ಆಫ್ ಕ್ರಿಕೆಟರ್ ಆಗಿದ್ದ ಟಾಮ್ ಮೂಡಿ ಮತ್ತೆ ಮುಖ್ಯ ಕೋಚ್ ಹುದ್ದೆಗೆ ಮರಳಿದ್ದಾರೆ. ಭಾರತದ ಮಾಜಿ ಬ್ಯಾಟರ್ ಹೇಮಂಗ್ ಬದಾನಿ ಫೀಲ್ಡಿಂಗ್ ಕೋಚ್ , ಆರ್​ಸಿಬಿ​ ಮಾಜಿ ಮುಖ್ಯ ಕೋಚ್​ ಸೈಮನ್​ ಕ್ಯಾಟಿಚ್​ ಎಸ್​ಆರ್​ಹೆಚ್​​ನ ಸಹಾಯಕ ಕೋಚ್​ ಆಗಿ ನೇಮಕಗೊಂಡಿದ್ದಾರೆ.

ಸನ್​ರೈಸರ್ಸ್ ಮೆಗಾ ಹರಾಜಿಗೂ ಮುನ್ನ​ ಮೂರು ಆಟಗಾರರನ್ನು ರಿಟೈನ್ ಮಾಡಿಕೊಂಡಿದೆ. ನಾಯಕ ಕೇನ್ ವಿಲಿಯಮ್ಸನ್ ಜೊತೆಗೆ ಜಮ್ಮು ಮತ್ತು ಕಾಶ್ಮೀರದ ಯುವ ಆಟಗಾರರಾದ ಉಮ್ರಾನ್ ಮಲಿಕ್ ಮತ್ತು ಅದ್ಭುಲ್ ಸಮದ್​ ಅವರನ್ನು ತಂಡದಲ್ಲಿ ಉಳಿಸಿಕೊಂಡಿದೆ.