ನವದೆಹಲಿ: ಭಾರತ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ, ವಿಸ್ಡನ್ ಘೋಷಿಸಿರುವ ದಶಕದ ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್ ಆಟಗಾರ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ಕಪಿಲ್ ದೇವ್, ಸಚಿನ್ ತೆಂಡೂಲ್ಕರ್ ನಂತರ ಈ ಪ್ರಶಸ್ತಿ ಪಡೆದ 3ನೇ ಭಾರತೀಯ ಆಟಗಾರ ಎಂಬ ಶ್ರೇಯಕ್ಕೆ ಕೊಹ್ಲಿ ಪಾತ್ರರಾಗಿದ್ದಾರೆ.
ಕೊಹ್ಲಿ 2010-2021ರ ಆವೃತ್ತಿಯಲ್ಲಿ ಈ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ. 1971ರಿಂದ 10 ವರ್ಷಗಳ ಕ್ರಿಕೆಟ್ ಸಾಧನೆಯ ಆಧಾರದ ಮೇಲೆ ಈ ಪ್ರಶಸ್ತಿಯನ್ನು ವಿಸ್ಡನ್ ನೀಡುತ್ತಿದೆ. ಇದುವರೆಗೂ 5 ಆಟಗಾರರು ಕಳೆದ 50 ವರ್ಷಗಳಲ್ಲಿ ಈ ಪ್ರಶಸ್ತಿಯನ್ನು ಪಡೆದಿದ್ದಾರೆ. ಕೊಹ್ಲಿ ಕೂಡ ಆಟಗಾರರ ಲಿಸ್ಟ್ನಲ್ಲಿ 5ನೇಯವರಾಗಿ ದಿಗ್ಗಜರ ಸಾಲಿನಲ್ಲಿ ಕಾಣಿಸಿಕೊಂಡಿದ್ದಾರೆ.
2011ರಲ್ಲಿ ಏಕದಿನ ವಿಶ್ವಕಪ್ನಲ್ಲಿ ತಮ್ಮ ದಶಕವನ್ನು ಆರಂಭಿಸಿದ ಕೊಹ್ಲಿ, ನಂತರ 50 ಓವರ್ಗಳ ಕ್ರಿಕೆಟ್ನಲ್ಲಿ ಮುಂಚೂಣಿ ಬ್ಯಾಟ್ಸ್ಮನ್ ಆಗಿ ಮಿಂಚಿದ್ದಾರೆ. ಭಾರತ ತಂಡದ ನಾಯಕ ಈ 10 ವರ್ಷಗಳಲ್ಲಿ 60ರ ಸರಾಸರಿಯಲ್ಲಿ 42 ಶತಕಗಳ ಸಹಿತ 11,125 ರನ್ ಬಾರಿಸಿದ್ದಾರೆ.
-
Virat Kohli in ODI cricket in the 2010s:
— Wisden (@WisdenCricket) April 15, 2021 " class="align-text-top noRightClick twitterSection" data="
11,125 runs @ 60.79
42 hundreds
🐐https://t.co/GNP025vcQo
">Virat Kohli in ODI cricket in the 2010s:
— Wisden (@WisdenCricket) April 15, 2021
11,125 runs @ 60.79
42 hundreds
🐐https://t.co/GNP025vcQoVirat Kohli in ODI cricket in the 2010s:
— Wisden (@WisdenCricket) April 15, 2021
11,125 runs @ 60.79
42 hundreds
🐐https://t.co/GNP025vcQo
ಕೊಹ್ಲಿ ಮೊದಲು ಭಾರತದ ದಂತಕಥೆಗಳಾದ 1983ರ ವಿಶ್ವಕಪ್ ವಿಜೇತ ತಂಡದ ನಾಯಕ ಕಪಿಲ್ ದೇವ್ (1980), ಸಚಿನ್ ತೆಂಡೂಲ್ಕರ್ (1990) ವಿಸ್ಡನ್ ದಶಕದ ಪ್ರಶಸ್ತಿಗೆ ಭಾಜನರಾಗಿದ್ದರು. ಸಚಿನ್ 1998ರ ವರ್ಷದಲ್ಲಿ ಬರೋಬ್ಬರಿ 9 ಶತಕ ಸಿಡಿಸಿದ್ದರು. ಇದು ಕ್ಯಾಲೆಂಡರ್ ವರ್ಷದಲ್ಲಿ ಬ್ಯಾಟ್ಸ್ಮನ್ ಒಬ್ಬನಿಂದ ದಾಖಲಾಗಿರುವ ಗರಿಷ್ಠ ಶತಕವಾಗಿದೆ.
1970ರ ದಶಕದ ಪ್ರಶಸ್ತಿ ವೆಸ್ಟ್ ಇಂಡೀಸ್ ದಂತಕಥೆ ವಿವಿಯನ್ ರಿಚರ್ಡ್ಸನ್ ಪಾಲಾಗಿದೆ. 70 ದಶಕದಲ್ಲಿ ಕ್ರಿಕೆಟ್ನಲ್ಲಿ ಪ್ರಾಬಲ್ಯ ಮೆರೆದಿದ್ದ ವಿಂಡೀಸ್ ಸತತ 2 ವಿಶ್ವಕಪ್ ಗೆದ್ದಿತ್ತು. 1970ರ ವಿಶ್ವಕಪ್ನಲ್ಲಿ ಅಜೇಯ ಶತಕ ಬಾರಿಸಿ ವಿಂಡೀಸ್ಗೆ ಚೊಚ್ಚಲ ವಿಶ್ವಕಪ್ ಗೆಲ್ಲಲು ರಿಚರ್ಡ್ಸ್ ನೆರವಾಗಿದ್ದರು.
2000-2010 ದಶಕದ ಆಟಗಾರನಾಗಿ ಶ್ರೀಲಂಕಾದ ಶ್ರೇಷ್ಠ ಸ್ಪಿನ್ನರ್ ಮುತ್ತಯ್ಯ ಮುರಳೀಧರನ್ ಆಯ್ಕೆಯಾಗಿದ್ದರು. ಅವರು ಈ ಅವಧಿಯಲ್ಲಿ 335 ವಿಕೆಟ್ ಪಡೆದಿದ್ದರು. ಅಲ್ಲದೆ 2011ರಲ್ಲಿ ಶ್ರೀಲಂಕಾ ಫೈನಲ್ ಪ್ರವೇಶಿಸಲು ಇವರ ಪಾತ್ರ ಮಹತ್ವವಾಗಿತ್ತು.
ಇದನ್ನು ಓದಿ:ಐಪಿಎಲ್ 2021: ಕೊನೆಯ ಘಳಿಗೆಯಲ್ಲಿ ಶಹ್ಬಾಜ್ ಕಮಾಲ್... ಹೈದರಾಬಾದ್ ವಿರುದ್ಧ ಆರ್ಸಿಬಿಗೆ 6 ರನ್ಗಳ ರೋಚಕ ಜಯ!
