ಪ್ರತಿ ಬಾರಿ 200ರ ಸ್ಟ್ರೈಕ್​ರೇಟಲ್ಲಿ ಆಡಲಾಗದು.. ಬ್ಯಾಟಿಂಗ್​ ಸರಾಸರಿ ಟೀಕೆಗೆ ಕೆಎಲ್​ ರಾಹುಲ್​ ಉತ್ತರ

ಭಾರತ ಕ್ರಿಕೆಟ್​ ತಂಡದ ಆರಂಭಿಕ ಆಟಗಾರ ಕೆ ಎಲ್​ ರಾಹುಲ್​ ಬ್ಯಾಟಿಂಗ್​ ಸರಾಸರಿ ಈಗ ಚರ್ಚಾ ವಿಷಯವಾಗಿದೆ. ಚುಟುಕು ಕ್ರಿಕೆಟ್​ನಲ್ಲಿ 120 ಸರಾಸರಿ ಹೊಂದಿರುವ ರಾಹುಲ್​ ಕ್ರಮಾಂಕ ಬದಲಿಸುವ ಬಗ್ಗೆ ಒತ್ತಾಯ ಕೇಳಿ ಬಂದಿತ್ತು. ಇದಕ್ಕೆಲ್ಲಾ ಕನ್ನಡಿಗ ಉತ್ತರ ನೀಡಿದ್ದಾರೆ.

ಏಷ್ಯಾಕಪ್​ ಟೂರ್ನಿಯಲ್ಲಿ ಕೆಎಲ್​ ರಾಹುಲ್​ರ ನಿಧಾನಗತಿಯ ಬ್ಯಾಟಿಂಗ್​ ಈಗ ಚರ್ಚಾ ವಿಷಯವಾಗಿದೆ. ರಾಹುಲ್​ ರನ್​ ಗಳಿಸಲು ಪರದಾಡಿದ್ದಲ್ಲದೇನು ನಿಧಾನಗತಿಯಾಗಿ ಬ್ಯಾಟ್​ ಬೀಸಿದ್ದನ್ನು ಹಲವರು ಟೀಕಿಸಿದ್ದರು. ಇದಕ್ಕೆ ತೀಕ್ಷ್ಣವಾಗಿ ಪ್ರತಿಕ್ರಿಯಿಸಿರುವ ರಾಹುಲ್​, ನಾನು ತಂಡಕ್ಕಾಗಿ ಶೇ.100 ರಷ್ಟು ಪ್ರಯತ್ನ ಹಾಕಿದ್ದೇನೆ. ಪ್ರತಿ ಸಲವೂ 200 ಸ್ಟ್ರೈಕ್​ರೇಟ್​ನಲ್ಲಿ ಬ್ಯಾಟ್​ ಬೀಸಲು ಆಗಲ್ಲ. ಅದನ್ನು ಅರ್ಥ ಮಾಡಿಕೊಳ್ಳಬೇಕು ಎಂದಿದ್ದಾರೆ.

ಟಿ-20 ಹೊಡಿ ಬಡಿ ಆಟವಾದ ಕಾರಣ ನಿಧಾನಗತಿ ಬ್ಯಾಟಿಂಗ್​ನಿಂದ ತಂಡ ಸೋಲುವ ಸಂಭವ ಹೆಚ್ಚಿಸುತ್ತದೆ. ಹೀಗಾಗಿ ಆಟಗಾರ ಕಡಿಮೆ ಬಾಲ್​ನಲ್ಲಿ ಹೆಚ್ಚು ರನ್ ಗಳಿಸಲು ಯುತ್ನಿಸಬೇಕು. ಏಷ್ಯಾಕಪ್​ನಲ್ಲಿ ಇದರಲ್ಲಿ ರಾಹುಲ್​ ಕೊಂಚ ಎಡವಿದ್ದರು. ಇದು ಕ್ರಿಕೆಟ್​ ಅಭಿಮಾನಿಗಳಲ್ಲಿ ಬೇಸರ ತಂದಿತ್ತು.

ಅಫ್ಘಾನಿಸ್ತಾನ ವಿರುದ್ಧದ ಪಂದ್ಯದಲ್ಲಿ ರೋಹಿತ್​ ಬದಲಾಗಿ ವಿರಾಟ್​ ಕೊಹ್ಲಿ ಆರಂಭಿಕನಾಗಿ ಇಳಿದು ಮಿಂಚಿನ ಶತಕ ಸಿಡಿಸಿದ ಬಳಿಕ ಅವರನ್ನೇ ಆರಂಭಿಕನಾಗಿ ಇಳಿಸುವ ಮಾತುಗಳು ಕ್ರಿಕೆಟ್​ ವಲಯದಲ್ಲಿ ಕೇಳಿ ಬಂದಿದ್ದವು. ಕೆ ಎಲ್​ ರಾಹುಲ್​ರ ನಿಧಾನಗತಿಯ ಬ್ಯಾಟಿಂಗ್​ನಿಂದಾಗಿ ಮುಂಬರುವ ಟಿ-20 ವಿಶ್ವಕಪ್​ನಲ್ಲಿ ರೋಹಿತ್​ ಮತ್ತು ವಿರಾಟ್​ ಆರಂಭಿಕ ಜೋಡಿಯಾಗಿ ಕಣಕ್ಕಿಳಿಯಲಿದ್ದಾರಾ ಎಂಬ ಗೊಂದಲವೂ ಮೂಡಿತ್ತು.

ಇದಕ್ಕೆ ನಾಯಕ ರೋಹಿತ್​ ಸ್ಪಷ್ಟನೆ ನೀಡಿ, ನನ್ನ ಜೊತೆ ರಾಹುಲ್​ ಇನಿಂಗ್ಸ್​ ಆರಂಭಿಸಲಿದ್ದಾರೆ. ವಿರಾಟ್​ 3ನೇ ಕ್ರಮಾಂಕದಲ್ಲೇ ಆಡ್ತಾರೆ ಅಂದಿದ್ದರು. ರಾಹುಲ್​ ನಿಧಾನವಾಗಿ ಆಡುತ್ತಿರುವುದು ವಿಕೆಟ್​ ತಂಡ ವಿಕೆಟ್​ ಕಾಪಾಡಿಕೊಳ್ಳುವ ಯೋಜನೆ ಎಂದು ಹೇಳಿದಾಗ್ಯೂ, ಚುಟಕು ಕ್ರಿಕೆಟ್​ನಲ್ಲಿ ಇದು ಫಲಿತಾಂಶದ ಮೇಲೆ ಪರಿಣಾಮ ಬೀರಲಿದೆ ಎಂಬುದು ಇನ್ನೊಂದು ವಾದವಾಗಿತ್ತು.

ರಾಹುಲ್ ಜೊತೆಗೆ ಇನಿಂಗ್ಸ್​ ಆರಂಭ: ಇದಕ್ಕಾಗಿ ರಾಹುಲ್​ರ ಕ್ರಮಾಂಕವನ್ನು ಬದಲಿಸಬೇಕು ಎಂಬ ಒತ್ತಾಯ ಕೇಳಿ ಬಂದಿತ್ತು. ಈ ಎಲ್ಲ ಪ್ರಶ್ನೆಗಳಿಗೆ ರಾಹುಲ್​ ಉತ್ತರ ನೀಡಿದ್ದು, ತಂಡವನ್ನು ಗೆಲ್ಲಿಸುವುದೇ ಪ್ರತಿ ಆಟಗಾರನ ಗುರಿಯಾಗಿರುತ್ತದೆ. ಬ್ಯಾಟರ್​ಗಳು ಒಬ್ಬರಿಗೊಬ್ಬರು ಭಿನ್ನ ಸ್ಟ್ರೈಕ್​ರೇಟ್​ ಹೊಂದಿರುತ್ತಾರೆ. ಯಾರಿಗೂ ಹೋಲಿಕೆ ಮಾಡಬಾರದು ಎಂದಿದ್ದರು.

ಪ್ರತಿ ಬಾರಿ 200 ರ ಸರಾಸರಿಯಲ್ಲಿ ಆಡಲಾಗದು: "ಇಲ್ಲಿ ಯಾರೂ ಪರಿಪೂರ್ಣರಲ್ಲ. ಪ್ರತಿಯೊಬ್ಬರೂ ತಮ್ಮ ಸಾಮರ್ಥ್ಯವನ್ನು ಪ್ರದರ್ಶಿಸಲು ಹೆಣಗಾಡುತ್ತಿರುತ್ತಾರೆ. ಎಲ್ಲರಿಗೂ ತಂಡದಲ್ಲಿ ನಿರ್ದಿಷ್ಟ ಪಾತ್ರವಿರುತ್ತದೆ. ಸ್ಟ್ರೈಕ್​ ರೇಟ್​ ಆಧಾರದ ಮೇಲೆ ಆಟವನ್ನು ನಿರ್ಧರಿಸಲಾಗದು. ಪ್ರತಿ ಬಾರಿ 200 ರ ಸ್ಟ್ರೈಕ್​ರೇಟ್​ನಲ್ಲಿ ಯಾವ ಆಟಗಾರ ಆಡಲಾರ. ಕೆಲವೊಮ್ಮೆ ಪರಿಸ್ಥಿತಿ ನೋಡಿ 120ರ ರನ್​ ದರದಲ್ಲೂ ಆಟವಾಡಬೇಕು" ಎಂದು ಉತ್ತರಿಸಿದ್ದರು.

ಜಿಂಬಾಬ್ವೆ ಸರಣಿಗೂ ಮೊದಲು ತೊಡೆಸಂದು ಗಾಯಕ್ಕೆ ತುತ್ತಾದ ರಾಹುಲ್​, ಚಿಕಿತ್ಸೆ ಪಡೆದ ಬಳಿಕ ತಿಂಗಳುಗಳ ಕ್ರಿಕೆಟ್​ನಿಂದ ದೂರವಿದ್ದರು. ಬಳಿಕ ಅವರು ಏಷ್ಯಾಕಪ್​ನಲ್ಲಿ ಆಡಿ, 120 ರ ಸರಾಸರಿಯಲ್ಲಿ ಬ್ಯಾಟ್​ ಬೀಸಿದ್ದರು. ಕೆಲ ಪಂದ್ಯಗಳಲ್ಲಿ ವಿಫಲವಾಗಿದ್ದಕ್ಕೆ ಅಭಿಮಾನಿಗಳು ಬೇಸರಿಸಿದ್ದರು.

ಕಠಿಣ ಪರಿಶ್ರಮ ಸಾಗಿದೆ: ನಾನು ತಂಡಕ್ಕಾಗಿ ನೂರರಷ್ಟು ಶ್ರಮ ಹಾಕುತ್ತಿದ್ದೇನೆ. ತಂಡ ನನ್ನಿಂದ ಏನನ್ನು ನಿರೀಕ್ಷಿಸುತ್ತಿದೆ ಎಂಬುದನ್ನು ಅರ್ಥ ಮಾಡಿಕೊಂಡಿದ್ದೇನೆ. ಅದನ್ನು ಪೂರೈಸಲು ನಾನು ಕಠಿಣ ಪರಿಶ್ರಮ ಪಡುತ್ತಿದ್ದೇನೆ. ಆಟದಲ್ಲಿ ಸ್ವಲ್ಪ ವ್ಯತ್ಯಾಸವಾಗುವುದು ಸಹಜ ಎಂದಿದ್ದಾರೆ.

ಓದಿ: ಲಾಲಾರಸದ ಬಳಕೆ ನಿಷೇಧ: ವಿಶ್ವ ಕ್ರಿಕೆಟ್‌ಗೆ ಮಹತ್ವದ ಬದಲಾವಣೆ ತಂದ ಐಸಿಸಿ