ಆ್ಯಂಡರ್​ಸನ್ ಹೊಸ ದಾಖಲೆ: ತವರು ನೆಲದಲ್ಲಿ 100 ಟೆಸ್ಟ್​​ ಆಡಿದ ಮೊದಲ ಕ್ರಿಕೆಟಿಗ

ಕ್ರಿಕೆಟ್ ಜಗತ್ತಿನಲ್ಲಿ ಇಂಗ್ಲೆಂಡ್​ ಕ್ರಿಕೆಟ್ ತಂಡದ ಜೇಮ್ಸ್ ಆ್ಯಂಡರ್ಸನ್​ ಹೊಸದೊಂದು ದಾಖಲೆ ಬರೆದಿದ್ದು, ಈ ಸಾಧನೆ ಮಾಡಿರುವ ಮೊದಲ ಪ್ಲೇಯರ್​ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಮ್ಯಾಂಚೆಸ್ಟರ್​​(ಇಂಗ್ಲೆಂಡ್​): ಕ್ರಿಕೆಟ್​ ಲೋಕದಲ್ಲಿ ಪ್ರತಿದಿನ ಒಂದಿಲ್ಲೊಂದು ಹೊಸ ದಾಖಲೆ ನಿರ್ಮಾಣಗೊಳ್ಳುವುದು, ಬ್ರೇಕ್​​ ಆಗುವುದು ಕುತೂಹಲದ ಸಂಗತಿಯಾಗುಳಿದಿಲ್ಲ. ಆದರೆ, ಕೆಲ ಪ್ಲೇಯರ್ಸ್​​​ ನಿರ್ಮಿಸುವ ರೆಕಾರ್ಡ್ ಅಷ್ಟೊಂದು​ ಸುಲಭವಾಗಿ ಮುರಿಯಲು ಆಗುವುದಿಲ್ಲ. ಸದ್ಯ ಅಂಥದ್ದೊಂದು ಸಾಧನೆ ಇಂಗ್ಲೆಂಡ್​ ವೇಗಿ ಜೇಮ್ಸ್​ ಆಂಡರ್​​ಸನ್​​ ಅವರಿಂದ ನಿರ್ಮಾಣಗೊಂಡಿದೆ.

ದಕ್ಷಿಣ ಆಫ್ರಿಕಾ ವಿರುದ್ಧ ತವರು ನೆಲದಲ್ಲಿ ಎರಡನೇ ಟೆಸ್ಟ್​​ ಪಂದ್ಯದಲ್ಲಿ ಕಣಕ್ಕಿಳಿಯುವ ಮೂಲಕ ಈ ರೆಕಾರ್ಡ್​​ ನಿರ್ಮಾಣಗೊಂಡಿದ್ದು, ಕ್ರಿಕೆಟ್​​ ಜಗತ್ತಿನಲ್ಲಿ ತವರು ನೆಲದಲ್ಲಿ 100 ಟೆಸ್ಟ್​​ ಪಂದ್ಯ ಆಡಿರುವ ಮೊದಲ ಆಟಗಾರನಾಗಿ ಆ್ಯಂಡರ್​​ಸನ್​ ಹೊರಹೊಮ್ಮಿದ್ದಾರೆ.

• James Anderson became the first to a rare feat in Manchester in the #WTC23 clash against South Africa 😲#ENGvSAhttps://t.co/6jjykYuf6f

  — ICC (@ICC) August 25, 2022 " class="align-text-top noRightClick twitterSection" data="

  James Anderson became the first to a rare feat in Manchester in the #WTC23 clash against South Africa 😲#ENGvSAhttps://t.co/6jjykYuf6f

  — ICC (@ICC) August 25, 2022

  ">

  James Anderson became the first to a rare feat in Manchester in the #WTC23 clash against South Africa 😲#ENGvSAhttps://t.co/6jjykYuf6f

  — ICC (@ICC) August 25, 2022

2003ರಲ್ಲಿ ಕ್ರಿಕೆಟ್​ಗೆ ಪಾದಾರ್ಪಣೆ ಮಾಡಿರುವ ಜೇಮ್ಸ್​​ ಆ್ಯಂಡರ್ಸನ್​​, ಅಂತಾರಾಷ್ಟ್ರೀಯ ಕ್ರಿಕೆಟ್​​ನಲ್ಲಿ ದೀರ್ಘಾವಧಿ ಕ್ರಿಕೆಟರ್​​ ಆಗಿ ಉಳಿದುಕೊಂಡಿದ್ದಾರೆ. ಇಲ್ಲಿಯವರೆಗೆ 147 ಟೆಸ್ಟ್​ ಪಂದ್ಯ ಆಡಿರುವ ಅವರು, ಹೆಚ್ಚು ಕ್ರಿಕೆಟ್ ಪಂದ್ಯ ಆಡಿರುವ ಆಟಗಾರ ಸಾಲಿನಲ್ಲೂ ಗುರುತಿಸಿಕೊಂಡಿದ್ದಾರೆ. ಇಲ್ಲಿಯವರೆಗೆ ಇಂಗ್ಲೆಂಡ್​ನ ಸ್ಟುವರ್ಟ್​ ಬ್ರಾಡ್​​ 158 ಟೆಸ್ಟ್​, ಜಾಕ್​ ಕಾಲಿಸ್​​ 166 ಟೆಸ್ಟ್​​ ಪಂದ್ಯ ಆಡಿದ್ದಾರೆ.

ತವರು ನೆಲದಲ್ಲಿ ಹೆಚ್ಚು ಟೆಸ್ಟ್​ ಆಡಿರುವ ಪ್ಲೇಯರ್ಸ್:​

• ಜೇಮ್ಸ್​ ಆ್ಯಂಡರ್ಸನ್​​​ 100 ಟೆಸ್ಟ್​​( ಒಟ್ಟು 174 ಟೆಸ್ಟ್​ ಪಂದ್ಯ)
• ಸಚಿನ್​ ತೆಂಡೂಲ್ಕರ್​​​​​ 94 ಟೆಸ್ಟ್​​(ಒಟ್ಟು 200 ಟೆಸ್ಟ್​​​ ಪಂದ್ಯ)
• ರಿಕಿ ಪಾಂಟಿಂಗ್​​​ 92 ಟೆಸ್ಟ್​​​(168 ಟೆಸ್ಟ್​​ ಪಂದ್ಯ)
• ಸ್ಟುವರ್ಟ್​ ಬ್ರಾಡ್​​​ 91 ಟೆಸ್ಟ್​​(158 ಟೆಸ್ಟ್​​ ಪಂದ್ಯ)
• ಅಲೆಸ್ಟರ್ ಕುಕ್​​​ 89 ಟೆಸ್ಟ್(161 ಟೆಸ್ಟ್​​)​​

ಮ್ಯಾಂಚೆಸ್ಟರ್​ನ ಓಲ್ಡ್​ ಟ್ರಾಫರ್ಡ್​​ ಮೈದಾನದಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ನಡೆಯುತ್ತಿರುವ ಪಂದ್ಯದಲ್ಲಿ ಜೇಮ್ಸ್​ ಆ್ಯಂಡರ್ಸನ್​​ ಕಣಕ್ಕಿಳಿದಿದ್ದು, 1 ವಿಕೆಟ್​ ಪಡೆದುಕೊಂಡಿದ್ದಾರೆ. ಇನ್ನೂ ಟೆಸ್ಟ್​​ನಲ್ಲಿ 600ಕ್ಕೂ ಹೆಚ್ಚು ಟೆಸ್ಟ್​ ವಿಕೆಟ್ ಪಡೆದ ಮೊದಲ ವೇಗದ ಬೌಲರ್​ ಎಂಬ ದಾಖಲೆಗೂ ಪಾತ್ರರಾಗಿದ್ದಾರೆ. ಇನ್ನೂ ಟೆಸ್ಟ್​ ಕ್ರಿಕೆಟ್​​ನಲ್ಲಿ ಟೀಂ ಇಂಡಿಯಾದ ವಿರಾಟ್​​ ಕೊಹ್ಲಿ ವಿಕೆಟ್​ ಹೆಚ್ಚು ಸಲ ಪಡೆದುಕೊಂಡಿರುವ ಸಾಧನೆ ಸಹ ಆ್ಯಂಡರ್ಸನ್​ ಹೆಸರಿನಲ್ಲಿದೆ.