ಹೈದರಾಬಾದ್: ಭಾರತ ತಂಡದ ಮಾಜಿ ನಾಯಕ ಅಜರುದ್ದೀನ್ ಹೈದರಾಬಾದ್ ಕ್ರಿಕೆಟ್ ಅಸೋಸಿಯೇಷನ್ ತಮ್ಮನ್ನು ಅಮಾನತುಗೊಳಿಸಿರುವುದನ್ನು ಕಾನೂನು ಬಾಹಿರ ಎಂದು ಹೇಳಿದ್ದು, ಕ್ರಿಕೆಟ್ ಅಸೋಸಿಯೇಷನ್ನಿಂದ ತಮ್ಮನ್ನು ವಜಾ ಮಾಡಲಾಗಿದೆ ಎಂಬ ವರದಿಯಾಗಿರುವುದರಿಂದ ನೈತಿಕತೆ ಆಧಾರದ ಮೇಲೆ ಅಪೆಕ್ಸ್ ಕೌನ್ಸಿಲ್ನ ಸದಸ್ಯರು ರಾಜಿನಾಮೆ ನೀಡಬೇಕೆಂದು ಆಗ್ರಹಿಸಿದ್ದಾರೆ.
ಈ ಕುರಿತು ಮಾಧ್ಯಮ ಗೋಷ್ಠಿಯಲ್ಲಿ ಮಾತನಾಡಿದ ಅವರು, ತಮ್ಮ ವಿರುದ್ಧ ಆರೋಪ ಮಾಡಿರುವವರೆಲ್ಲರೂ ಕಳಂಕಿತರು ಎಂದು ತಿಳಿಸಿದ್ದಾರೆ. ಇದಕ್ಕೂ ಮುನ್ನ ನಿಯಮಗಳಿಗೆ ವಿರುದ್ಧವಾಗಿ ವರ್ತಿಸಿದ್ದಾರೆ ಎಂದು ಈ ತಿಂಗಳ ಅಪೆಕ್ಸ್ ಕೌನ್ಸಿಲ್ ಸಭೆಯಲ್ಲಿ ಅಜರುದ್ದೀನ್ಗೆ ಶೋಕಾಸ್ ನೋಟಿಸ್ ನೀಡಿತ್ತು. ಇನ್ನು ಹೆಚ್ಸಿಎ ಕೂಡ ಅವರ ಸದಸ್ಯತ್ವ ರದ್ದುಗೊಳಿಸಿತ್ತು. ಅಜರ್ ಕಾರ್ಯ ವಿಧಾನ ಸಂಘದ ವಿವಿಧ ನಿಯಮಗಳನ್ನು ಉಲ್ಲಂಘಿಸಿವೆ ಮತ್ತು ಮಂಡಳಿಯ ಕಾರ್ಯಚಟುವಟಿಕೆಯ ಮೇಲೆ ಪರಿಣಾಮ ಬೀರಿವೆ ಎಂದು ನೋಟಿಸ್‌ನಲ್ಲಿ ತಿಳಿಸಲಾಗಿದೆ.
ಆದರೆ, ಈ ಆರೋಪಗಳನ್ನಲ್ಲಾ 58 ವರ್ಷದ ಮಾಜಿ ಕ್ರಿಕೆಟಿಗ ತಿರಸ್ಕರಿಸಿದ್ದಾರೆ. ಅಲ್ಲದೇ ನನ್ನ ಅನುಮತಿ ಇಲ್ಲದೇ ಸಂಘದಲ್ಲಿ ಇಂತಹ ಸಭೆ ನಡೆಸಲು ಸಾಧ್ಯವಿಲ್ಲ ಎಂದು ಸುದ್ದಿಗೋಷ್ಠಿಯಲ್ಲಿ ತಿಳಿಸಿದ್ದಾರೆ. "ನೈತಿಕ ಆಧಾರದ ಮೇಲೆ, ಅವರು ಈ ಎಲ್ಲ ವಿಷಯಗಳಿಗೆ ರಾಜೀನಾಮೆ ನೀಡಬೇಕು. ಅವರು ನನ್ನ ಅನುಮತಿಯಿಲ್ಲದೇ ಮತ್ತು ನಾನಿಲ್ಲದೆ ಸಭೆ ನಡೆಸಲು ಸಾಧ್ಯವಿಲ್ಲ. ಇದು ಕಾನೂನು ಬಾಹಿರ. ಅಲ್ಲದೇ ನಾನು ಸಾಮಾನ್ಯ ಸಂಸ್ಥೆಯಿಂದ(ಚುನಾವಣೆ) ಆಯ್ಕೆಯಾಗಿದ್ದೇನೆ" ಎಂದು ಅವರು ಹೇಳಿದ್ದಾರೆ.
ಅಜರ್ ದುಬೈನ ಖಾಸಗಿ ಕ್ರಿಕೆಟ್ ಕ್ಲಬ್ನ(ನಾರ್ದರ್ನ್ ವಾರಿಯರ್ಸ್) ಮೆಂಟರ್ ಆಗಿದ್ದಾರೆ. ಈ ಕ್ಲಬ್ ಟಿ10 ಲೀಗ್ನಲ್ಲಿ ಭಾಗವಹಿಸಿತ್ತು. ಆದರೆ, ಇದು ಬಿಸಿಸಿಐನಿಂದ ಮಾನ್ಯತೆ ಪಡೆದಿಲ್ಲ ಎಂದು ಮಾಜಿ ಕ್ರಿಕೆಟಿಗನ ವಿರುದ್ಧ ಹೆಚ್ಸಿಎ ಆರೋಪಿಸಿದೆ.
ಇದನ್ನು ಓದಿ:ಹೈದರಾಬಾದ್ ಕ್ರಿಕೆಟ್ ಅಸೋಸಿಯೇಶನ್‌ ಅಧ್ಯಕ್ಷ ಸ್ಥಾನದಿಂದ ಅಜರುದ್ದೀನ್ ವಜಾ
