ಕಿಶನ್​ ಅಬ್ಬರದ ಅರ್ಧಶತಕ: ರಾಜಸ್ಥಾನ್ ವಿರುದ್ಧ ಮುಂಬೈಗೆ 8 ವಿಕೆಟ್​ಗಳ ಜಯ, ಪ್ಲೇ ಆಫ್ ಆಸೆ ಜೀವಂತ

ಮೊದಲು ಬ್ಯಾಟಿಂಗ್ ಮಾಡಿದ ರಾಜಸ್ಥಾನ್ ರಾಯಲ್ಸ್​ 20 ಓವರ್​ಗಳಲ್ಲಿ 9 ವಿಕೆಟ್ ಕಳೆದುಕೊಂಡು ಕೇವಲ 90 ರನ್​ಗಳಿಸಿದರೆ, ಇದಕ್ಕುತ್ತರವಾಗಿ ಮುಂಬೈ ಇಂಡಿಯನ್ಸ್​ 8.2 ಓವರ್​ಗಳಲ್ಲಿ 94 ರನ್​ಗಳಿಸಿ ಪ್ಲೇ ಆಫ್​ ಆಸೆಯನ್ನು ಜೀವಂತವಾಗಿರಿಸಿಕೊಂಡಿದೆ.

ಶಾರ್ಜಾ: ಬೌಲರ್​ಗಳ ಅಮೋಘ ಪ್ರದರ್ಶನ ಮತ್ತು ಇಶಾನ್​ ಕಿಶನ್​ ಅವರ ಸಿಡಿಲಬ್ಬರದ ಬ್ಯಾಟಿಂಗ್ ನೆರವಿನಿಂದ ಮುಂಬೈ ಇಂಡಿಯನ್ಸ್​ ಪ್ಲೇ ಆಫ್​ ಪ್ರವೇಶಿಸಲು ಮಾಡು ಇಲ್ಲವೇ ಮಡಿ ಎಂಬಂತಿದ್ದ ಪಂದ್ಯದಲ್ಲಿ 8 ವಿಕೆಟ್​ಗಳ ಭರ್ಜರಿ ಜಯ ಸಾಧಿಸಿದೆ.

ಮೊದಲು ಬ್ಯಾಟಿಂಗ್ ಮಾಡಿದ ರಾಜಸ್ಥಾನ್ ರಾಯಲ್ಸ್​ 20 ಓವರ್​ಗಳಲ್ಲಿ 9 ವಿಕೆಟ್ ಕಳೆದುಕೊಂಡು ಕೇವಲ 90 ರನ್​ಗಳಿಸಿದರೆ, ಇದಕ್ಕುತ್ತರವಾಗಿ ಮುಂಬೈ ಇಂಡಿಯನ್ಸ್​ 8.2 ಓವರ್​ಗಳಲ್ಲಿ 94 ರನ್​ಗಳಿಸಿ ಪ್ಲೇ ಆಫ್​ ಆಸೆಯನ್ನು ಜೀವಂತವಾಗಿರಿಸಿಕೊಂಡಿದೆ.

ರಾಜಸ್ಥಾನ್ ನೀಡಿದ್ದ 91 ರನ್​ಗಳ ಸಣ್ಣ ಮೊತ್ತದ ಗುರಿಯನ್ನು ಬೆನ್ನಟ್ಟಿದ ಮುಂಬೈಗೆ ನಾಯಕ ರೋಹಿತ್ ಭರ್ಜರಿ ಆರಂಭ ಒದಿಗಿಸಿಕೊಟ್ಟರು. ರನ್​ರೇಟ್​ ಉತ್ತಮಗೊಳಿಸಿಕೊಳ್ಳುವ ದೃಷ್ಟಿಯಿಂದ ಬಿರುಸಿನ ಬ್ಯಾಟಿಂಗ್ ನಡೆಸಿದ ಅವರು ಕೇವಲ13 ಎಸೆತಗಳಲ್ಲಿ 1 ಬೌಂಡರಿ ಮತ್ತು 2 ಸಿಕ್ಸರ್​ಗಳ ನೆರವಿನಿಂದ 22ರನ್​ಗಳಿಸಿ ಔಟಾದರು. ನಂತರದ ಬಂದ ಸೂರ್ಯಕುಮಾರ್​ 8 ಎಸೆತಗಳಲ್ಲಿ 3 ಬೌಂಡರಿ ಸಹಿತ 13 ರನ್​ಗಳಿಸಿ ಮುಸ್ತಫಿಜುರ್​ಗೆ ವಿಕೆಟ್​ ಒಪ್ಪಿಸಿದರು.

• Dominant display from @mipaltan! 💪 💪
  
  The @ImRo45-led unit seal a comprehensive 8⃣-wicket win and registered their 6⃣th win of the #VIVOIPL. 👏 👏 #VIVOIPL #RRvMI
  
  Scorecard 👉 https://t.co/0oo7ML9bp2 pic.twitter.com/psjBCAI90R

  — IndianPremierLeague (@IPL) October 5, 2021 " class="align-text-top noRightClick twitterSection" data="

  Dominant display from @mipaltan! 💪 💪
  
  The @ImRo45-led unit seal a comprehensive 8⃣-wicket win and registered their 6⃣th win of the #VIVOIPL. 👏 👏 #VIVOIPL #RRvMI
  
  Scorecard 👉 https://t.co/0oo7ML9bp2 pic.twitter.com/psjBCAI90R

  — IndianPremierLeague (@IPL) October 5, 2021

  ">

  Dominant display from @mipaltan! 💪 💪
  
  The @ImRo45-led unit seal a comprehensive 8⃣-wicket win and registered their 6⃣th win of the #VIVOIPL. 👏 👏 #VIVOIPL #RRvMI
  
  Scorecard 👉 https://t.co/0oo7ML9bp2 pic.twitter.com/psjBCAI90R

  — IndianPremierLeague (@IPL) October 5, 2021

ಆದರೆ ಫಾರ್ಮ್​ ಕಳೆದುಕೊಂಡು ತಂಡದಿಂದಲೇ ಹೊರಬಿದ್ದಿದ್ದ ಇಶಾನ್​ ಆರಂಭಿಕನಾಗಿ ಅಮೋಘವಾಗಿ ಕಮ್​ಬ್ಯಾಕ್ ಮಾಡಿದರು. ಕೇವಲ 25 ಎಸೆತಗಳಲ್ಲಿ 5 ಬೌಂಡರಿ ಮತ್ತು ಭರ್ಜರಿ 3 ಸಿಕ್ಸರ್​ಗಳ ನೆರವಿನಿಂದ ಅಜೇಯ 50 ರನ್​ಗಳಿಸಿ ತಂಡವನ್ನು 10 ಓವರ್​ ಒಳಗೆ ಗೆಲುವಿನ ಗಡಿ ದಾಟಿಸುವಲ್ಲಿ ಸಫಲರಾದರು. ಪಾಂಡ್ಯ ಅಜೇಯ 5 ರನ್​ಗಳಿಸಿದರು.

ಇದಕ್ಕೂ ಮುನ್ನ ಟಾಸ್​ ಸೋತು ನಿರ್ಣಾಯಕ ಪಂದ್ಯದಲ್ಲಿ ಬ್ಯಾಟಿಂಗ್ ನಡೆಸಿದ ರಾಜಸ್ಥಾನ್ ಬ್ಯಾಟ್ಸ್​ಮನ್​ಗಳು ಶಾರ್ಜಾದ ನಿಧಾನಗತಿಯ ಪಿಚ್​ ಅನ್ನು ಅರಿಯುವಲ್ಲಿ ವಿಫಲರಾದರು. ಆರಂಭದಿಂದ ಕೊನೆಯ 20 ಓವರ್​ಗಳವರೆಗೆ ರಾಜಸ್ಥಾನದ ಯಾವೊಬ್ಬ ಬ್ಯಾಟ್ಸ್​ಮನ್​ ಮುಂಬೈ ಬೌಲರ್​ಗಳ ಮೇಲೆ ಪ್ರಾಬಲ್ಯ ಸಾಧಿಸಲು ಸಾಧ್ಯವಾಗಲಿದೆ. ಇಡೀ ಪಂದ್ಯದಲ್ಲಿ ಕೇವಲ 7 ಬೌಂಡರಿಗಳು ಮತ್ತು 2 ಸಿಕ್ಸರ್​ ಮಾತ್ರ ಬಂವರು. ಆರಂಭಿಕ ಬ್ಯಾಟರ್ ಎವಿನ್ ಲೂಯಿಸ್(24)​ ಮಾತ್ರ 20ರ ಗಡಿ ದಾಟಿದರು.

ಜೈಸ್ವಾಲ್ 12, ಮಿಲ್ಲರ್​ 15 ಮತ್ತು ರಾಹುಲ್ ತೆವಾಟಿಯಾ 12ರನ್​ ಎರಡಂಕಿ ಮೊತ್ತ ದಾಟಿದ ಬ್ಯಾಟರ್​ಗಳು. ನಾಯಕ ಸಾಮ್ಸನ್ ಸೇರಿದಂತೆ ಉಳಿದೆಲ್ಲಾ ಬ್ಯಾಟರ್​ಗಳು ಒಂದಂಕಿ ಮೊತ್ತಕ್ಕೆ ವಿಕೆಟ್​ ಒಪ್ಪಿಸಿ ನಿರಾಸೆ ಮೂಡಿಸಿದರು.

ನೇಥನ್ ಕೌಲ್ಟರ್ ನೈಲ್ 14ಕ್ಕೆ4, ಜಿಮ್ಮಿ ನೀಶಮ್​ 12ಕ್ಕೆ 3 ಮತ್ತು ಬುಮ್ರಾ 14ಕ್ಕೆ 2 ವಿಕೆಟ್​ ಪಡೆದು ರಾಜಸ್ಥಾನ್​ಗೆ ಆರಂಭದಿಂದ ಅಂತ್ಯದವರೆಗೆ ಚೇತರಿಸಿಕೊಳ್ಳಲಾಗದಂತೆ ಮಾಡಿದರು ಜೊತೆ 100ರ ಗಡಿದಾಟದಂತೆ ತಡೆಯುವಲ್ಲಿ ಸಫಲರಾದರು.

ಈ ಗೆಲುವಿನ ಬಳಿಕ ಮುಂಬೈ 12 ಅಂಕದೊಡನೆ 5ನೇ ಸ್ಥಾನಕ್ಕೆ ಲಗ್ಗೆಯಿಟ್ಟಿದೆ. ಕೋಲ್ಕತ್ತಾ ನೈಟ್​ ರೈಡರ್ಸ್​ ತಂಡ ಕೂಡ 12 ಅಂಕಪಡೆದಿದ್ದರೂ ರನ್​ರೇಟ್ ಆಧಾರದಲ್ಲಿ ಮುಂಬೈಗಿಂತ ಉತ್ತಮವಾಗಿರುವುದರಿಂದ ನಾಲ್ಕನೇ ಸ್ಥಾನ ಪಡೆದುಕೊಂಡಿದೆ. ಎರಡೂ ತಂಡಕ್ಕೂ ಇನ್ನೊಂದು ಪಂದ್ಯ ಬಾಕಿ ಉಳಿದಿದ್ದು , ಗೆದ್ದ ತಂಡ ಪ್ಲೇ ಆಫ್​ಗೆ ತೆರಳಲಿದೆ. ಸೋತ ತಂಡ ಅಭಿಯಾನ ಅಂತ್ಯಗೊಳಿಸಲಿದೆ.

ಗುರುವಾರ ಕೆಕೆಆರ್ ತನ್ನ ಕೊನೆಯ ಪಂದ್ಯದಲ್ಲಿ​ ರಾಜಸ್ಥಾನದ ವಿರುದ್ಧ ಮತ್ತು ಶುಕ್ರವಾರ ಮುಂಬೈ ಇಂಡಿಯನ್ಸ್ ತನ್ನ ನಿರ್ಣಾಯಕ ಪಂದ್ಯದಲ್ಲಿ​ ಸನ್​ರೈಸರ್ಸ್​ ಹೈದರಾಬಾದ್​ ವಿರುದ್ಧ ಸೆಣಸಾಡಲಿದೆ. ಒಂದು ವೇಳೆ ಕೆಕೆಆರ್​ ಗೆದ್ದರೆ, ಮುಂಬೈ ಇಂದಿನ ಪಂದ್ಯ ಗೆದ್ದಂತೆಯೇ ದೊಡ್ಡ ಜಯವನ್ನೇ ಸಾಧಿಸಬೇಕಾಗಿದೆ.

ಇದನ್ನು ಓದಿ: ಪಾಂಡ್ಯ ಬೌಲಿಂಗ್ ಮಾಡದಿರುವುದು ಮುಂಬೈಗಷ್ಟೇ ಅಲ್ಲ, ಭಾರತಕ್ಕೂ ದೊಡ್ಡ ನಷ್ಟ: ಗವಾಸ್ಕರ್