ODI ಕ್ರಿಕೆಟ್​ನಲ್ಲಿ ಇತಿಹಾಸ ಬರೆದ ಐರ್ಲೆಂಡ್​... ಬಲಿಷ್ಠ ದಕ್ಷಿಣ ಆಫ್ರಿಕಾ ವಿರುದ್ಧ ಚೊಚ್ಚಲ ಜಯ

ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್​​ ಇತಿಹಾಸದಲ್ಲಿ ಮೊಟ್ಟ ಮೊದಲ ಬಾರಿಗೆ ದಕ್ಷಿಣ ಆಫ್ರಿಕಾ ವಿರುದ್ಧ ಗೆಲುವು ದಾಖಲು ಮಾಡಿರುವ ಐರ್ಲೆಂಡ್ ತಂಡ ಹೊಸದೊಂದು ದಾಖಲೆ ನಿರ್ಮಿಸಿದೆ.

ಡಬ್ಲಿನ್: ಬಲಿಷ್ಠ ಬೌಲಿಂಗ್ ದಾಳಿಯನ್ನು ಹೊಂದಿರುವ ದಕ್ಷಿಣ ಅಫ್ರಿಕಾ ತಂಡ ಐರ್ಲೆಂಡ್ ವಿರುದ್ಧ ಏಕದಿನ ಸರಣಿಯ 2ನೇ ಪಂದ್ಯದಲ್ಲಿ ಸೋಲು ಕಾಣುವ ಮೂಲಕ ಮುಖಭಂಗ ಅನುಭವಿಸಿದೆ. ಈ ಗೆಲುವಿನೊಂದಿಗೆ ಕ್ರಿಕೆಟ್​ ಶಿಶು ಐರ್ಲೆಂಡ್​ ಏಕದಿನ ಕ್ರಿಕೆಟ್​ ಇತಿಹಾಸದಲ್ಲಿ ಹರಿಣಗಳ ವಿರುದ್ಧ ಚೊಚ್ಚಲ ಗೆಲುವು ದಾಖಲು ಮಾಡಿದೆ. ಜತೆಗೆ ಮೂರು ಏಕದಿನ ಪಂದ್ಯಗಳ ಸರಣಿಯಲ್ಲಿ 1-0 ಅಂತರದ ಮುನ್ನಡೆ ಪಡೆದುಕೊಂಡಿದೆ.

• Ireland win the 2nd ODI in Malahide 👏
  
  Andy Balbirnie earns the player of the match award after his seventh ODI century, setting up the hosts first-ever victory over South Africa.
  
  📸: @cricketireland#IREvSA | https://t.co/tfI7lliJ6g pic.twitter.com/FROUipHwU1

  — ICC (@ICC) July 13, 2021 " class="align-text-top noRightClick twitterSection" data="

  Ireland win the 2nd ODI in Malahide 👏
  
  Andy Balbirnie earns the player of the match award after his seventh ODI century, setting up the hosts first-ever victory over South Africa.
  
  📸: @cricketireland#IREvSA | https://t.co/tfI7lliJ6g pic.twitter.com/FROUipHwU1

  — ICC (@ICC) July 13, 2021

  ">

  Ireland win the 2nd ODI in Malahide 👏
  
  Andy Balbirnie earns the player of the match award after his seventh ODI century, setting up the hosts first-ever victory over South Africa.
  
  📸: @cricketireland#IREvSA | https://t.co/tfI7lliJ6g pic.twitter.com/FROUipHwU1

  — ICC (@ICC) July 13, 2021

ಡಬ್ಲಿನ್​ನಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಅತಿಥೇಯ ಐರ್ಲೆಂಡ್​​ ತಂಡ ನಿಗದಿತ 50 ಓವರ್​ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 290 ರನ್​ಗಳಿಸಿತ್ತು. ನಾಯಕ ಆ್ಯಂಡಿ ಬಾಲ್ಬಿರ್ನಿ 177 ಎಸೆತಗಳಲ್ಲಿ 10 ಬೌಂಡರಿ ಮತ್ತು 2 ಸಿಕ್ಸರ್​ ಸಹಿತ 102 ರನ್​ಗಳಿಸಿದರೆ, ಆ್ಯಂಡಿ ಮೆಕ್​ಬ್ರೈನ್ 30, ಹ್ಯಾರಿ ಟೆಕ್ಟರ್​ 68 ಎಸೆತಗಳಲ್ಲಿ 6 ಬೌಂಡರಿ ಮತ್ತು 4 ಸಿಕರ್ಸ್​ಗಳ ಸಹಿತ 79 , ಡಾಕ್ರೆಲ್ 23 ಎಸೆತಗಳಲ್ಲಿ 5 ಬೌಂಡರಿ ಹಾಗೂ 2 ಸಿಕ್ಸರ್​ಗಳ ಸಹಿತ 45 ರನ್​ಗಳಿಸಿ ಸ್ಪರ್ಧಾತ್ಮಕ ಮೊತ್ತಕ್ಕೆ ಕಾರಣರಾಗಿದ್ದರು.

ದಕ್ಷಿಣ ಆಫ್ರಿಕಾ ಪರ ಪೆಹ್ಲುಕ್ವಾಯೋ 73ಕ್ಕೆ 2, ರಬಾಡ 58ಕ್ಕೆ1, ಕೇಶವ್ ಮಹಾರಾಜ್ 50ಕ್ಕೆ1, ಶಂಸಿ 42ಕ್ಕೆ 1 ವಿಕೆಟ್ ಪಡೆದಿದ್ದರು.

291 ರನ್​ಗಳ ಸ್ಪರ್ಧಾತ್ಮಕ ಗುರಿ ಬೆನ್ನತ್ತಿದ್ದ ಪ್ರವಾಸಿ ದ.ಆಫ್ರಿಕಾ ತಂಡ 48.3 ಓವರ್​ಗಳಲ್ಲಿ 247ರನ್​ಗಳಿಕೆ ಮಾಡಿ ಆಲೌಟ್ ಆಗುವ ಮೂಲಕ 43 ರನ್​ಗಳ ಸೋಲು ಕಂಡಿತು. ಆರಂಭಿಕ ಬ್ಯಾಟ್ಸ್​ಮನ್ ಜನ್ನೆಮನ್ ಮಲನ್ 96 ಎಸೆತಗಳಲ್ಲಿ 7 ಬೌಂಡರಿ ಮತ್ತು 4 ಸಿಕ್ಸರ್​ಗಳ ಸಹಿತ 84 ರನ್​ಗಳಿಸಿದರೆ, ವಾನ್ ಡರ್ ಡಾಸೆನ್​ 49 ರನ್​ಗಳಿಸಿ ಐರ್ಲೆಂಡ್​ ಬೌಲಿಂಗ್ ದಾಳಿಯನ್ನು ಸಮರ್ಥವಾಗಿ ಎದುರಿಸಿದರು. ಆದರೆ ತಂಡವನ್ನ ಗೆಲುವಿನ ದಡ ಸೇರಿಸಲು ಸಾಧ್ಯವಾಗಲಿಲ್ಲ.

ಇವರಿಬ್ಬರ ವಿಕೆಟ್ ಪತನದ ನಂತರ ನಿರಂತರ ವಿಕೆಟ್ ಕಳೆದುಕೊಂಡಿತು. ನಾಯಕ ಬವುಮ 10, ಮಾರ್ಕ್ರಮ್​ 5, ವೀರಯಾನ್ನೆ 13, ಕೈಲ್ ವೆರೆನ್ನೆ 13 , ಮಿಲ್ಲರ್​ 24, ಪೆಹ್ಲುಕ್ವಾಯೋ 2, ಕೇಶವ್ ಮಹಾರಾಜ್ 17, ರಬಾಡ 16 ಎನ್ರಿಚ್ ನೋಕಿಯಾ 10 ರನ್​ಗಳಿಸಿ ವಿಕೆಟ್ ಒಪ್ಪಿಸಿದರು.

ಐರ್ಲೆಂಡ್​ ಪರ ಮಾರ್ಕ್​ ಆದೀರ್,ಜೋಶುವಾ ಲಿಟಲ್, ಆಂಡಿ ಮೆಕ್‌ಬ್ರೈನ್ ತಲಾ 2 ವಿಕೆಟ್​ ಪಡೆದುಕೊಂಡರೆ, ಜಾರ್ಜ್​, ಸಿಮಿ ಸಿಂಗ್​ ಹಾಗೂ ಯುಂಗ್ ತಲಾ 1 ವಿಕೆಟ್​ ಪಡೆದುಕೊಂಡರು. ಮೊದಲ ಏಕದಿನ ಪಂದ್ಯ ಮಳೆಯ ಕಾರಣ ರದ್ಧುಗೊಂಡಿತ್ತು.