16 ಬೌಂಡರಿ, 8 ಸಿಕ್ಸರ್‌! 1000ನೇ ಐಪಿಎಲ್‌ ಪಂದ್ಯದಲ್ಲಿ ಚೊಚ್ಚಲ ಶತಕ ಸಿಡಿಸಿ ಸಂಭ್ರಮಿಸಿದ ಯಶಸ್ವಿ ಜೈಸ್ವಾಲ್!

ಇಂಡಿಯನ್​ ಪ್ರೀಮಿಯರ್​ ಲೀಗ್​ನ 16ನೇ ಆವೃತ್ತಿಯ ಮೂರನೇ ಶತಕವನ್ನು ಇಂದು ಯಶಸ್ವಿ ಜೈಸ್ವಾಲ್​ ದಾಖಲಿಸಿದ್ದಾರೆ.

ಮುಂಬೈ (ಮಹಾರಾಷ್ಟ್ರ): ರಾಜಸ್ಥಾನ ರಾಯಲ್ಸ್​ ಯುವ ಪ್ರತಿಭೆ ಯಶಸ್ವಿ ಜೈಸ್ವಾಲ್ ಈ ವರ್ಷ ಭರ್ಜರಿ ಫಾರ್ಮ್​ನಲ್ಲಿದ್ದಾರೆ. ಮುಂಬೈ ವಿರುದ್ಧ ಇಂದು ನಡೆದ ಪಂದ್ಯದಲ್ಲಿ ಅವರು ಐಪಿಎಲ್‌ನ ಚೊಚ್ಚಲ ಶತಕ ದಾಖಲಿಸಿದರು. 2023ರ ಆವೃತ್ತಿಯಲ್ಲಿ ಇದು 3ನೇ ಶತಕವಾಗಿದೆ. ಹ್ಯಾರಿ ಬ್ರೂಕ್​ ಈ ಆವೃತ್ತಿಯಲ್ಲಿ ಮೊದಲ ಶತಕ ಸಿಡಿಸಿದರೆ, ವೆಂಕಟೇಶ್​ ಅಯ್ಯರ್​ ಎರಡನೇ ಶತಕದಾಟವಾಡಿದ್ದರು.

ಮುಂಬೈ ಇಂಡಿಯನ್ಸ್​ ವಿರುದ್ಧದ ಪಂದ್ಯದಲ್ಲಿ 53 ಎಸೆತ​ಗಳನ್ನು ಎದುರಿಸಿದ ಜೈಸ್ವಾಲ್ 13 ಬೌಂಡರಿ ಮತ್ತ 8 ಸಿಕ್ಸ್​ನಿಂದ 100 ರನ್​ ಗಳಿಸಿದರು. ಈ ಮೂಲಕ ರಾಜಸ್ಥಾನ ತಂಡದಲ್ಲಿ ಏಕಾಂಗಿ ಪ್ರದರ್ಶನ ನೀಡಿದರು. ಶತಕದ ನಂತರ ತಮ್ಮ ತಮ್ಮ ಬ್ಯಾಟಿಂಗ್​ ವೇಗ ಹೆಚ್ಚಿಸಿದ ಜೈಸ್ವಾಲ್​ ಮತ್ತೆ 3 ಬೌಂಡರಿ ಮತ್ತು 2 ಸಿಕ್ಸ್​ ಸೇರಿಸಿ 124 ರನ್​ ಕಲೆ ಹಾಕಿದರು. 19.4ನೇ ಬಾಲ್​ನಲ್ಲಿ ಬೌಂಡರಿ ಗೆರೆಯಲ್ಲಿ ಕ್ಯಾಚಿತ್ತರು.

• 𝐇𝐔𝐍𝐃𝐑𝐄𝐃!
  
  A magnificent century by @ybj_19 off just 53 balls!
  
  A scintillating knock from the @rajasthanroyals opener 👏🏻👏🏻
  
  #IPL1000 | #TATAIPL | #MIvRR pic.twitter.com/IWkKMLf79R

  — IndianPremierLeague (@IPL) April 30, 2023 " class="align-text-top noRightClick twitterSection" data="

  𝐇𝐔𝐍𝐃𝐑𝐄𝐃!
  
  A magnificent century by @ybj_19 off just 53 balls!
  
  A scintillating knock from the @rajasthanroyals opener 👏🏻👏🏻
  
  #IPL1000 | #TATAIPL | #MIvRR pic.twitter.com/IWkKMLf79R

  — IndianPremierLeague (@IPL) April 30, 2023

  ">

  𝐇𝐔𝐍𝐃𝐑𝐄𝐃!
  
  A magnificent century by @ybj_19 off just 53 balls!
  
  A scintillating knock from the @rajasthanroyals opener 👏🏻👏🏻
  
  #IPL1000 | #TATAIPL | #MIvRR pic.twitter.com/IWkKMLf79R

  — IndianPremierLeague (@IPL) April 30, 2023

ಭಾರತದ 19 ವರ್ಷದೊಳಗಿನವರ ವಿಶ್ವಕಪ್ 2020ರಲ್ಲಿ 400 ರನ್ ಗಳಿಸಿದ್ದ ಜೈಸ್ವಾಲ್ 17 ನೇ ವಯಸ್ಸಿನಲ್ಲಿ ಲಿಸ್ಟ್ ಎ ದ್ವಿಶತಕ ಗಳಿಸಿದ ಕಿರಿಯ ಭಾರತೀಯ ಎಂಬ ದಾಖಲೆ ಬರೆದಿದ್ದರು. ಯಶಸ್ವಿ ಜೈಸ್ವಾಲ್ ಅವರನ್ನು ರಾಜಸ್ಥಾನ ರಾಯಲ್ಸ್ ಐಪಿಎಲ್ 2020 ರಲ್ಲಿ 2.40 ಕೋಟಿ ರೂ.ಗೆ ಖರೀದಿಸಿತ್ತು.

ಐಪಿಎಲ್​ನಲ್ಲಿ ಶತಕ ಗಳಿಸಿದ 4ನೇ ಕಿರಿಯ ಆಟಗಾರ: ಶತಕ ಗಳಿಸಿದ ಜೈಸ್ವಾಲ್​ ಅವರಿಗೆ​ 21 ವರ್ಷ 123 ದಿನಗಳಾಗಿದೆ. ಇವರು ಇಂಡಿಯನ್​ ಪ್ರೀಮಿಯರ್​ ಲೀಗ್​ನಲ್ಲಿ ಶತಕ ಗಳಿಸಿದ ಅತಿ ಕಿರಿಯ ಆಟಗಾರರಲ್ಲಿ ನಾಲ್ಕನೆಯವರು. 19 ವರ್ಷ 253 ದಿನದಲ್ಲಿ ಮನೀಶ್​ ಪಾಂಡೆ, 20 ವರ್ಷ 218 ದಿನಗಳಲ್ಲಿ ರಿಷಬ್​ ಪಂತ್​ ಮತ್ತು 20 ವರ್ಷ 289 ದಿನಗಳಲ್ಲಿ ದೇವದತ್​ ಪಡಿಕ್ಕಲ್​ ಈ ಸಾಧನೆ ಮಾಡಿದ್ದಾರೆ.

124 ರನ್​ ಗಳಸಿದ ಯಶಸ್ವಿ ಅಂತಾರಾಷ್ಟ್ರೀಯ ತಂಡಕ್ಕೆ ಪಾದಾರ್ಪಣೆ ಮಾಡದೇ ಅತಿ ಹೆಚ್ಚು ರನ್​ಗಳಿಸಿದವರಾಗಿದ್ದಾರೆ. ಇದರ ಜೊತೆಗೆ ರಾಜಸ್ಥಾನ ರಾಯಲ್ಸ್​ನ ಅತಿ ಹೆಚ್ಚು ರನ್​ ಗಳಿಸಿದ ಬ್ಯಾಟರ್​ಗಳಲ್ಲಿ ಬಟ್ಲರ್​ ಅವರನ್ನು ಸರಿಗಟ್ಟಿದ್ದಾರೆ. ಬಟ್ಲರ್​ 2021 ರಲ್ಲಿ ಡೆಲ್ಲಿ ವಿರುದ್ಧ 124 ರನ್​ ಗಳಿಸಿದ್ದರು.

ಕಳೆದ ನಾಲ್ಕು ಪಂದ್ಯಗಳಲ್ಲಿ ಉತ್ತಮ ಪ್ರದರ್ಶನ ಜೈಸ್ವಾಲ್​ ಉತ್ತಮ ಪ್ರದರ್ಶನ ನೀಡುತ್ತಾ ಬಂದಿದ್ದಾರೆ. ಲಕ್ನೋ ವಿರುದ್ಧ ಜೈಪುರದಲ್ಲಿ 44 (35), ಆರ್​ಸಿಬಿ ವಿರುದ್ಧ 47 (37), ಚೆನ್ನೈ ಎದುರು 77 (43) ಮತ್ತು ಇಂದಿನ ಪಂದ್ಯದಲ್ಲಿ 124 (62) ರನ್​ ಗಳಿಸಿದ್ದಾರೆ.

ಈ ಆವೃತ್ತಿಯಲ್ಲಿ ಜೈಸ್ವಾಲ್...​: 16ನೇ ಆವೃತ್ತಿಯ ಐಪಿಎಲ್​ನಲ್ಲಿ 9 ಪಂದ್ಯಗಳನ್ನು ಆಡಿರುವ ಜೈಸ್ವಾಲ್​ 428 ರನ್​ ಗಳಿಸಿದ್ದಾರೆ. ಈ ಮೂಲಕ ಕಿತ್ತಳೆ ಕ್ಯಾಪ್ ಗೌರವ ಪಡೆದುಕೊಂಡಿದ್ದಾರೆ. ಇವರ ಆಟದಲ್ಲಿ 1 ಶತಕ 3 ಅರ್ಧಶತಕ ಸೇರಿದ್ದು, 47.56 ರ ಸರಾಸರಿಯಲ್ಲಿ ರನ್​ ಗಳಿಸುತ್ತಿದ್ದಾರೆ. ಆರೆಂಜ್​ ಕ್ಯಾಪ್​ ರೇಸ್​ನಲ್ಲಿ 422 ರನ್​ ಗಳಿಸಿದ ಡು ಪ್ಲೆಸಿಸ್​ ಎರಡನೇ ಸ್ಥಾನದಲ್ಲಿದ್ದರೆ, ಕಾನ್ವೆ (414) ಮತ್ತು ಗಾಯಕ್ವಾಡ್ (354)​ ಕ್ರಮವಾಗಿ ಮೂರು ಹಾಗೂ ನಾಲ್ಕನೇ ಸ್ಥಾನದಲ್ಲಿದ್ದಾರೆ.

ಇದನ್ನೂ ಓದಿ: ಬ್ಯಾಡ್ಮಿಂಟನ್ ಏಷ್ಯಾ ಚಾಂಪಿಯನ್‌ಶಿಪ್: ರಂಕಿರೆಡ್ಡಿ-ಚಿರಾಗ್ ಜೋಡಿಗೆ ಐತಿಹಾಸಿಕ ಚಿನ್ನ