ಟಾಸ್​ ಗೆದ್ದ ಹೈದರಾಬಾದ್​ ಸನ್​ರೈಸರ್ಸ್​ ಫೀಲ್ಡಿಂಗ್ ಆಯ್ಕೆ.. ಕಮಾಲ್​ ಮಾಡ್ತಾರಾ ಧೋನಿ?

ಇಂದಿನ ಎರಡನೇ ಪಂದ್ಯದಲ್ಲಿ ಸಿಎಸ್​ಕೆ-ಹೈದರಾಬಾದ್​ ಸನ್​ರೈಸರ್ಸ್​ ತಂಡಗಳು ಮುಖಾಮುಖಿಯಾಗಲಿದ್ದು, ಟಾಸ್​ ಗೆದ್ದಿರುವ ಸನ್​ರೈಸರ್ಸ್​ ಫೀಲ್ಡಿಂಗ್​ ಆಯ್ದುಕೊಂಡಿದೆ.

ಮುಂಬೈ: ಬಲಿಷ್ಠ ಬೌಲಿಂಗ್​ ಪಡೆಯನ್ನು ಹೊಂದಿರುವ ಸನ್​ರೈಸರ್ಸ್​ ಹೈದರಾಬಾದ್​ ತಂಡ ಇಂದು ನಡೆಯುವ ಚೆನ್ನೈ ವಿರುದ್ಧದ ಪಂದ್ಯದಲ್ಲಿ ಟಾಸ್​ ಗೆದ್ದು ಕ್ಷೇತ್ರ ರಕ್ಷಣೆಯನ್ನು ಆರಿಸಿಕೊಂಡಿದೆ. ಉಮ್ರಾನ್​ ಮಲಿಕ್​, ಭುವನೇಶ್ವರ್​ ಕುಮಾರ್​, ಟಿ. ನಟರಾಜನ್​, ಮಾರ್ಕೊ ಜಾನ್ಸನ್​ರಂತಹ ಬೌಲಿಂಗ್​ ಪಡೆಯೇ ಹೈದರಾಬಾದ್​ನ ಬಲವಾಗಿದೆ. ಗುಜರಾತ್​ ಟೈಟಾನ್ಸ್​ ವಿರುದ್ಧದ ಕಳೆದ ಪಂದ್ಯದಲ್ಲಿ ಸೋಲು ಕಂಡರೂ ಭರ್ಜರಿ ಪೈಪೋಟಿ ನೀಡಿತ್ತು.

• A look at the Playing XI for #SRHvCSK
  
  Live - https://t.co/lXkEMWKc0U #TATAIPL https://t.co/Jla6JtuPDp pic.twitter.com/z0y4rhUAmi

  — IndianPremierLeague (@IPL) May 1, 2022 " class="align-text-top noRightClick twitterSection" data="

  A look at the Playing XI for #SRHvCSK
  
  Live - https://t.co/lXkEMWKc0U #TATAIPL https://t.co/Jla6JtuPDp pic.twitter.com/z0y4rhUAmi

  — IndianPremierLeague (@IPL) May 1, 2022

  ">

  A look at the Playing XI for #SRHvCSK
  
  Live - https://t.co/lXkEMWKc0U #TATAIPL https://t.co/Jla6JtuPDp pic.twitter.com/z0y4rhUAmi

  — IndianPremierLeague (@IPL) May 1, 2022

ಆಡಿರುವ 8 ಪಂದ್ಯಗಳಲ್ಲಿ ಸತತವಾಗಿ 5 ರಲ್ಲಿ ಗೆಲುವು ಕಂಡಿದ್ದ ಹೈದರಾಬಾದ್​ನ ಗೆಲುವಿನ ಓಟಕ್ಕೆ ಗುಜರಾತ್​ ಟೈಟಾನ್ಸ್​ ಬ್ರೇಕ್​ ಹಾಕಿತ್ತು. ಈ ಐಪಿಎಲ್​ ಸೀಸನ್​ನಲ್ಲಿ ಹಾಲಿ ಚಾಂಪಿಯನ್​ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡ ಅಷ್ಟೇನೂ ಉತ್ತಮ ಪ್ರದರ್ಶನ ನೀಡಿಲ್ಲ. ಇಂದಿನ ಪಂದ್ಯದಲ್ಲಿ ಹೈದರಾಬಾದ್​ ಗೆಲ್ಲುವ ನೆಚ್ಚಿನ ತಂಡವಾಗಿದೆ.

ಕ್ಯಾಪ್ಟನ್ಸಿಗೆ ಮರಳಿದ ಧೋನಿ: ಇನ್ನು 4 ಬಾರಿಯ ಚಾಂಪಿಯನ್​ ತಂಡವಾಗಿರುವ ಸಿಎಸ್​ಕೆ ಈ ಅವತರಣಿಕೆಯಲ್ಲಿ ಕಳಪೆ ಸಾಧನೆ ಮಾಡಿದೆ. ಲೀಗ್​ ಆರಂಭಕ್ಕೂ ಮುನ್ನ ಯಶಸ್ವಿ ಕ್ಯಾಪ್ಟನ್​ ಆಗಿದ್ದ ಮಹೇಂದ್ರ ಸಿಂಗ್​ ಧೋನಿ, ಆಲ್​ರೌಂಡರ್​ ರವೀಂದ್ರ ಜಡೇಜಾಗೆ ನಾಯಕತ್ವ ಬಿಟ್ಟು ಕೊಟ್ಟಿದ್ದರು. ಆದರೆ, ಇದು ಫಲ ನೀಡಲಿಲ್ಲ.

ಸತತ ಸೋಲಿನ ಬಳಿಕ ರವೀಂದ್ರ ಜಡೇಜಾ ನಾಯಕತ್ವವನ್ನು ತ್ಯಜಿಸಿದ್ದಾರೆ. ಸಿಎಸ್​ಕೆ ತಂಡದ ಜವಾಬ್ದಾರಿ ಮತ್ತೆ ಧೋನಿ ಹೆಗಲಿಗೇ ಬಿದ್ದಿದೆ. ಉಳಿದ ಪಂದ್ಯಗಳಲ್ಲಿ ಧೋನಿ ತಂಡವನ್ನು ಮುನ್ನಡೆಸಿ ಪ್ಲೇ ಆಫ್​ಗೆ ಕೊಂಡೊಯ್ಯಲಿದ್ದಾರಾ ಎಂಬುದು ಅಭಿಮಾನಿಗಳ ನಿರೀಕ್ಷೆಯಾಗಿದೆ.

ಇತ್ತಂಡಗಳ ಮಾಹಿತಿ: ಸಿಎಸ್​ಕೆ: ಋತುರಾಜ್​ ಗಾಯಕ್ವಾಡ್​, ಡೆವೋನ್ ಕಾನ್ವಾಯ್​, ರಾಬಿನ್​ ಉತ್ತಪ್ಪ, ಅಂಬಟಿ ರಾಯುಡು, ಮಹೇಂದ್ರ ಸಿಂಗ್​ ಧೋನಿ, ರವೀಂದ್ರ ಜಡೇಜಾ, ಮಿಚೆಲ್​ ಸ್ಯಾಂಟ್ನರ್​, ಡ್ವೇನ್​ ಪ್ರಿಟೋರಿಯಸ್​, ಸಿಮ್ರಾಜಿತ್​ ಸಿಂಗ್​, ಮಹೇಶ್​ ತೀಕ್ಷಣ, ಮುಖೇಶ್​ ಚೌಧರಿ.

ಹೈದರಾಬಾದ್​: ಕೇನ್ ವಿಲಿಯಮ್ಸನ್​, ಅಭಿಷೇಕ್​ ಶರ್ಮಾ, ರಾಹುಲ್​ ತ್ರಿಪಾಠಿ, ಐಡನ್​ ಮಾಕ್ರಮ್​, ನಿಕೋಲಸ್​ ಪೂರನ್​, ಶಶಾಂಕ್​ ಸಿಂಗ್​, ವಾಷಿಂಗ್ಟನ್​ ಸುಂದರ್, ಭುವನೇಶ್ವರ್ ಕುಮಾರ್​, ಮಾರ್ಕೊ ಜಾನ್ಸನ್​, ಉಮ್ರಾನ್​ ಮಲಿಕ್​, ಟಿ. ನಟರಾಜನ್​.

ಓದಿ: IPL: ವಿರಾಟ್‌ ಫಿಫ್ಟಿಗೆ ಅನುಷ್ಕಾ ರಿಯಾಕ್ಷನ್​, ಶಮಿ ಶಹಬ್ಬಾಸ್‌ಗಿರಿ ಹೇಗಿತ್ತು ನೋಡಿ...