ಜೈಪುರ : ಇಂಡಿಯನ್ ಪ್ರೀಮಿಯರ್ ಲೀಗ್ 2023ರ ಟೂರ್ನಿಯಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಭಾನುವಾರ ರಾತ್ರಿ ನಡೆದ ಪಂದ್ಯದಲ್ಲಿ ಸನ್ರೈಸರ್ಸ್ ಹೈದರಾಬಾದ್ ನಾಲ್ಕು ವಿಕೆಟ್ಗಳ ರೋಚಕ ಜಯ ಗಳಿಸಿತು. ಜೈಪುರದ ಸವಾಯಿ ಮಾನ್ಸಿಂಗ್ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿದ ಸಂಜು ಸ್ಯಾಮ್ಸನ್ ನೇತೃತ್ವದ ಬಳಗ ನಿಗದಿತ 20 ಓವರ್ಗಳಲ್ಲಿ 2 ವಿಕೆಟ್ ನಷ್ಟಕ್ಕೆ 214 ರನ್ ಕಲೆ ಹಾಕಿ ಹೈದರಾಬಾದ್ಗೆ 215 ರನ್ಗಳ ಬೃಹತ್ ಗುರಿ ನೀಡಿತು.
ರಾಜಸ್ಥಾನದ ಪರ ಆರಂಭಿಕ ಬ್ಯಾಟರ್ ಜೋಸ್ ಬಟ್ಲರ್(95), ಸಂಜು ಸ್ಯಾಮ್ಸನ್ (66 ಅಜೇಯ) ಉತ್ತಮ ಪ್ರದರ್ಶನ ತೋರಿ ತಂಡದ ಸ್ಕೋರ್ ಹೆಚ್ಚಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಸವಾಲಿನ ಗುರಿ ಬೆನ್ನಟ್ಟಿದ ಹೈದರಾಬಾದ್ ಕೊನೆಯ ಎಸೆತದವರೆಗೂ ಹೋರಾಡಿ 20 ಓವರ್ಗಳಲ್ಲಿ 6 ವಿಕೆಟ್ಗೆ 217 ರನ್ ಗಳಿಸಿ 4 ವಿಕೆಟ್ಗಳ ರೋಚಕ ಗೆಲುವು ಪಡೆಯಿತು. ಇನ್ನಿಂಗ್ಸ್ನ ಕೊನೆಯ ಎಸೆತದಲ್ಲಿ ಹೈದರಾಬಾದ್ಗೆ 5 ರನ್ ಅಗತ್ಯವಿತ್ತು. ಈ ಸಂದರ್ಭದಲ್ಲಿ ಸಂದೀಪ್ ಶರ್ಮಾ ಎಸೆದ ನೋಬಾಲ್ ಸನ್ರೈಸರ್ಸ್ಗೆ ವರದಾನವಾಯಿತು. ಕೊನೆಯ ಓವರ್ನಲ್ಲಿ ತಂಡಕ್ಕೆ ಒಟ್ಟು 17 ರನ್ಗಳ ಅವಶ್ಯಕತೆ ಇತ್ತು. ಅಬ್ದುಲ್ ಸಮದ್ ಬೌಂಡರಿಗಳನ್ನು ದಾಖಲಿಸುವ ಮೂಲಕ ತಂಡಕ್ಕೆ ಗೆಲುವು ತಂದು ಕೊಟ್ಟರು.
ಇದನ್ನೂ ಓದಿ: GT vs LSG: ಲಕ್ನೋ ವಿರುದ್ಧ ಗೆದ್ದು ಪ್ಲೇ ಆಫ್ ಸನಿಹ ತಲುಪಿದ ಗುಜರಾತ್
ಸ್ಕೋರ್ ವಿವರ, ರಾಜಸ್ಥಾನ : ಯಶಸ್ವಿ ಜೈಸ್ವಾಲ್ (35 ರನ್ 18 ಎಸೆತ), ಜೋಸ್ ಬಟ್ಲರ್ (95 ರನ್ 59 ಎಸೆತ), ಸಂಜು ಸ್ಯಾಮ್ಸನ್ (66 ರನ್ 38 ಎಸೆತ) ಹೆಟ್ಮೇಯರ್ (7).
ಬೌಲಿಂಗ್: ಭುವನೇಶ್ವರ್ ಕುಮಾರ್, ಮಾರ್ಕೋ ಜಾನ್ಸೆನ್ ತಲಾ ಒಂದು ವಿಕೆಟ್.
ಹೈದರಾಬಾದ್ : ಅನ್ಮೋಲ್ಪ್ರೀತ್ ಸಿಂಗ್ (33 ರನ್ 25 ಎಸೆತೆ), ಅಭಿಶೇಕ್ ಶರ್ಮಾ (55 ರನ್ 34 ಎಸೆತ), ರಾಹುಲ್ ತ್ರಿಪಾಠಿ (47 ರನ್ 29 ಎಸೆತ), ಹೆನ್ರಿಚ್ ಕ್ಲಾಸೆನ್ (26ರನ್ 12 ಎಸೆತ), ಗ್ಲೇನ್ ಫಿಲಿಪ್ಸ್ (25 ರನ್ 7 ಎಸೆತ), ಅಬ್ದುಲ್ ಸಮದ್ ( 17 ರನ್ 7 ಎಸೆತ), ಐಡೆನ್ ಮಾಕ್ರಮ್ (6), ಮಾರ್ಕೋ ಜಾನ್ಸೆನ್ (3).
ಬೌಲಿಂಗ್: ಯಜುವೇಂದ್ರ ಚಹಾಲ್ (4), ಆರ್.ಅಶ್ವೀನ್, ಕುಲ್ದೀಪ್ ಯಾದವ್ ತಲಾ ಒಂದು ವಿಕೆಟ್.
10 ಪಂದ್ಯಗಳನ್ನು ಆಡಿರುವ ಹೈದರಾಬಾದ್ 4 ರಲ್ಲಿ ಗೆಲುವು ದಾಖಲಿಸಿ, 6ರಲ್ಲಿ ಸೋಲು ಕಂಡಿದೆ. ಅಂಕ ಪಟ್ಟಿಯಲ್ಲಿ 9ನೇ ಸ್ಥಾನದಲ್ಲಿದೆ. 11 ಪಂದ್ಯಗಳನ್ನು ಆಡಿರುವ ರಾಜಸ್ಥಾನ್ ರಾಯಲ್ಸ್ 5 ರಲ್ಲಿ ಗೆದ್ದು, 6 ಪಂದ್ಯಗಳನ್ನು ಸೋತಿದೆ. ಅಂಕಪಟ್ಟಿಯಲ್ಲಿ 4ನೇ ಸ್ಥಾನದಲ್ಲಿದೆ.
ಇದನ್ನೂ ಓದಿ: ಏಷ್ಯನ್ ವೇಟ್‌ಲಿಫ್ಟಿಂಗ್ ಚಾಂಪಿಯನ್‌ಶಿಪ್: ಜೆರೆಮಿ ಲಾಲ್ರಿನ್ನುಂಗಾಗೆ ಸ್ನ್ಯಾಚ್‌ ವಿಭಾಗದಲ್ಲಿ ಬೆಳ್ಳಿ
