ಐಪಿಎಲ್​ನಲ್ಲಿ ರೋಹಿತ್​ ಶರ್ಮಾ ಹೊಸ ಮೈಲಿಗಲ್ಲು: 6 ಸಾವಿರ ರನ್​ ಗಳಿಸಿದ 4ನೇ ಬ್ಯಾಟರ್​

ಐಪಿಎಲ್​ನಲ್ಲಿ 6000 ರನ್​ ಗಡಿ ದಾಟುವ ಮೂಲಕ ಅತಿಹೆಚ್ಚು ರನ್​ ಬಾರಿಸಿದ ಆಟಗಾರರ ಪಟ್ಟಿಯಲ್ಲಿ ರೋಹಿತ್​ ಶರ್ಮಾ ನಾಲ್ಕನೇ ಸ್ಥಾನ ಪಡೆದರು. ಇದಕ್ಕೂ ಮೊದಲು ವಿರಾಟ್​, ಧವನ್​, ವಾರ್ನರ್​ ಇದ್ದಾರೆ.

ಹೈದರಾಬಾದ್ (ತೆಲಂಗಾಣ): ಮುಂಬೈ ಇಂಡಿಯನ್ಸ್ ತಂಡದ ನಾಯಕ ರೋಹಿತ್ ಶರ್ಮಾ ಮಂಗಳವಾರ ಐಪಿಎಲ್​ನಲ್ಲಿ ವಿಶೇಷ ಮೈಲಿಗಲ್ಲು ಸ್ಥಾಪಿಸಿದರು. ಮುಂಬೈ ತಂಡವನ್ನು 5 ಬಾರಿ ಚಾಂಪಿಯನ್​ ಮಾಡಿದ ಆಟಗಾರ ಇಂಡಿಯನ್ಸ್​ ಪ್ರೀಮಿಯರ್​ ಲೀಗ್​ನಲ್ಲಿ 6 ಸಾವಿರ ರನ್​ ಗಡಿ ದಾಟಿದರು. ಈ ಮೂಲಕ ಅತಿ ಹೆಚ್ಚು ರನ್​ ಗಳಿಸಿದವರ ಪಟ್ಟಿಯಲ್ಲಿ 4ನೇ ಸ್ಥಾನಕ್ಕೇರಿದರು.

ನಿನ್ನೆ ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ರೋಹಿತ್ ಶರ್ಮಾ ಈ ಸಾಧನೆ ಮಾಡಿದರು. ಪಂದ್ಯದಲ್ಲಿ 14 ರನ್​ ಗಳಿಸಿದ್ದಾಗ ಹಿಟ್​ಮ್ಯಾನ್​ 6 ಸಾವಿರ ರನ್​ ಗಡಿ ಮುಟ್ಟಿದರು. 18 ಎಸೆತಗಳಲ್ಲಿ 28 ರನ್​ ಮಾಡಿ ಔಟಾದರು. ಇದರಿಂದ 6014 ರನ್‌ ದಾಖಲಿಸಿದರು. ರೋಹಿತ್​ ಶರ್ಮಾ ಐಪಿಎಲ್​ನಲ್ಲಿ 232 ಪಂದ್ಯಗಳನ್ನಾಡಿದ್ದಾರೆ.

ರೋಹಿತ್​ ಶರ್ಮಾಗೂ ಮೊದಲು ಆರ್​ಸಿಬಿ ತಂಡದ ಮಾಜಿ ನಾಯಕ ವಿರಾಟ್​ ಕೊಹ್ಲಿ(6844) ಪಂಜಾಬ್ ನಾಯಕ ಶಿಖರ್​ ಧವನ್​(6477), ಡೆಲ್ಲಿ ಕ್ಯಾಪಿಟಲ್ಸ್​ ಕ್ಯಾಪ್ಟನ್​ ಡೇವಿಡ್​ ವಾರ್ನರ್​(6109) ಆರು ಸಾವಿರ ರನ್​ ಗಳಿಸಿದ ಅಗ್ರ ಮೂವರು ಆಟಗಾರರಾಗಿದ್ದಾರೆ.

ಬಲಗೈ ಬ್ಯಾಟರ್​ ಶರ್ಮಾ ಈವರೆಗಿನ 16 ಆವೃತ್ತಿಯ ಐಪಿಎಲ್​ನಲ್ಲಿ 2 ಫ್ರಾಂಚೈಸಿ ಪರ ಬ್ಯಾಟ್ ಬೀಸಿದ್ದಾರೆ. 2008 ರಿಂದ 2010 ರವರೆಗೆ ಡೆಕ್ಕನ್​ ಚಾರ್ಜರ್ಸ್​ ತಂಡದಲ್ಲಿ ಆಡಿದ್ದರು. 2009 ರಲ್ಲಿ ತಂಡ ಚಾಂಪಿಯನ್​ ಆಗಿತ್ತು. ಈ ವೇಳೆ ಯುವ ಆಟಗಾರನಾಗಿದ್ದ ಶರ್ಮಾ ತಂಡದಲ್ಲಿದ್ದರು. ಬಳಿಕ 2011 ರಲ್ಲಿ ಮುಂಬೈ ಇಂಡಿಯನ್ಸ್​ಗೆ ಸೇರಿಕೊಂಡರು. 2013 ರ ಆವೃತ್ತಿಯ ಮಧ್ಯದಲ್ಲಿ ಆಸ್ಟ್ರೇಲಿಯಾದ ರಿಕ್ಕಿ ಪಾಂಟಿಂಗ್​ ನಾಯಕತ್ವ ಬಿಟ್ಟಾಗ ಮುಂಬೈ ಇಂಡಿಯನ್ಸ್​ ಸಾರಥ್ಯ ವಹಿಸಿಕೊಂಡಿದ್ದಾರೆ.

• We 💙 you 3000x2, 𝐑𝐎! #OneFamily #SRHvMI #MumbaiMeriJaan #MumbaiIndians #IPL2023 @ImRo45 pic.twitter.com/xHX3Lldyg8

  — Mumbai Indians (@mipaltan) April 18, 2023 " class="align-text-top noRightClick twitterSection" data="

  We 💙 you 3000x2, 𝐑𝐎! #OneFamily #SRHvMI #MumbaiMeriJaan #MumbaiIndians #IPL2023 @ImRo45 pic.twitter.com/xHX3Lldyg8

  — Mumbai Indians (@mipaltan) April 18, 2023

  ">

  We 💙 you 3000x2, 𝐑𝐎! #OneFamily #SRHvMI #MumbaiMeriJaan #MumbaiIndians #IPL2023 @ImRo45 pic.twitter.com/xHX3Lldyg8

  — Mumbai Indians (@mipaltan) April 18, 2023

ಶರ್ಮಾ ಗಳಿಸಿದ 6014 ರನ್​ಗಳಲ್ಲಿ ಡೆಕ್ಕನ್​ ಚಾರ್ಜರ್ಸ್​ ಪರವಾಗಿ 1219 ರನ್​ ಮಾಡಿದ್ದರೆ, ಮುಂಬೈ ಪರವಾಗಿ 4844 ರನ್​ ಗಳಿಸಿದ್ದಾರೆ. ವಿಶೇಷವೆಂದರೆ ತಂಡದ ಪರವಾಗಿ ಅತಿಹೆಚ್ಚು ರನ್​ ಮಾಡಿದ ಆಟಗಾರ ಎಂಬ ಖ್ಯಾತಿಯೂ ಹೊಂದಿದ್ದಾರೆ. ಐಪಿಎಲ್​ನಲ್ಲಿ ಒಂದು ತಂಡದ ಪರವಾಗಿ ನಾಯಕನಾಗಿ ಅತಿಹೆಚ್ಚು ರನ್ ಗಳಿಸಿದ ಆಟಗಾರನೂ ಹೌದು. ಐಪಿಎಲ್​ನಲ್ಲಿ ಅತಿಹೆಚ್ಚು ಯಶಸ್ವಿ ನಾಯಕನಾದ ಹಿಟ್ಟರ್​, ಮುಂಬೈ ಇಂಡಿಯನ್ಸ್ ತಂಡವನ್ನು 2013, 2015, 2017, 2020 ರ ಆವೃತ್ತಿಗಳಲ್ಲಿ ಚಾಂಪಿಯನ್​ ಮಾಡಿ ಟ್ರೋಫಿ ಗೆಲ್ಲಿಸಿಕೊಟ್ಟಿದ್ದಾರೆ.

ಇನ್ನು, ನಿನ್ನೆಯ ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧದ ಹಣಾಹಣಿಯಲ್ಲಿ ಮುಂಬೈ ಮೊದಲು ಬ್ಯಾಟಿಂಗ್‌ಗೆ ಇಳಿದು, 20 ಓವರ್​ಗಳಲ್ಲಿ 192 ರನ್​ ಪೇರಿಸಿತು. ಗುರಿ ಬೆನ್ನತ್ತಿದ ಹೈದರಾಬಾದ್​ ತಂಡ 178 ರನ್​ ಗಳಿಸಿ 14 ರನ್​ಗಳಿಂದ ಸೋಲು ಕಂಡಿತು.

ನಾಯಕ ರೋಹಿತ್ ಶರ್ಮಾ ಮತ್ತು ಇಶಾನ್ ಕಿಶನ್ ಮೊದಲ ವಿಕೆಟ್​ಗೆ 41 ರನ್​ ಮಾಡಿ ಉತ್ತಮ ಆರಂಭ ನೀಡಿದರು. ಮಧ್ಯಮ ಕ್ರಮಾಂಕದಲ್ಲಿ ಆಲ್​ರೌಂಡರ್ ಕ್ಯಾಮರೂನ್ ಗ್ರೀನ್(64) ಅರ್ಧಶತಕ ಬಾರಿಸಿದರು. ಎಡಗೈ ಬ್ಯಾಟರ್ ತಿಲಕ್ ವರ್ಮಾ 37 ರನ್​ ಗಳಿಸಿದರು.

ಸನ್​​ರೈಸರ್ಸ್​ ಹೈದರಾಬಾದ್​ ಬ್ಯಾಟಿಂಗ್​ ವೈಫಲ್ಯ ಕಂಡಿತು. ಮಯಾಂಕ್​ ಅಗರ್​ವಾಲ್​ 48, ನಾಯಕ ಐಡನ್​ ಮಾರ್ಕ್ರಮ್​ 22, ಹೆನ್ರಿಚ್​​ ಕ್ಲಾಸಿನ್​ 36 ರನ್​ ಗಳಿಸಿದರು. ತಂಡ 178 ರನ್​ಗಳಿಗೆ ಆಲೌಟ್​ ಆಗಿ ಸೋಲು ಕಂಡಿತು.

ಓದಿ:IPL 2023: 178 ರನ್​ಗೆ ಹೈದರಾಬಾದ್‌ ಸರ್ವಪತನ: ಮುಂಬೈಗೆ 14 ರನ್​ನಿಂದ ಗೆಲುವು