IPL 2023: 13 ಬಾಲ್​ಗಳಲ್ಲೇ ಅರ್ಧಶತಕ ಸಿಡಿಸಿದ ಜೈಸ್ವಾಲ್ : ​​ಕೆಕೆಆರ್​ ವಿರುದ್ಧ ರಾಜಸ್ಥಾನ ಜಯಭೇರಿ

150 ರನ್​ ಗುರಿ ಬೆನ್ನಟ್ಟಿದ ರಾಜಸ್ಥಾನ ರಾಯಲ್ಸ್​​ ತಂಡವು ಕೇವಲ 13.1 ಓವರ್​​ನಲ್ಲೆ ಗುರಿ ತಲುಪಿದೆ. ಐಪಿಎಲ್​​ನಲ್ಲೆ ವೇಗದ ಅರ್ಧಶತಕ ಬಾರಿಸಿದ ​​ಯಶಸ್ವಿ ಜೈಸ್ವಾಲ್​.

ಕೋಲ್ಕತ್ತಾ (ಪಶ್ಚಿಮ ಬಂಗಾಳ): ಯಶಸ್ವಿ ಜೈಸ್ವಾಲ್ (98)​​ ಮತ್ತು ನಾಯಕ ಸಂಜು ಸ್ಯಾಮ್ಸನ್ (48)​ ಅವರ ಬಿರುಸಿನ ಬ್ಯಾಟಿಂಗ್​ನಿಂದಾಗಿ ರಾಜಸ್ಥಾನ ರಾಯಲ್ಸ್​​ ತಂಡವು ಕೊಲ್ಕತ್ತಾ ನೀಡಿದ್ದ 150 ರನ್​ ಗುರಿಯನ್ನು ಕೇವಲ 13.1 ಓವರ್​ನಲ್ಲಿ ತಲುಪಿ ಗೆಲುವಿನ ಕೇಕೆ ಹಾಕಿದೆ. ಜೊತೆಗೆ ಯಶಸ್ವಿ ಜೈಸ್ವಾಲ್ 13 ಎಸೆತಗಳಲ್ಲೇ 50ರ ಗಡಿ ತಲುಪುವ ಮೂಲಕ​​ ಐಪಿಎಲ್​ನಲ್ಲಿ ವೇಗದ ಅರ್ಧಶತಕ ದಾಖಲಿಸಿದರು.

ಇಲ್ಲಿನ ಈಡನ್​ ಗಾರ್ಡನ್ಸ್​ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್​ ಸೋತು ಬ್ಯಾಟಿಂಗ್​ ಮಾಡಿದ ಕೊಲ್ಕತ್ತಾ ನೈಟ್​​ ರೈಡರ್ಸ್​ ತಂಡವು ವೆಂಕಟೇಶ್​​ ಅಯ್ಯರ್​ ಅರ್ಧಶತಕದ ನೆರವಿನಿಂದ ನಿಗದಿತ 20 ಓವರ್​​ನಲ್ಲಿ 8 ವಿಕೆಟ್​​ ಕಳೆದುಕೊಂಡು 149 ರನ್ ​ಗಳಿಸಿತ್ತು. ಟ್ರೆಂಟ್​​ ಬೌಲ್ಟ್​​​​ ಆರಂಭದಲ್ಲೆ 2 ವಿಕೆಟ್​​ ಕಿತ್ತು ಆಘಾತ ನೀಡಿದರು. ಆರಂಭಿಕರಾದ ಜೇಸನ್​​ ರಾಯ್​ 10 ರನ್​ ಗಳಿಸಿ ಪೆವಿಲಿಯನ್​​ ಹಾದಿ ಹಿಡಿದರೆ, ಗುರ್ಬಾಜ್​​ 18 ರನ್​​ ಗಳಿಸಿ ಸಂದೀಪ್​​ ಶರ್ಮಾಗೆ ಕ್ಯಾಚ್​​ ನೀಡಿ ನಿರ್ಗಮಿಸಿದರು. ನಂತರ ಕ್ರೀಸ್​​ಗೆ ಬಂದ ನಾಯಕ ನಿತೀಶ್​​​ ರಾಣಾ ಮತ್ತು ವೆಂಕಟೇಶ್​​​ ಅಯ್ಯರ್​ ನಿಧಾನಗತಿಯ ಬ್ಯಾಟಿಂಗ್ ಮೊರೆಹೋದರು.

ನಾಯಕ ನಿತೀಶ್​​ ರನ್​​​​ ವೇಗವನ್ನು ಹೆಚ್ಚಿಸುವ ಯತ್ನದಲ್ಲಿ ಚಹಲ್​ಗೆ ವಿಕೆಟ್​ ಒಪ್ಪಿಸಿದರು. ನಂತರ ಬಂದ ಆಂಡ್ರೆ ರಸಲ್​ (10), ರಿಂಕು ಸಿಂಗ್​​​ (16) ಕೂಡ ಅಲ್ಪ ರನ್​ ಗಳಿಸಿ ನಿರಾಸೆ ಮೂಡಿಸಿದರು. ಏಕಾಂಗಿ ಹೋರಾಟ ನಡೆಸಿದ ವೆಂಕಟೇಶ್​​ ಅಯ್ಯರ್ 57 ರನ್​​ ಗಳಿಸಿದರು. ಉಳಿದ ಬ್ಯಾಟರ್​ಗಳಿಂದ ಉತ್ತಮ ಆಟ ಮೂಡಿಬರಲಿಲ್ಲ. ರಾಜಸ್ಥಾನ ರಾಯಲ್ಸ್​​​ ಪರ ಯಜ್ವೇಂದ್ರ ಚಹಲ್​​ 4 ಓವರ್​ಗಳಲ್ಲಿ​​ 25 ರನ್ ನೀಡಿ​​ 4 ವಿಕೆಟ್ ​​ಉರುಳಿಸಿದರೆ. ಟ್ರೆಂಟ್​​ ಬೌಲ್ಟ್​​​ 2, ಸಂದೀಪ್​​ ಶರ್ಮಾ ಮತ್ತು ಕೆಎಂ ಆಸಿಫ್​​ ತಲಾ ಒಂದು ವಿಕೆಟ್​​​ ಪಡೆದರು.

• 150 runs chased down in just 13.1 overs. @rajasthanroyals have won this in a jiffy with Yashasvi Jaiswal smashing an incredible 98* from just 47 balls.
  
  Scorecard - https://t.co/jOscjlr121 #TATAIPL #KKRvRR #IPL2023 pic.twitter.com/2u0TiGPByI

  — IndianPremierLeague (@IPL) May 11, 2023 " class="align-text-top noRightClick twitterSection" data="

  150 runs chased down in just 13.1 overs. @rajasthanroyals have won this in a jiffy with Yashasvi Jaiswal smashing an incredible 98* from just 47 balls.
  
  Scorecard - https://t.co/jOscjlr121 #TATAIPL #KKRvRR #IPL2023 pic.twitter.com/2u0TiGPByI

  — IndianPremierLeague (@IPL) May 11, 2023

  ">

  150 runs chased down in just 13.1 overs. @rajasthanroyals have won this in a jiffy with Yashasvi Jaiswal smashing an incredible 98* from just 47 balls.
  
  Scorecard - https://t.co/jOscjlr121 #TATAIPL #KKRvRR #IPL2023 pic.twitter.com/2u0TiGPByI

  — IndianPremierLeague (@IPL) May 11, 2023

150 ರನ್​ ಗುರಿ ಬೆನ್ನಟ್ಟಿದ ರಾಜಸ್ಥಾನದ ಪರ ಯಶಸ್ವಿ ಜೈಸ್ವಾಲ್ ಸಿಡಿಲಬ್ಬರ ಬ್ಯಾಟಿಂಗ್​ ಪ್ರರ್ದಶಿಸಿದರು. ಮೊದಲ ಓವರ್​​ನಲ್ಲಿ ಎರಡು ಸಿಕ್ಸರ್​, ಮೂರು ಬೌಂಡರಿ ಸಮೇತ 26 ರನ್​ ಬಾರಿಸಿದರು. ನಂತರದ ಓವರ್​ನಲ್ಲಿ ಜೋಸ್ ಬಟ್ಲರ್ ಶೂನ್ಯಕ್ಕೆ ರನೌಟ್​ ಬಲೆಗೆ ಬಿದ್ದರು. ಆದರೆ, ಯಾವುದೇ ಆತಂಕಕ್ಕೆ ಒಳಗಾಗದೇ ಜೈಸ್ವಾಲ್ ತಮ್ಮ ಬ್ಯಾಟಿಂಗ್​ ಮುಂದುವರೆಸಿದರು. ಇದೇ ಓವರ್​​ನ ಕೊನೆಯ ಎರಡು ಎಸೆತಗಳಲ್ಲಿ ಒಂದು ಬೌಂಡರಿ, ಸಿಕ್ಸರ್​ ಸಿಡಿಸಿದರು. ಮೂರನೇ ಓವರ್​ನಲ್ಲಿ ಹ್ಯಾಟ್ರಿಕ್​ ಬೌಂಡರಿ ಬಾರಿಸುವ ಮೂಲಕ ಜೈಸ್ವಾಲ್ ಕೇವಲ 13 ಎಸೆತದಲ್ಲಿ ಅರ್ಧಶತಕ ದಾಖಲಿಸಿದರು. ಈ ಮೂಲಕ ಐಪಿಎಲ್ ಇತಿಹಾಸದಲ್ಲೇ ಅತೀ ವೇಗದ ಹಾಫ್ ಸೆಂಚುರಿ ದಾಖಲೆಯನ್ನು ಬರೆದರು.

ಬೌಂಡರಿ, ಸಿಕ್ಸರ್​ಗಳ ಮೂಲಕ ಸಿಡಿಲಬ್ಬರ ಬ್ಯಾಟಿಂಗ್​ ನೀಡುತ್ತಿದ್ದರೆ ಜೈಸ್ವಾಲ್​ಗೆ ನಾಯಕ ಸಂಜು ಸ್ಯಾಮ್ಸನ್ ಕೂಡ ಉತ್ತಮ ಸಾಥ್ ನೀಡಿದರು. ಜೈಸ್ವಾಲ್ 47 ಎಸೆತದಲ್ಲಿ 98 ರನ್ ಸಿಡಿಸಿ ಅಜೇಯರಾಗಿ ಉಳಿದರು. ಜೈಸ್ವಾಲ್​ ಇನ್ನಿಂಗ್​ನಲ್ಲಿ ಒಟ್ಟಾರೆ 13 ಬೌಂಡರಿಗಳು ಮತ್ತು ಐದು ಸಿಕ್ಸರ್​ಗಳು ಒಳಗೊಂಡಿದ್ದವು. ಸಂಜು ಸ್ಯಾಮ್ಸನ್ ಸಹ 29 ಎಸೆತದಲ್ಲಿ ಐದು ಸಿಕ್ಸರ್​ ಮತ್ತು ಎರಡು ಬೌಂಡರಿ ಸಮೇತ ಅಜೇಯ 48 ರನ್ ಸಿಡಿಸಿದರು. ಈ ಮೂಲಕ ರಾಜಸ್ಥಾನ ರಾಯಲ್ಸ್ 13.1 ಓವರ್‌ಗಳಲ್ಲಿ ಕೇವಲ ಒಂದು ವಿಕೆಟ್ ಕಳೆದುಕೊಂಡು ಗೆಲುವಿನ ಗುರಿ ತಲುಪಿ 9 ವಿಕೆಟ್ ಭರ್ಜರಿ ಗೆಲುವು ದಾಖಲಿಸಿತು. ಈ ಗೆಲುವಿನೊಂದಿಗೆ ಅಂಕಪಟ್ಟಿಯಲ್ಲಿ 3ನೇ ಸ್ಥಾನಕ್ಕೆ ರಾಜಸ್ಥಾನ ಏರಿದೆ.