IPLನಲ್ಲಿ ನಾಳೆ: ಚೊಚ್ಚಲ ಗೆಲುವಿಗೆ ಡೆಲ್ಲಿ ಪ್ರಯತ್ನ, ಪ್ರಯೋಗದಿಂದ ಕೈ ಸುಟ್ಟುಕೊಂಡ ಸಂಜು ನಡೆ ಏನು?

ತವರಿನಲ್ಲಿ ಪ್ರಯೋಗ ಮಾಡಿ ಸಂಜು ಸ್ಯಾಮ್ಸನ್​ ಸೋಲುನುಭವಿಸಿದ್ದಾರೆ. ಡೆಲ್ಲಿ ಕ್ಯಾಪಿಟಲ್ಸ್​ ಪ್ಲೇ ಆಫ್​ ಹಾದಿ ಸುಲಭ ಮಾಡಿಕೊಳ್ಳಲು ಮೊದಲ ಗೆಲುವು ದಾಖಲಿಸಬೇಕಿದೆ.

ಗುವಾಹಟಿ (ಅಸ್ಸಾಂ): ರಾಜಸ್ಥಾನ್ ರಾಯಲ್ಸ್​ ತನ್ನ ಎರಡನೇ ತವರು ಮೈದಾನವಾದ ಬರ್ಸಾಪರಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಾಳೆ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ಎದುರಿಸಲಿದೆ. ಈ ಪಂದ್ಯದಲ್ಲಿ ಡೆಲ್ಲಿ ಗೆಲುವಿನ ಖಾತೆ ತೆರೆಯಲು ಪ್ರಯತ್ನಿಸಿದರೆ, ರಾಜಸ್ಥಾನ್ ಕಳೆದ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ ವಿರುದ್ಧದ ಸೋಲು ಮರೆತು ಮತ್ತೆ ಗೆಲುವಿನ ಓಟ ಆರಂಭಿಸುವ ತವಕದಲ್ಲಿದೆ.

ರಾಜಸ್ಥಾನಕ್ಕೆ ಆರಂಭಿಕರೇ ಬಲ: ರಾಜಸ್ಥಾನ ರಾಯಲ್ಸ್ ತಂಡದಲ್ಲಿ ಆರಂಭಿಕ ಮೂವರು ಬ್ಯಾಟರ್​ಗಳು ಬಲವಾಗಿದ್ದಾರೆ. ಅವರು ವಿಫಲರಾದರೆ ತಂಡ ಏಕಾಏಕಿ ಕುಸಿತ ಕಾಣುತ್ತದೆ. ಮೊದಲ ಪಂದ್ಯದಲ್ಲಿ ಯಶಸ್ವಿ ಜೈಸ್ವಾಲ್, ಜೋಸ್ ಬಟ್ಲರ್ ಮತ್ತು ಸಂಜು ಸ್ಯಾಮ್ಸನ್​ ಅವರ ಅರ್ಧಶತಕದ ಬಲದಿಂದ ಬೃಹತ್​ ಮೊತ್ತ ಕಲೆಹಾಕಿತ್ತು. ಬೌಲಿಂಗ್​ನಲ್ಲಿ ಚಹಾಲ್ ಕಮಾಲ್​ ಮಾಡಿ 4 ವಿಕೆಟ್​ ಕಬಳಿಸಿದ್ದರು.

• Our skipper getting ready to 𝐬𝐰𝐞𝐞𝐩 you off your feet in #IPL2023 🤩#YehHaiNayiDilli @davidwarner31 pic.twitter.com/yAMzGOn8sD

  — Delhi Capitals (@DelhiCapitals) April 7, 2023 " class="align-text-top noRightClick twitterSection" data="

  Our skipper getting ready to 𝐬𝐰𝐞𝐞𝐩 you off your feet in #IPL2023 🤩#YehHaiNayiDilli @davidwarner31 pic.twitter.com/yAMzGOn8sD

  — Delhi Capitals (@DelhiCapitals) April 7, 2023

  ">

  Our skipper getting ready to 𝐬𝐰𝐞𝐞𝐩 you off your feet in #IPL2023 🤩#YehHaiNayiDilli @davidwarner31 pic.twitter.com/yAMzGOn8sD

  — Delhi Capitals (@DelhiCapitals) April 7, 2023

ಎರಡನೇ ಪಂದ್ಯದಲ್ಲಿ ಗೆಲುವಿನ ಸನಿಹದಲ್ಲಿ ರಾಜಸ್ಥಾನ ಎಡವಿತ್ತು. ಆರ್.ಅಶ್ವಿನ್​ರನ್ನು ಆರಂಭಿಕರಾಗಿ ಇಳಿಸಿ ಪ್ರಯೋಗ ಮಾಡಿತಾದರೂ ಯಶ ಸಿಗಲಿಲ್ಲ. ಅಶ್ವಿನ್ ಸೊನ್ನೆ ಸುತ್ತಿದರೆ, ಬಟ್ಲರ್​ ವಿಫಲರಾದರು. ಸಂಜು, ಶಿಮ್ರಾನ್ ಹೆಟ್ಮೆಯರ್ ಮತ್ತು ಧ್ರುವ್ ಜುರೆಲ್ ಗೆಲುವಿನ ಮೆಟ್ಟಿಲು ಮುಟ್ಟುವ ಮುನ್ನ ವಿಕೆಟ್​ ಕೊಟ್ಟಿದ್ದು, ಸೋಲಿಗೆ ಕಾರಣವಾಯಿತು. ಗುವಾಹಟಿಯ ಪ್ರೇಕ್ಷಕರಿಗೆ ನಾಳೆ ಗೆಲುವಿನ ಸಿಹಿ ಕೊಡಲು ರಾಜಸ್ಥಾನ ಎದುರು ನೋಡುತ್ತಿದೆ.

ಕ್ಯಾಪಿಟಲ್ಸ್​ಗೆ ಬ್ಯಾಟಿಂಗ್​ ಕೊರತೆ: ಡೆಲ್ಲಿ ಕ್ಯಾಪಿಟಲ್ಸ್​ ನಾಯಕ ಡೇವಿಡ್​ ವಾರ್ನರ್​ ಏಕಾಂಗಿ ಹೋರಾಟಗಾರರಾಗಿದ್ದು ಅವರಿಗೆ ತಂಡದಲ್ಲಿ ಸರಿಯಾದ ಸಾಥ್​ ಸಿಗುತ್ತಿಲ್ಲ. ಬೌಲಿಂಗ್​ನಲ್ಲಿ ಕುಲದೀಪ್ ಯಾದವ್, ಅನ್ರಿಚ್ ನಾರ್ಟ್ಜೆ, ಮುಖೇಶ್ ಕುಮಾರ್ ಮತ್ತು ಕಲಿಲ್​ ಅಹಮದ್​ ವಿಕೆಟ್​ ಕೀಳುತ್ತಿಲ್ಲ. ತಂಡ ತವರಿನಲ್ಲೂ ಸೋಲು ಕಂಡಿದ್ದು, ಮೂರನೇ ಪಂದ್ಯದಲ್ಲಿ ಗೆಲುವಿನ ಲಯಕ್ಕೆ ಮರಳುತ್ತಾ ಕಾದು ನೋಡಬೇಕಿದೆ.

ಯಾರಿಗೆ ಕೊಕ್?: ರಾಜಸ್ಥಾನದಲ್ಲಿ ದೇವದತ್ ಪಡಿಕ್ಕಲ್ ಬದಲಿಗೆ ಧ್ರುವ್ ಜುರೆಲ್ ಕಣಕ್ಕಿಳಿಯುವ ಸಾಧ್ಯತೆ ಇದೆ. ಕಳೆದ ಪಂದ್ಯದಲ್ಲಿ ಇಂಪ್ಯಾಕ್ಟ್​ ಆಟಗಾರನಾಗಿ ಬಂದು ಉತ್ತಮ ಪ್ರದರ್ಶನ ನೀಡಿದ್ದಾರೆ. ಎರಡು ಪಂದ್ಯದಲ್ಲಿ ಪಡಿಕ್ಕಲ್ ವಿಫಲರಾಗಿದ್ದು, ಅವರನ್ನು ಇಂಪ್ಯಾಕ್ಟ್​ ಪಟ್ಟಿಗೆ ಸೇರಿಸುವ ಸಾಧ್ಯತೆ ಇದೆ. ಇತ್ತ ಡೆಲ್ಲಿಯಲ್ಲಿ ಸರ್ಫರಾಜ್ ಖಾನ್ ಬದಲಿಯಾಗಿ ಯಶ್ ಧುಲ್ ಆಡುವ ಸಾಧ್ಯತೆ ಇದೆ.

• Guwahati, see you tomorrow! 💗
  
  Book #RRvDC tickets NOW: https://t.co/hLJnQBzLBb pic.twitter.com/ma7MOkDwbm

  — Rajasthan Royals (@rajasthanroyals) April 7, 2023 " class="align-text-top noRightClick twitterSection" data="

  Guwahati, see you tomorrow! 💗
  
  Book #RRvDC tickets NOW: https://t.co/hLJnQBzLBb pic.twitter.com/ma7MOkDwbm

  — Rajasthan Royals (@rajasthanroyals) April 7, 2023

  ">

  Guwahati, see you tomorrow! 💗
  
  Book #RRvDC tickets NOW: https://t.co/hLJnQBzLBb pic.twitter.com/ma7MOkDwbm

  — Rajasthan Royals (@rajasthanroyals) April 7, 2023

ಸಂಭಾವ್ಯ ತಂಡಗಳು..: ರಾಜಸ್ಥಾನ ರಾಯಲ್ಸ್​: ಯಶಸ್ವಿ ಜೈಸ್ವಾಲ್, ಜೋಸ್ ಬಟ್ಲರ್, ಸಂಜು ಸ್ಯಾಮ್ಸನ್(ನಾಯಕ/ವಿಕೆಟ್​ ಕೀಪರ್​), ದೇವದತ್ ಪಡಿಕ್ಕಲ್/ಧ್ರುವ್ ಜುರೆಲ್, ರಿಯಾನ್ ಪರಾಗ್, ಶಿಮ್ರಾನ್ ಹೆಟ್ಮೆಯರ್, ಜೇಸನ್ ಹೋಲ್ಡರ್, ರವಿಚಂದ್ರನ್ ಅಶ್ವಿನ್, ಟ್ರೆಂಟ್ ಬೌಲ್ಟ್, ಕೆಎಂ ಆಸಿಫ್, ಯುಜ್ವೇಂದ್ರ ಚಾಹಲ್.

ಡೆಲ್ಲಿ ಕ್ಯಾಪಿಟಲ್ಸ್​​: ಪೃಥ್ವಿ ಶಾ, ಡೇವಿಡ್ ವಾರ್ನರ್ (ನಾಯಕ), ರಿಲೀ ರೊಸೊವ್, ರೋವ್‌ಮನ್ ಪೊವೆಲ್, ಅಕ್ಸರ್ ಪಟೇಲ್, ಸರ್ಫರಾಜ್ ಖಾನ್ / ಯಶ್ ಧುಲ್, ಅಭಿಷೇಕ್ ಪೊರೆಲ್ (ವಿಕೆಟ್​ ಕೀಪರ್​), ಅಮನ್ ಹಕೀಮ್ ಖಾನ್, ಕುಲದೀಪ್ ಯಾದವ್, ಅನ್ರಿಚ್ ನಾರ್ಟ್ಜೆ, ಮುಖೇಶ್ ಕುಮಾರ್.

ಪಂದ್ಯ: ನಾಳೆ 3:30ಕ್ಕೆ ಗುವಾಹಟಿಯ ಬರ್ಸಾಪರಾ ಕ್ರಿಕೆಟ್ ಸ್ಟೇಡಿಯಂನಿಂದ ನೇರ ಪ್ರಸಾರ. ಜಿಯೋ ಸಿನಿಮಾ ಮತ್ತು ಸ್ಟಾರ್​ ಸ್ಪೋರ್ಟ್​ನಲ್ಲಿ ವೀಕ್ಷಣೆಗೆ ಲಭ್ಯವಿದೆ.

ಇದನ್ನೂ ಓದಿ: IPL 2023 LSG vs SRH: ಟಾಸ್​ ಗೆದ್ದ ಹೈದರಾಬಾದ್ ಬ್ಯಾಟಿಂಗ್​, ಮಾರ್ಕ್ರಾಮ್ ತಂಡ ಸೇರ್ಪಡೆ