IPL 2023: ಪಂಜಾಬ್​ಗೆ 7 ರನ್​ ಗೆಲುವು... ಕೆಕೆಆರ್​ ಜಯಕ್ಕೆ ಮುಳುವಾದ ವರುಣ

ಪಂಜಾಬ್​ ಕಿಂಗ್ಸ್​ ನೀಡಿದ್ದ 192 ರನ್​ ಗುರಿ ಬೆನ್ನು ಹತ್ತಿದ್ದ ಕೆಕೆಆರ್​ ಕೊನೆಯ 24 ಬಾಲ್ ಬಾಕಿ ಇರುವಾಗ ಮಳೆ ಬಂದ ಕಾರಣ ಡಿಎಲ್​ಎಸ್​ ನಿಯಮದನ್ವಯ 7 ರನ್​ಗಳಿಂದ ಸೋಲನುಭವಿಸಿತು.

ಮೊಹಾಲಿ (ಪಂಜಾಬ್​): ಕೆಕೆಆರ್​ ಗೆಲುವಿಗೆ 46 ರನ್​ ಬಾಕಿ ಇರುವಾಗ ಮಳೆ ಬಂದ ಹಿನ್ನೆಲೆ ಪಂದ್ಯ ಸ್ಥಗಿತಗೊಂಡು, 7 ರನ್​ನಿಂದ ಪಂಜಾಬ್​ ಕಿಂಗ್ಸ್​​ ಗೆಲುವು ಸಾಧಿಸಿದೆ. 16 ಓವರ್​ ವೇಳೆಗೆ ಕೆಕೆಆರ್​ 146ಕ್ಕೆ 7 ವಿಕೆಟ್​ ನಷ್ಟ ಅನುಭವಿಸಿತ್ತು. ಆಲ್​ರೌಂಡರ್​ಗಳಾದ ಶಾರ್ದೂಲ್​ ಠಾಕೂರ್ (8)​ ಮತ್ತು ಸುನಿಲ್​ ನರೈನ್​ (7) ಕ್ರೀಸ್​ನಲ್ಲಿದ್ದರು.

ಕೊಲ್ಕತ್ತಾ ನೈಟ್​ ರೈಡರ್ಸ್​ಗೆ ಕೊನೆಯ 4 ಓವರ್​ನಲ್ಲಿ 46 ರನ್​ ಬೇಕಿತ್ತು. ಮೊದಲ ಇನ್ನಿಂಗ್ಸ್​ನಲ್ಲಿ ಪಂಜಾಬ್​ 16 ಓವರ್​ ವೇಳೆಗೆ 4 ವಿಕೆಟ್​ ನಷ್ಟದಿಂದ 153 ರನ್ ಗಳಿಸಿತ್ತು. ಕೆಕೆಆರ್​ 7 ರನ್​ನ ಹಿನ್ನೆಡೆಯಲ್ಲಿದ್ದ ಕಾರಣ ಡಿಎಲ್​ಎಸ್​ ನಿಮಯದ ಪ್ರಕಾರ ಸೋಲನುಭವಿಸಬೇಕಾಯಿತು.

• 1️⃣st match, 1️⃣st win! 🤩
  
  Sadde 🦁s put on a blockbuster show in Mohali! 🫶#JazbaHaiPunjabi #SaddaSquad #PBKSvKKR #TATAIPL pic.twitter.com/o0nuBho9aA

  — Punjab Kings (@PunjabKingsIPL) April 1, 2023 " class="align-text-top noRightClick twitterSection" data="

  1️⃣st match, 1️⃣st win! 🤩
  
  Sadde 🦁s put on a blockbuster show in Mohali! 🫶#JazbaHaiPunjabi #SaddaSquad #PBKSvKKR #TATAIPL pic.twitter.com/o0nuBho9aA

  — Punjab Kings (@PunjabKingsIPL) April 1, 2023

  ">

  1️⃣st match, 1️⃣st win! 🤩
  
  Sadde 🦁s put on a blockbuster show in Mohali! 🫶#JazbaHaiPunjabi #SaddaSquad #PBKSvKKR #TATAIPL pic.twitter.com/o0nuBho9aA

  — Punjab Kings (@PunjabKingsIPL) April 1, 2023

ಕೆಕೆಆರ್​ನ್ನು ಅರ್ಶ್ದೀಪ್ ಸಿಂಗ್ ಕಾಡಿದರು, 2 ರನ್​ ಗಳಿಸಿದ್ದ ಮನದೀಪ್ ಸಿಂಗ್ ವಿಕೆಟ್​ ತೆಗೆದು ಕೊಲ್ಕತ್ತಾಗೆ ಆರಂಭಿಕ ಆಘಾತ ನೀಡಿದರು. ಅವರ ಬೆನ್ನಲ್ಲೇ ಅನುಕುಲ್ ರಾಯ್ (4) ವಿಕೆಟ್​ ಹಾಗೂ ಇಂಪ್ಯಾಕ್ಟ್​ ಪ್ಲೇಯರ್​ ಆಗಿ ಬಂದ ವೆಂಕಟೇಶ್​ ಅಯ್ಯರ್ 28 ಬಾಲ್​ನಲ್ಲಿ 1 ಸಿಕ್ಸ್​ ಮತ್ತು 3 ಬೌಂಡರಿಯಿಂದ 34 ರನ್​ ಗಳಿಸಿದ್ದರು. ಅವರ ವಿಕೆಟ್​ ಸಹ ಪಡೆದು ಸಿಂಗ್​ ಮಿಂಚಿದರು.

ರಹಮಾನುಲ್ಲಾ ಗುರ್ಬಾಜ್ 22, ನಿತೀಶ್​ ರಾಣ 24, ರಿಂಕು ಸಿಂಗ್​​ 4 ಮತ್ತು ಕೆಕೆಆರ್​ ಹೊಡಿಬಡಿ ದಾಂಡಿಗ ರಸೆಲ್​ 34 ರನ್​ ಗಳಿಸಿ ಔಟ್​ ಆದರು. ರಸೆಲ್​ ಬ್ಯಾಟ್​ ಗುಡುಗಲು ಆರಂಭಿಸಿತ್ತು ಮತ್ತು ರನ್​ನ ತುಂತುರು ಆಗುತ್ತಿದ್ದಂತೆ ಸ್ಯಾಮ್ ಕರ್ರಾನ್ ವಿಕೆಟ್ ಪಡೆದುಕೊಂಡರು. ಇಲ್ಲವಾದಲ್ಲಿ ಮಳೆಗೂ ಮುನ್ನ ರಸೆಲ್​ ತಂಡವನ್ನು ಗೆಲುವಿನತ್ತ ಕೊಂಡೊಯ್ಯುತ್ತಿದ್ದರು.

ಮೊದಲ ಇನ್ನಿಂಗ್ಸ್​: ಇದಕ್ಕೂ ಮುನ್ನ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಪಂಜಾಬ್ ಕಿಂಗ್ಸ್, ಭಾನುಕಾ ರಾಜಪಕ್ಸೆ ಮತ್ತು ನಾಯಕ ಶಿಖರ್ ಧವನ್ ಅವರ ಭರ್ಜರಿ ಜೊತೆಯಾಟದ ನೆರವಿನಿಂದ 192 ರನ್​ಗಳ ಸ್ಪರ್ಧಾತ್ಮಕ ಗುರಿ ನೀಡಿತ್ತು. ಕೆಕೆಆರ್​ ಪರ ಪರಿಣಾಮಕಾರಿ ಬೌಲಿಂಗ್​ ಮಾಡಿದ ಟಿಮ್​ ಸೌಥಿ ಎರಡು ವಿಕೆಟ್​ ಪಡೆದು ಬೃಹತ್​ ರನ್ ಪೇರಿಸಲು ಕಡಿವಾಣ ಹಾಕಿದ್ದರು.

ಟಾಸ್​ ಸೋತು ಬ್ಯಾಟಿಂಗ್​ ಮಾಡಿದ ಶಿಖರ್​ ಧವನ್​ ತಂಡ ಉತ್ತಮ ಬ್ಯಾಟಿಂಗ್​ ಪ್ರದರ್ಶನ ನೀಡಿತು. ಕೆಕೆಆರ್​ ಬೌಲರ್​ಗಳನ್ನು ಧವನ್​ ತಂಡದ ಐವರು ಬ್ಯಾಟರ್​ಗಳು ಸಮರ್ಥವಾಗಿ ಎದುರಿಸಿ 191 ರನ್​ ಗಳಿಸಿದರು. ಆರಂಭಿಕರಾಗಿ ಬಂದ ಪ್ರಭಾಸಿಮ್ರಾನ್ ಸಿಂಗ್ ಮತ್ತು ಶಿಖರ್​ 23 ರನ್​ ಪೇರಿಸುತ್ತಿದ್ದಂತೆ ಟಿಮ್​ ಸೌಥಿ ಇವರ ಜೊತೆಯಾಟ ಮುರಿದರು.

ಪ್ರಭಾಸಿಮ್ರಾನ್ ಸಿಂಗ್ ಮೊದಲ ಓವರ್​ನಲ್ಲಿ 9 ಹಾಗೂ ಎರಡನೇ ಓವರ್​ನಲ್ಲಿ 14 ರನ್ ಬಾರಿಸಿ ಅಬ್ಬರಿಸಿದರು. 12 ಬಾಲ್​ನಲ್ಲಿ 23 ರನ್​ ಗಳಿಸಿ ಔಟ್​ ಆದರು. ನಂತರ ​ಭಾನುಕಾ ರಾಜಪಕ್ಸೆ, ಶಿಖರ್​ ಜೊತೆ ಸೇರಿಕೊಂಡು ಉತ್ತಮ ಜೊತೆಯಾಟ ಆಡಿದರು. ಸಿಂಗ್ ಅವರ ಅಬ್ಬರವನ್ನು ಲಂಕಾ ಬ್ಯಾಟರ್ ರಾಜಪಕ್ಸೆ ಮುಂದುವರೆಸಿದರು. ನ್ಯೂಜಿಲೆಂಡ್​ ಪ್ರವಾಸಕ್ಕೆ ಆಯ್ಕೆ ಮಾಡದ ರಾಷ್ಟ್ರೀಯ ತಂಡ ಸೆಲೆಕ್ಟರ್ಸ್​ಗೆ ತಮ್ಮ ಸಾಮರ್ಥ್ಯ ತೋರಿದರು.

32 ಬಾಲ್​ ಎದುರಿಸಿದ ರಾಜಪಕ್ಸೆ 2 ಸಿಕ್ಸರ್​ ಮತ್ತು 3 ಬೌಂಡರಿಯಿಂದ ಅರ್ಧಶತಕ (50) ಪೂರೈಸಿ ವಿಕೆಟ್​ ಕೊಟ್ಟರು. ಶಿಖರ್​ ಇನ್ನೊಂದು ಬದಿಯಲ್ಲಿ ನಾಯಕತ್ವದ ಜವಾಬ್ದಾರಿ ನಿಭಾಯಿಸಿದರು. 29 ಎಸೆತಗಳಲ್ಲಿ 6 ಬೌಂಡರಿಯಿಂದ 40 ರನ್​ ಗಳಿಸಿದರು. ರಾಜಪಕ್ಸೆ ಮತ್ತು ಶಿಖರ್​ ಧವನ್ 50 ರನ್​ ಜೊತೆಯಾಟ ಮಾಡುತ್ತಿದ್ದಂತೆ, ಐಪಿಎಲ್​ನಲ್ಲಿ 50+ ಜೊತೆಯಾಟದಲ್ಲಿ 94 ಬಾರಿ ಶಿಖರ್​ ಭಾಗಿಯಾದ ದಾಖಲೆ ಬರೆದರು. ವಿರಾಟ್​ ಕೊಹ್ಲಿ ಜೊತೆಗೆ ಜಂಟಿಯಾಗಿ ಪ್ರಥಮ ಸ್ಥಾನವನ್ನು ಶಿಖರ್​ ಗಳಿಸಿರು.

ನಂತರ ಬಂದ ಜಿತೇಶ್ ಶರ್ಮಾ 21. ಸಿಕಂದರ್ ರಜಾ 16 ರನ್ ಗಳಿಸಿದರು. ಕೊನೆಯ ಎರಡು ಓವರ್​ಗಳಲ್ಲಿ ​ಶಾರುಖ್ ಖಾನ್ (11) ಮತ್ತು ಸ್ಯಾಮ್ ಕರ್ರಾನ್ 23 ರನ್​ ಸೇರಿಸಿ ತಂಡ ಮೊತ್ತವನ್ನು 191ಕ್ಕೆ ತೆಗೆದುಕೊಂಡು ಹೋದರು. ಕೆಕೆಆರ್​ ಪರ ಸೌಥಿ 2, ಉಮೇಶ್ ಯಾದವ್, ವರುಣ್ ಚಕ್ರವರ್ತಿ ಮತ್ತು ಸುನಿಲ್ ನರೈನ್ ತಲಾ ಒಂದು ವಿಕೆಟ್​ ಪಡೆದರು.

ತಂಡಗಳು ಇಂತಿವೆ.. ಪಂಜಾಬ್​ ಕಿಂಗ್ಸ್​: ಶಿಖರ್ ಧವನ್ (ನಾಯಕ), ಪ್ರಭಾಸಿಮ್ರಾನ್ ಸಿಂಗ್ (ವಿಕೆಟ್​ ಕೀಪರ್​), ಭಾನುಕಾ ರಾಜಪಕ್ಸೆ, ಜಿತೇಶ್ ಶರ್ಮಾ, ಶಾರುಖ್ ಖಾನ್, ಸ್ಯಾಮ್ ಕರ್ರಾನ್, ಸಿಕಂದರ್ ರಜಾ, ನಾಥನ್ ಎಲ್ಲಿಸ್, ಹರ್ಪ್ರೀತ್ ಬ್ರಾರ್, ರಾಹುಲ್ ಚಾಹರ್, ಅರ್ಶ್ದೀಪ್ ಸಿಂಗ್

ಕೊಲ್ಕತ್ತಾ ನೈಟ್​ ರೈಡರ್ಸ್: ರಹಮಾನುಲ್ಲಾ ಗುರ್ಬಾಜ್ (ವಿಕೆಟ್​ ಕೀಪರ್​), ಮನದೀಪ್ ಸಿಂಗ್, ನಿತೀಶ್ ರಾಣಾ (ನಾಯಕ), ರಿಂಕು ಸಿಂಗ್, ಆಂಡ್ರೆ ರಸೆಲ್, ಶಾರ್ದೂಲ್ ಠಾಕೂರ್, ಸುನಿಲ್ ನರೈನ್, ಟಿಮ್ ಸೌಥಿ, ಅನುಕುಲ್ ರಾಯ್, ಉಮೇಶ್ ಯಾದವ್, ವರುಣ್ ಚಕ್ರವರ್ತಿ

ಇದನ್ನೂ ಓದಿ: 15 ವರ್ಷಗಳ ಹಿಂದೆ ಆಟವಾಡಿದಂತೆ ಈಗ ಧೋನಿಗೆ ಆಡಲು ಸಾಧ್ಯವಿಲ್ಲ: ಸಿಎಸ್‌ಕೆ ಕೋಚ್