ಅಬುದಾಭಿ: ಇಂಡಿಯನ್ ಪ್ರೀಮಿಯರ್ ಲೀಗ್ನ ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ಸ್ಫೋಟಕ ಬ್ಯಾಟ್ಸಮನ್ ಇಶನ್ ಕಿಶನ್ ಅಬ್ಬರಿಸಿದ್ದು, ಕೇವಲ 16 ಎಸೆತಗಳಲ್ಲಿ ಅರ್ಧಶತಕ ಸಿಡಿಸಿ ಮಿಂಚಿದ್ದಾರೆ. 2021ರ ಐಪಿಎಲ್ನಲ್ಲಿ ಮೂಡಿ ಬಂದಿರುವ ಅತಿ ವೇಗದ ಸ್ಫೋಟಕ ಅರ್ಧಶತಕ ಇದಾಗಿದೆ.
ಅಬುದಾಭಿಯಲ್ಲಿ ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಲು ಕಣಕ್ಕಿಳಿದ ಮುಂಬೈ, ಆರಂಭದಿಂದಲೂ ಸ್ಫೋಟಕ ಬ್ಯಾಟಿಂಗ್ ಮೊರೆ ಹೋಯಿತು. ಹೀಗಾಗಿ 3.4 ಓವರ್ಗಳಲ್ಲಿ ತಂಡ 50ರ ಗಡಿ ದಾಟಿತು.
ಕಿಶನ್ ಸ್ಫೋಟಕ ಅರ್ಧಶತಕ
ಇಂದಿನ ಪಂದ್ಯದಲ್ಲಿ 170 ರನ್ಗಳಿಗಿಂತಲೂ ಹೆಚ್ಚಿನ ರನ್ಗಳಿಂದ ಗೆಲುವ ಅನಿವಾರ್ಯತೆ ನಿರ್ಮಾಣಗೊಂಡಿರುವ ಕಾರಣ ತಂಡದ ಆರಂಭಿಕ ಆಟಗಾರ ಕಿಶನ್ ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶನ ನೀಡಿದ್ದಾರೆ. ತಾವು ಎದುರಿಸಿದ ಕೇವಲ 16 ಎಸೆತಗಳಲ್ಲಿ ಅರ್ಧಶತಕ ಸಿಡಿಸಿದರು. ಇದರಲ್ಲಿ 8 ಬೌಂಡರಿ ಹಾಗೂ ಎರಡು ಸಿಕ್ಸರ್ ಸೇರಿಕೊಂಡಿದ್ದವು.
ಇದನ್ನೂ ಓದಿರಿ: T20 ವಿಶ್ವಕಪ್.. ಅ.13ಕ್ಕೆ ಟೀಂ ಇಂಡಿಯಾ ಜರ್ಸಿ ಅನಾವರಣ.. ನೀವೂ ಖರೀದಿ ಮಾಡಬಹುದು!
ಈ ಹಿಂದೆ 2018ರಲ್ಲಿ ಪಂಜಾಬ್ ಕಿಂಗ್ಸ್ ತಂಡದ ಕ್ಯಾಪ್ಟನ್ ಕೆ.ಎಲ್ ರಾಹುಲ್ ಕೇವಲ 14 ಎಸೆತಗಳಲ್ಲಿ ಅರ್ಧಶತಕ ಸಿಡಿಸಿ ಮಿಂಚಿದ್ದರು. ವಿಶೇಷವೆಂದರೆ ಇಶನ್ ಕಿಶನ್ ಐಪಿಎಲ್ನಲ್ಲಿ 16 ಎಸೆತಗಳಲ್ಲಿ ಅರ್ಧಶತಕ ಸಿಡಿಸಿರುವ ಮೂರನೇ ಪ್ಲೇಯರ್ ಆಗಿದ್ದಾರೆ.
ಮುಂಬೈ ತಂಡದ ಪರ ವೇಗದ ಅರ್ಧಶತಕ
ಇಶನ್ ಕಿಶನ್ ಕೇವಲ 16 ಎಸೆತಗಳಲ್ಲಿ ಅರ್ಧಶತಕ ಸಿಡಿಸಿದ್ದು, ಐಪಿಎಲ್ನಲ್ಲಿ ಮುಂಬೈ ಇಂಡಿಯನ್ಸ್ ಪರ ಮೂಡಿ ಬಂದಿರುವ ಅತಿ ವೇಗದ ಅರ್ಧಶತಕ ಇದಾಗಿದೆ. ಈ ಹಿಂದೆ 2016ರಲ್ಲಿ ಕಿರನ್ ಪೊಲಾರ್ಡ್ 17 ಎಸೆತ, 2018ರಲ್ಲಿ ಕೆಕೆಆರ್ ವಿರುದ್ಧ ಕಿಶನ್ 17 ಎಸೆತ, 2019ರಲ್ಲಿ ಕೆಕೆಆರ್ ವಿರುದ್ಧ ಪಾಂಡ್ಯ 17 ಎಸೆತ ಹಾಗೂ 2021ರಲ್ಲಿ ಸಿಎಸ್ಕೆ ವಿರುದ್ಧ ಪೊಲಾರ್ಡ್ 17 ಎಸೆತಗಳಲ್ಲಿ ಫಿಫ್ಟಿ ಸಾಧನೆ ಮಾಡಿದ್ದರು.
82ರನ್ಗಳಿಸಿ ವಿಕೆಟ್ ಒಪ್ಪಿಸಿದ ಕಿಶನ್
32 ಎಸೆತಗಳಲ್ಲಿ ಸ್ಫೋಟಕ 84ರನ್ಗಳಿಸಿದ್ದ ಇಶನ್ ಕಿಶನ್, ಎದುರಾಳಿ ತಂಡದ ವೇಗದ ಬೌಲರ್ ಉಮ್ರಾನ್ ಮಲಿಕ್ ಎಸೆತದಲ್ಲಿ ಕ್ಯಾಚ್ ನೀಡಿ ನಿರ್ಗಮಿಸಿದರು. ಅವರ ಸ್ಫೋಟಕ ಬ್ಯಾಟಿಂಗ್ನಲ್ಲಿ 11 ಬೌಂಡರಿ ಹಾಗೂ 4 ಸಿಕ್ಸರ್ ಸೇರಿಕೊಂಡಿದ್ದವು.
