ಐಪಿಎಲ್​ನ ಸಾವಿರದ ಪಂದ್ಯ: ಜೈಸ್ವಾಲ್​ ​ಶತಕದಾಟ ವ್ಯರ್ಥ: ​ಮುಂಬೈಗೆ ಜಯ ತಂದುಕೊಟ್ಟ ಡೇವಿಡ್​ ಹ್ಯಾಟ್ರಿಕ್ ಸಿಕ್ಸ್​!

ಐಪಿಎಲ್​ನ ಐತಿಹಾಸಿಕ ಸಾವಿರದ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್​ ವಿರುದ್ಧ ಮುಂಬೈ ಇಂಡಿಯನ್ಸ್ ಗೆಲುವು ದಾಖಲಿಸಿದೆ.

ಮುಂಬೈ (ಮಹಾರಾಷ್ಟ್ರ): ರಾಜಸ್ಥಾನ ರಾಯಲ್ಸ್​​ ತಂಡದ ಯಶಸ್ವಿ ಜೈಸ್ವಾಲ್​ ಶತಕದಾಟ ವ್ಯರ್ಥವಾಗಿದೆ. ಮುಂಬೈ ಇಂಡಿಯನ್ಸ್​ ತಂಡ ಬ್ಯಾಟರ್​ಗಳ ಸಾಂಘಿಕ ಹೋರಾಟದಿಂದ ಆರು ವಿಕೆಟ್​ಗಳಿಂದ ಗೆಲುವು ಸಾಧಿಸಿದೆ. ಕೊನೆಯಲ್ಲಿ ಟಿಮ್ ಡೇವಿಡ್ ಹ್ಯಾಟ್ರಿಕ್​ ಸಿಕ್ಸರ್​ ಸಿಡಿಸುವ ಮೂಲಕ​ ರೋಚಕ ಜಯ ತಂದುಕೊಟ್ಟರು.

ಇಲ್ಲಿನ ವಾಖೆಂಡೆ ಮೈದಾನದಲ್ಲಿ ನಡೆದ ಐಪಿಎಲ್​ನ ಸಾವಿರದ ಪಂದ್ಯದಲ್ಲಿ ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್ ​ಮಾಡಿದ ಯಶಸ್ವಿ ಜೈಸ್ವಾಲ್ ಏಕಾಂಗಿ ಆಟದ ನೆರವಿನಿಂದ ರಾಜಸ್ಥಾನ ರಾಯಲ್ಸ್​ 20 ಓವರ್​ಗಳಲ್ಲಿ ಏಳು ವಿಕೆಟ್ ನಷ್ಟಕ್ಕೆ 212 ರನ್​ ಕಲೆಹಾಕಿತು. ಈ ಗುರಿ ಬೆನ್ನಟ್ಟಿದ ಮುಂಬೈ ತಂಡ ನಾಲ್ಕು ವಿಕೆಟ್​ ಕಳೆದುಕೊಂಡು ಇನ್ನೂ ಮೂರು ಬಾಲ್​ಗಳು ಬಾಕಿರುವಾಗಲೇ ಗೆಲುವಿನ ಕೇಕೆ ಹಾಕಿತು.

ಮುಂಬೈ ತಂಡ ಆರಂಭದಲ್ಲಿ ನಾಯಕ ರೋಹಿತ್ ಶರ್ಮಾ (3) ವಿಕೆಟ್​ ಕಳೆದುಕೊಂಡು ಒತ್ತಡಕ್ಕೆ ಸಿಲುಕಿತು. ಆದರೆ, ಎರಡನೇ ವಿಕೆಟ್​ಗೆ ಇಶಾನ್ ಕಿಶನ್ ಹಾಗೂ ಕ್ಯಾಮರೂನ್ ಗ್ರೀನ್ ಉತ್ತಮ ಜೊತೆಯಾಟ ನೀಡಿದರು. ಕಿಶನ್ ನಾಲ್ಕು ಬೌಂಡರಿಗಳೊಂದಿಗೆ 23 ಎಸೆತದಲ್ಲಿ 28 ರನ್ ಸಿಡಿಸಿ ನಿರ್ಗಮಿಸಿದರು. ನಂತರ ಬಂದ ಸೂರ್ಯ ಕುಮಾರ್​ ಯಾದವ್​ ಜೊತೆ ಸೇರಿ ಕ್ಯಾಮರೂನ್ ಗ್ರೀನ್ ತಮ್ಮ ಹೋರಾಟ ಮುಂದುವರಿಸಿದರು. 26 ಎಸೆತದಲ್ಲಿ ನಾಲ್ಕು ಬೌಂಡರಿ, ಎರಡು ಸಿಕ್ಸರ್ ಸಮೇತ 44 ರನ್ ಬಾರಿಸಿ ಗ್ರೀನ್ ಔಟಾದರು.

ಮತ್ತೊಂದೆಡೆ, ಸೂರ್ಯುಕಮಾರ್ ಬಿರುಸಿನ ಬ್ಯಾಟಿಂಗ್​ ಮುಂದುವರೆಸಿ ಆಕರ್ಷಕ ಅರ್ಧಶತಕ ಸಿಡಿಸಿದರು. 29 ಎಸೆತದಲ್ಲಿ ಎಂಟು ಬೌಂಡರಿ, ಎರಡು ಸಿಕ್ಸರ್​ಗಳೊಂದಿಗೆ 55 ರನ್ ಸಿಡಿಸಿ ನಿರ್ಗಮಿಸಿದರು. ಈ ವೇಳೆ ಮುಂಬೈ ಮತ್ತೆ ಒತ್ತಡಕ್ಕೆ ಸಿಲುಕಿತು. ತಿಲಕ್ ವರ್ಮಾ ಮತ್ತು ಟಿಮ್ ಡೇವಿಡ್ ಜವಾಬ್ದಾರಿಯ ಆಟ ಪ್ರದರ್ಶಿಸಿ ತಂಡದ ಗೆಲುವಿಗೆ ಕಾರಣವಾದರು. ಅದರಲ್ಲೂ, ಕೊನೆಯ ಓವರ್​ನಲ್ಲಿ ಟಿಮ್​ ಡೇವಿಡ್​ ಸಿಡಿಸಿದ ಮೂರು ಹ್ಯಾಟ್ರಿಕ್​ ಸಿಕ್ಸ್​ಗಳು ರೋಚಕ ಗೆಲುವಿಗೆ ಕಾರಣವಾಯಿತು. ಕೇವಲ 14 ಎಸೆತದಲ್ಲಿ ಐದು ಸಿಕ್ಸರ್​ ಮತ್ತು ಎರಡು ಬೌಂಡರಿಯೊಂದಿಗೆ ಟಿಮ್ ಅಜೇಯ 44 ರನ್​ ಬಾರಿಸಿದರು. 21 ಬಾಲ್​ನಲ್ಲಿ 29 ರನ್​ ಕಲೆ ಹಾಕಿದ ತಿಲಕ್​ ಮರ್ಮಾ ಸಹ ಅಜೇಯರಾಗಿ ಉಳಿದರು.

• Innings break!
  
  A spectacular knock from @ybj_19 powers @rajasthanroyals to 212/7 in the first innings 🔥🔥
  
  This will take some chasing for @mipaltan! Are we in for a high-scoring thriller?
  
  Scorecard ▶️ https://t.co/trgeZNGiRY #IPL1000 | #TATAIPL | #MIvRR pic.twitter.com/GZJZRieVDB

  — IndianPremierLeague (@IPL) April 30, 2023 " class="align-text-top noRightClick twitterSection" data="

  Innings break!
  
  A spectacular knock from @ybj_19 powers @rajasthanroyals to 212/7 in the first innings 🔥🔥
  
  This will take some chasing for @mipaltan! Are we in for a high-scoring thriller?
  
  Scorecard ▶️ https://t.co/trgeZNGiRY #IPL1000 | #TATAIPL | #MIvRR pic.twitter.com/GZJZRieVDB

  — IndianPremierLeague (@IPL) April 30, 2023

  ">

  Innings break!
  
  A spectacular knock from @ybj_19 powers @rajasthanroyals to 212/7 in the first innings 🔥🔥
  
  This will take some chasing for @mipaltan! Are we in for a high-scoring thriller?
  
  Scorecard ▶️ https://t.co/trgeZNGiRY #IPL1000 | #TATAIPL | #MIvRR pic.twitter.com/GZJZRieVDB

  — IndianPremierLeague (@IPL) April 30, 2023

ಯಶಸ್ವಿ ಜೈಸ್ವಾಲ್​ ಚೊಚ್ಚಲ ಶತಕ: ಇದಕ್ಕೂ ಮುನ್ನ ಬ್ಯಾಟ್ ಮಾಡಿದ ರಾಜಸ್ಥಾನ ಉತ್ತಮ ಆರಂಭವನ್ನು ಪಡೆಯಿತು. ಆರಂಭಿಕರಾಗಿ ಯಶಸ್ವಿ ಜೈಸ್ವಾಲ್​ ಜೊತೆ ಕಣಕ್ಕಿಳಿದ ಬಟ್ಲರ್​ ನಿಧಾನಗತಿಯಲ್ಲಿ ಬ್ಯಾಟಿಂಗ್ ಮಾಡಿದರು. ಬಟ್ಲರ್​ 19 ಬಾಲ್​ನಲ್ಲಿ 18 ರನ್​ ಗಳಿಸಿ ಔಟಾದರು. ಆಗ ತಂಡದ ಮೊತ್ತ 72 ಆಗಿತ್ತು. ಆದರೆ, ನಂತರ ಬಳಿಕ ಬಂದ ಯಾವ ಬ್ಯಾಟರ್​ ಸಹ ಅಬ್ಬರಿಸಲಿಲ್ಲ. ನಾಯಕ ಸಂಜು ಸ್ಯಾಮ್ಸನ್ (14), ದೇವದತ್ ಪಡಿಕ್ಕಲ್ (2), ಜೇಸನ್ ಹೋಲ್ಡರ್ (11), ಶಿಮ್ರೋನ್ ಹೆಟ್ಮೆಯರ್ (8), ಧ್ರುವ್ ಜುರೆಲ್ (2) ಬೇಗ ವಿಕೆಟ್​ ಒಪ್ಪಿಸಿದರು.

ಮತ್ತೊಂದೆಡೆ, ಜೈಸ್ವಾಲ್​ ಕುಗ್ಗದೇ ಲೀಲಾಜಾಲವಾಗಿ ಬ್ಯಾಟ್‌ ಬೀಸಿ ಐಪಿಎಲ್​ನ ಚೊಚ್ಚಲ ಶತಕ ಸಿಡಿಸಿದರು. ರಾಜಸ್ಥಾನದ ಇನ್ಸಿಂಗ್ಸ್​ನ ಯಶಸ್ವಿ ಜೈಸ್ವಾಲ್​ 10 (62) ಓವರ್​ಗಳನ್ನು ಒಬ್ಬರೇ ಎದುರಿಸಿ 124 ರನ್​ ಗಳಿಸಿದರು. ಇವರ ಇನ್ನಿಂಗ್ಸ್​ 16 ಬೌಂಡರಿ ಮತ್ತು ಎಂಟು ಸಿಕ್ಸರ್​ಗಳನ್ನು ಒಳಗೊಂಡಿತ್ತು. ಇವರ ಏಕಾಂಗಿ ಆಟದ ನೆರವಿನಿಂದ ರಾಜಸ್ಥಾನ ರಾಯಲ್ಸ್​ 212 ರನ್​ ಕಲೆಹಾಕಿತ್ತು.

ಕೆಟ್ಟ ಬೌಲಿಂಗ್​ ಪ್ರದರ್ಶಿಸಿದ ಮುಂಬೈ: ಮುಂಬೈ ಇಂಡಿಯನ್ಸ್​ ಇಂದು ಅತ್ಯಂತ ಕಳಪೆ ಬೌಲಿಂಗ್​ ಪ್ರದರ್ಶನ ಮಾಡಿತು. 16 ವೈಡ್​ ಬಾಲ್​ ಹಾಗೂ 7 ಲೆಗ್​ ಬೈಸ್​ ಸೇರಿದಂತೆ 25 ರನ್​ ಹೆಚ್ಚುವರಿಯಾಗಿ ನೀಡಿತು. ರಿಲೆ ಮೆರೆಡಿತ್ 51 ರನ್​ ಚಚ್ಚಿಸಿಕೊಂಡರೆ, ನಾಲ್ವರು ಬೌಲರ್​ಗಳು 30+ ರನ್​ ಬಿಟ್ಟುಕೊಟ್ಟು ದುಬಾರಿಯಾದರು. ಅರ್ಷದ್ ಖಾನ್ ಮೂರು ವಿಕೆಟ್​ ಪಡೆದರೂ 39 ರನ್​ ಕೊಟ್ಟರು. ಅನುಭವಿ ಪಿಯೂಷ್ ಚಾವ್ಲಾ 4 ಓವರ್​ ಮಾಡಿ 2 ವಿಕೆಟ್​ ಪಡೆದರೂ 34 ಕೊಟ್ಟರು. ರಿಲೆ ಮೆರಿಡಿತ್​ ಮತ್ತು ಆರ್ಚರ್​ ತಲಾ 1 ವಿಕೆಟ್​ ಪಡೆದರು.

ಇದನ್ನೂ ಓದಿ: ವಾಂಖೆಡೆಯಲ್ಲಿಂದು IPLನ ಸಾವಿರನೇ ಪಂದ್ಯ​: ಅವಿಸ್ಮರಣೀಯ ಕ್ಷಣಕ್ಕೆ ಅಭಿಮಾನಿಗಳಲ್ಲಿ ಕಾತರ