ಜೈಪುರ (ರಾಜಸ್ಥಾನ) : ಸವಾಯಿ ಮಾನಸಿಂಗ್ ಕ್ರೀಡಾಂಗಣದಲ್ಲಿ ಇಂದು ನಡೆಯುತ್ತಿರುವ ಐಪಿಲ್ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳು ಮುಖಾಮುಖಿಯಾಗಿವೆ. ಟಾಸ್ ಗೆದ್ದ ರಾಜಸ್ಥಾನ ತಂಡವು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತ್ತು. ರಾಜಸ್ಥಾನ ತಂಡವು 5 ವಿಕೆಟ್ ನಷ್ಟಕ್ಕೆ 202 ಕಲೆಹಾಕಿ ಚೆನ್ನೈ ಗೆಲುವಿಗೆ 203 ರನ್ ಟಾರ್ಗೆಟ್ ನೀಡಿದೆ.
ಆರಂಭಿಕರಾಗಿ ಕಣಕ್ಕಿಳಿದ ಯಶಸ್ವಿ ಜೈಸ್ವಾಲ್ ಹಾಗು ಜೋಸ್ ಬಟ್ಲರ್ ಪವರ್ ಫ್ಲೇನಲ್ಲಿ ಉತ್ತಮ ಆಟವಾಡುವ ಮೂಲಕ ತಂಡದ ಮೊತ್ತ 50 ರನ್ ಗಡಿ ದಾಟಿಸಿದರು.
ಹೀಗೆ ಆರ್ಕಷಕ ಬೌಂಡರಿ ಸಿಕ್ಸರ್ ಹೊಡೆಯುತ್ತಿದ್ದ ಈ ಜೋಡಿಯನ್ನು 9ನೇ ಓವರ್ನಲ್ಲಿ ರವೀಂದ್ರ ಜಡೇಜಾ ಬೌಲಿಂಲಿಗ್ ಮಾಡಿ ಜೋಸ್ ಬಟ್ಲರ್ನನ್ನು ಔಟ್ ಮಾಡುವ ಮೂಲಕ ಬೇರ್ಪಡಿಸಿದರು. ಜೋಸ್ ಬಟ್ಲರ್ 21 ಬಾಲ್ನಲ್ಲಿ 27 ರನ್ ಗಳಿಸಿ ಶಿವಂ ದುಬೆಗೆ ಕ್ಯಾಚ್ ಕೊಟ್ಟು ಪೆವಿಲಿಯನ್ಯತ್ತ ಹೆಜ್ಜೆಹಾಕಿದರು. ಬಳಿಕ ಬಂದ ರಾಜಸ್ಥಾನ ನಾಯಕ ಸಂಜು ಸಾಮ್ಸನ್ ಉತ್ತಮ ಆಟ ಆಡುವ ಭರವಸೆ ಮೂಡಿಸಿ ಮತ್ತ ನಿರಾಸೆ ಮೂಡಿಸಿದರು. ಮತ್ತೊಂದೆಡೆ ಬಿಗಿ ಬೌಲಿಂಗ್ ದಾಳಿ ಮುಂದುವರಿಸಿದ ತುಷಾರ್ ದೇಶಪಾಂಡೆ 13ನೇ ಓವರ್ನಲ್ಲಿ ಸಂಜು ಸಾಮ್ಸನ್ರನ್ನು (17) ಹಾಗು ಅದೇ ಓವರ್ನಲ್ಲಿ ಮತ್ತೊಬ್ಬ ಆರಂಭಿಕ ಸ್ಫೋಟಕ ಬ್ಯಾಟ್ಮನ್ ಯಶಸ್ವಿ ಜೈಸ್ವಾಲ್ (77) ರನ್ಗೆ ಕಟ್ಟಿ ಹಾಕಿದರು.
ಶಿಮ್ರಾನ್ ಹೆಟ್ಮೆಯರ್ ಹಾಗು ಧ್ರುವ್ ಜುರೆಲ್ ಜೋಡಿ ತಂಡದ ಮೊತ್ತವನ್ನು ಹೆಚ್ಚಿಸುವ ಸೂಚನೆ ನೀಡಿತ್ತು. ಆದರೆ 17ನೇ ಓವರ್ ಎಸೆದ ಮತೀಶ ಪತಿರಾನ ಬೌಲಿಂಗ್ನಲ್ಲಿ ಹೆಟ್ಮೆಯರ್ (8) ಸದ್ದಿಲ್ಲದೆ ಕ್ಲೀನ್ ಬೌಲ್ಡ್ ಆಗಿ ಪೆವಿಲಿಯನ್ ಹಾದಿ ಹಿಡಿದರು. ನಂತರ ಧ್ರುವ್ ಜುರೆಲ್ಗೆ ಜೊತೆಯಾದ ದೇವದತ್ ಪಡಿಕ್ಕಲ್ ಜೋಡಿ ತಂಡದ ರನ್ ಹೆಚ್ಚಿಸಲು ಚೆನ್ನೈ ಬೌಲರ್ಸ್ ಮೇಲೆ ಸವಾರಿ ಮಾಡಿ 200 ಪ್ಲಸ್ ರನ್ ತಲುಪಲು ಉತ್ತಮ ಬ್ಯಾಟಿಂಗ್ ಪ್ರದರ್ಶನ ತೋರಿದರು. ಕೊನೆಯ ಓವರ್ನಲ್ಲಿ ರನ್ ಕದಿಯಲು ಹೋದ ಧ್ರುವ್ ಜುರೆಲ್ (34) ರನ್ ಔಟ್ಗೆ ಬಲಿಯಾಗಬೇಕಾಯಿತು. ನಂತರ ರವಿಚಂದ್ರನ್ ಆಶ್ವಿನ್ ಹಾಗು ದೇವದತ್ ಪಡಿಕ್ಕಲ್ ಆಟದಿಂದಾಗಿ ರಾಜಸ್ಥಾನ ತಂಡವು 5 ವಿಕೆಟ್ ನಷ್ಟಕ್ಕೆ 202 ಕಲೆಹಾಕಿ ಚೆನ್ನೈ ಗೆಲುವಿಗೆ 203 ರನ್ ಟಾರ್ಗೆಟ್ ನೀಡಿದೆ.
ಇದನ್ನೂ ಓದಿ : ಚಿನ್ನಸ್ವಾಮಿಯಲ್ಲಿ ರಾರಾಜಿಸಿದ KGF Vs RRR... ಪಂದ್ಯ ಸೋತರೂ ದಾಖಲೆ ಬರೆದ ಕಿಂಗ್ ಕೊಹ್ಲಿ..!