IPLನಲ್ಲಿ ಇಂದು: ಕಠಿಣ ಪ್ಲೇ ಆಫ್​ ಹಾದಿಯಲ್ಲಿ ಮುಂಬೈ - ಬೆಂಗಳೂರು ನಿರ್ಣಾಯಕ ಕದನ

ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ಇಂಡಿಯನ್​​ ಪ್ರೀಮಿಯರ್​ ಲೀಗ್​​ನ 16ನೇ ಆವೃತ್ತಿಯ 54ನೇ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್​ ಮತ್ತು ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಮುಖಾಮುಖಿಯಾಗುತ್ತಿದ್ದು, ಗೆದ್ದವರಿಗೆ ಪ್ಲೇ ಆಫ್​ ಸನಿಹವಾಗಲಿದೆ.

ಮುಂಬೈ (ಮಹಾರಾಷ್ಟ್ರ): 16ನೇ ಆವೃತ್ತಿಯ ಪ್ಲೇ ಆಫ್​ ಹಾದಿ ಎಲ್ಲಾ ತಂಡಗಳಿಗೂ ಕಠಿಣ ಹಾದಿಯಾಗಿದೆ. ಮೊದಲ ಸ್ಥಾನದಲ್ಲಿರುವ ಗುಜರಾತ್​ ಸೇಫ್​ ಎಂದು ಸಹ ಹೇಳಲಾಗದು. ಏಕೆಂದರೆ ನಾಲ್ಕು ಸ್ಥಾನದಲ್ಲಿ ಉಳಿಯ ಬೇಕಾದಲ್ಲಿ ಇನ್ನೂ ಎರಡು ಪಂದ್ಯಗಳನ್ನು ಗೆಲ್ಲುವ ಅಗತ್ಯವಿದೆ. ಅಂಕ ಪಟ್ಟಿಯ ಕೊನೆಯ ಸ್ಥಾನದಲ್ಲಿರುವ ಡೆಲ್ಲಿಗೂ ಇನ್ನೂ ನಾಲ್ಕರ ಘಟ್ಟಕ್ಕೆ ಏರುವ ಅವಕಾಶ ಇದ್ದು, ಉತ್ತಮ ರನ್​ ರೇಟ್​ನಿಂದ ಎಲ್ಲಾ ಪಂದ್ಯಗಳನ್ನು ಗೆಲ್ಲಬೇಕಿದೆ. ಹೀಗಿರುವಾಗ ಮಧ್ಯದಲ್ಲಿರುವ ರಾಯಲ್​ ಚಾಲೆಂಜರ್ಸ್​ ಮತ್ತು ಮುಂಬೈ ಇಂಡಿಯನ್ಸ್​ ಮೇಲೆ ಒತ್ತಡ ಹೆಚ್ಚೇ ಇದೆ.

ಐಪಿಎಲ್​ನ ಇಂದಿನ ಪಂದ್ಯದಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು (ಆರ್​ಸಿಬಿ) ಮತ್ತು ಮುಂಬೈ ಇಂಡಿಯನ್ಸ್​ (ಎಂಐ) ಮುಖಾಮುಖಿಯಾಗುತ್ತಿವೆ. ಉಭಯ ತಂಡಗಳು ಲೀಗ್​ನಲ್ಲಿ ಇದುವರೆಗೆ 10 ಪಂದ್ಯಗಳನ್ನು ಆಡಿದ್ದು, 5ರಲ್ಲಿ ಗೆದ್ದಿವೆ. ಆದರೆ ರನ್​ ರೇಟ್​ ಕಡಿಮೆ ಇರುವ ಕಾರಣ ಮುಂಬೈ ಎಂಟನೇ ಸ್ಥಾನದಲ್ಲಿದ್ದು, ಆರ್​ಸಿಬಿ ಆರರಲ್ಲಿದೆ. ಸದ್ಯ, ಇಂದಿನ ಪಂದ್ಯ ಗೆದ್ದರೆ ಮೂರಕ್ಕೆ ಸೋತಲ್ಲಿ ಏಳಕ್ಕೆ ಎಂಬ ಪರಿಸ್ಥಿತಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರಿನದ್ದಾಗಿದೆ. ಅತ್ತ ಮುಂಬೈ ಪರಿಸ್ಥಿತಿಯೂ ಭಿನ್ನವಿಲ್ಲ. ಗೆದ್ದರೆ ಮೂರಕ್ಕೇರಿದರೆ ಸೋತರೆ ಎಂಟರಲ್ಲೇ ಉಳಿಯಲಿದೆ.

• Power Hitters Union 🤜🤛
  
  Hello Timmy, old friend! 🤗#PlayBold #ನಮ್ಮRCB #IPL2023 pic.twitter.com/ZIEaQU9nvV

  — Royal Challengers Bangalore (@RCBTweets) May 9, 2023 " class="align-text-top noRightClick twitterSection" data="

  Power Hitters Union 🤜🤛
  
  Hello Timmy, old friend! 🤗#PlayBold #ನಮ್ಮRCB #IPL2023 pic.twitter.com/ZIEaQU9nvV

  — Royal Challengers Bangalore (@RCBTweets) May 9, 2023

  ">

  Power Hitters Union 🤜🤛
  
  Hello Timmy, old friend! 🤗#PlayBold #ನಮ್ಮRCB #IPL2023 pic.twitter.com/ZIEaQU9nvV

  — Royal Challengers Bangalore (@RCBTweets) May 9, 2023

16ನೇ ಆವೃತ್ತಿಯ ಐಪಿಎಲ್​ನ ಪಂದ್ಯವನ್ನು ಆರ್​ಸಿಬಿ ಮುಂಬೈ ಇಂಡಿಯನ್ಸ್​ ವಿರುದ್ಧವೇ ಆರಂಭಿಸಿತ್ತು. ಮುಂಬೈ ಇಂಡಿಯನ್ಸ್​ ನೀಡಿದ್ದ 171 ರನ್​ನ ಗುರಿಯನ್ನು ಆರ್​ಸಿಬಿ ವಿರಾಟ್​ ಕೊಹ್ಲಿ 82 ಮತ್ತು ಫಾಫ್​ ಡು ಪ್ಲೆಸಿಸ್ ಅವರ 73 ರನ್​ನ ಸಹಾಯದಿಂದ 16.2 ಓವರ್​ನಲ್ಲೇ ಗೆದ್ದುಕೊಂಡಿತ್ತು. ಈ ಮೂಲಕ ಆರ್​ಸಿಬಿ ಆವೃತ್ತಿಯಲ್ಲಿ ಶುಭಾರಂಭ ಮಾಡಿತ್ತು. ಮೊದಲ ಪಂದ್ಯದಿಂದ ಫಾರ್ಮ್​ನಲ್ಲಿದ್ದು ಘರ್ಜಿಸುತ್ತಿರುವ ಫಾಫ್​ ಮತ್ತು ವಿರಾಟ್​ ಜೋಡಿ ಬಹುತೇಕ ಪಂದ್ಯಗಳಲ್ಲಿ ಉತ್ತಮ ಆರಂಭವನ್ನು ನೀಡಿದ್ದಾರೆ. ಇಬ್ಬರು ಬ್ಯಾಟರ್​ಗಳು ತಂಡಕ್ಕೆ ಆಧಾರ ಸ್ತಂಭವಾಗಿದ್ದಾರೆ.

ರೋಹಿತ್​ ವೈಫಲ್ಯ: ಮುಂಬೈ ಇಂಡಿಯನ್ಸ್​ಗೆ ನಾಯಕ ರೋಹಿತ್​ ಶರ್ಮಾ ಅವರೇ ವಿಫಲರಾಗಿದ್ದಾರೆ. ಕಳೆದ ಪಂದ್ಯದಲ್ಲಿ ಆರಂಭಿಕ ಸ್ಥಾನವನ್ನು ಗ್ರೀನ್​ ಬಿಟ್ಟುಕೊಟ್ಟು ಮೂರನೇ ವಿಕೆಟ್​ ಆಗಿ ಬಂದು ತಮ್ಮನ್ನು ತಾವೇ ಪ್ರಯೋಗಕ್ಕೆ ಒಡ್ಡಿಕೊಂಡಿದ್ದರು. ಆದರೆ ಅದು ಸಹ ಪ್ರಯೋಜನವಾಗಲಿಲ್ಲ. ಗ್ರೀನ್​ ಬೇಗ ವಿಕೆಟ್​ ಒಪ್ಪಿಸಿದರೆ, ರೋಹಿತ್​ ಶರ್ಮಾ ಮತ್ತೆ ಡಕ್​ ಆದರು. ಇದರಿಂದ ಐಪಿಎಲ್​ನಲ್ಲಿ ಹೆಚ್ಚು ಬಾರಿ ಶೂನ್ಯಕ್ಕೆ ಔಟ್​ ಆದ ಆಟಗಾರ ಎಂಬ ಕುಖ್ಯಾತಿಗೂ ಒಳಗಾದರು.

• #𝗠𝗜𝘃𝗥𝗖𝗕, 𝗥𝗼𝘂𝗻𝗱 𝟮: the boys are back at 🏠 to get the 𝑾 in this reverse fixture 🔥#OneFamily #MumbaiMeriJaan #MumbaiIndians #IPL2023 pic.twitter.com/5PtUGAxtgm

  — Mumbai Indians (@mipaltan) May 9, 2023 " class="align-text-top noRightClick twitterSection" data="

  #𝗠𝗜𝘃𝗥𝗖𝗕, 𝗥𝗼𝘂𝗻𝗱 𝟮: the boys are back at 🏠 to get the 𝑾 in this reverse fixture 🔥#OneFamily #MumbaiMeriJaan #MumbaiIndians #IPL2023 pic.twitter.com/5PtUGAxtgm

  — Mumbai Indians (@mipaltan) May 9, 2023

  ">

  #𝗠𝗜𝘃𝗥𝗖𝗕, 𝗥𝗼𝘂𝗻𝗱 𝟮: the boys are back at 🏠 to get the 𝑾 in this reverse fixture 🔥#OneFamily #MumbaiMeriJaan #MumbaiIndians #IPL2023 pic.twitter.com/5PtUGAxtgm

  — Mumbai Indians (@mipaltan) May 9, 2023

ಗೆಲ್ಲುವ ಪಂದ್ಯಕಳೆದುಕೊಳ್ಳುತ್ತಿರುವ ಆರ್​ಸಿಬಿ: ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡ ಗೆಲ್ಲುವ ಸನಿಹದಲ್ಲಿ ಎಡವಿ ಸೋಲು ಕಾಣುತ್ತಿದೆ. ಬೃಹತ್​ ಗುರಿಯನ್ನು ನೀಡಿದರೂ ಕೊನೆಯಲ್ಲಿ ಮಾಡುವ ಸಣ್ಣ ಪುಟ್ಟ ಎಡವಟ್ಟುಗಳು ಸೋಲಿಗೆ ಕಾರಣವಾಗುತ್ತಿವೆ. ಕಳೆದ ಪಂದ್ಯದಲ್ಲಿ ಡೆಲ್ಲಿ ಆರ್​ಸಿಬಿ ವಿರುದ್ಧ ಭರ್ಜರಿ ಬ್ಯಾಟಿಂಗ್​ ಮಾಡಿತ್ತು. ಆರ್​ಸಿಬಿ ಬೌಲರ್​ಗಳು ಡೆಲ್ಲಿ ಬ್ಯಾಟರ್​ಗಳ ಮುಂದೆ ಮಂಕಾಗಿದ್ದರು.

ಸಂಭಾವ್ಯ ತಂಡ ಇಂತಿದೆ..: ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು: ಫಾಫ್ ಡು ಪ್ಲೆಸಿಸ್, ವಿರಾಟ್ ಕೊಹ್ಲಿ, ಮಹಿಪಾಲ್ ಲೊಮ್ರೋರ್, ಗ್ಲೆನ್ ಮ್ಯಾಕ್ಸ್‌ವೆಲ್, ಸುಯಶ್ ಪ್ರಭುದೇಸಾಯಿ/ಅನುಜ್ ರಾವತ್, ಕೇದಾರ್ ಜಾಧವ್, ದಿನೇಶ್ ಕಾರ್ತಿಕ್, ವನಿಂದು ಹಸರಂಗ, ಹರ್ಷಲ್ ಪಟೇಲ್, ಜೋಶ್ ಹ್ಯಾಜಲ್‌ವುಡ್, ಮೊಹಮ್ಮದ್ ಸಿರಾಜ್

ಮುಂಬೈ ಇಂಡಿಯನ್ಸ್​​: ಇಶಾನ್ ಕಿಶನ್, ಕ್ಯಾಮರೂನ್ ಗ್ರೀನ್, ರೋಹಿತ್ ಶರ್ಮಾ, ಸೂರ್ಯಕುಮಾರ್ ಯಾದವ್, ತಿಲಕ್ ವರ್ಮಾ, ಟೀಮ್ ಡೇವಿಡ್, ನೆಹಾಲ್ ವಧೇರಾ, ಪಿಯೂಷ್ ಚಾವ್ಲಾ, ಕುಮಾರ್ ಕಾರ್ತಿಕೇಯ, ಅರ್ಷದ್ ಖಾನ್, ಜೇಸನ್ ಬೆಹ್ರೆನ್ಡಾರ್ಫ್.

ಪಂದ್ಯ ಸಂಜೆ 7:30ಕ್ಕೆ ಮುಂಬೈನ ವಾಂಖೆಡೆ ಕ್ರಿಡಾಂಗಣದಲ್ಲಿ ನಡೆಯಲಿದ್ದು, ಸ್ಟಾರ್​ ಸ್ಪೋರ್ಟ್ಸ್​ ಮತ್ತು ಜಿಯೋ ಸಿನಿಮಾ ನೇರಪ್ರಸಾರ ಲಭ್ಯ.

ಇದನ್ನೂ ಓದಿ: ಬಿಸಿಸಿಐ ಬ್ಯಾನ್​ ಮಾಡಿದ್ದ ರಿಂಕು ಈಗ 'ಸೂಪರ್ ಫಿನಿಷರ್'! ಟೀಂ ಇಂಡಿಯಾದಲ್ಲಿ ಸಿಗುವುದೇ ಚಾನ್ಸ್?