ಚೆನ್ನೈ: ಐಪಿಎಲ್ನಲ್ಲಿ ನಿನ್ನೆ ನಡೆದ ಪಂದ್ಯದಲ್ಲಿ ಸನ್‌ರೈಸರ್ಸ್ ಹೈದರಾಬಾದ್ ತಂಡದ ವಿರುದ್ಧ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಸೂಪರ್ ಓವರ್ನಲ್ಲಿ ವಿರೋಚಿತ ಸೋಲು ಕಂಡಿತ್ತು. ಈ ಪಂದ್ಯದಲ್ಲಿ ಅರ್ಧಶತಕ ಸಿಡಿಸಿ ಹೈದರಾಬಾದ್ ತಂಡವನ್ನು ಅಂತಿಮ ಹಂತದವರೆಗೂ ಕೊಂಡೊಯ್ದಿದ್ದ ಕೇನ್ ವಿಲಿಯಮ್ಸನ್ ಪಂದ್ಯ ಗೆಲ್ಲುಸುವಲ್ಲಿ ವಿಫಲರಾಗಿದ್ದರು. ಆದರೆ ಈ ಪಂದ್ಯದ ಸೂಪರ್ ಓವರ್ನಲ್ಲಿ ವಿಲಿಯಮ್ಸನ್ ಬ್ಯಾಟ್‌ನಿಂದ ಉತ್ತಮ ರನ್ ಬಂದಿರಲಿಲ್ಲ.
ಈ ಕುರಿತು ಪಂದ್ಯದ ನಂತರ ಮಾತನಾಡಿದ ವಿಲಿಯಮ್ಸನ್, "ಸೂಪರ್ ಓವರ್ನಲ್ಲಿ ಎರಡನೇ ಬಾರಿಗೆ ಕ್ರಿಸ್ಗೆ ಬಂದಾಗ ನಾನು ಆಯಾಸಗೊಂಡಿದ್ದೆ. ಸ್ಪರ್ಧಾತ್ಮಕವಾದ ಸ್ಕೋರ್ ಬೆನ್ನಟ್ಟುವಾಗ ಸ್ವಲ್ಪ ಒತ್ತಡ ಇರುತ್ತದೆ, ಅದನ್ನು ಸರಿಯಾಗಿ ನಿಭಾಯಿಸಬೇಕು. ಈ ಪಂದ್ಯದಲ್ಲಿ ಅನೇಕ ಏರುಪೇರುಗಳಾದವು. ಪಂದ್ಯದ ಅಂತಿಮ ಹಂತದಲ್ಲಿ ಪಂದ್ಯ ಬಹಳ ರೋಮಾಂಚನಕಾರಿಯಾಗಿತ್ತು. ಈ ಪಂದ್ಯವನ್ನು ನಾವು ಗೆದ್ದೇ ಗೆಲ್ಲುತ್ತೇವೆ ಎನ್ನುವ ಭರವಸೆಯಲ್ಲಿದ್ದೆ. ಆದರೆ ಅದು ಡೆಲ್ಲಿ ಕಡೆ ತಿರುಗಿತು" ಎಂದು ಹೇಳಿದರು.
"ಇದು ಬಹಳ ಕಡಿಮೆ ಅಂತರದ ಸ್ಕೋರ್ ಆಗಿತ್ತು. ಈ ಪಂದ್ಯವನ್ನು ಗೆಲ್ಲಬಹುದಾಗಿತ್ತು. ತಂಡದಲ್ಲಾದ ಏರು ಪೇರುಗಳಿಂದ ನಾವು ಈ ಪಂದ್ಯ ಕಳೆದುಕೊಂಡೆವು. ಮುಂದಿನ ಪಂದ್ಯಗಳಲ್ಲಿ ವಿಭಿನ್ನ ಯೋಚನೆಯೊಂದಿಗೆ ಕಣಕ್ಕಿಳಿದು ಕಮ್ಬ್ಯಾಕ್ ಮಾಡುತ್ತೇವೆ" ಎಂದರು.
ಇದನ್ನೂ ಓದಿ: ಕೋವಿಡ್ ಪಾಸಿಟಿವ್ ವರದಿ ಬಗ್ಗೆ ನಾನು ಹೆಚ್ಚು ಯೋಚಿಸಿಲ್ಲ: ಅಕ್ಷರ್ ಪಟೇಲ್
