ಟೈಟಾನ್ಸ್​ ನಾಯಕ, ಕನ್ನಡಿಗನ ಅಬ್ಬರಕ್ಕೆ ತಲೆ ಬಾಗಿದ ರಾಜಸ್ಥಾನ್​ ರಾಯಲ್ಸ್.. ಗುಜರಾತ್​ಗೆ 37 ರನ್​ಗಳ ಭರ್ಜರಿ ಗೆಲುವು

ರಾಜಸ್ಥಾನ್ ಬಲಿಷ್ಠ ಬೌಲಿಂಗ್ ದಾಳಿಯನ್ನು ದಿಟ್ಟವಾಗಿ ಎದುರಿಸಿದ ಗುಜರಾತ್ ಟೈಟಾನ್ಸ್ ನಾಯಕ ಹಾರ್ದಿಕ್ ಪಾಂಡ್ಯ 52 ಎಸೆತಗಳಲ್ಲಿ 8 ಬೌಂಡರಿ ಮತ್ತು 4 ಭರ್ಜರಿ ಸಿಕ್ಸರ್​ಗಳ ಸಹಿತ ಅಜೇಯ 87 ರನ್​ ಸಿಡಿಸಿ ತಂಡದ ಮೊತ್ತವನ್ನು 190ರ ಗಡಿ ದಾಟಿಸಿದರು. ಎದುರಾಳಿ ನೀಡಿದ ಮೊತ್ತವನ್ನು ಬೆನ್ನತ್ತಿದ್ದ ರಾಜಸ್ಥಾನ್​ ರಾಯಲ್ಸ್​ ತಂಡ ನಿಗದಿತ 20 ಓವರ್​ಗಳಲ್ಲಿ 155 ರನ್​ ಗಳಿಸಿ ಗುರಿ ಮುಟ್ಟದೇ ಸೋಲು ಕಂಡಿತು.

ಮುಂಬೈ: ನಾಯಕ ಹಾರ್ದಿಕ್ ಪಾಂಡ್ಯ ಅರ್ಧಶತಕ ಮತ್ತು ಕನ್ನಡಿಗ ಅಭಿನವ್ ಮನೋಹರ್, ಮಿಲ್ಲರ್ ಅವರ ಉಪಯುಕ್ತ ರನ್​ಗಳ ನೆರವಿನಿಂದ ಗುಜರಾತ್ ಟೈಟಾನ್ಸ್​ನ 20 ಓವರ್​ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 192 ರನ್​ಗಳಿಸಿತ್ತು. ಆದ್ರೆ ಎದುರಾಳಿ ನೀಡಿದ ಗುರಿಯನ್ನು ಮುಟ್ಟದೇ ರಾಜಸ್ಥಾನ್​ ರಾಯಲ್ಸ್​ ತಂಡ 37 ರನ್​ಗಳಿಂದ ಹೀನಾಯ ಸೋಲು ಅನಭವಿಸಿತು.

ಗುಜರಾತ್​ ಟೈಟನ್ಸ್​ ಇನ್ನಿಂಗ್ಸ್​: ಟಾಸ್​ ಸೋತು ಬ್ಯಾಟಿಂಗ್​ ಮಾಡಿದ ಗುಜರಾತ್​ ತಂಡ, ಆರಂಭಿಕರಾದ ಮ್ಯಾಥ್ಯೂ ವೇಡ್​ 12 ರನ್​ ಮತ್ತು ಶುಬ್ಮನ್ ಗಿಲ್ 13 ರನ್​ ಹಾಗೂ 3ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಇಳಿದಿದ್ದ ವಿಜಯ್ ಶಂಕರ್ 2 ರನ್​ ಗಳಿಸಿ ತಂಡದ ಮೊತ್ತ 53 ರನ್​ಗಳಾಗುವಷ್ಟರಲ್ಲಿ ಪೆವಿಲಿಯನ್​ ಸೇರಿಕೊಂಡರು. 7 ಓವರ್​ಗೂ ಮುನ್ನವೇ ಅಗ್ರಕ್ರಮಾಂಕದ ಮೂವರನ್ನು ಕಳೆದುಕೊಂಡ ಟೈಟಾನ್ಸ್ ಅಲ್ಪಮೊತ್ತಕ್ಕೆ ಕುಸಿಯುವ ಭೀತಿ ಎದುರಿಸಿತ್ತು.

ಆಗ ತಂಡಕ್ಕೆ ಆಸರೆಯಾದವರೇ ನಾಯಕ ಹಾರ್ದಿಕ್ ಮತ್ತು ಅಭಿನವ್ ಮನೋಹರ್. ​ಮೊದಲು ನಿಧಾನಗತಿ ಬ್ಯಾಟಿಂಗ್ ಮಾಡಿದರೂ ನಂತರ ಅಬ್ಬರದ ಬ್ಯಾಟಿಂಗ್ ಮಾಡಿದ ಮನೋಹರ್ 28 ಎಸೆತಗಳಲ್ಲಿ 4 ಬೌಂಡರಿ ಮತ್ತು 2 ಸಿಕ್ಸರ್​ಗಳ ಸಹಿತ 43 ರನ್​ಗಳಿಸಿ ಔಟಾದರು. ಮನೋಹರ್ ವಿಕೆಟ್​ ನಂತರವೂ ಅಬ್ಬರಿಸಿದ ನಾಯಕ ಹಾರ್ದಿಕ್ ಪಾಂಡ್ಯ 52 ಎಸೆತಗಳಲ್ಲಿ 8 ಬೌಂಡರಿ ಮತ್ತು 4 ಭರ್ಜರಿ ಸಿಕ್ಸರ್​ಗಳ ಸಹಿತ ಅಜೇಯ 87 ರನ್​ ಸಿಡಿಸಿದರು. ಇವರಿಗೆ ತಕ್ಕ ಸಾಥ್ ನೀಡಿದ ಡೇವಿಡ್ ಮಿಲ್ಲರ್ 14 ಎಸೆತಗಳಲ್ಲಿ 5 ಬೌಂಡರಿ ಮತ್ತು 1 ಸಿಕ್ಸರ್​ ಸಹಿತ ಅಜೇಯ 31 ರನ್​ಗಳಿಸಿ ತಂಡದ ಮೊತ್ತವನ್ನು ಹೆಚ್ಚಿಸಿದರು. ಈ ಜೋಡಿ ಕೊನೆಯ 25 ಎಸೆತಗಳಲ್ಲಿ 53 ರನ್​ಗಳಿಸಿತು.

• Match Report - Hardik Pandya excelled in all three departments as the Gujarat Titans skipper steered the team to the top of the table with a 37-run victory - by @mihirlee_58
  
  READ - https://t.co/RdZjPbRfbn #TATAIPL #RRvGT pic.twitter.com/AfSLaR8Ydc

  — IndianPremierLeague (@IPL) April 14, 2022 " class="align-text-top noRightClick twitterSection" data="

  Match Report - Hardik Pandya excelled in all three departments as the Gujarat Titans skipper steered the team to the top of the table with a 37-run victory - by @mihirlee_58
  
  READ - https://t.co/RdZjPbRfbn #TATAIPL #RRvGT pic.twitter.com/AfSLaR8Ydc

  — IndianPremierLeague (@IPL) April 14, 2022

  ">

  Match Report - Hardik Pandya excelled in all three departments as the Gujarat Titans skipper steered the team to the top of the table with a 37-run victory - by @mihirlee_58
  
  READ - https://t.co/RdZjPbRfbn #TATAIPL #RRvGT pic.twitter.com/AfSLaR8Ydc

  — IndianPremierLeague (@IPL) April 14, 2022

ಒಟ್ಟಿನಲ್ಲಿ 20 ಓವರ್​ಗಳಲ್ಲಿ 4 ವಿಕೆಟ್​ಗಳ ನಷ್ಟಕ್ಕೆ ಗುಜರಾತ್​ ಟೈಟಾನ್ಸ್​ ತಂಡ 192 ಕಲೆ ಹಾಕಿತ್ತು. ರಾಯಲ್ಸ್ ಪರ ಚಾಹಲ್ 32ಕ್ಕೆ 1 ವಿಕೆಟ್​, ಕುಲ್ದೀಪ್ ಸೇನ್ 51ಕ್ಕೆ 1 ವಿಕೆಟ್​, ರಿಯಾನ್ ಪರಾಗ್ 12 ಕ್ಕೆ 1 ವಿಕೆಟ್ ಪಡೆದರು.

ರಾಜಸ್ಥಾನ್​ ರಾಯಲ್ಸ್​: ಎದುರಾಳಿ ಗುಜರಾತ್​ ಟೈಟಾನ್ಸ್​ ನೀಡಿದ 193 ರನ್​ಗಳ ಗುರಿಯನ್ನು ಬೆನ್ನತ್ತಿದ್ದ ರಾಜಸ್ಥಾನ್​ ತಂಡ ಆರಂಭದಿಂದಲೇ ಆಘಾತ ಎದುರಿಸುತ್ತಾ ಬಂದಿತು. ದೇವದತ್ ಪಡಿಕ್ಕಲ್ ಡಕ್​ಔಟ್​, ರವಿಚಂದ್ರನ್ ಅಶ್ವಿನ್ 8 ರನ್​, ಜೋಸ್ ಬಟ್ಲರ್ 54 ರನ್​ ಗಳಿಸಿ ಪವರ್​ಪ್ಲೇ ಮುಗಿಯುವಷ್ಟರಲ್ಲೇ ಪೆವಿಲಿಯನ್​ ಹಾದಿ ತುಳಿದರು. ಪವರ್​ಪ್ಲೇನಲ್ಲಿ ಅಬ್ಬರಿಸಿದ ಜೋಸ್ ಬಟ್ಲರ್ 23 ಎಸೆತಗಳಲ್ಲಿ 8 ಬೌಂಡರಿ, 3 ಸಿಕ್ಸ್​ ಬಾರಿಸುವ ಮೂಲಕ ತಮ್ಮ ಅರ್ಧಶತಕ ಪೂರ್ಣಗೊಳಿಸಿದರು. ಬಳಿಕ ಲಾಕಿ ಫರ್ಗುಸನ್ ಎಸೆದ ಬಾಲ್​ಗೆ ಬೋಲ್ಡ್​ ಆದರು.

ನಾಯಕ ಸಂಜು ಸ್ಯಾಮ್ಸನ್ ಸೇರಿದಂತೆ ಬಳಿಕ ಬಂದ ಬ್ಯಾಟ್ಸ್​ಮನ್​ಗಳು ಹೆಚ್ಚು ಹೊತ್ತು ಕ್ರೀಸ್​ನಲ್ಲಿ ಉಳಿಯದೇ ಪೆವಿಲಿಯನ್​ ಹಾದಿ ತುಳಿದರು. 20 ಓವರ್​ಗಳಲ್ಲಿ 9 ವಿಕೆಟ್​ಗಳನ್ನು ಕಳೆದುಕೊಂಡ ರಾಜಸ್ಥಾನ್​ ರಾಯಲ್ಸ್​ ತಂಡ 155 ರನ್​ಗಳನ್ನು ಕಲೆ ಹಾಕಿತು. ಆದರೂ ಟೈಟಾನ್ಸ್​ ನೀಡಿದ ಗುರಿಯನ್ನು ಮುಟ್ಟದೇ ಆರ್​ಆರ್​ ತಂಡ 37 ರನ್​ಗಳ ಹೀನಾಯ ಸೋಲು ಕಂಡಿತು.

ಇದನ್ನೂ ಓದಿ: ಹ್ಯಾಟ್ರಿಕ್ ಜಯದ ಮೇಲೆ ಕಣ್ಣು: ಕೋಲ್ಕತ್ತಾ ನೈಟ್​ರೈಡರ್ಸ್ ಸವಾಲಿಗೆ ಹೈದರಾಬಾದ್​ ಸಿದ್ಧ

ಆರ್​ಆರ್ ತಂಡದ ಪರ ನಾಯಕ ಸಂಜು ಸ್ಯಾಮ್ಸನ್ 11 ರನ್​, ರಾಸಿ ವ್ಯಾನ್ ಡೆರ್ ಡಸ್ಸೆನ್ 6 ರನ್​, ಶಿಮ್ರಾನ್ ಹೆಟ್ಮಾಯರ್ 29 ರನ್​, ಜೇಮ್ಸ್ ನೀಶಮ್ 17 ರನ್​, ರಿಯಾನ್ ಪರಾಗ್ 18 ರನ್​, ಯಜ್ವೇಂದ್ರ ಚಾಹಲ್ 5 ರನ್, ಕುಲದೀಪ್ ಸೇನ್ 4 ರನ್​ ಗಳಿಸಿ ಮತ್ತು ಪ್ರಸಿದ್ಧ್ ಕೃಷ್ಣ ಖಾತೆ ತೆಗೆಯದೇ ಅಜೇಯರಾಗಿ ಉಳಿದರು. ಟೈಟಾನ್ಸ್​ ಪರ ಯಶ್ ದಯಾಳ್ ಮತ್ತು ​ಲಾಕಿ ಫರ್ಗುಸನ್ ತಲಾ ಮೂರು ವಿಕೆಟ್​ ಪಡೆದು ಮಿಂಚಿದರೆ, ಮೊಹಮ್ಮದ್ ಶಮಿ ಮತ್ತು ನಾಯಕ ಹಾರ್ದಿಕ್​ ಪಾಂಡ್ಯ ತಲಾ ಒಂದೊಂದು ವಿಕೆಟ್​ ಪಡೆದು ತಂಡದ ಗೆಲುವಿಗೆ ಆಸರೆಯಾದರು.

ಇಂದು ಸಂಜೆ 7.30ಕ್ಕೆ ಸನ್‌ರೈಸರ್ಸ್ ಹೈದರಾಬಾದ್ ಮತ್ತು ಕೋಲ್ಕತ್ತಾ ನೈಟ್ ರೈಡರ್ಸ್ ನಡುವೆ ಗೆಲುವಿಗಾಗಿ ಸೆಣಸಾಟ ನಡೆಯಲಿದೆ.