ವಿಲಿಯಮ್ಸನ್, ಸುಚಿತ್ ಹೋರಾಟ ವ್ಯರ್ಥ: ಡೆಲ್ಲಿಗೆ 'ಸೂಪರ್' ಜಯ​

14ನೇ ಆವೃತ್ತಿಯ ಐಪಿಎಲ್‌ನ ಮೊದಲ ಸೂಪರ್​ ಓವರ್​ ಪಂದ್ಯದಲ್ಲಿ ಡೆಲ್ಲಿ ತಂಡ ಭರ್ಜರಿ ಜಯ ಸಾಧಿಸಿತು.

ಚೆನ್ನೈ: ನಿನ್ನೆ ಎಂ.ಎ.ಚಿದಂಬರಂ ಕ್ರೀಡಾಂಗಣದಲ್ಲಿ ನಡೆದ ಎರಡನೇ ಪಂದ್ಯದಲ್ಲಿ ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧ ಡೆಲ್ಲಿ ಕ್ಯಾಪಿಟಲ್ಸ್ ಸೂಪರ್​ ಗೆಲುವು ಪಡೆದಿದೆ. ಈ ಪಂದ್ಯ ಟೈ ಆಗಿದ್ದು ಸೂಪರ್​ ಓವರ್​ನಲ್ಲಿ ಡೆಲ್ಲಿ ತಂಡ ಗೆದ್ದು ಬೀಗಿತು.

• 42 Overs later 💙
  
  A thrilling win against #SRH in the Super Over makes it 2 in 2 for us in Chepauk 🔥#YehHaiNayiDilli #IPL2021 #SRHvDC pic.twitter.com/SpB85kX4VG

  — Delhi Capitals (@DelhiCapitals) April 25, 2021 " class="align-text-top noRightClick twitterSection" data="

  42 Overs later 💙
  
  A thrilling win against #SRH in the Super Over makes it 2 in 2 for us in Chepauk 🔥#YehHaiNayiDilli #IPL2021 #SRHvDC pic.twitter.com/SpB85kX4VG

  — Delhi Capitals (@DelhiCapitals) April 25, 2021

  ">

  42 Overs later 💙
  
  A thrilling win against #SRH in the Super Over makes it 2 in 2 for us in Chepauk 🔥#YehHaiNayiDilli #IPL2021 #SRHvDC pic.twitter.com/SpB85kX4VG

  — Delhi Capitals (@DelhiCapitals) April 25, 2021

160 ರನ್ ಟಾರ್ಗೆಟ್ ಪಡೆದ ಸನ್‌ರೈಸರ್ಸ್ ಹೈದರಾಬಾದ್ ಆರಂಭದಲ್ಲೇ ನಾಯಕ ಡೇವಿಡ್ ವಾರ್ನರ್ ವಿಕೆಟ್ ಕಳೆದುಕೊಂಡಿತು. ಅವರು 6 ರನ್ ಗಳಿಸಿ ರನೌಟ್‌ ಆದರು. ಜಾನಿ ಬೈರ್‌ಸ್ಟೋ ಹಾಗೂ ಕೇನ್ ವಿಲಿಯಮ್ಸನ್ ಜೊತೆಯಾಟದಿಂದ ಹೈದರಾಬಾದ್ ಚೇತರಿಸಿಕೊಂಡಿತು.

ಬೈರ್‌ಸ್ಟೋ 38 ರನ್ ಕಾಣಿಕೆ ನೀಡಿದರು. ಇತ್ತ ವಿಲಿಯಮ್ಸನ್ ಏಕಾಂಗಿ ಹೋರಾಟ ಮುಂದುವರಿಸಿದರು. ಆದರೆ ವಿಲಿಯಮ್ಸನ್‌ಗೆ ಇತರ ಯಾವ ಬ್ಯಾಟ್ಸ್‌ಮನ್‌ಗಳಿಂದಲೂ ಉತ್ತಮ ಸಾಥ್ ಸಿಗಲಿಲ್ಲ. ವಿರಾಟ್ ಸಿಂಗ್, ಕೇದಾರ್ ಜಾದವ್, ಅಭಿಶೇಕ್ ಶರ್ಮಾ ಬಂದ ದಾರಿಗೆ ಸುಂಕವಿಲ್ಲದಂತೆ ಪೆವಿಲಿಯನ್​​ ಸೇರಿದರು.

ಅಂತಿಮವಾಗಿ ಕೇನ್ ವಿಲಿಯಮ್ಸನ್ ಹಾಗೂ ಜೆ.ಸುಚಿತ್ ಹೋರಾಟ ನಡೆಸಿ ಅಂತಿಮ ಓವರ್​ವರೆಗೂ ಪಂದ್ಯವನ್ನು ತಂದು ನಿಲ್ಲಿಸಿದರು. ಹೈದರಾಬಾದ್ ಗೆಲುವಿಗೆ ಅಂತಿಮ 6 ಎಸೆತದಲ್ಲಿ 15 ರನ್ ಅವಶ್ಯಕತೆ ಇತ್ತು ಸುಚಿತ್ ಸಿಕ್ಸರ್, ವಿಲಿಯಮ್ಸನ್ ಬೌಂಡರಿಯಿಂದ ಹೈದರಾಬಾದ್ 7 ವಿಕೆಟ್ ನಷ್ಟಕ್ಕೆ 159 ರನ್ ಸಿಡಿಸಿ ಪಂದ್ಯ ಟೈ ಮಾಡಿಕೊಂಡಿತು. ಹೀಗಾಗಿ ಸೂಪರ್ ಓವರ್ ಮೊರೆ ಹೋಗಲಾಯಿತು.

ಸೂಪರ್‌ ಓವರ್‌ನಲ್ಲಿ ಮೊದಲು ಬ್ಯಾಟ್‌ ಮಾಡಿದ ಸನ್‌ರೈಸರ್ಸ್‌ 8 ರನ್‌ ಗಳಿಸಲಷ್ಟೇ ಶಕ್ತವಾಯಿತು. ಆದರೆ, 6ನೇ ಎಸೆತದಲ್ಲಿ 2ನೇ ರನ್‌ ಕದಿಯುವಾಗ ಡೇವಿಡ್‌ ವಾರ್ನರ್‌ ಕ್ರೀಸ್‌ ಮುಟ್ಟದೇ ಇದ್ದ ಕಾರಣಕ್ಕೆ ಸನ್‌ರೈಸರ್ಸ್‌ ಖಾತೆಯಿಂದ ಒಂದು ರನ್‌ ಕಡಿತ ಗೊಳಿಸಲಾಯಿತು. ಗೆಲ್ಲಲು 8 ರನ್‌ ಗುರಿ ಪಡೆದಿದ್ದ ಕ್ಯಾಪಿಟಲ್ಸ್‌ ಪರ ರಿಷಭ್ ಪಂತ್‌ ಮತ್ತು ಶಿಖರ್‌ ಧವನ್ ಬ್ಯಾಟಿಂಗ್‌ಗೆ ಇಳಿದರು. ಆದರೆ ರಶೀದ್‌ ಖಾನ್‌ ಬೌಲಿಂಗ್​ ಎದುರಿಸಲು ಸ್ವಲ್ಪ ತಡಕಾಡಿದರು. ಕೊನೆಯ ಎರಡೂ ಎಸೆತದಲ್ಲಿ ಕ್ಯಾಪಿಟಲ್ಸ್‌ ಲೆಗ್‌ ಬೈ ಮೂಲಕವೇ ರನ್‌ ಕದ್ದು ಜಯ ದಕ್ಕಿಸಿಕೊಂಡಿತು.

ಇದಕ್ಕೂ ಮುನ್ನ ಬ್ಯಾಟಿಂಗ್​ ಮಾಡಿದ ಡೆಲ್ಲಿ ಕ್ಯಾಪಿಟಲ್ಸ್​ ಪೃಥ್ವಿ ಶಾ ಸಿಡಿಸಿದ ಅರ್ಧಶತಕದ ನೆರವಿನಿಂದ 20 ಓವರ್​ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 159 ರನ್​ ಗಳಿಸಿತ್ತು. ಟಾಸ್​ ಗೆದ್ದು ಬ್ಯಾಟಿಂಗ್ ಆರಂಭಿಸಿದ ಡೆಲ್ಲಿ ತಂಡಕ್ಕೆ ಪೃಥ್ವಿ ಶಾ ಮತ್ತು ಶಿಖರ್ ಧವನ್ ಮೊದಲ ವಿಕೆಟ್​ಗೆ 81 ರನ್​ಗಳ ಜೊತೆಯಾಟ ನೀಡಿದರು. ಪವರ್​ ಪ್ಲೇನಲ್ಲೇ ಅದ್ಭುತವಾಗಿ ಬ್ಯಾಟಿಂಗ್ ಮಾಡಿದ ಈ ಜೋಡಿ 51 ರನ್​ ಗಳಿಸಿತ್ತು. ಆದರೆ, 26 ಎಸೆತಗಳಲ್ಲಿ 28 ರನ್​ಗಳಿಸಿದ್ದ ಧವನ್​ರನ್ನು ರಶೀದ್ ಖಾನ್​ ಔಟ್​ ಮಾಡುವ ಮೂಲಕ ಹೈದರಾಬಾದ್​ಗೆ ಮೊದಲ ಬ್ರೇಕ್ ತಂದು ಕೊಟ್ಟರು.

39 ಎಸೆತಗಳಲ್ಲಿ 7 ಬೌಂಡರಿ, ಒಂದು ಸಿಕ್ಸರ್​ನೊಂದಿಗೆ 53 ರನ್​ಗಳಿಸಿದ್ದ ಪೃಥ್ವಿ ಶಾ, ಇಲ್ಲದ ರನ್​ ಕದಿಯಲು ಹೋಗಿ ರನ್​ಔಟ್ ಆಗಿ ನಿರಾಶೆ ಅನುಭವಿಸಿದರು. ನಂತರರ ಒಂದಾದ ನಾಯಕ ಪಂತ್ ಮತ್ತು ಅನುಭವಿ ಸ್ಮಿತ್​ 3ನೇ ವಿಕೆಟ್​ಗೆ 58 ರನ್​ಗಳ ಜೊತೆಯಾಟ ನೀಡಿ ತಂಡದ ಮೊತ್ತವನ್ನು ಹೆಚ್ಚಿಸಿದರು. ಪಂತ್ 27 ಎಸೆತಗಳಲ್ಲಿ 37 ರನ್​ಗಳಿಸಿದರೆ, ಸ್ಟೀವನ್ ಸ್ಮಿತ್ 24 ಎಸೆತಗಳನ್ನು 3 ಬೌಂಡರಿ ಮತ್ತು ಒಂದು ಸಿಕ್ಸರ್​ ಸಹಿತ ಅಜೇಯ 34 ರನ್​ಗಳಿಸಿ ತಂಡದ ಮೊತ್ತವನ್ನು 150ರ ಗಡಿ ದಾಟಿಸಿದರು.

ಸಂಕ್ಷಿಪ್ತ ಸ್ಕೋರ್‌

ಡೆಲ್ಲಿ ಕ್ಯಾಪಿಟಲ್ಸ್‌: 20 ಓವರ್‌ಗಳಲ್ಲಿ 4 ವಿಕೆಟ್‌ಗೆ 159 ರನ್ (ಪೃಥ್ವಿ ಶಾ 53, ಶಿಖರ್‌ ಧವನ್ 28, ರಿಷಭ್ ಪಂತ್ 37, ಸ್ಟೀವ್ ಸ್ಮಿತ್ 34*, ಸಿದ್ಧಾರ್ಥ್ 31ಕ್ಕೆ 2, ರಶೀದ್‌ ಖಾನ್ 31ಕ್ಕೆ 1)

ಸನ್‌ರೈಸರ್ಸ್‌ ಹೈದರಾಬಾದ್: 20 ಓವರ್‌ಗಳಲ್ಲಿ 7 ವಿಕೆಟ್‌ಗೆ 159 ರನ್ (ಬೈರ್‌ಸ್ಟೋ 38, ಕೇನ್ ವಿಲಿಯಮ್ಸನ್ 66*, ಜಗದೀಶ ಸುಚಿತ್ 14*, ಅವೇಶ್‌ ಖಾನ್ 34ಕ್ಕೆ 3, ಅಕ್ಷರ್ ಪಟೇಲ್ 26ಕ್ಕೆ 2, ಅಮಿತ್ ಮಿಶ್ರಾ 31ಕ್ಕೆ 1).

ಸೂಪರ್‌ ಓವರ್‌: ಸನ್‌ರೈಸರ್ಸ್‌ ಹೈದರಾಬಾದ್: 7 ರನ್‌, ಡೆಲ್ಲಿ ಕ್ಯಾಪಿಟಲ್ಸ್‌: 8 ರನ್‌