ಐಪಿಎಲ್​ 2024: ಮುಂಬೈ ಇಂಡಿಯನ್ಸ್​ಗೆ ಲಸಿತ್​ ಮಾಲಿಂಗ ಬೌಲಿಂಗ್​ ಕೋಚ್​

ಶೇನ್​ ಬಾಂಡ್​ ಅವರನ್ನು ಮುಂಬೈ ಇಂಡಿಯನ್ಸ್ ಬೌಲಿಂಗ್​ ಕೋಚ್​ ಹುದ್ದೆಯಿಂದ ಕೈಬಿಟ್ಟ ನಂತರ ಅವರ ಸ್ಥಾನಕ್ಕೆ ಮಾಜಿ ಆಟಗಾರ ಲಸಿತ್​ ಮಾಲಿಂಗ ಅವರನ್ನು ನೇಮಕ ಮಾಡಿಕೊಳ್ಳಲಾಗಿದೆ.

ಮುಂಬೈ (ಮಹರಾಷ್ಟ್ರ): ಇಂಡಿಯನ್​ ಪ್ರೀಮಿಯರ್​ ಲೀಗ್​ (ಐಪಿಎಲ್​) 2024ರ ಆವೃತ್ತಿಗೆ ಪಾಂಚೈಸಿಗಳು ತಯಾರಿ ನಡೆಸಲು ಆರಂಭಿಸಿದೆ. ಈಗಾಗಲೇ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು (ಆರ್​ಸಿಬಿ) ತನ್ನ ಕೋಚ್​ ಮತ್ತು ನಿರ್ದೇಶಕರನ್ನು ಕೈಬಿಟ್ಟು ಹೊಸಬರಿಗೆ ಮಣೆಹಾಕಿದೆ. ಇದೀಗ ಮುಂಬೈ ಇಂಡಿಯನ್ಸ್​ (ಎಂಐ) ಬೌಲಿಂಗ್​ ಕೋಚ್​ ಬದಲಾವಣೆ ಆಗಿದೆ. ನಾಲ್ಕು ಬಾರಿ ಚಾಂಪಿಯನ್​ ಆಗಿದ್ದಾಗ ತಂಡಕ್ಕೆ ತರಬೇತಿ ನೀಡಿದ್ದ ಶೇನ್​ ಬಾಂಡ್​ ಅವರನ್ನು ಎರಡು ದಿನಗಳ ಕೆಳಗೆ ಎಂಐ ಕೈಬಿಟ್ಟಿತ್ತು. ಈಗ ಅವರ ಜಾಗಕ್ಕೆ ಮುಂಬೈ ಇಂಡಿಯನ್ಸ್ ಮಾಜಿ ಆಟಗಾರನನ್ನೇ ಕೋಚ್​ ಆಗಿ ನೇಮಿಸಿದೆ.

ಶೇನ್​ ಬಾಂಡ್​ ಅವರು 9 ವರ್ಷಗಳ ಕಾಲ ಮುಂಬೈ ಇಂಡಿಯನ್ಸ್​ ತಂಡಕ್ಕೆ ಬೌಲಿಂಗ್​ ಕೋಚ್​ ಆಗಿ ಕಾರ್ಯನಿರ್ವಹಿಸಿದ್ದರು. 2015ರಿಂದ 2023ರ ವರೆಗೆ ತಂಡಕ್ಕೆ ಅಮೂಲ್ಯ ಕೊಡುಗೆ ನೀಡಿದ್ದರು. ಇವರ ಕೋಚಿಂಗ್​ ಅಡಿಯಲ್ಲಿ ಮುಂಬೈ ಇಂಡಿಯನ್ಸ್​ 2015, 2017, 2019 ಮತ್ತು 2020 ರಲ್ಲಿ ಚಾಂಪಿಯನ್​ ಆಗಿತ್ತು. ಕಳೆದೆರಡು ವರ್ಷ ಎಂಐ ತಂಡದ ಪ್ರದರ್ಶನ ಕುಗ್ಗಿದೆ. ಅಲ್ಲದೇ ತಂಡದ ಪ್ರಮುಖ ಬೌಲರ್​ಗಳು ಗಾಯದಿಂದ ಹೊರಗುಳಿದಿದ್ದು ಸಮಸ್ಯೆ ಆಗಿತ್ತು.

• 𝗔𝗔𝗟𝗔 𝗥𝗘 𝗔𝗔𝗟𝗔 𝕊𝕃𝕀ℕ𝔾𝔸 𝗔𝗔𝗟𝗔 🤩#OneFamily #MumbaiIndians #MumbaiMeriJaan @malinga_ninety9 pic.twitter.com/vtqOGiWXT4

  — Mumbai Indians (@mipaltan) October 20, 2023 " class="align-text-top noRightClick twitterSection" data="

  𝗔𝗔𝗟𝗔 𝗥𝗘 𝗔𝗔𝗟𝗔 𝕊𝕃𝕀ℕ𝔾𝔸 𝗔𝗔𝗟𝗔 🤩#OneFamily #MumbaiIndians #MumbaiMeriJaan @malinga_ninety9 pic.twitter.com/vtqOGiWXT4

  — Mumbai Indians (@mipaltan) October 20, 2023

  ">

  𝗔𝗔𝗟𝗔 𝗥𝗘 𝗔𝗔𝗟𝗔 𝕊𝕃𝕀ℕ𝔾𝔸 𝗔𝗔𝗟𝗔 🤩#OneFamily #MumbaiIndians #MumbaiMeriJaan @malinga_ninety9 pic.twitter.com/vtqOGiWXT4

  — Mumbai Indians (@mipaltan) October 20, 2023

ಶೇನ್​ ಬಾಂಡ್​ ಅವರನ್ನು ಕೈಬಿಟ್ಟ ನಂತರ ಐಪಿಎಲ್ 2024ರ ಸೀಸನ್‌ಗೆ ಮುನ್ನ ಮುಂಬೈ ಇಂಡಿಯನ್ಸ್ ತನ್ನ ಹೊಸ ಬೌಲಿಂಗ್ ಕೋಚ್ ಆಗಿ ಶ್ರೀಲಂಕಾದ ವೇಗದ ಬೌಲಿಂಗ್ ದಂತಕಥೆ ಲಸಿತ್ ಮಾಲಿಂಗ ಅವರನ್ನು ಘೋಷಿಸಿದೆ. ಈ ಹಿಂದೆ 2022 ಮತ್ತು 2023ರ ಐಪಿಎಲ್​ನಲ್ಲಿ ರಾಜಸ್ಥಾನ್ ರಾಯಲ್ಸ್‌ನ ಬೌಲಿಂಗ್ ಕೋಚ್ ಆಗಿ ಮಾಲಿಂಗ ಕಾರ್ಯ ನಿರ್ವಹಿಸಿದ್ದಾರೆ. 2024ರ ಆವೃತ್ತಿಗೆ ಮಾರ್ಕ್ ಬೌಚರ್ ನೇತೃತ್ವದ ಮುಂಬೈ ಇಂಡಿಯನ್ಸ್ ತಂಡವನ್ನು ಸೇರುತ್ತಾರೆ. ಎಂಐನಲ್ಲಿ ಬ್ಯಾಟಿಂಗ್ ಕೋಚ್ ಆಗಿ ಕೀರನ್ ಪೊಲಾರ್ಡ್ ಇದ್ದಾರೆ.

ಲಸಿತ್​ ಮಾಲಿಂಗ ಈ ವರ್ಷದ ಆರಂಭದಲ್ಲಿ ಮೇಜರ್​ ಲೀಗ್​ ಕ್ರಿಕೆಟ್​ನಲ್ಲಿ ಮುಂಬೈ ಇಂಡಿಯನ್ಸ್ ನ್ಯೂಯಾರ್ಕ್​​ಗೆ ಬೌಲಿಂಗ್​ ಕೋಚ್​ ಆಗಿದ್ದರು. ಅಲ್ಲಿ ಎಂಐ ತಂಡ ಚೊಚ್ಚಲ ಆವೃತ್ತಿಯ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿತ್ತು. ಅಲ್ಲದೇ 2024ರ SA-20 ಯಲ್ಲಿ ಕೇಪ್​ಟೌನ್‌ ತಂಡಕ್ಕೂ ಕೋಚಿಂಗ್​ ಮಾಡಲಿದ್ದಾರೆ.

• 𝗕𝗔𝗧𝗧𝗜𝗡𝗚 𝗖𝗢𝗔𝗖𝗛 - 🄿🄾🄻🄻🄰🅁🄳
  𝗕𝗢𝗪𝗟𝗜𝗡𝗚 𝗖𝗢𝗔𝗖𝗛 - 🄼🄰🄻🄸🄽🄶🄰
  
  Paltan, आता कसं वाटतय? 🤩#OneFamily #MumbaiIndians #MumbaiMeriJaan @malinga_ninety9 @KieronPollard55 pic.twitter.com/bdPWVrfuDy

  — Mumbai Indians (@mipaltan) October 20, 2023 " class="align-text-top noRightClick twitterSection" data="

  𝗕𝗔𝗧𝗧𝗜𝗡𝗚 𝗖𝗢𝗔𝗖𝗛 - 🄿🄾🄻🄻🄰🅁🄳
  𝗕𝗢𝗪𝗟𝗜𝗡𝗚 𝗖𝗢𝗔𝗖𝗛 - 🄼🄰🄻🄸🄽🄶🄰
  
  Paltan, आता कसं वाटतय? 🤩#OneFamily #MumbaiIndians #MumbaiMeriJaan @malinga_ninety9 @KieronPollard55 pic.twitter.com/bdPWVrfuDy

  — Mumbai Indians (@mipaltan) October 20, 2023

  ">

  𝗕𝗔𝗧𝗧𝗜𝗡𝗚 𝗖𝗢𝗔𝗖𝗛 - 🄿🄾🄻🄻🄰🅁🄳
  𝗕𝗢𝗪𝗟𝗜𝗡𝗚 𝗖𝗢𝗔𝗖𝗛 - 🄼🄰🄻🄸🄽🄶🄰
  
  Paltan, आता कसं वाटतय? 🤩#OneFamily #MumbaiIndians #MumbaiMeriJaan @malinga_ninety9 @KieronPollard55 pic.twitter.com/bdPWVrfuDy

  — Mumbai Indians (@mipaltan) October 20, 2023

"ಮುಂಬೈ ಇಂಡಿಯನ್ಸ್‌ನ ಬೌಲಿಂಗ್ ಕೋಚ್ ಆಗಿ ನೇಮಕಗೊಂಡಿರುವುದು ನನಗೆ ನಿಜಕ್ಕೂ ಸಂತೋಷವಾಗಿದೆ. ಎಂಐ ನ್ಯೂಯಾರ್ಕ್ ಮತ್ತು ಎಂಐ ಕೇಪ್ ಟೌನ್ ನಂತರ ಮುಂಬೈ ಇಂಡಿಯನ್ಸ್​ನಲ್ಲಿ ನನ್ನ ಪ್ರಯಾಣ ಮುಂದುವರಿಯುತ್ತಿದೆ. ನಾನು ಮಾರ್ಕ್ ಬೌಚರ್, ಕೀರನ್​ ಪೊಲಾರ್ಡ್​, ರೋಹಿತ್ ಮತ್ತು ತಂಡದ ಇತರರೊಂದಿಗೆ ನಿಕಟವಾಗಿ ಕೆಲಸ ಮಾಡಲು ಎದುರು ನೋಡುತ್ತಿದ್ದೇನೆ. ಮುಂಬೈ ತಂಡದಲ್ಲಿ ಯುವ ಬೌಲರ್​ಗಳು ಕಳೆದ ಆವೃತ್ತಿಗಳಲ್ಲಿ ಉತ್ತಮವಾಗಿ ಬೌಲಿಂಗ್​ ಮಾಡುತ್ತಿದ್ದಾರೆ" ಎಂದು ಮಾಲಿಂಗ ಹೇಳಿದ್ದಾರೆ.

ಐಪಿಎಲ್​ ಆಟಗಾರನಾಗಿ ಮಾಲಿಂಗ 2013, 2015, 2017 ಮತ್ತು 2019ರ ಚಾಂಪಿಯನ್​ ತಂಡದ ಭಾಗವಾಗಿದ್ದರು. ಒಟ್ಟಾರೆ, ಮಾಲಿಂಗ ಮುಂಬೈಗಾಗಿ 139 ಪಂದ್ಯಗಳನ್ನು ಆಡಿದ್ದು 7.12ರ ಎಕಾನಮಿಯಲ್ಲಿ 195 ವಿಕೆಟ್​ ಪಡೆದಿದ್ದಾರೆ.

ಇದನ್ನೂ ಓದಿ: ಮುಂಬೈ ಇಂಡಿಯನ್ಸ್​ ಜತೆಗಿನ 9 ವರ್ಷದ 'ಬಾಂಡ್' ಅಂತ್ಯ: ಹೊಸ ಕೋಚ್ ಯಾರು ಗೊತ್ತೇ?