ಮುಂಬೈ: ಪ್ರಸಕ್ತ ಸಾಲಿನ ಇಂಡಿಯನ್ ಪ್ರೀಮಿಯರ್ ಲೀಗ್ನ ಇಂದಿನ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಹಾಗೂ ಪಂಜಾಬ್ ತಂಡಗಳ ನಡುವೆ ಸೆಣಸಾಟ ನಡೆಯಲಿದ್ದು, ಇಂದಿನ ಪಂದ್ಯದಲ್ಲಿ ಗೆಲುವು ಸಾಧಿಸಿ ಖಾತೆ ತೆರೆಯುವ ತವಕದಲ್ಲಿ ಸಿಎಸ್ಕೆ ತಂಡ ಇದೆ.
ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಚೆನ್ನೈ ಸೂಪರ್ ಕಿಂಗ್ಸ್ 7 ವಿಕೆಟ್ಗಳ ಸೋಲು ಕಂಡಿದ್ದು, ರಾಜಸ್ಥಾನ ರಾಯಲ್ಸ್ ವಿರುದ್ಧ ಪಂಜಾಬ್ 4 ರನ್ಗಳ ಭರ್ಜರಿ ಗೆಲುವು ದಾಖಲು ಮಾಡಿದೆ. ಎಲ್ಲ ವಿಭಾಗಗಳಲ್ಲೂ ಪಂಜಾಬ್ ತಂಡ ಬಲಿಷ್ಠವಾಗಿರುವ ಕಾರಣ ಸಿಎಸ್ಕೆಗೆ ಕಠಿಣ ಸವಾಲು ನೀಡುವ ಸಾಧ್ಯತೆ ಇದೆ.
ಹಿಂದಿನ ಪಂದ್ಯದಲ್ಲಿ ಸಿಎಸ್ಕೆ ಪರ ಸುರೇಶ್ ರೈನಾ(54), ಮೊಯಿನ್ ಅಲಿ(36) ಸ್ಯಾಮ್ ಕರ್ರನ್(34), ಜಡೇಜಾ(26) ಹಾಗೂ ರಾಯುಡು (23)ರನ್ಗಳಿಕೆ ಮಾಡಿದ್ದರು. ಆದರೆ ಧೋನಿ ತಾವು ಎದುರಿಸಿದ್ದ ಎರಡನೇ ಎಸೆತದಲ್ಲಿ ವಿಕೆಟ್ ಒಪ್ಪಿಸಿದ್ದರು. ಜತೆಗೆ ಆರಂಭಿಕರಾಗಿ ಕಣಕ್ಕಿಳಿದಿದ್ದ ರಿತುರಾಜ್ ಗಾಯಕ್ವಾಡ್ ಹಾಗೂ ಫಾಫು ಡುಪ್ಲೆಸಿಸ್ ವೈಫಲ್ಯ ಅನುಭವಿಸಿದ್ದರು.
ಮೊದಲ ಪಂದ್ಯದಲ್ಲೇ ಆರ್ಭಟಿಸಿರುವ ಕೆಎಲ್ ರಾಹುಲ್(91)ರನ್, ಕ್ರಿಸ್ ಗೇಲ್(40)ರನ್ ಹಾಗೂ ದೀಪಕ್ ಹೂಡಾ(64)ರನ್ ತಂಡಕ್ಕೆ ಆಧಾರವಾಗಿದ್ದು, ಇಂದಿನ ಪಂದ್ಯದಲ್ಲೂ ತಮ್ಮ ಪ್ರದರ್ಶನ ಮುಂದುವರೆಸುವ ಸಾಧ್ಯತೆ ಇದೆ. ಬೌಲಿಂಗ್ ವಿಭಾಗದಲ್ಲಿ ಪಂಜಾಬ್ ಪರ ಅರ್ಷದೀಪ್ ಸಿಂಗ್,ಮೊಹಮ್ಮದ್ ಶಮಿ, ರಿಚರ್ಡ್ಸನ್ ಆಕ್ರಮಣಕಾರಿಯಾಗಿದ್ದಾರೆ.
ಇದನ್ನೂ ಓದಿ: ರಾಜಸ್ಥಾನ ತಂಡ ಬಿಟ್ಟು ಇಂಗ್ಲೆಂಡ್ಗೆ ಸ್ಟೋಕ್ಸ್ ಪ್ರಯಾಣ.. ಸೋಮವಾರವೇ ಶಸ್ತ್ರಚಿಕಿತ್ಸೆ!
ತಂಡಗಳು ಇಂತಿವೆ
ಚೆನ್ನೈ ಸೂಪರ್ ಕಿಂಗ್ಸ್: ಮಹೇಂದ್ರ ಸಿಂಗ್ ಧೋನಿ(ಕ್ಯಾಪ್ಟನ್, ವಿ.ಕೀ), ಸುರೇಶ್ ರೈನಾ, ಅಂಬಾಟಿ ರಾಯುಡು, ಕೆಎಂ ಆಸೀಫ್, ದೀಪಕ್ ಚಹರ್,ಡ್ವೇನ್ ಬ್ರಾವೋ, ಫಾಫು ಡು ಪ್ಲೇಸಿಸ್, ಇಮ್ರಾನ್ ತಾಹೀರ್, ಎನ್. ಜಗದೀಶನ್, ಕರನ್ ಶರ್ಮಾ, ನಿಗ್ಡಿ, ಮಿಚಲ್ ಸ್ಯಾಟ್ನರ್, ರವೀಂದ್ರ ಜಡೇಜಾ, ಋತುರಾಜ್ ಗಾಯಕ್ವಾಡ್, ಶಾರ್ದೂಲ್ ಠಾಕೂರ್, ಸ್ಯಾಮ್ ಕರ್ರನ್, ಆರ್. ಸಾಯಿ ಕಿಶೋರ್, ಮೊಯಿನ್ ಅಲಿ,ಕೆ.ಗೌತಮ್,ಚೇತೇಶ್ವರ್ ಪೂಜಾರ್,ಹರಿಶಂಕರ್ ರೆಡ್ಡಿ, ವರ್ಮಾ,ಹರಿ ನಿಶಾಂತ್.
ಪಂಜಾಬ್ ಕಿಂಗ್ಸ್: ಕೆ.ಎಲ್ ರಾಹುಲ್(ಕ್ಯಾಪ್ಟನ್, ವಿ.ಕೀ), ಮಯಾಂಕ್ ಅಗರವಾಲ್, ಕ್ರಿಸ್ ಗೇಲ್, ಮನ್ದೀಪ್ ಸಿಂಗ್,ಪ್ರಬ್ಸಿಮ್ರಾನ್ ಸಿಂಗ್, ನಿಕೂಲಸ್ ಪೂರನ್(ವಿ.ಕೀ), ಸರ್ಫರಾಜ್ ಖಾನ್, ದೀಪಕ್ ಹೂಡಾ, ಮುರ್ಗನ್ ಅಶ್ವಿನ್, ರವಿ ಬಿಸ್ನೋಯ್, ಹರಪ್ರೀತ್ ಬ್ರಾರ್, ಮೊಹಮ್ಮದ್ ಶಮಿ, ಅರ್ಷದೀಪ್ ಸಿಂಗ್, ಇಶಾನ್ ಪೂರಲ್, ದರ್ಶನ್ ನಾಲ್ಕಾಂಡೆ, ಕ್ರಿಸ್ ಜೋರ್ಡನ್, ಡೆವಿಡ್ ಮಲನ್, ರಿಚರ್ಡ್ಸನ್, ಶಾರುಖ್ ಖಾನ್, ಜಲಜ್ ಸೆಕ್ಸೆನ್, ಉತ್ಕರ್ಷ್ ಸಿಂಗ್, ಸೌರಭ್ ಕುಮಾರ್
