ಹೈದರಾಬಾದ್: ಇಂಡಿಯನ್ ಪ್ರೀಮಿಯರ್ ಲೀಗ್ನ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧದ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ 7 ವಿಕೆಟ್ಗಳ ಗೆಲುವು ದಾಖಲು ಮಾಡಿದ್ದು, ಅಂಕಪಟ್ಟಿಯಲ್ಲಿ ಎರಡನೇ ಸ್ಥಾನಕ್ಕೆ ಲಗ್ಗೆ ಹಾಕಿದೆ.
ಕೆಕೆಆರ್ ನೀಡಿದ್ದ 154 ರನ್ಗಳ ಟಾರ್ಗೆಟ್ ಬೆನ್ನಟ್ಟಿದ ಡೆಲ್ಲಿ ಉತ್ತಮ ಆರಂಭ ಪಡೆದುಕೊಂಡಿತು. ಆರಂಭಿಕರಾಗಿ ಕಣಕ್ಕಿಳಿದ ಪೃಥ್ವಿ ಶಾ ಎದುರಾಳಿ ತಂಡದ ಬೌಲರ್ ಶಿವಂ ಮಾವಿ ಎಸೆದ ಮೊದಲ ಓವರ್ನಲ್ಲೇ 6 ಬೌಂಡರಿ ಸಿಡಿಸಿದ್ದರು.
ಸಿಕ್ರೆಟ್ ಬಹಿರಂಗಪಡಿಸಿದ ಪೃಥ್ವಿ
ಪಂದ್ಯ ಮುಕ್ತಾಯಗೊಂಡ ಬಳಿಕ ಮಾತನಾಡಿದ ಪೃಥ್ವಿ ಶಾ, ಸುಮಾರು 4-5 ವರ್ಷಗಳಿಂದ ನಾನು ಶಿವಂ ಮಾವಿ ಜೊತೆ ಕ್ರಿಕೆಟ್ ಆಡಿದ್ದೇನೆ. ಆತ ಎಲ್ಲಿ ಬೌಲಿಂಗ್ ಮಾಡುತ್ತಾನೆ ಎಂಬುದು ನನಗೆ ಚೆನ್ನಾಗಿ ಗೊತ್ತು. ಹೀಗಾಗಿ ಬೌಂಡರಿ ಸಿಡಿಸಲು ಸಹಾಯವಾಯಿತು ಎಂದಿದ್ದಾರೆ.
ಮೊದಲನೇ ಓವರ್ ಎಸೆದ ಶಿವಂ ಮಾವಿ ಒಂದು ವೈಡ್ ಸೇರಿದಂತೆ 25ರನ್ ಬಿಟ್ಟುಕೊಟ್ಟಿದ್ದರು. ಪೃಥ್ವಿ- ಶಿವಂ ಮಾವಿ ಅಂಡರ್-19 ವಿಶ್ವಕಪ್ ವೇಳೆ ಟೀಂ ಇಂಡಿಯಾದಲ್ಲಿದ್ದರು.
ಇದನ್ನೂ ಓದಿ: WATCH: ಓವರ್ನಲ್ಲಿ 6 ಬೌಂಡರಿ ಸಿಡಿಸಿ ಪೃಥ್ವಿ 'ಶೋ'; ಪಂದ್ಯದ ನಂತರ ಶಿವಂ ಸೇಡು ಹೀಗಿತ್ತು..
ನಿನ್ನೆಯ ಪಂದ್ಯದಲ್ಲಿ 41 ಎಸೆತಗಳಲ್ಲಿ 11 ಬೌಂಡರಿ, 3 ಸಿಕ್ಸರ್ ಸೇರಿದಂತೆ 82ರನ್ಗಳಿಕೆ ಮಾಡಿದ್ದ ಶಾ, 18 ಎಸೆತಗಳಲ್ಲಿ ಅರ್ಧಶತಕ ಸಿಡಿಸಿದ್ದರು.
