ಅಹ್ಮದಾಬಾದ್: ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಸ್ಪಿನ್ನರ್ ಅಮಿತ್ ಮಿಶ್ರಾ ಆರ್ಸಿಬಿ ವಿರುದ್ಧದ ಪಂದ್ಯದ ವೇಳೆ ಆಕಸ್ಮಿಕವಾಗಿ ಚೆಂಡಿಗೆ ಎಂಜಲನ್ನು ಹಚ್ಚಿದ್ದಾರೆ. ತಕ್ಷಣ ಅಂಪೈರ್ ಚೆಂಡನ್ನು ವಾಪಸ್ ಪಡೆದು ಸ್ಯಾನಿಟೈಸ್ ಮಾಡಿ ಮಿಶ್ರಾಗೆ ಎಚ್ಚರಿಕೆ ನೀಡಿದ್ದಾರೆ.
ಪಂದ್ಯದ ಆರನೇ ಓವರ್ನಲ್ಲಿ ಬೌಲಿಂಗ್ ಮಾಡಲು ಬಂದ ಮಿಶ್ರಾ ತಮ್ಮ ಮೊದಲ ಎಸೆತಕ್ಕೂ ಮುನ್ನವೇ ಚೆಂಡಿನ ಮೇಲೆ ಎಂಜಲನ್ನು ಹಚ್ಚಿದ್ದಾರೆ. ಈ ಘಟನೆ ನಡೆದ ತಕ್ಷಣ ಮೈದಾನದ ಅಂಪೈರ್ ವಿರೇಂದರ್ ಶರ್ಮಾ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ನಾಯಕ ರಿಷಭ್ ಪಂತ್ ಅವರಿಗೆ ಮೊದಲು ಎಚ್ಚರಿಕೆ ನೀಡಿದ್ದಾರೆ.
ಕಳೆದ ವರ್ಷ ಕೋವಿಡ್ 19 ಸಾಂಕ್ರಾಮಿಕ ಕಾರಣದಿಂದ ಚೆಂಡಿಗೆ ಲಾಲಾರಸ(ಎಂಜಲು) ಹಚ್ಚುವುದನ್ನು ಐಸಿಸಿ ನಿಷೇಧಿಸಿತ್ತು. ಆಕಸ್ಮಿಕವಾಗಿ ಮೊದಲ ಬಾರಿ ತಪ್ಪು ಮಾಡಿದರೆ ಎಚ್ಚರಿಕೆ ನೀಡುವುದು, ಎರಡನೇ ಮಾಡಿದರೆ ಆಟಗಾರ ಇರುವ ತಂಡಕ್ಕೆ 5 ರನ್ಗಳ ದಂಡ ವಿಧಿಸಲಾಗುತ್ತದೆ.
ಇದನ್ನು ಓದಿ:ಐಪಿಎಲ್ನಲ್ಲಿ 5000 ರನ್ಸ್ ಪೂರೈಸಿದ ಮಿಸ್ಟರ್ 360
