ಕೊನೆಯ ಪಂದ್ಯದಲ್ಲೂ ಲಯ ಕಳೆದುಕೊಂಡ ಲಂಕಾ : 3-0ದಿಂದ ಸರಣಿ ವಶಪಡಿಸಿಕೊಂಡ ವಿಂಡೀಸ್​

ವೆಸ್ಟ್ ಇಂಡೀಸ್ -ಶ್ರೀಲಂಕಾ ಮೂರು ಪಂದ್ಯಗಳ ಏಕದಿನ ಸರಣಿಯಲ್ಲಿ ವೆಸ್ಟ್ ಇಂಡೀಸ್ ತಂಡ ಸರಣಿ ಕ್ಲೀನ್​ ಸ್ವೀಪ್​ ಮಾಡಿದೆ. ಮೂರನೇ ಪಂದ್ಯದಲ್ಲಿ 5 ವಿಕೆಟ್​ಗಳ ಭರ್ಜರಿ ಗೆಲುವು ಸಾಧಿಸುವ ಮೂಲಕ ಸರಣಿ ಕೈ ವಶ ಮಾಡಿಕೊಂಡಿತು.

ನಾರ್ತ್ ಪಾಯಿಂಟ್ (ಆಂಟಿಗುವಾ): ಡರೆನ್​ ಬ್ರಾವೋ ಮತ್ತು ಪೋಲಾರ್ಡ್​ ಅದ್ಭುತ ಜೊತೆಯಾಟದ ನೆರವಿನಿಂದ ವೆಸ್ಟ್ ಇಂಡೀಸ್ ತಂಡ ಶ್ರೀಲಂಕಾ ವಿರುದ್ಧ ನಡೆದ 3ನೇ ಏಕದಿನ ಪಂದ್ಯದಲ್ಲಿ 5 ವಿಕೆಟ್​ಗಳ ಭರ್ಜರಿ ಗೆಲವು ಸಾಧಿಸಿದೆ. ಈ ಗೆಲುವಿನ ಮೂಲಕ ಮೂರು ಪಂದ್ಯಗಳ ಏಕದಿನ ಸರಣಿಯನ್ನ ವೆಸ್ಟ್ ಇಂಡೀಸ್ 3-0 ದಿಂದ ಕೈ ವಶ ಮಾಡಿಕೊಂಡಿದೆ.

ಟಾಸ್​ ಸೋತು ಬ್ಯಾಟಿಂಗ್​ಗೆ​ ಇಳಿದ ಲಂಕಾ, ಕ್ಯಾಪ್ಟನ್ ಕರುಣರತ್ನೇ ಮತ್ತು ಗುಣತಿಲಕ್ ತಂಡಕ್ಕೆ ಉತ್ತಮ ಆರಂಭ ನೀಡಿದರು. ಮೊದಲ ವಿಕೆಟ್​ಗೆ ಈ ಜೋಡಿ 68 ರನ್​ ಕಲೆಹಾಕಿತು. 36 ರನ್​ ಗಳಿಸಿದಾಗ ಗುಣತಿಲಕ್​ ಜೋಶಫ್​ಗೆ ವಿಕೆಟ್​​ ಒಪ್ಪಿಸಿದರು. ಕರುಣರತ್ನೇ 31 ರನ್​ಗಳಿಸಿ ಔಟಾದರೆ, ನಂತರ ಬಂದ ಯಾವೋಬ್ಬ ಬ್ಯಾಟ್ಸ್​ಮನ್​ ತಂಡಕ್ಕೆ ಹೇಳಿಕೊಳ್ಳುವಂತಹ ಕೊಡುಗೆ ನೀಡಲಿಲ್ಲ.

• West Indies win by five wickets with nine balls to spare 👏
  
  Fifties from @KieronPollard55 and @shaidhope, and a century from @DMBravo46 round out a 3-0 clean sweep.#WIvSL | https://t.co/BSsi3baS1F pic.twitter.com/qPJcOs5fVr

  — ICC (@ICC) March 14, 2021 " class="align-text-top noRightClick twitterSection" data="

  West Indies win by five wickets with nine balls to spare 👏
  
  Fifties from @KieronPollard55 and @shaidhope, and a century from @DMBravo46 round out a 3-0 clean sweep.#WIvSL | https://t.co/BSsi3baS1F pic.twitter.com/qPJcOs5fVr

  — ICC (@ICC) March 14, 2021

  ">

  West Indies win by five wickets with nine balls to spare 👏
  
  Fifties from @KieronPollard55 and @shaidhope, and a century from @DMBravo46 round out a 3-0 clean sweep.#WIvSL | https://t.co/BSsi3baS1F pic.twitter.com/qPJcOs5fVr

  — ICC (@ICC) March 14, 2021

ಮದ್ಯಮ ಕ್ರಮಾಂಕದಲ್ಲಿ ಆಶೆನ್ ಬಂಡರಾ ಹಾಗೂ ವನಿಂದು ಹಸರಂಗ ಜೋಡಿ ಶತಕದ ಜೋತೆಯಾಟವಾಡಿ ತಂಡವನ್ನ, ಸುಭದ್ರ ಸ್ಥಿತಿಗೆ ತಂದರು. 74 ಬೌಲ್​​ಗಳಲ್ಲಿ 3 ಬೌಂಡರಿ ಒಂದು ಸಿಕ್ಸರ್​ ನೇರವಿನಿಂದ ಆಶೆನ್ ಬಂಡರಾ 55 ರನ್​ಗಳಿಸಿದರೆ, ವನಿಂದು ಹಸರಂಗ ಅಬ್ಬರದ ಬ್ಯಾಟಿಂಗ್​ ಮಾಡಿ ಕೇವಲ 60 ಎಸತಗಳಲ್ಲಿ 7 ಬೌಂಡರಿ, 3 ಭರ್ಜರಿ ಸಿಕ್ಸರ್​ ನೇರವಿನಿಂದ 80 ರನ್​ ಬಾರಿಸಿ ತಂಡಕ್ಕೆ ಉತ್ತಮ ಕೊಡುಗೆ ನೀಡಿದರು. ಅಂತಿಮ ವಾಗಿ ಶ್ರೀಲಂಕಾ ತಂಡ ನಿಗದಿತ 50 ಓವರ್​ಗಳಲ್ಲಿ 6 ವಿಕೆಟ್​ ಕಳೆದುಕೊಂಡು 274 ರನ್​ಗಳಿಸಿತು. ವಿಂಡೀಸ್​ ಪರ ಅಕೀಲ್ ಹೊಸೈನ್ 3/33, ಹಾಗೂ ಜೋಶಫ್​ 1/51 ವಿಕೆಟ್​ ಪಡೆದು ಮಿಂಚಿದರು.

ಈ ಸ್ಪರ್ಧಾತ್ಮಕ ಮೊತ್ತವನ್ನ ಬೆನ್ನಟ್ಟಿದ ವಿಂಡೀಸ್​​ ತಂಡಕ್ಕೆ ಉತ್ತಮ ಆರಂಭ ದೊರಕಲಿಲ್ಲ ವೆಸ್ಟ್ ಇಂಡೀಸ್ ಓಪನರ್​ ಲೂಯಿಸ್ ಕೇವಲ 13 ರನ್​ಗಳಿಸಿ ಔಟಾದರು. ನಂತರ ಬಂದ ಜೇಸನ್ ಮೊಹಮ್ಮದ್ ಅವರು ಕೂಡಾ ಕೇವಲ 8 ರನ್​ಗಳಿಸಿ ಔಟಾದರು. ವಿಂಡೀಸ್​ ತಂಡ ಕೇವಲ 39 ರನ್​ಗೆ ಪ್ರಮುಕ 2 ವಿಕೆಟ್​ ಕಳೆದುಕೊಂಡು ಸಂಕಷ್ಟದಲ್ಲಿತ್ತು.

ಆಗ ಶೈ ಹೋಪ್​ ಜೋತೆಗೂಡಿದ ಡರೆನ್​ ಬ್ರಾವೋ ತಂಡವನ್ನ ಸಂಕಷ್ಟದಿಂದ ಪಾರುಮಾಡಿದರು. ಈ ಜೋಡಿ ಶತಕದ ಜೋತೆಯಾಟವಾಡಿ ತಂಡವನ್ನ ಗೆಲುವಿನ ಕಡೆ ಕೊಂಡ್ಯೊದರು. ಶೈ ಹೋಪ್ 64 ರನ್​ಗಳಿಸದರೆ, ಬ್ರಾವೋ ಶತಕ ಸಿಡಿಸಿ ಮಿಂಚಿದರು. ಇತ್ತ ಅಂತಿಮ ಹಂತದಲ್ಲಿ ಬ್ಯಾಟಿಂಗ್​ ಬಂದ ನಾಯಕ ಪೋಲಾರ್ಡ್ ಅರ್ಧಶತಕ ಸಿಡಿಸಿ ತಂಡವನ್ನ ಗೆಲುವಿ ದಡ ಮುಟ್ಟಿಸಿದರು. ಅಂತಿಮವಾಗಿ ವೆಸ್ಟ್ ಇಂಡೀಸ್ ತಂಡ 48.3 ಓವರ್​ಗಳಲ್ಲಿ 5 ವಿಕೆಟ್​ ಕಳೆದುಕೊಂಡು 276 ರನ್​ಗಳಿಸುವ ಮೂಲಕ ಗೆಲುವಿನ ಕೇಕೆ ಹಾಕಿತು. ಇನ್ನೂ ಲಂಕಾ ಪರ ಲಕ್ಮಲ್​ 2 ವಿಕೆಟ್​ ಪಡೆದರು.