ದುಬೈ: ಇಂಗ್ಲೆಂಡ್ ವಿರುದ್ಧ 2016ರಲ್ಲಿ ಮತ್ತು ಆಸ್ಟ್ರೇಲಿಯಾ ವಿರುದ್ಧ 2017ರಲ್ಲಿ ಭಾರತ ಆಡಿದ್ದ ಟೆಸ್ಟ್ ಪಂದ್ಯಗಳ ಫಿಕ್ಸಿಂಗ್ ನಡೆದಿತ್ತು ಎಂದು ನ್ಯೂಸ್ ಚಾನೆಲ್ ಅಲ್ ಜಜೀರಾ ಮಾಡಿರುವ ಆರೋಪದಲ್ಲಿ ಯಾವುದೇ ಹುರುಳಿಲ್ಲ ಎಂದು ಐಸಿಸಿ ಸೋಮವಾರ ದೃಢಪಡಿಸಿದೆ.
ಕ್ರಿಕೆಟ್ ಮ್ಯಾಚ್ ಫಿಕ್ಸರ್ಸ್ ಎಂಬ ಡಾಕ್ಯುಮೆಂಟರಿಯನ್ನು 2018ರಲ್ಲಿ ಅಲ್ಜಜೀರ್ ಬಿಡುಗಡೆ ಮಾಡಿತ್ತು. ಇದರಲ್ಲಿ 2016ರಲ್ಲಿ ಭಾರತ ಮತ್ತು ಇಂಗ್ಲೆಂಡ್ ನಡುವೆ ಚೆನ್ನೈನಲ್ಲಿ ನಡೆದಿದ್ದ ಟೆಸ್ಟ್ ಪಂದ್ಯ ಮತ್ತು 2017ರಲ್ಲಿ ಭಾರತ ಮತ್ತು ಆಸ್ಟ್ರೇಲಿಯಾ ನಡುವೆ ನಡೆದಿದ್ದ ಟೆಸ್ಟ್ ಪಂದ್ಯದಲ್ಲಿ ಫಿಕ್ಸಿಂಗ್ ನಡೆದಿತ್ತು ಎಂದು ಆರೋಪಿಸಲಾಗಿತ್ತು.
ಕಾರ್ಯಕ್ರಮದ ಸಮಯದಲ್ಲಿ, ವಿರಾಟ್ ಕೊಹ್ಲಿ ನೇತೃತ್ವದ ಭಾರತ ತಂಡ ಎರಡು ಟೆಸ್ಟ್ ಸೇರಿನಲ್ಲಿ ಫಿಕ್ಸಿಂಗ್ನಲ್ಲಿ ಭಾಗಿಯಾಗಿತ್ತು ಎಂದು ಆಪಾದಿತ ಬುಕ್ಕಿ ಅನೀಲ್ ಮುನ್ನಾವರ್ ಹೇಳಿಕೊಂಡಿದ್ದರು. ಆದರೆ, ಐಸಿಸಿ ಈ ಪ್ರಕರಣದಲ್ಲಿ ಯಾವುದೇ ಸಾಕ್ಷ್ಯಗಳಿಲ್ಲ. ಚಿತ್ರದಲ್ಲಿ ತೋರಿಸಿರುವ ಐದು ವ್ಯಕ್ತಿಗಳ ವರ್ತನೆ ಕೂಡ ಸಂಶಯಾಸ್ಪದವಾಗಿದೆ ಎಂದು ಐಸಿಸಿ ತಿಳಿಸಿ ಆರೋಪವನ್ನು ತಿರಸ್ಕರಿಸಿದರೆ.
ಚಾನೆಲ್ ಜೊತೆ ಚಿತ್ರೀಕರಣದಲ್ಲಿ ಪಾಲ್ಗೊಂಡಿದ್ದ ಆ ಐದು ವ್ಯಕ್ತಿಗಳ ತಪ್ಪು ಹೇಳಿಕೆ ನೀಡಿ ಪ್ರಶ್ನಾರ್ಹ ರೀತಿಯಲ್ಲಿ ವರ್ತಿಸಿದರೂ, ಅವರ ವಿರುದ್ಧ ವಿಶ್ವಾಸಾರ್ಹ ಸಾಕ್ಷಿಗಳ ಕೊರತೆಯಿಂದ ಕ್ರಮ ಅಥವಾ ಯಾವುದೇ ಶುಲ್ಕ ವಿಧಿಸಲು ಸಾಧ್ಯವಿಲ್ಲ ಎಂದು ಐಸಿಸಿ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.
