IND VS SL 3rd T20: ನಿರ್ಣಾಯಕ ಪಂದ್ಯದಲ್ಲಿ ಟಾಸ್​​ ಗೆದ್ದು ಬ್ಯಾಟಿಂಗ್​ ಆಯ್ದುಕೊಂಡ ಹಾರ್ದಿಕ್​

ಭಾರತ ಶ್ರೀಲಂಕಾ ಮೂರನೇ ಟಿ 20 ಪಂದ್ಯ - ಟಾಸ್​ ಗೆದ್ದು ಬ್ಯಾಟಿಂಗ್​ ಆಯ್ದ ಹಾರ್ದಿಕ್​ - ಲಂಕಾ ತಂಡದಲ್ಲಿ ಒಂದು ಬದಲಾವಣೆ - ಭಾನುಕಾ ರಾಜಪಕ್ಸೆ ಸ್ಥಾನಕ್ಕೆ ಅವಿಷ್ಕಾ ಫರ್ನಾಂಡೋಗೆ ಅವಕಾಶ

ರಾಜ್​ಕೋಟ್​: ಆತಿಥೇಯ ಭಾರತಕ್ಕೆ ಮತ್ತು ಪ್ರವಾಸಿ ಲಂಕಾಗೆ ನಿರ್ಣಾಯಕ ಪಂದ್ಯವಾಗಿರುವ ಮೂರನೇ ಟಿ20ಯಲ್ಲಿ ಭಾರತ ಟಾಸ್​ ಗೆದ್ದು ಬ್ಯಾಟಿಂಗ್​ ಆಯ್ಕೆ ಮಾಡಿಕೊಂಡಿದೆ. ಭಾರತ ತಂಡದಲ್ಲಿ ಯಾವುದೇ ಬದಲಾವಣೆಗಳು ಆಗಿಲ್ಲ. ಲಂಕಾ ತಂಡದಲ್ಲಿ ಒಂದು ಬದಲಾವಣೆ ಆಗಿದ್ದು, ಭಾನುಕಾ ರಾಜಪಕ್ಸೆ ಸ್ಥಾನಕ್ಕೆ ಅವಿಷ್ಕಾ ಫರ್ನಾಂಡೋ ಬಂದಿದ್ದಾರೆ.

ಸರಣಿಯ ಎರಡು ಪಂದ್ಯಗಳಲ್ಲಿ ಕೊನೆಯ ಓವರ್​ ನಿರ್ಣಾಯಕ ಪಾತ್ರ ವಹಿಸಿತ್ತು. ಮೊದಲ ಪಂದ್ಯದಲ್ಲಿ ಅಕ್ಷರ್​ ಪಟೇಲ್​ ಮಾಡಿದ ಸ್ಪಿನ್​ ಮೋಡಿ ಸಿಂಹಳೀಯರು ಬಲಿಯಾದರು. ಸಾಧಾರಣ ಗುರಿ ಬೆನ್ನು ಹತ್ತಿದ್ದ ತಂಡಕ್ಕೆ ಎರಡು ರನ್​ನಿಂದ ಸೋಲನುಭವಿಸ ಬೇಕಾಯಿತು. ಎರಡನೇ ಪಂದ್ಯದಲ್ಲಿ ಕೊನೆಯ ಓವರ್​ನಲ್ಲಿ ಭಾರತ ಗೆಲುವಿನ ಹೊಸ್ತಿಲಲ್ಲಿ ಇತ್ತಾದರೂ ಲಂಕನ್ನರ ಕರಾರುವಕ್ಕು ದಾಳಿಗೆ ಮಣಿದು 16 ರನ್​ನಿಂದ ಸೋಲನುಭವಿಸ ಬೇಕಾಯಿತು. ಅಲ್ಲದೇ 6 ನೋಬಾಲ್​ ಸೇರಿ ಎರಡನೇ ಪಂದ್ಯದಲ್ಲಿ ಬೌಲರ್​ಗಳು ಹೆಚ್ಚುವರಿಯಾಗಿ ನೀಡಿದ್ದ 27 ರನ್​ ನೀಡಿದ್ದು ಭಾರತಕ್ಕೆ ಮುಳುವಾಗಿತ್ತು.

• #TeamIndia have won the toss and elect to bat first in the third and final T20I.
  
  We go in with an unchanged Playing XI.
  
  Live - https://t.co/bY4wgiSvMC #INDvSL @mastercardindia pic.twitter.com/SDfhNlastc

  — BCCI (@BCCI) January 7, 2023 " class="align-text-top noRightClick twitterSection" data="

  #TeamIndia have won the toss and elect to bat first in the third and final T20I.
  
  We go in with an unchanged Playing XI.
  
  Live - https://t.co/bY4wgiSvMC #INDvSL @mastercardindia pic.twitter.com/SDfhNlastc

  — BCCI (@BCCI) January 7, 2023

  ">

  #TeamIndia have won the toss and elect to bat first in the third and final T20I.
  
  We go in with an unchanged Playing XI.
  
  Live - https://t.co/bY4wgiSvMC #INDvSL @mastercardindia pic.twitter.com/SDfhNlastc

  — BCCI (@BCCI) January 7, 2023

ಟಾಸ್​ ಗೆದ್ದ ನಂತರ ಮಾತನಾಡಿದ ಹಾರ್ದಿಕ್ ಪಾಂಡ್ಯ, ನಾವು ಮೊದಲು ಬ್ಯಾಟ್ ಮಾಡಲು ಇಚ್ಚಿಸುತ್ತೇವೆ. ಮೊದಲು ಬ್ಯಾಟ್​ ಮಾಡುವವರಿಗೆ ಪಿಚ್​ ಉತ್ತಮವಾಗಿದೆ. ಕಳೆದ ಬಾರಿ ಈ ಪಿಚ್​ನಲ್ಲಿ ಆಡಿದಾಗ ಉತ್ತಮ ರನ್​ ಕದಿಯಲು ಸಾಧ್ಯವಾಗಿತ್ತು. ಎರಡನೇ ಇನ್ನಿಂಗ್ಸ್​ ವೇಳೆ ಸ್ವಿಂಗ್​ ಹೆಚ್ಚಾಗಿರುವುದರಿಂದ ಬೌಲರ್​ಗಳಿಗೆ ಸಹಕಾರವಾಗಲಿದೆ. ಕೊನೆಯ ಪಂದ್ಯದಲ್ಲಿ ತಂಡ ಉತ್ತಮ ಆಟ ಪ್ರದರ್ಶಿಸುವಲ್ಲಿ ಎಡವಿತ್ತು. ಈ ಬಾರಿ ಬೃಹತ್​ ಟಾರ್ಗೆಟ್​ ನೀಡುವ ಗುರಿಯನ್ನು ಹೊಂದಿದ್ದೇವೆ. ತಂಡದಲ್ಲಿ ಯಾವುದೇ ಬದಲಾವಣೆ ಇಲ್ಲ ಎಂದು ತಿಳಿಸಿದರು.

ಭಾರತ ತಂಡದಲ್ಲಿ ಎರಡು ಪಂದ್ಯಗಳಲ್ಲಿ ವಿಫಲತೆ ಕಂಡಿರುವ ಗಿಲ್​ ಅವರನ್ನು ತಂಡದಿಂದ ಕೈಬಿಟ್ಟು ದೇಶಿಯ ಪಂದ್ಯಗಳಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದ ಗಾಯಕ್ವಾಡ್​ ಅವರಿಗೆ ಅವಕಾಶ ದೊರೆಯ ಬಹುದು ಎಂದು ಹೇಳಲಾಗಿತ್ತು. ಅಲ್ಲದೇ ಕಳೆದ ಪಂದ್ಯದಲ್ಲಿ ದುಬಾರಿಯಾಗಿದ್ದ ಬೌಲಿಂಗ್​ ಪಡೆಯಲ್ಲೂ ಬದಲಾವಣೆ ನಿರೀಕ್ಷಿಸಲಾತ್ತು. ಆದರೆ, ಹಾರ್ದಿಕ್ ತಂಡದಲ್ಲಿ ಯಾವುದೇ ಬದಲಾವಣೆ ಮಾಡಿದೇ ಅದೇ ಟೀಂ ಅಂಕಣಕ್ಕಿಳಿಸಿದ್ದಾರೆ.

ಟಾಸ್​ ನಂತರ ಮಾತನಾಡಿದ ಲಂಕಾ ನಾಯಕ ದಾಸುನ್ ಶನಕ, ಟಾಸ್​ ಗೆದ್ದಿದ್ದರೆ ನಾವೂ ಕೂಡ ಮೊದಲು ಬ್ಯಾಟ್ ಮಾಡುವ ಚಿಂತನೆಯಲ್ಲಿ ಇದ್ದೆವು. ಪಿಚ್​ ರೀಪೋರ್ಟ್​ ರೀತಿ ಮೊದಲು ಬ್ಯಾಟಿಂಗ್​ ಉತ್ತಮವಾಗಿರುತ್ತದೆ. ಆದರೂ ನಾವು ಚೇಸಿಂಗ್​ ಬಗ್ಗೆ ಉತ್ಸುಕರಾಗಿದ್ದೇವೆ. ತಂಡದಲ್ಲಿ ಒಂದು ಬದಲಾವಣೆ ಮಾಡಿಕೊಂಡಿದ್ದು, ಅವಿಷ್ಕಾ ಫರ್ನಾಂಡೋ ಅವರು ಭಾನುಕಾ ರಾಜಪಕ್ಸೆ ಅವರ ಸ್ಥಾನದಲ್ಲಿ ಆಡಲಿದ್ದಾರೆ.

ಎರಡು ವಿಕೆಟ್​ ನಷ್ಟದಲ್ಲಿ ಭಾರತ: 77 ರನ್​ಗೆ 2 ವಿಕೆಟ್​ ಕಳೆದು ಕೊಂಡಿರುವ ಭಾರತವನ್ನು ಗಿಲ್​ ಮತ್ತು ಸೂರ್ಯ ಕುಮಾರ್​ ಯಾದವ್​ ಮುನ್ನಡೆಸುತ್ತಿದ್ದಾರೆ. ಆರಂಭಿಕರಾಗಿ ಮತ್ತೆ ಕಿಶನ್​ ಫ್ಲಾಫ್​ ಆಗಿದ್ದಾರೆ. ಕಿಶನ್​ 1ಗೆ ವಿಕೆಟ್​ ಒಪ್ಪಿಸಿ ಪೆವಿಲಿಯನ್​ಗೆ ಮರಳಿದ್ದಾರೆ. ಬಿರುಸಿನ ಆಟಕ್ಕೆ ಮುಂದಾದ ತ್ರಿಪಾಠಿ 16 ಎಸೆತದಲ್ಲಿ 35 ರನ್​ ದಾಖಲಿಸಿ ವಿಕೆಟ್​ ಒಪ್ಪಿಸಿದ್ದಾರೆ.

ಶ್ರೀಲಂಕಾ ಆಡುವ ಹನ್ನೊಂದು: ಪಾತುಮ್ ನಿಸ್ಸಾಂಕ, ಕುಸಲ್ ಮೆಂಡಿಸ್(ವಿಕೆಟ್​ ಕೀಪರ್​), ಅವಿಷ್ಕಾ ಫೆರ್ನಾಂಡೊ, ಧನಂಜಯ ಡಿ ಸಿಲ್ವಾ, ಚರಿತ್ ಅಸಲಂಕಾ, ದಸುನ್ ಶನಕ(ನಾಯಕ), ವನಿಂದು ಹಸರಂಗ, ಚಮಿಕಾ ಕರುಣಾರತ್ನೆ, ಮಹೀಶ್ ತೀಕ್ಷಣ, ಕಸುನ್ ರಜಿತ, ದಿಲ್ಶನ್ ಮಧುಶಂಕ

ಭಾರತ ಆಡುವ ಹನ್ನೊಂದು: ಇಶಾನ್ ಕಿಶನ್(ವಿಕೆಟ್​ ಕೀಪರ್), ಶುಭಮನ್ ಗಿಲ್, ಸೂರ್ಯಕುಮಾರ್ ಯಾದವ್, ರಾಹುಲ್ ತ್ರಿಪಾಠಿ, ಹಾರ್ದಿಕ್ ಪಾಂಡ್ಯ(ನಾಯಕ), ದೀಪಕ್ ಹೂಡಾ, ಅಕ್ಷರ್ ಪಟೇಲ್, ಶಿವಂ ಮಾವಿ, ಉಮ್ರಾನ್ ಮಲಿಕ್, ಅಷದೀಪ್ ಸಿಂಗ್, ಯುಜ್ವೇಂದ್ರ ಚಾಹಲ್

ಇದನ್ನೂ ಓದಿ: ಮಾಡು ಇಲ್ಲವೇ ಮಡಿ.. ಭಾರತ-ಶ್ರೀಲಂಕಾ ನಡುವಿನ ನಿರ್ಣಾಯಕ ಪಂದ್ಯಕ್ಕೆ ರಾಜ್​ಕೋಟ್​ ಸಜ್ಜು