ಮುಂಬೈ: 2023ರ ಮೊದಲ ಸರಣಿಯನ್ನು ಭಾರತ ಲಂಕಾದೊಂದಿಗೆ ವಾಂಖೆಡೆಯಲ್ಲಿ ಆಡುತ್ತಿದೆ. ಈ ಸರಣಿಯ ನಾಯಕತ್ವ 2022ರ ಐಪಿಎಲ್ ವಿಜೇತ ನಾಯಕ ಹಾರ್ದಿಕ್ ಪಾಂಡ್ಯಗೆ ನೀಡಲಾಗಿದೆ. ಟಿ 20 ನಂ ಬ್ಯಾಟರ್ ಸೂರ್ಯ ಕುಮಾರ್ ಯಾದವ್ ಕೈಗೆ ಉಪನಾಯಕತ್ವ ವಹಿಸಲಾಗಿದೆ. ನ್ಯೂಜಿಲೆಂಡ್‌ ಎದುರಿನ ಸರಣಿಯಲ್ಲಿ ಹಾರ್ದಿಕ್ ಪಾಂಡ್ಯ ಭಾರತ ತಂಡ ನಾಯತ್ವ ವಹಿಸಿದ್ದರೂ ಮಳೆಯಿಂದ ಸರಣಿ ಅಪೂರ್ಣವಾಗಿ ಮುಗಿಯಿತು. ಮೂರು ಪಂದ್ಯದಲ್ಲಿ ಒಂದು ಪಂದ್ಯವನ್ನು ಭಾರತ 60 ರನ್ಗಳಿಂದ ಗೆದ್ದರೆ, ಮಿಕ್ಕೆರಡು ಪಂದ್ಯಗಳು ನೋ ರಿಸಲ್ಟ್ ಪಂದ್ಯಗಳಾಗಿದ್ದವು.
ಬಿಗ್ ತ್ರೀ ಇಲ್ಲದೇ ಪಾಂಡ್ಯಾಗೆ ಜವಾಬ್ದಾರಿ: ಭಾರತ ತಂಡ ಪ್ರಮುಖ ಆಟಗಾರರಾಗಿರುವ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಮತ್ತು ಕೆ ಎಲ್ ರಾಹುಲ್ ಅನುಪಸ್ಥಿತಿಯಲ್ಲಿ ಹಾರ್ದಿಕ್ ತಂಡ ಮುನ್ನಡೆಸುತ್ತಿದ್ದಾರೆ. ಬ್ಲೂ ಬಾಯ್ಸ್ ಹೆಚ್ಚಾಗಿ ಈ ಮೂರು ಆಟಗಾರರ ಮೇಲೆ ಅವಲಂಬಿತರಾಗಿರುವು ಸಹ ತಂಡದ ಮೈನಸ್ ರೀತಿ ಕಾಣುತ್ತದೆ. ಹೀಗಾಗಿ ಹಾರ್ದಿಕ್ ಹೊಸ ಪಡೆಯನ್ನೇ ಇಟ್ಟುಕೊಂಡು ಗೆಲುವು ಸಾಧಿಸುವ ಅಗತ್ಯಇದೆ. ಈ ನಾಯಕತ್ವ ಹಾರ್ದಿಕ್ಗೆ ಪರೀಕ್ಷೆ ಕೂಡ ಹೌದು. ಸರಣಿಯ ಯಶಸ್ಸು ರೋಹಿತ್ ಶರ್ಮಾಗೆ ಏಕದಿನ ಮತ್ತು ಟೆಸ್ಟ್ನ ನಾಯಕತ್ವ ಕೊಟ್ಟು ಟಿ 20ಗೆ ಪರ್ಯಾಯ ನಾಯಕತ್ವ ಹುಡುಕುತ್ತಿದ್ದ ಬಿಸಿಸಿಐಗೆ ನೆರವಾಗಲಿದೆ.
ಆರಂಭಿಕರ ಹುಡುಕಾಟ: ನ್ಯೂಜಿಲೆಂಡ್‌ ಎದುರಿನ ಸರಣಿಯಲ್ಲಿ ಆರಂಭಿಕರಾಗಿ ಪಂತ್ ಮತ್ತು ಇಶನ್ ಕಿಶನ್ ಕಾಣಿಸಿ ಕೊಂಡಿದ್ದರು. ಈ ಬಾರಿ ಪಂತ್ ಕಾರು ಅಪಘಾತದಿಂದಗಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಅಲ್ಲದೇ ಪಂತ್ರನ್ನು ಈ ಸರಣಿಯಿಂದ ಹೊರಗಿಡಲಾಗಿತ್ತು. ಹೀಗಾಗಿ ಹೊಸ ಆರಂಭಿಕ ಜೋಡಿಯನ್ನು ಮಾಡ ಬೇಕಿದೆ. ಕಿಶನ್ ಜೊತೆಗೆ ರುತುರಾಜ್ ಗಾಯಕ್ವಾಡ್ ಆರಂಭಿಕರಾಗಿ ಕಣಕ್ಕಿಳಿಯುವ ನೀರೀಕ್ಷೆ ಇದೆ.
ದೀಪಕ್ ಹೂಡಾ ಅವರಿಗೂ ಅರಂಭಿಕ ಆಟದ ಅನುಭವ ಇರುವುದರಿಂದ ಅವರನ್ನೂ ಆಯ್ಕೆ ಮಾಡಿಕೊಳ್ಳುವ ಅವಕಾಶ ಹಾರ್ದಿಕ್ ಮುಂದಿದೆ. ಹಾಗೇ ಶುಭಮನ್ ಗಿಲ್ ಕೂಡು ಆರಂಭಿಕ ಆಟಗಾರರ ಸ್ಥಾನದಲ್ಲಿ ಆಡುವ ನಿರೀಕ್ಷೆಯಲ್ಲಿದ್ದಾರೆ.
ಕಿಶನ್, ಸೂರ್ಯ ಮತ್ತು ಗಾಯಕ್ವಾಡ್ ಮೇಲೆ ನಿರೀಕ್ಷೆ: ಟಿ20 ಟಾಪ್ ರ್‍ಯಾಂಕ್ ಹೊಂದಿರುವ ಮತ್ತು ಹೋದ ವರ್ಷ ಭರ್ಜರಿ ಬ್ಯಾಟಿಂಗ್ ಮಾಡಿದ್ದ ಸೂರ್ಯ ಕುಮಾರ್ ಯಾದವ್ ಮೇಲೆ ಉಪನಾಯಕನ ಜವಾಬ್ದಾರಿ ಇದ್ದು, ನಿರೀಕ್ಷೆಯೂ ಹೆಚ್ಚಿದೆ. ಇನ್ನು, ಇತ್ತೀಚಿಗೆ ವಿಜಯ ಹಜಾರೆ ಏಕದಿನ ಟೂರ್ನಿಯಲ್ಲಿ ಸರಣಿ ಶತಕ ದಾಖಲಿಸ ಗಾಯಕ್ವಾಡ್ ಹೆಚ್ಚಿನ ಭರವಸೆ ಇಡಲಾಗಿದೆ. ಹಾಗೇ ಬಾಂಗ್ಲಾ ಪ್ರವಾಸದಲ್ಲಿ ದ್ವಿಶತಕ ಸಿಡಿಸಿದ ಕಿಶನ್ ಮೇಲೆಯೂ ನಿರೀಕ್ಷೆಗಳಿವೆ.
ಅಲ್ಲದೇ ನಾಯಕ ಹಾರ್ದಿಕ್ ಬ್ಯಾಟಿಂಗ್ ಮತ್ತು ಬೌಲಿಂಗ್ನ ಆಲ್ರೌಡಂರ್ ಆಟಕ್ಕೆ ಅಭಿಮಾನಿಗಳು ಕಾಯುತ್ತಿದ್ದಾರೆ. ಸಂಜು ಸ್ಯಾಮ್ಸನ್ಗೆ ಅವಕಾಶ ನೀಡಲಾಗುತ್ತಿಲ್ಲ ಎಂದು ಕ್ರಿಡಾಭಿಮಾನಿಗಳು ಹೇಳಲಾಗುತ್ತದ್ದ ವೇಳೆ ಸಿಕ್ಕಿರುವ ಅವಕಾಶ ಹೇಗೆ ಬಳಸಿಕೊಳ್ಳುತ್ತಾರೆ ಎಂಬುದನ್ನು ಕಾದನೋಡಬೇಕಿದೆ.
ಬೌಲಿಂಗ್ ಹೊಣೆ ಅರ್ಷದೀಪ್ಗೆ: ವಿಶ್ವಕಪ್ನಲ್ಲಿ ಪದಾರ್ಪಣೆ ಮಾಡಿದ ಅರ್ಷದೀಪ್ ಸಿಂಗ್ಗೆ ಬೌಲಿಂಗ್ ವಿಭಾಗದ ಜವಾಬ್ದಾರಿ ನೀಡಲಾಗಿದೆ. ಉಮ್ರಾನ್ ಮಲಿಕ್, ಶಿವಂ ಮಾವಿ, ಮುಖೇಶ್ ಕುಮಾರ್, ಹರ್ಷಲ್ ಪಟೇಲ್ ಇದ್ದು, ಸ್ಪಿನ್ ವಿಭಾಗವನ್ನು ಅನುಭವಿ ಯಜುವೇಂದ್ರ ಚಹಾಲ್ ವಹಿಸಿಕೊಂಡಿದ್ದಾರೆ.
ಅತೀ ಹೆಚ್ಚು ಟಿ20 ಆಡಿದ ತಂಡ: 2022ರಲ್ಲಿ ಭಾರತ ತಂಡ ಬರೋಬ್ಬರಿ 40 ಟಿ20 ಪಂದ್ಯಗಳನ್ನು ಭಾರತ ಆಡಿದೆ. ಇದರಲ್ಲಿ ಪ್ರಯೋಗಾತ್ಮಕವಾಗಿ ಬಹುತೇಕ 31 ಆಟಗಾರರನ್ನು ಬಳಸಿದೆ. 9 ದ್ವಿಪಕ್ಷೀಯ ಸರಣಿಗಳನ್ನು ಆಡಿದ್ದು ಅದರಲ್ಲಿ 8ನ್ನು ಗೆದ್ದುಕೊಂಡಿದೆ. ಆದರೆ ಹೋದ ವರ್ಷ ನಡೆದ ಎರಡು ದೊಡ್ಡ ಟೂರ್ನಿಗಳಾದ ಏಷ್ಯಾ ಕಪ್ ಮತ್ತು ವಿಶ್ವಕಪ್ನಲ್ಲಿ ಫೈನಲ್ ಪ್ರವೇಶಿಸುವಲ್ಲಿ ವಿಫಲವಾಯಿತು.
ಸವಾಲ್ಗೆ ಸಿದ್ಧವಾಗಿರುವ ಲಂಕಾ ಪಡೆ: ಟಿ20 ವಿಶ್ವಕಪ್ ನಂತರ ಸಿಂಹಳೀಯರು ಹೆಚ್ಚು ಚುಟುಕು ಪಂದ್ಯಗಳಲ್ಲೇ ಭಾಗವಸಿ ಉತ್ತಮ ಲಯದಲ್ಲಿದ್ದಾರೆ. ಡಿಸೆಂಬರ್ನಲ್ಲಿ ಲಂಕಾದಲ್ಲಿ ಆಯೋಜನೆ ಆಗಿದ್ದ ಲಂಕಾ ಪ್ರೀಮಿಯರ್ ಲೀಗ್ನಲ್ಲಿ ಬಹುತೇಕ ಆಟಗಾರು ಭಾಗವಹಿಸಿದ್ದಾರೆ. ದಸುನ್ ಶನಕ ನಾಯಕತ್ವದಲ್ಲಿ ಲಂಕಾ ತಂಡ ಬಹುತೇಕ ಸಜ್ಜಾಗಿದೆ. ಲಂಕಾಕ್ಕೆ ವನಿಂದು ಹಸರಂಗ, ಡಿ ಸಿಲ್ವಾ, ಪಾತುಮ್ ನಿಸ್ಸಂಕ, ಕುಶಾಲ್ ಮೆಂಡಿಸ್ ಮತ್ತು ಮಹೇಶ್ ತೀಕ್ಷಣ ಸ್ಪಿನ್ ಅಸ್ತ್ರ ಹೂಡಲು ಮುಂದಾಗಿದ್ದಾರೆ.
ವಾಂಖೆಡೆ ಪಿಚ್ ರಿಪೋರ್ಟ್: ವಾಂಖೆಡೆ ಪಿಚ್‌ನಲ್ಲಿ ಇದುವರೆಗೆ 7 ಟಿ20 ಪಂದ್ಯಗಳು ನಡೆದಿದ್ದು, ಈ ಪೈಕಿ ನಾಲ್ಕನ್ನು ಭಾರತ ಗೆದ್ದಿದೆ. 2 ಪಂದ್ಯ ಸೋತು ಒಂದು ಡ್ರಾ ಮಾಡಿಕೊಂಡಿದೆ. ಮೈದಾನದಲ್ಲಿ ಮೊದಲು ಬ್ಯಾಟ್ ಮಾಡಿದ ತಂಡ 2 ಪಂದ್ಯಗಳನ್ನು ಗೆದ್ದಿದ್ದರೆ, ನಂತರ ಬ್ಯಾಟಿಂಗ್ ಮಾಡಿ ರನ್ ಬೆನ್ನಟ್ಟಿದ ತಂಡ 5 ಬಾರಿ ಗೆಲುವು ಸಾಧಿಸಿದೆ. ಪಿಚ್ ಸ್ಪಿನ್ ಮತ್ತು ವೇಗದ ಬೌಲರ್‌ಗಳಿಗೆ ನೆರವಾಗಲಿದೆ. ಬ್ಯಾಟ್ಸ್‌ಮನ್‌ಗಳು ಸಹ ಇಲ್ಲಿ ರನ್ ಗಳಿಸಿದ್ದಾರೆ. ಟಾಸ್ ಕೂಡ ಮಹತ್ವ ಪಡೆಯಲಿದೆ.
ಸಂಭಾವ್ಯ ಭಾರತ ತಂಡ: ಇಶಾನ್ ಕಿಶನ್ (ವಿಕೇಟ್ ಕೀಪರ್), ರುತುರಾಜ್ ಗಾಯಕ್ವಾಡ್/ಶುಭಮನ್ ಗಿಲ್, ಸಂಜು ಸ್ಯಾಮ್ಸನ್, ಸೂರ್ಯಕುಮಾರ್ ಯಾದವ್, ದೀಪಕ್ ಹೂಡಾ, ಹಾರ್ದಿಕ್ ಪಾಂಡ್ಯ (ನಾಯಕ), ವಾಷಿಂಗ್ಟನ್ ಸುಂದರ್, ಹರ್ಷಲ್ ಪಟೇಲ್, ಯುಜ್ವೇಂದ್ರ ಚಾಹಲ್, ಉಮ್ರಾನ್ ಮಲಿಕ್, ಅರ್ಷದೀಪ್ ಸಿಂಗ್
ಶ್ರೀಲಂಕಾ: ಪಾತುಮ್ ನಿಸ್ಸಾಂಕ, ಕುಸಲ್ ಮೆಂಡಿಸ್ (ವಿಕೇಟ್ ಕೀಪರ್), ಭಾನುಕಾ ರಾಜಪಕ್ಸೆ, ಧನಂಜಯ ಡಿ ಸಿಲ್ವಾ, ಚರಿತ್ ಅಸಲಂಕಾ, ದಸುನ್ ಶನಕ (ನಾಯಕ), ವನಿಂದು ಹಸರಂಗ, ಚಾಮಿಕ ಕರುಣಾರತ್ನೆ, ಮಹೀಶ್ ತೀಕ್ಷಣ, ಲಹಿರು ಕುಮಾರ, ಪ್ರಮೋದ್ ಮದುಶನ್/ದಿಲ್ಶನ್ ಮಧುಶಂಕ
ಪಂದ್ಯದ ಸಮಯ: ಮೊದಲ ಟಿ20 ಪಂದ್ಯ ಭಾರತೀಯ ಕಾಲಮಾನದ ಪ್ರಕಾರ ಸಂಜೆ 7 ಗಂಟೆಗೆ ನಡೆಯಲಿದೆ. ಸ್ಟಾರ್ ಸ್ಪೋರ್ಟ್ಸ್ 1 ವಿವಿಧ ಭಾಷೆಗಳು, ಡಿಸ್ನಿ ಪ್ಲೆಸ್ ಹಾಟ್‌ಸ್ಟಾರ್‌ನಲ್ಲಿ ಪ್ರಸಾರವಾಗಲಿದೆ.
ಇದನ್ನೂ ಓದಿ: ನಾಳೆ ಶ್ರೀಲಂಕಾ ಭಾರತ ಟಿ20 ಪಂದ್ಯ: ಸರಣಿಯಲ್ಲಿ ಹಾರ್ದಿಕ್ ಪಾಂಡ್ಯ ನಾಯಕತ್ವ ಪರೀಕ್ಷೆ
