ಬೆಂಗಳೂರು: ಭಾರತ - ದಕ್ಷಿಣ ಆಫ್ರಿಕಾ ನಡುವಿನ ಅಂತಿಮ ಟಿ-20 ಪಂದ್ಯಕ್ಕೆ ಚಿನ್ನಸ್ವಾಮಿ ಕ್ರೀಡಾಂಗಣ ಆತಿಥ್ಯ ವಹಿಸಲಿದ್ದು, ಇದೇ ಜೂನ್ 12 ರಿಂದ ಆನ್ಲೈನ್ ಹಾಗೂ ಬಾಕ್ಸ್ ಆಫೀಸ್‌ನಲ್ಲಿ ಟಿಕೆಟ್ ಮಾರಾಟ ಆರಂಭವಾಗಲಿದೆ.
ಟಿಕೆಟ್ ದರ ಈ ಕೆಳಗಿನಂತಿದೆ ( ಬಾಕ್ಸ್ ಆಫೀಸ್ ):
- ಜಿ ಅಪ್ಪರ್, ಲೋವರ್ 1 ಹಾಗೂ ಲೋವರ್ 2 - 750 ರೂ. (ಗೇಟ್ ನಂಬರ್ - 5, ಕಬ್ಬನ್ ರಸ್ತೆ)
- ಎ ಅಪ್ಪರ್, ಬಿ ಅಪ್ಪರ್ ಹಾಗೂ ಲೋವರ್ - 2,000 ರೂ. (ಗೇಟ್ ನಂಬರ್ - 2, ಕಬ್ಬನ್ ರಸ್ತೆ)
- ಡಿ ಕಾರ್ಪೊರೇಟ್ - 4,000 ರೂ. (ಗೇಟ್ ನಂಬರ್ - 19, ಕ್ವೀನ್ಸ್ ರಸ್ತೆ)
- ಎನ್.ಸ್ಟ್ಯಾಂಡ್ - 5,000 ರೂ. (ಗೇಟ್ ನಂಬರ್ - 18, ಕ್ವೀನ್ಸ್ ರಸ್ತೆ)
- ಇ-ಎಕ್ಸಿಕ್ಯುಟಿವ್ - 6,000 ರೂ. (ಗೇಟ್ ನಂಬರ್ - 18, ಕ್ವೀನ್ಸ್ ರಸ್ತೆ)
ಆನ್ಲೈನ್ ಟಿಕೆಟ್ ದರ:
- ಗ್ರ್ಯಾಂಡ್ ಟೆರೇಸ್ - 6,000 ರೂ.
- ಪಿ ಕಾರ್ಪೊರೇಟ್ - 10,000 ರೂ.
- ಪೆವಿಲಿಯನ್ ಟೆರೇಸ್ - 15,000 ರೂ.
- ಪಿ-2 ಸ್ಟ್ಯಾಂಡ್ - 20,000 ರೂ.ಟಿಕೆಟ್ ದರದ ಮಾಹಿತಿ
ಜೂನ್ 12 ರಂದು ಬಾಕ್ಸ್ ಆಫೀಸ್‌ನಲ್ಲಿ ಟಿಕೆಟ್ ಖರೀದಿಸಲು ಅವಕಾಶವಿರಲಿದ್ದು, ಬಿಕರಿಯಾಗದೆ ಉಳಿದ ಟಿಕೆಟ್‌ಗಳನ್ನ 13 ರಂದು ಪೇಟಿಎಂ ಮೂಲಕ ಖರೀದಿಸಲು ಅವಕಾಶವಿರಲಿದೆ ಎಂದು ಕರ್ನಾಟಕ ರಾಜ್ಯ ಕ್ರಿಕೆಟ್ ಸಂಸ್ಥೆಯ ಮಾಧ್ಯಮ ಪ್ರಕಟಣೆಯಲ್ಲಿ ತಿಳಿಸಿದೆ.
ಜೂನ್ 9 ರಿಂದ ಭಾರತ-ದ.ಆಫ್ರಿಕಾ ಮಧ್ಯೆ ಐದು ಪಂದ್ಯಗಳ ಟಿ20 ಸರಣಿ ಆರಂಭವಾಗಲಿದ್ದು, ಮೊದಲ ಪಂದ್ಯ ದೆಹಲಿಯಲ್ಲಿ ಆಯೋಜನೆಯಾಗಿದೆ. ಅಂತಿಮ ಪಂದ್ಯ ಜೂನ್ 19 ರಂದು ನಡೆಯಲಿದೆ. ಕನ್ನಡಿಗ ಕ್ರಿಕೆಟ್ ಪ್ರೇಮಿಗಳಿಗೆ ಸಂತಸದ ಸಂಗತಿಯೆಂದರೆ ಈ ಸರಣಿಯ ಅಂತಿಮ ಪಂದ್ಯ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯಲಿದ್ದು, ಪ್ರೇಕ್ಷಕರ ಸಂಪೂರ್ಣ ಹಾಜರಾತಿಯೊಂದಿಗೆ ಈ ಪಂದ್ಯ ಆಯೋಜನೆಯಾಗಲಿದೆ. ಈಗಾಗಲೇ ಭಾರತ ಯುವ ತಂಡವನ್ನು ಬಿಸಿಸಿಐ ಪ್ರಕಟಿಸಿದೆ. ಇನ್ನು ನಾಯಕ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಸೇರಿದಂತೆ ಕೆಲ ಪ್ರಮುಖ ಆಟಗಾರರಿಗೆ ವಿಶ್ರಾಂತಿ ನೀಡಲಾಗಿದ್ದು, ಹೀಗಾಗಿ ತಂಡವನ್ನು ಕನ್ನಡಿಗ ಕೆಎಲ್ ರಾಹುಲ್ ಮುನ್ನಡೆಸಲಿದ್ದಾರೆ.
ಇದನ್ನೂ ಓದಿ: ಫ್ರೆಂಚ್‌ ಓಪನ್‌ : ಕೊಕೊ ಗಾಫ್‌ ಮಣಿಸಿ ಪ್ರಶಸ್ತಿಗೆ ಮುತ್ತಿಕ್ಕಿದ ಇಗಾ ಸ್ವಿಯಾಟೆಕ್‌
