IND vs SA, 3rd T20: ಬೌಲರ್​ಗಳ ಸಾಹಸ, ದ.ಆಫ್ರಿಕಾ ವಿರುದ್ಧ ಭಾರತಕ್ಕೆ 48 ರನ್‌ಗಳ ಜಯ

ವಿಶಾಖಪಟ್ಟಣದಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ನಡೆದ 3ನೇ ಟಿ-20 ಪಂದ್ಯದಲ್ಲಿ ಭಾರತ ತಂಡ ಬೌಲರ್​ಗಳ ಸಾಹಸದಿಂದ 48 ರನ್​ಗಳ ಗೆಲುವು ಸಾಧಿಸಿದೆ. ಈ ಮೂಲಕ 5 ಪಂದ್ಯಗಳ ಸರಣಿಯನ್ನು 2-1ರಲ್ಲಿ ಜೀವಂತವಾಗಿಟ್ಟಿದೆ.

ವಿಶಾಖಪಟ್ಟಣ(ಆಂಧ್ರಪ್ರದೇಶ): ಬೌಲರ್​ಗಳಿಂದಲೇ ಕಳೆದೆರಡು ಪಂದ್ಯಗಳನ್ನು ಸೋತಿದ್ದ ಭಾರತ ತಂಡ ಸರಣಿ ಜೀವಂತವಾಗಿಡಲು ಗೆಲ್ಲಲೇಬೇಕಿದ್ದ ಮೂರನೇ ಪಂದ್ಯದಲ್ಲಿ ಅದೇ ಬೌಲರ್​ಗಳ ಧೀರೋತ್ತ ಪ್ರದರ್ಶನದಿಂದ ದಕ್ಷಿಣ ಆಫ್ರಿಕಾ ವಿರುದ್ಧ 48 ರನ್​ಗಳ ಅಧಿಕಾರಯುತ ಗೆಲುವು ಸಾಧಿಸಿತು.

2 ಪಂದ್ಯಗಳಲ್ಲಿ ಸೋತು ಸರಣಿ ಸೋಲಿನ ಭೀತಿಯಲ್ಲಿದ್ದ ಭಾರತ ಮೂರನೇ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾವನ್ನು ಸದೆಬಡಿಯುವ ಮೂಲಕ ಸರಣಿ ಗೆಲ್ಲುವ ಆಸೆಯನ್ನು ಜೀವಂತವಾಗಿಟ್ಟಿದೆ. ಮೊದಲು ಬ್ಯಾಟ್​ ಮಾಡಿದ್ದ ಭಾರತ 20 ಓವರ್​ಗಳಲ್ಲಿ 179 ರನ್​ ಗಳಿಸಿತ್ತು. 180 ರನ್​ಗಳ ಗುರಿ ಬೆನ್ನತ್ತಿದ್ದ ದಕ್ಷಿಣ ಆಫ್ರಿಕಾ 19.1 ಓವರ್​ಗಳಲ್ಲಿ ತನ್ನೆಲ್ಲಾ ವಿಕೆಟ್​ ಕಳೆದುಕೊಂಡು ಕೇವಲ 131 ರನ್​ ಗಳಿಸಿತು. ಈ ಪಂದ್ಯದಲ್ಲಿ ಭಾರತ ಜಯಿಸಿದ್ದರೂ ಸರಣಿ 2-1 ರಲ್ಲಿ ಹಿನ್ನಡೆಯಲ್ಲಿದೆ.

• #TeamIndia win the 3rd T20I by 48 runs and keep the series alive.
  
  Scorecard - https://t.co/mcqjkCj3Jg #INDvSA @Paytm pic.twitter.com/ZSDSbGgaEE

  — BCCI (@BCCI) June 14, 2022 " class="align-text-top noRightClick twitterSection" data="

  #TeamIndia win the 3rd T20I by 48 runs and keep the series alive.
  
  Scorecard - https://t.co/mcqjkCj3Jg #INDvSA @Paytm pic.twitter.com/ZSDSbGgaEE

  — BCCI (@BCCI) June 14, 2022

  ">

  #TeamIndia win the 3rd T20I by 48 runs and keep the series alive.
  
  Scorecard - https://t.co/mcqjkCj3Jg #INDvSA @Paytm pic.twitter.com/ZSDSbGgaEE

  — BCCI (@BCCI) June 14, 2022

ಬೌಲರ್​​ಗಳ ಕರಾಮತ್ತು: ಕಳೆದ ಪಂದ್ಯಗಳಲ್ಲಿ ಭುವನೇಶ್ವರ್​ ಕುಮಾರ್​ ಹೊರತುಪಡಿಸಿ ಉಳಿದ ಬೌಲರ್​ಗಳು ವಿಕೆಟ್​ ಪಡೆಯಲು ವಿಫಲರಾಗಿದ್ದರು. ಇದರಿಂದ ಬೌಲಿಂಗ್​ ಪಡೆ ಭಾರಿ ಟೀಕೆಗೆ ಒಳಗಾಗಿತ್ತು. ಈ ಪಂದ್ಯದಲ್ಲಿ ಎಲ್ಲ ಟೀಕೆಗಳನ್ನು ಮೀರಿ ಮೈಕೊಡವಿ ಎದ್ದಂತೆ ಪ್ರದರ್ಶನ ನೀಡಿದ ಹರ್ಷಲ್​ ಪಟೇಲ್​ 4 ವಿಕೆಟ್​ ಪಡೆದರೆ, ಯಜುವೇಂದ್ರ ಚಹಲ್​ 3 ವಿಕೆಟ್​ ಉರುಳಿಸಿ ಹರಿಣಗಳ ಬ್ಯಾಟಿಂಗ್​ ಬೆನ್ನೆಲುಬು ಮುರಿದರು.

ಸರಣಿಯಲ್ಲಿ ಕರಾರುವಾಕ್​ ದಾಳಿ ನಡೆಸುತ್ತಿರುವ ಭುವನೇಶ್ವರ್​ 4 ಓವರ್​ಗಳಲ್ಲಿ ಕೇವಲ 24 ರನ್​ ನೀಡಿ 1 ವಿಕೆಟ್​ ಪಡೆದರು. ಅಕ್ಷರ್ ಪಟೇಲ್​ ಕೂಡ 1 ವಿಕೆಟ್​ ಪಡೆದು ತಂಡಕ್ಕೆ ನೆರವಾದರು.

ಹಿಗ್ಗಿ ಕುಗ್ಗಿದ ಹರಿಣಗಳು: ಸರಣಿಯಲ್ಲಿ ಭಾರತೀಯ ಬೌಲರ್​ಗಳ ಮೇಲೆ ಸವಾರಿ ನಡೆಸಿದ್ದ ಆಫ್ರಿಕಾ ಆಟಗಾರರು ರಟ್ಟೆ ಅರಳಿಸಲು ತಿಣುಕಾಡಿದರು. ಕಳೆದ ಪಂದ್ಯದಲ್ಲಿ ಅರ್ಧಶತಕ ಸಿಡಿಸಿ ತಂಡವನ್ನು ಗೆಲ್ಲಿಸಿದ್ದ ಹೆನ್ರಿಚ್​ ಕ್ಲಾಸಿನ್​ ಈ ಮ್ಯಾಚ್​ನಲ್ಲಿ ಗಳಿಸಿದ 29 ರನ್​ಗಳೇ ತಂಡದ ಅತ್ಯಧಿಕ ಮೊತ್ತವಾಗಿದೆ. ಉಳಿದಂತೆ ರೀಜ್​ ಹೆಂಡ್ರಿಕ್ಸ್​ 23, ಡ್ವೇನ್​ ಪ್ರಿಟೋರಿಯಸ್​ 20, ವೇಯ್ನ್ ಪಾರ್ನೆಲ್​ 22 ರನ್​ ಗಳಿಸಿದ್ದು ಬಿಟ್ಟರೆ, ಯಾವೊಬ್ಬ ಬ್ಯಾಟರ್ ಕೂಡ ಭಾರತ ಬೌಲರ್​ಗಳನ್ನು ಎದುರಿಸಲಿಲ್ಲ.

4 ವಿಕೆಟ್​ ಪಡೆದು ಮಿಂಚಿದ ಹರ್ಷಲ್​ ಪಟೇಲ್​

ಭಾರತದ ಇನಿಂಗ್ಸ್: ಇದಕ್ಕೂ ಮೊದಲು ಬ್ಯಾಟಿಂಗ್​ನಲ್ಲಿ ಮಿಂಚಿದ ಋತುರಾಜ್​ ಗಾಯಕ್ವಾಡ್​ ಮತ್ತು ಇಶಾನ್​ ಕಿಶನ್​ ಮಿಂಚಿನ ಆರಂಭ ನೀಡಿದ್ದಲ್ಲದೇ, ಇಬ್ಬರೂ ಅರ್ಧಶತಕ ಬಾರಿಸಿದ್ದರು. ಕಳೆದ ಪಂದ್ಯದಲ್ಲಿ ವೈಫಲ್ಯ ಅನುಭವಿಸಿದ್ದ ಗಾಯಕ್ವಾಡ್​ 35 ಎಸೆತಗಳಲ್ಲಿ 2 ಸಿಕ್ಸರ್​ 7 ಬೌಂಡರಿ ಸಮೇತ 57 ರನ್​ ಚಚ್ಚಿದರು. ಗಾಯಕ್ವಾಡ್​ಗೆ ಉತ್ತಮ ಸಾಥ್​ ನೀಡಿದ ಇಶಾನ್​ ಕಿಶನ್​ ಕೂಡ 35 ಎಸೆತಗಳಲ್ಲಿ 54 ರನ್​ ಬಾರಿಸಿದರು. 5 ಬೌಂಡರಿ 2 ಸಿಕ್ಸರ್​ ಇನಿಂಗ್ಸ್​ನಲ್ಲಿತ್ತು. ಇವರಿಬ್ಬರೂ ಮೊದಲ ವಿಕೆಟ್​ಗೆ 97 ರನ್​ ಕಲೆ ಹಾಕಿದರು.

ಗಾಯಕ್ವಾಡ್​ ಔಟಾದ ಬಳಿಕ ಬಂದ ಶ್ರೇಯಸ್​ ಅಯ್ಯರ್​ (14) ಹೆಚ್ಚು ಹೊತ್ತು ಕ್ರೀಸ್​ನಲ್ಲಿ ನಿಲ್ಲಲಿಲ್ಲ. ನಾಯಕ ರಿಷಬ್​ ಪಂತ್​(6) ಬಂದಷ್ಟೇ ವೇಗವಾಗಿ ಪೆವಿಲಿಯನ್​ ಸೇರಿದರು. ಬಳಿಕ ದಿನೇಶ್​ ಕಾರ್ತಿಕ್​ (6) ಪಂತ್​ ಹಾದಿ ತುಳಿದರು.

ಐಪಿಎಲ್​ನಲ್ಲಿ ಮಿಂಚಿದ್ದ ಆಲ್​ರೌಂಡರ್​ ಹಾರ್ದಿಕ್​ ಪಾಂಡ್ಯಾ ಹರಿಣಗಳ ಪಡೆಯ ಬೌಲರ್​ಗಳನ್ನು ಕೆಲ ಹೊತ್ತು ಕಾಡಿದರು. 21 ಎಸೆತಗಳಲ್ಲಿ 31 ರನ್​ ಬಾರಿಸಿದರು. ಇವರ ಇನಿಂಗ್ಸ್​ನಲ್ಲಿ 4 ಆಕರ್ಷಕ ಬೌಂಡರಿಗಳಿದ್ದವು. ದಕ್ಷಿಣ ಆಫ್ರಿಕಾ ಪರ ಡ್ವೇನ್​ ಪ್ರಿಟೋರಿಯಸ್​ 2 ವಿಕೆಟ್​ ಕಿತ್ತರೆ, ಕಗಿಸೋ ರಬಾಡಾ, ತಬ್ರೇಜ್​ ಶಂಶಿ, ಕೇಶವ್​ ಮಹಾರಾಜ್​ ತಲಾ 1 ವಿಕೆಟ್​ ಪಡೆದರು.

ಇದನ್ನೂ ಓದಿ: ಐಪಿಎಲ್​ ಪ್ರಸಾರ: ಮತ್ತೆ ಸ್ಟಾರ್ ತೆಕ್ಕೆಗೆ​​ ಟಿವಿ ಹಕ್ಕು, ವಯಾಕಾಮ್​ಗೆ ಡಿಜಿಟಲ್​ ರೈಟ್ಸ್, ಬಿಸಿಸಿಐಗೆ ಆದಾಯ ಎಷ್ಟು ಗೊತ್ತಾ?