Asia CUP 2023: 20 ಓವರ್​ನ ಭಾರತ - ಪಾಕ್​ ಪಂದ್ಯ ನಡೆದರೆ ಗುರಿ ಎಷ್ಟು ಗೊತ್ತಾ?

ಏಷ್ಯಾಕಪ್​ನ ಸೂಪರ್​ ಫೋರ್​ ಹಂತದ ಪಾಕಿಸ್ತಾನ ಮತ್ತು ಭಾರತ ಪಂದ್ಯಕ್ಕೆ ವರುಣ ಕಾಡಿದ್ದಾನೆ. ಬರೋಬ್ಬರಿ ಒಂದೂವರೆ ಗಂಟೆ ಸುರಿದ ಅಬ್ಬರದ ಮಳೆಯಿಂದ ಮೈದಾನ ಸಂಪೂರ್ಣ ತೊಯ್ದಿದೆ.

ಕೊಲಂಬೊ (ಶ್ರೀಲಂಕಾ): ಲೀಗ್​ ಹಂತದಲ್ಲಿ ಪಾಕಿಸ್ತಾನ ಮತ್ತು ಭಾರತ ನಡುವಿನ ಪಂದ್ಯಕ್ಕೆ ಮಳೆ ಅಡ್ಡಿ ಆದ ಕಾರಣ ಫಲಿತಾಂಶ ರಹಿತ ಮ್ಯಾಚ್​ ಅದಾಗಿತ್ತು. ವಾರದ ಅಂತರದಲ್ಲಿ ಮತ್ತೆ ಸಾಂಪ್ರದಾಯಿಕ ಎದುರಾಳಿಗಳು ಮೈದಾನದಲ್ಲಿ ಮುಖಾಮುಖಿ ಆಗಿದ್ದು, ಇದಕ್ಕೂ ಮಳೆ ಕಾಡಿದೆ. ನಾಳೆ ಮೀಸಲು ದಿನ ಇರುವುದರಿಂದ ಚಿಂತೆ ಇಲ್ಲವಾದರೂ, ಸಾಧ್ಯವಾದಷ್ಟೂ ಇಂದೇ ಫಲಿತಾಂಶ ಕಾಣುವಂತೆ ಡಿಎಲ್ಎಸ್​ ನಿಯಮದನ್ವಯ ಆಡಿಸಲಾಗುವುದು.

ಸುಮಾರು ಒಂದೂವರೆ ಗಂಟೆಗೂ ಹೆಚ್ಚು ಕಾಲ ಮಳೆ ಸುರಿದ ಹಿನ್ನೆಲೆ ಮೈದಾನ ಸಂಪೂರ್ಣ ತೇವವಾಗಿದೆ. ಇದರಿಂದಾಗಿ ಮೈದಾನದಲ್ಲಿ ಪಂದ್ಯಾರಂಭಕ್ಕೆ ತಡವಾಗುವ ಸಾಧ್ಯತೆ ಇದೆ. ಪಂದ್ಯವನ್ನು ಇಂದು ರಾತ್ರಿ 10:30 ಒಳಗೆ ನಡೆಸಲು ಸಾಧ್ಯವಾದರೆ ಡಿಎಲ್​ಎಸ್​ ನಿಯಮದಂತೆ ಪಾಕಿಸ್ತಾನಕ್ಕೆ 20 ಓವರ್​ ಆಡಿಸಲಾಗುವುದು. ಅದರಂತೆ ಪಾಕಿಸ್ತಾನ 180 ರನ್​ ಗುರಿಯನ್ನು ಭೇದಿಸಬೇಕಿದೆ. 8 ಗಂಟೆ ವೇಳೆಗೆ ಅಂಪೈರ್​ಗಳು ಮೈದಾನದ ತೇವಾಂಶವನ್ನು ಪರಿಶೀಲಿಸಲಿದ್ದು, ಈ ವೇಳೆ ಆಡಿಸಲು ಸಾಧ್ಯತೆಗಳಿದ್ದಲ್ಲಿ ಡಿಎಲ್​ಎಸ್​ ನಿಯಮ ಅನ್ವಯ ಆಗಲಿದೆ.

• Rain has helted play in Colombo! Hopefully, the skies will clear up soon! #AsiaCup2023 #PAKvIND

  — AsianCricketCouncil (@ACCMedia1) September 10, 2023 " class="align-text-top noRightClick twitterSection" data="

  Rain has helted play in Colombo! Hopefully, the skies will clear up soon! #AsiaCup2023 #PAKvIND

  — AsianCricketCouncil (@ACCMedia1) September 10, 2023

  ">

  Rain has helted play in Colombo! Hopefully, the skies will clear up soon! #AsiaCup2023 #PAKvIND

  — AsianCricketCouncil (@ACCMedia1) September 10, 2023

ಪಂದ್ಯ: ಆರಂಭಿಕ ಜೋಡಿ ನಾಯಕ ರೋಹಿತ್ ಶರ್ಮಾ ಮತ್ತು ಶುಭಮನ್ ಗಿಲ್ ಅವರ ಭರ್ಜರಿ ಆರಂಭವನ್ನು ಭಾರತ ಕಂಡಿತ್ತು. ಮಳೆ ಮಧ್ಯಪ್ರವೇಶಿಸುವ ವೇಳೆಗೆ ಭಾರತ 2 ವಿಕೆಟ್ ನಷ್ಟಕ್ಕೆ 147 ರನ್ ಗಳಿಸಿತು. ಆದಾಗ್ಯೂ, ತಂಡಗಳು ಡ್ರೆಸ್ಸಿಂಗ್ ರೂಮ್‌ಗೆ ಮರಳುವ ಮೊದಲು, ರೋಹಿತ್ ಮತ್ತು ಶುಬ್‌ಮನ್ 121 ರನ್‌ಗಳ ಪಾಲುದಾರಿಕೆಯಲ್ಲಿ ಪಾಕಿಸ್ತಾನದ ಬೌಲರ್‌ಗಳ ಮೇಲೆ ಪ್ರಹಾರ ನಡೆಸಿದ್ದರು.

ಮೊದಲ ಓವರ್​ನಲ್ಲಿ ಸಿಕ್ಸ್​ ಮೂಲಕ ಖಾತೆ ತೆರೆದ ರೋಹಿತ್​ ಶರ್ಮಾ ನಂತರ ಲಯ ಕಂಡುಕೊಳ್ಳಲು ಸ್ವಲ್ಪ ಪರದಾಡಿದರು. ಆದರೆ ಮೊದಲ ಪವರ್​ ಪ್ಲೇ ಮುಗಿಯುತ್ತಿದ್ದಂತೆ ಸ್ಪಿನ್ನರ್​ಗಳ ಮೇಲೆ ಭರ್ಜರಿ ಬ್ಯಾಟಿಂಗ್​ ಮಾಡಿದರು. ಇದಕ್ಕೂ ಮುನ್ನ ಆರಂಭಿಕ ಆಟಗಾರ ಶುಭಮನ್​ ಗಿಲ್​ ಪಾಕ್​ ವೇಗಿಗಳನ್ನು ದಂಡಿಸಿದ್ದರು. ಬೌಂಡರಿಗಳ ಮೂಲಕವೇ ರನ್​ ಕಲೆ ಹಾಕಿದ ಗಿಲ್​ 10 ಬೌಂಡರಿಯಿಂದ ಅರ್ಧಶತಕ ಪೂರ್ಣ ಮಾಡಿಕೊಂಡರು. ಅವರ ಬೆನ್ನಲ್ಲೇ ಶರ್ಮಾ ಸಹ 4 ಸಿಕ್ಸ್​ ಮತ್ತು 5 ಬೌಂಡರಿಯ ಸಹಾಯದಿಂದ ಅರ್ಧಶತಕ ಮಾಡಿಕೊಂಡರು.

121 ರನ್​ನ ಜೊತೆಯಾಟದೊಂದಿಗೆ ಬಲಿಷ್ಠ ಆರಂಭ ಕಂಡಿದ್ದ ಭಾರತಕ್ಕೆ ಶಾಬಾದ್​ ಖಾನ್​ ಕಾಡಿದರು. 56 ರನ್​ ಗಳಿಸಿ ಆಡುತ್ತಿದ್ದ ರೋಹಿತ್​ ವಿಕೆಟ್​ ಪಡೆದರು. ಅವರ ಬೆನ್ನಲ್ಲೇ 58 ರನ್​ ಗಳಿಸದ ಗಿಲ್​ ಸಹ ಶಾಹೀನ್​ ಅಫ್ರಿದಿಗೆ ವಿಕೆಟ್​ ಕೊಟ್ಟರು. ಮಳೆ ಬರುವ ವೇಳೆಗೆ ವಿರಾಟ್​ ಕೊಹ್ಲಿ (8) ಮತ್ತು ಕೆಎಲ್​ ರಾಹುಲ್​ (17) ಕ್ರೀಸ್​ನಲ್ಲಿದ್ದರು.

ಆರಂಭಿಕ ಬ್ಯಾಟರ್​ಗಳು ಅಬ್ಬರದ ಇನ್ನಿಂಗ್ಸ್​ ಕಟ್ಟಿದ್ದರಿಂದ ಪಂದ್ಯವನ್ನು 20 ಓವರ್​ಗೆ ಮೊಟಕು ಗೊಳಿಸಿದರೂ ಸ್ಪರ್ಧಾತ್ಮಕ ಗುರಿಯನ್ನು ಪಾಕಿಸ್ತಾನ ಎದುರಿಸಬೇಕಿದೆ.

ಇದನ್ನೂ ಓದಿ: ಪಾಕ್​ - ಭಾರತ ಸೂಪರ್​ ಫೋರ್​ ಪಂದ್ಯಕ್ಕೂ ಕಾಡಿದ ವರುಣ.. ಮಳೆಗೂ ಮುನ್ನ ಭಾರತ 147/2