ಏಷ್ಯಾ ಕಪ್​: ಬಾಂಗ್ಲಾ ವಿರುದ್ಧ ಸೋಲು ಕಂಡ ಭಾರತ... ಗಿಲ್​ ಶತಕ ವ್ಯರ್ಥ

ಬಾಂಗ್ಲಾದೇಶದ ವಿರುದ್ಧ ಗಿಲ್​ ಶತಕದ ಹೊರತಾಗಿಯೂ ಭಾರತ ತಂಡ ಆರು ರನ್​ಗಳಿಂದ​ ಸೋಲು ಕಂಡಿತು.ಇದರೊಂದಿಗೆ ಏಷ್ಯಾ ಕಪ್​ ಟೂರ್ನಿಯ ಫೈನಲ್​ಗೆ ಈಗಾಗಲೇ ತಲುಪಿರುವ ಟೀಂ ಇಂಡಿಯಾದ ಎದುರು ಜಯದೊಂದಿಗೆ ಬಾಂಗ್ಲಾ ತನ್ನ ಅಭಿಯಾನ ಮುಗಿಸಿತು.

ಕೊಲಂಬೊ (ಶ್ರೀಲಂಕಾ): ಯುವ ಆಟಗಾರ ಶುಭಮನ್​ ಗಿಲ್​ ಶತಕದ ಹೊರತಾಗಿಯೂ ಭಾರತ ತಂಡ ಬಾಂಗ್ಲಾದೇಶ ವಿರುದ್ದದ ಪಂದ್ಯದಲ್ಲಿ ಮುಗ್ಗಿಸಿದೆ. ಪ್ರಿನ್ಸ್​ ಗಿಲ್​ ಶತಕವು ತಂಡದ ಜಯಕ್ಕೆ ಕೊಡುಗೆ ಆಗಲಿಲ್ಲ, ಅವರ ಆಟ ವ್ಯರ್ಥ ಪ್ರಯತ್ನದಂತಾಯಿತು. ಭಾರತ 49.5 ಓವರ್​ಗೆ ತನ್ನೆಲ್ಲಾ ವಿಕೆಟ್​ ಕಳೆದುಕೊಂಡು 259 ರನ್​ ಗಳಿಸಲಷ್ಟೇ ಶಕ್ತವಾಯಿತು. ಇದರಿಂದ ಬಾಂಗ್ಲಾ ಆರು ರನ್​ಗಳ​ ಗೆಲುವು ದಾಖಲಿಸಿತು.

ಏಷ್ಯಾ ಕಪ್​ ಟೂರ್ನಿಯ ಆರನೇ ಸೂಪರ್​ 4 ಪಂದ್ಯದಲ್ಲಿ ಐದು ಬದಲಾವಣೆಗಳೊಂದಿಗೆ ಮೈದಾನಕ್ಕಿಳಿದ ಟೀಂ ಇಂಡಿಯಾ ಪ್ರಯೋಗದ ಬಾಂಗ್ಲಾದೇಶದ ಮೇಲೆ ಯಶಸ್ವಿ ಆಗಲಿಲ್ಲ. ಬಾಂಗ್ಲಾ ಕೊಟ್ಟಿದ್ದ 266 ರನ್​ ಬೆನ್ನುತ್ತಿದ ಭಾರತಕ್ಕೆ ನಾಯಕ ರೋಹಿತ್​ ಶರ್ಮಾ ಅವರ ವಿಕೆಟ್​ನಿಂದ ಆರಂಭಿಕ ಆಘಾತ ಉಂಟಾಯಿತು. ಎರಡು ಬಾಲ್​ ಎದುರಿಸಿದ ರೋಹಿತ್​ ಶೂನ್ಯಕ್ಕೆ ವಿಕೆಟ್​ ಒಪ್ಪಿಸಿದರು. ಇದರ ಬೆನ್ನಲ್ಲೇ ಏಕದಿನ ಕ್ರಿಕೆಟ್​ಗೆ ಇಂದು ಪಾದಾರ್ಪಣೆ ಮಾಡಿದ ತಿಲಕ್​ ವರ್ಮಾ ಕೇವಲ 5 ರನ್​​ ಗಳಿಸಿ ನಿರಾಸೆ ಮೂಡಿಸಿದರು.

• What a win! 👏
  
  Bangladesh end their #AsiaCup2023 campaign on a high by beating finalists India in the final Super 4 game 💪#INDvBAN | https://t.co/ZOsknWbjNs pic.twitter.com/LKJJ7hdJ4b

  — ICC (@ICC) September 15, 2023 " class="align-text-top noRightClick twitterSection" data="

  What a win! 👏
  
  Bangladesh end their #AsiaCup2023 campaign on a high by beating finalists India in the final Super 4 game 💪#INDvBAN | https://t.co/ZOsknWbjNs pic.twitter.com/LKJJ7hdJ4b

  — ICC (@ICC) September 15, 2023

  ">

  What a win! 👏
  
  Bangladesh end their #AsiaCup2023 campaign on a high by beating finalists India in the final Super 4 game 💪#INDvBAN | https://t.co/ZOsknWbjNs pic.twitter.com/LKJJ7hdJ4b

  — ICC (@ICC) September 15, 2023

ಮೂರನೇ ವಿಕೆಟ್​ಗೆ ಕೆ ಎಲ್​ ರಾಹುಲ್​ ಹಾಗೂ ಆರಂಭಿಕ ಆಟಗಾರ ಶುಭಮನ್​ ಗಿಲ್ 57 ರನ್​ಗಳ ಜೊತೆಯಾಟದೊಂದಿಗೆ ತಂಡ ಚೇತರಿಸಿಕೊಂಡಿತು. ಆದರೆ, 19 ರನ್​ ಗಳಿಸಿ ಆಡುತ್ತಿದ ರಾಹುಲ್​ ಅವರು​ ಮೆಹದಿ ಹಸನ್​ ಬೌಲಿಂಗ್​ನಲ್ಲಿ ಪೆವಿಲಿಯನ್​ ಸೇರಿಕೊಂಡರು. ನಂತರ ಬಂದ ಇಶಾನ್ ಕಿಶನ್​ ಕೂಡ 5 ರನ್​ಗೆ ಎಲ್​ಬಿ ಬಲೆಗೆ ಬಿದ್ದರು. 5ನೇ ವಿಕೆಟ್​ಗೆ ಸೂರ್ಯಕುಮಾರ್ ಯಾದವ್​ ಗಿಲ್​ಗೆ ಜೊತೆಯಾದರು. ಆದರೆ ಟಿ20ಯ ಟಾಪ್​ ಬ್ಯಾಟರ್ ಸೂರ್ಯ (26) ಏಕದಿನ ಕ್ರಿಕೆಟ್​ನಲ್ಲಿ ದೊಡ್ಡ ಇನ್ನಿಂಗ್ಸ್​ ಕಟ್ಟುವಲ್ಲಿ ಮತ್ತೆ ವಿಫಲರಾದರು. ಮತ್ತೊಂದಡೆ, ರವೀಂದ್ರ ಜಡೇಜಾ ಕೂಡ ಕೇವಲ 7 ರನ್​ಗೆ ವಿಕೆಟ್​ ಒಪ್ಪಿಸಿದರು.

ಗಿಲ್​ ಶತಕ: ಒಂದೆಡೆ ವಿಕೆಟ್​ ಕಳೆದುಕೊಳ್ಳುತ್ತಿದ್ದರೂ ಗಿಲ್​ ತಾಳ್ಮೆಯಿಂದ ರನ್​ ಕಲೆಹಾಕಿದರು. ಎದರುರಾಳಿ ತಂಡದ ಬೌಲರ್​ಗಳನ್ನು ಸೂಕ್ಷ್ಮವಾಗಿ ಗಮನಿಸಿ ಬ್ಯಾಟಿಂಗ್​ ಮಾಡಿದ ಗಿಲ್​ ಸಿಕ್ಕ ಅವಕಾಶದಲ್ಲಿ ಬೌಂಡರಿಗಳ ಸಿಡಿಸುತ್ತಾ ರನ್​ಗಳನ್ನು ಕಲೆ ಹಾಕಿದರು. 24ರ ಹರೆಯದ ಆಟಗಾರ 117 ಎಸೆತಗಳಲ್ಲಿ ನೂರರ ಗಡಿ ದಾಟಿದರು. ಈ ಮೂಲಕ ಗಿಲ್​ ತಮ್ಮ 5ನೇ ಏಕದಿನ ಶತಕ ಪೂರೈಸಿದರು.

ಆದರೆ, ಗಿಲ್​ ನಿರ್ಗಮನವಾಗುತ್ತಿದ್ದಂತೆ ಪಂದ್ಯ ಗತಿಯೇ ಬದಲಾಯಿತು. 133 ಬಾಲ್​ಗಳಲ್ಲಿ ಎಂಟು ಬೌಂಡರಿ ಮತ್ತು ನಾಲ್ಕು ಸಿಕ್ಸರ್‌ಗಳೊಂದಿಗೆ 121 ರನ್​ಗಳನ್ನು ಗಿಲ್ ಬಾರಿಸಿದರು. ಕೊನೆಯಲ್ಲಿ ಅಕ್ಷರ್​ ಪಟೇಲ್​ (42) ತಂಡವನ್ನು ಗೆಲ್ಲಿಸುವ ಪ್ರಯತ್ನ ಮಾಡಿದರಾದರೂ ಸಾಧ್ಯವಾಗಲಿಲ್ಲ. ಅಂತಿಮವಾಗಿ ಇನ್ನೂ ಒಂದು ಎಸೆತ ಬಾಕಿ ಇರಬೇಕಾದರೆ ಸರ್ವಪತನ ಕಂಡು ಬಾಂಗ್ಲಾ ಎದುರು ಸೋಲಿಗೆ ಶರಣಾಯಿತು. ಬಾಂಗ್ಲಾ ಪರ ಮುಸ್ತಫಿಜುರ್ ರೆಹಮಾನ್ ಮೂರು ವಿಕೆಟ್​, ಮೆಹಂದಿ ಹಸನ್ ಮತ್ತು ತಂಜಿಮ್ ಹಸನ್ ಸಾಕಿಬ್ ಎರಡು ಹಾಗೂ ಶಕೀಬ್ ಅಲ್ ಹಸನ್, ಮಹಿದಿ ಹಾಸನ ಮಿರಜ್ ತಲಾ ಒಂದು ವಿಕೆಟ್​ ಪಡೆದರು.

ಇದನ್ನೂ ಓದಿ: ವಿಶ್ವಕಪ್ ಕ್ರಿಕೆಟ್‌​ ಸೆಮಿ ಫೈನಲ್, ಫೈನಲ್ ನೋಡುವ ಆಸೆಯೇ?: ಟಿಕೆಟ್ ಲಭ್ಯತೆ ಕುರಿತು ಇಲ್ಲಿದೆ ಮಾಹಿತಿ