ರಿಂಕು ಸಿಂಗ್​ ಅಬ್ಬರದ ಬ್ಯಾಟಿಂಗ್​: ಆಸೀಸ್​ಗೆ 175 ರನ್​ಗಳ ಗುರಿ

India vs Australia 4th T20:ರಾಯಪುರದಲ್ಲಿ ನಡೆಯುತ್ತಿರುವ 4ನೇ ಟಿ20 ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್​ ಮಾಡಿದ ಭಾರತ ನಿಗದಿತ ಓವರ್​ ಅಂತ್ಯಕ್ಕೆ 9 ವಿಕೆಟ್​ ನಷ್ಟಕ್ಕೆ 174 ರನ್​ ಗಳಿಸಿದೆ.

ರಾಯಪುರ (ಛತ್ತೀಸ್‌ಗಢ): ರಿಂಕು ಸಿಂಗ್​, ಯಶಸ್ವಿ ಜೈಸ್ವಾಲ್​, ಜಿತೇಶ್​ ಶರ್ಮಾ ಮತ್ತು ರುತುರಾಜ್​ ಗಾಯಕ್ವಾಡ್​ ಅವರ ಬ್ಯಾಟಿಂಗ್​ ನೆರವಿನಿಂದ ಆಸ್ಟ್ರೇಲಿಯಾದ ವಿರುದ್ಧದ ನಾಲ್ಕನೇ ಟಿ20 ಪಂದ್ಯದಲ್ಲಿ ಭಾರತ 9 ವಿಕೆಟ್​ ನಷ್ಟಕ್ಕೆ 174 ರನ್​ಗಳ ಗುರಿ ನೀಡಿದೆ. ಇಲ್ಲಿನ ಶಹೀದ್ ವೀರ್ ನಾರಾಯಣ ಸಿಂಗ್ ಅಂತಾರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಟಾಸ್ ಗೆದ್ದ ಆಸೀಸ್​ ಬೌಲಿಂಗ್​ ಮಾಡುವ ನಿರ್ಣಯ ಮಾಡಿತು. ಈಗ ಸರಣಿ ಸಮಬಲ ಸಾಧಿಸಲು ಹೆಡ್​ ಪಡೆ 175 ರನ್​ ಕಲೆಹಾಕಬೇಕಿದೆ.

ಕಳೆದ ಮೂರು ಪಂದ್ಯಗಳಲ್ಲಿ ಆರಂಭ ಮಾಡಿದಂತೆ ಯಶಸ್ವಿ ಜೈಸ್ವಾಲ್​ ಇಂದಿನ ಇನ್ನಿಂಗ್ಸ್​​ನ್ನು ಕಟ್ಟಿದ್ದರು. ಮೊದಲ ಓವರ್​ ಮೇಡನ್​ ಮಾಡಿದ ಆಸ್ಟ್ರೇಲಿಯಾ ಬಿಗು ಬೌಲಿಂಗ್​ ದಾಳಿ ಮಾಡುವ ಸೂಚನೆ ನೀಡಿತು. ಆದರೆ ಎರಡನೇ ಓವರ್​ನಿಂದ ಜೈಸ್ವಾಲ್​ ತಮ್ಮ ಲಯಕ್ಕೆ ಮರಳಿದರು. ಮೊದಲ ಪವರ್​ ಪ್ಲೇ ಅಂತ್ಯಕ್ಕೆ ಹೆಚ್ಚಿನ ಬಾಲ್​ ಎದುರಿಸಿದ್ದ ಯಶಸ್ವಿ ಜೈಸ್ವಾಲ್​ 28 ಬಾಲ್​ನಲ್ಲಿ 6 ಬೌಂಡರಿ ಮತ್ತು 1 ಸಿಕ್ಸ್​ನ ಸಹಾಯದಿಂದ 37 ರನ್​ ಕಲೆಹಾಕಿ ಔಟ್​ ಆದರು. 6 ಓವರ್​ ಅಂತ್ಯಕ್ಕೆ ಟೀಮ್​ ಇಂಡಿಯಾ 50 ರನ್​ ಕಲೆಹಾಕಿತ್ತು.

• Innings break!
  
  Rinku Singh top-scores with 46 as #TeamIndia set a 🎯 of 175 👌
  
  Second innings coming up shortly ⏳
  
  Scorecard ▶️ https://t.co/iGmZmBsSDt#TeamIndia | #INDvAUS | @IDFCFIRSTBank pic.twitter.com/4q17vMLbBi

  — BCCI (@BCCI) December 1, 2023 " class="align-text-top noRightClick twitterSection" data="

  Innings break!
  
  Rinku Singh top-scores with 46 as #TeamIndia set a 🎯 of 175 👌
  
  Second innings coming up shortly ⏳
  
  Scorecard ▶️ https://t.co/iGmZmBsSDt#TeamIndia | #INDvAUS | @IDFCFIRSTBank pic.twitter.com/4q17vMLbBi

  — BCCI (@BCCI) December 1, 2023

  ">

  Innings break!
  
  Rinku Singh top-scores with 46 as #TeamIndia set a 🎯 of 175 👌
  
  Second innings coming up shortly ⏳
  
  Scorecard ▶️ https://t.co/iGmZmBsSDt#TeamIndia | #INDvAUS | @IDFCFIRSTBank pic.twitter.com/4q17vMLbBi

  — BCCI (@BCCI) December 1, 2023

ಅಯ್ಯರ್,​ ಸೂರ್ಯ ವಿಫಲ: ಮೊದಲ ವಿಕೆಟ್​ ಉರುಳಿದ ಬೆನ್ನಲ್ಲೇ ಮತ್ತಿಬ್ಬರು ಬ್ಯಾಟರ್​ಗಳು ರನ್​ ಗಳಿಸದೇ ಪೆವಿಲಿಯನ್​ ಹಾದಿ ಹಿಡಿದರು. ನಾಲ್ಕನೇ ಪಂದ್ಯಕ್ಕೆ ಉಪನಾಯಕನಾಗಿ ತಂಡ ಸೇರಿಕೊಂಡು ಮೂನೇ ಸ್ಥಾನದಲ್ಲಿ ಬ್ಯಾಟಿಂಗ್​​ಗೆ ಇಳಿದ ಶ್ರೇಯಸ್​ ಅಯ್ಯರ್​​ 7 ಬಾಲ್​ ಎದುರಿಸಿ 8 ರನ್​ ಹಾಗೇ ನಾಯಕ ಸೂರ್ಯಕುಮಾರ್ ಯಾದವ್​ 2ಬಾಲ್​ಗೆ 1 ರನ್​ ಗಳಿಸಿ ಔಟ್ ಆದರು. ಇಬ್ಬರು ನಿರೀಕ್ಷೆ ಹುಸಿ ಮಾಡಿದರು. 8ನೇ ಓವರ್​​ಗೆ 63ಕ್ಕೆ 3 ವಿಕೆಟ್​ ಕಳೆದುಕೊಂಡು ಸಂಕಷ್ಟದಲ್ಲಿತ್ತು.

ರಿಂಕು - ಜಿತೇಶ್​ ಆಸರೆ: ಕೆಳ ಕ್ರಮಾಂಕದಲ್ಲಿ ಕಳೆದ ಕೆಲ ಪಂದ್ಯಗಳಲ್ಲಿ ತಂಡಕ್ಕೆ ಆಸರೆ ಆಗುತ್ತಿರುವ ರಿಂಕು ಸಿಂಗ್​​ ಇಂದು ಸಹ ನೆರವಾದರು. 4ನೇ ವಿಕೆಟ್​ಗೆ ಗಾಯಕ್ವಾಡ್​ ಜೊತೆ ಸೇರಿಕೊಂಡು ಇನ್ನಿಂಗ್ಸ್​ ಬೆಳೆಸಿದ ಅವರು, 48 ರನ್​ಗಳ ಪಾಲುದಾರಿಕೆ ಮಾಡಿದರು. ವಿಕೆಟ್​ ಪತನದ ನಡುವೆ ಜವಾಬ್ದಾರಿಯುತ ಇನ್ನಿಂಗ್ಸ್​ ಕಟ್ಟಿದ ರುತುರಾಜ್​ ಗಾಯಕ್ವಾಡ್​ 32 ಗಳಿಸಿ ಔಟ್​ ಆದರು.

ಗಾಯಕ್ವಾಡ್​ ವಿಕೆಟ್ ನಂತರ ಜಿತೇಶ್​ ಶರ್ಮಾ ಮತ್ತು ರಿಂಕು ಸಿಂಗ್​ 56​ ರನ್​ಗಳ ಜೊತೆಯಾಟ ತಂಡದ ಮೊತ್ತವನ್ನು 150ರ ಗಡಿ ದಾಟಿಸಿತು. 19 ಬಾಲ್​ ಆಡಿದ ಜಿತೇಶ್​ 3ಸಿಕ್ಸ್ ಮತ್ತು 1 ಬೌಂಡರಿಯ ಸಹಾಯದಿಂದ ವೇಗವಾಗಿ 35 ರನ್​ ಕಲೆಹಾಕಿದರೆ, ರಿಂಕು ಸಿಂಗ್​ 29 ಬಾಲ್​ನಲ್ಲಿ 4 ಬೌಂಡರಿ, 2 ಸಿಕ್ಸ್​ನಿಂದ 46 ರನ್​ ಗಳಿಸಿದ್ದರು.

ಕೊನೆಯಲ್ಲಿ ಅಕ್ಷರ್​ ಪಟೇಲ್​ ಮತ್ತು ದೀಪಕ್​ ಚಹಾರ್​ ಶೂನ್ಯಕ್ಕೆ ಔಟ್​ ಆಗಿ ತಂಡದ ಮೊತ್ತಕ್ಕೆ ಆಸರೆ ಆಗಲಿಲ್ಲ. ರವಿ ಬಿಷ್ಣೋಯ್ ಮತ್ತು ಅವೇಶ್ ಖಾನ್ ಹೋರಾಟವೂ ರನ್​ಗೆ ಕೊಡುಗೆ ಆಗಲಿಲ್ಲ. ಇದರಿಂದ 20 ಓವರ್​ ಅಂತ್ಯಕ್ಕೆ ಭಾರತ 9 ವಿಕೆಟ್​ ನಷ್ಟಕ್ಕೆ 174 ರನ್​​ ಕಲೆಹಾಕಿತು. ಆಸೀಸ್​ ಪರ ಬೆನ್ ದ್ವಾರ್ಶುಯಿಸ್ 3, ಜೇಸನ್ ಬೆಹ್ರೆನ್‌ಡಾರ್ಫ್ ಮತ್ತು ತನ್ವೀರ್ ಸಂಘ ತಲಾ 2 ವಿಕೆಟ್​ ಪಡೆದರು.

ಇದನ್ನೂ ಓದಿ:ಕ್ರೀಡಾಂಗಣದ 3 ಕೋಟಿ ವಿದ್ಯುತ್ ಬಿಲ್ ಬಾಕಿ, ಆಸೀಸ್​ - ಭಾರತ ಪಂದ್ಯಕ್ಕೆ ಪವರ್​ ಕಟ್​