ಮೂರನೇ ಟೆಸ್ಟ್​ ಪಂದ್ಯ: ಎರಡನೇ ಇನ್ನಿಂಗ್ಸ್​ನಲ್ಲಿ 163 ರನ್​ಗಳಿಗೆ ರೋಹಿತ್​ ಪಡೆ ಆಲೌಟ್​

ಮಧ್ಯಪ್ರದೇಶದ ಇಂದೋರ್​ನಲ್ಲಿ ನಡೆಯುತ್ತಿರುವ ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಮೂರನೇ ಟೆಸ್ಟ್​ ಪಂದ್ಯದ ಎರಡನೇ ದಿನದಾಟ ಅಂತ್ಯವಾಗಿದೆ.

ಇಂದೋರ್​ (ಮಧ್ಯಪ್ರದೇಶ): ಬಾರ್ಡರ್​ ಗವಾಸ್ಕರ್​ ಟ್ರೋಫಿಯ ಮೂರನೇ ಟೆಸ್ಟ್​ ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಟೀಂ ಇಂಡಿಯಾ ಸೋಲಿನ ಸುಳಿಗೆ ಸಿಲುಕಿದೆ. ತನ್ನ ಎರಡನೇ ಇನ್ನಿಂಗ್ಸ್​ನಲ್ಲಿ ರೋಹಿತ್​ ಶರ್ಮಾ ಪಡೆ ಕೇವಲ 163 ರನ್​ಗಳಿಗೆ ಆಲೌಟ್​ ಆಗಿದೆ. ಆಸೀಸ್​ ತಂಡದ ಗೆಲುವಿಗೆ 76 ರನ್​ಗಳ ಗುರಿ​ ಇದೆ.

ಇಲ್ಲಿನ ಹೋಳ್ಕರ್​ ಮೈದಾನದಲ್ಲಿ ನಡೆಯುತ್ತಿರುವ ಮೂರನೇ ಟೆಸ್ಟ್​ನಲ್ಲಿ ಭಾರತ ತನ್ನ ಮೊದಲ ಇನ್ನಿಂಗ್ಸ್​ನಲ್ಲಿ 109 ರನ್​ಗಳಿಗೆ ಸರ್ವಪತನ ಕಂಡಿತ್ತು. ಮತ್ತೊಂದೆಡೆ, ಆಸ್ಟ್ರೇಲಿಯಾ ತಂಡ ಮೊದಲ ಇನ್ನಿಂಗ್ಸ್​ನಲ್ಲಿ 197 ರನ್​ಗಳನ್ನು ಪೇರಿಸಿತ್ತು. ಈಗ ಟೀಂ ಇಂಡಿಯಾ ಎರಡನೇ ಇನ್ನಿಂಗ್ಸ್​ನಲ್ಲಿ 163 ರನ್​ಗಳಿಗೆ ಆಲೌಟ್​ ಆಗಿ, ಎದುರಾಳಿ ತಂಡಕ್ಕೆ ಸುಲಭ ಟಾರ್ಗೆಟ್​ ನೀಡಿದೆ.

• Stumps on day two 🏏
  
  Nathan Lyon ran through India's batting lineup and registered a brilliant eight-wicket haul 👌#WTC23 | #INDvAUS | 📝: https://t.co/FFaPxt9fIY pic.twitter.com/PCAUqw8HVS

  — ICC (@ICC) March 2, 2023 " class="align-text-top noRightClick twitterSection" data="

  Stumps on day two 🏏
  
  Nathan Lyon ran through India's batting lineup and registered a brilliant eight-wicket haul 👌#WTC23 | #INDvAUS | 📝: https://t.co/FFaPxt9fIY pic.twitter.com/PCAUqw8HVS

  — ICC (@ICC) March 2, 2023

  ">

  Stumps on day two 🏏
  
  Nathan Lyon ran through India's batting lineup and registered a brilliant eight-wicket haul 👌#WTC23 | #INDvAUS | 📝: https://t.co/FFaPxt9fIY pic.twitter.com/PCAUqw8HVS

  — ICC (@ICC) March 2, 2023

4 ಪಂದ್ಯಗಳ ಸರಣಿಯಲ್ಲಿ ರೋಹಿತ್​ ಪಡೆ ಮೊದಲೆರಡು ಪಂದ್ಯಗಳನ್ನು ಗೆದ್ದು, 2-0 ಅಂತರದಿಂದ ಮುನ್ನಡೆಯಲ್ಲಿದೆ. ಮೂರನೇ ಪಂದ್ಯದ ಮೊದಲ ದಿನವೇ ಅಲ್ಪ ಮೊತ್ತಕ್ಕೆ ಭಾರತ ತಂಡವನ್ನು ಆಸ್ಟ್ರೇಲಿಯಾ ಸ್ಪಿನ್​ ಖೆಡ್ಡಾಕ್ಕೆ ಕೆಡವಿತ್ತು. ಎರಡನೇ ದಿನದಲ್ಲಿ ಆಸ್ಟ್ರೇಲಿಯಾ ಕೂಡ ಬೇಗನೇ ಸರ್ವಪತನ ಕಂಡಿತ್ತು. 47 ರನ್​ಗಳ ಮುನ್ನಡೆಯೊಂದಿಗೆ ದಿನದಾಟ ಆರಂಭಿಸಿದ ಆಸೀಸ್​ ಪಡೆ ಕೊನೆಯ ಆರು ವಿಕೆಟ್​ಗಳನ್ನು ಕೇವಲ 11 ರನ್​ಗಳಿಗೆ ಕಳೆದುಕೊಂಡು ದಿಢೀರ್​ ಕುಸಿತ ಅನುಭವಿಸಿತ್ತು. ಇದರಿಂದ ತಂಡ ಮೊದಲ ಇನಿಂಗ್ಸ್​ನಲ್ಲಿ 197 ರನ್​ ಗಳಿಸಲು ಮಾತ್ರ ಸಾಧ್ಯವಾಗಿತ್ತು. ರವೀಂದ್ರ ಜಡೇಜಾ ನಾಲ್ಕು ವಿಕೆಟ್​ ಪಡೆದು ಮಿಂಚಿದರೆ, ರವಿಚಂದ್ರನ್​ ಅಶ್ವಿನ್​ ಹಾಗೂ ಉಮೇಶ್​ ಯಾದವ್​ ತಲಾ ಮೂರು ವಿಕೆಟ್​ಗಳನ್ನು ಪಡೆದು ಕಾಂಗರೂ ಪಡೆ ಕಾಡಿದ್ದರು.

ಪೂಜಾರ ಅರ್ಧಶತಕದ ಆಸರೆ: 88 ರನ್​ಗಳ ಹಿನ್ನಡೆಯೊಂದಿಗೆ ತನ್ನ ಎರಡನೇ ಇನ್ನಿಂಗ್ಸ್​ಅನ್ನು ಟೀಂ ಇಂಡಿಯಾದ ಆಸೀಸ್​ ಬೌಲರ್​ಗಳ ದಾಳಿ ತತ್ತರಿಸಿತು. ಆದರೆ, ಚೇತೇಶ್ವರ ಪೂಜಾರ 142 ಎಸೆತಗಳನ್ನು ಎದುರಿಸಿ, ಐದು ಬೌಂಡರಿಗಳು ಮತ್ತು ಒಂದು ಸಿಕ್ಸರ್​ನೊಂದಿಗೆ 59 ರನ್​ಗಳನ್ನು ಕಲೆ ಹಾಕಿ ತಂಡಕ್ಕೆ ಆಸರೆಯಾದರು. ಅಲ್ಲದೇ, ತಂಡದ ಮೊತ್ತ 150ರ ಗಡಿ ದಾಟಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದರು.

• Cheteshwar Pujara's gritty knock has kept India in the game 👏 #WTC23 | #INDvAUS | 📝: https://t.co/FFaPxt9fIY pic.twitter.com/s1hoOn5YtR

  — ICC (@ICC) March 2, 2023 " class="align-text-top noRightClick twitterSection" data="

  Cheteshwar Pujara's gritty knock has kept India in the game 👏 #WTC23 | #INDvAUS | 📝: https://t.co/FFaPxt9fIY pic.twitter.com/s1hoOn5YtR

  — ICC (@ICC) March 2, 2023

  ">

  Cheteshwar Pujara's gritty knock has kept India in the game 👏 #WTC23 | #INDvAUS | 📝: https://t.co/FFaPxt9fIY pic.twitter.com/s1hoOn5YtR

  — ICC (@ICC) March 2, 2023

ಇದಕ್ಕೂ ಮುನ್ನ ಆರಂಭಿಕರಾದ ನಾಯಕ ರೋಹಿತ್ ಶರ್ಮಾ ಮತ್ತು ಶುಭಮನ್​ ಗಿಲ್​ ತಂಡಕ್ಕೆ ಉತ್ತಮ ಅಡಿಪಾಯ ಹಾಕಿಕೊಡುವಲ್ಲಿ ಎಡವಿದರು. ತಂಡದ ಮೊತ್ತ 15 ರನ್​ಗಳು ಆಗುವಷ್ಟರಲ್ಲಿ ಗಿಲ್​ ನಾಥನ್​ ಲಿಯಾನ್​ ಬೌಲಿಂಗ್​ನಲ್ಲಿ ಬೋಲ್ಡ್​ ಆದರು. ಇದರ ನಂತರದಲ್ಲೇ ರೋಹಿತ್​ ಅವರನ್ನೂ ನಾಥನ್​ ಎಲ್​ಬಿ ಬಲೆಗೆ ಕಡೆವಿದರು.

ಮೂರನೇ ಕ್ರಮಾಂಕದಲ್ಲಿ ಬಂದ ಚೇತೇಶ್ವರ ಪೂಜಾರ ಕೊನೆಯವರೆಗೆ ವಿರೋಚಿತ ಆಟ ಪ್ರದರ್ಶಿಸಿದರು. ವಿರಾಟ್​ ಕೊಹ್ಲಿ (13), ರವೀಂದ್ರ ಜಡೇಜಾ (7) ಬೇಗನೇ ಔಟಾಗಿ ನಿರಾಶೆ ಮೂಡಿಸಿದರು. ಚೇತೇಶ್ವರ ಪೂಜಾರ ಜೊತೆಗೂಡಿದ ಶ್ರೇಯಸ್​​ ಅಯ್ಯರ್​ (26) ತಂಡಕ್ಕೆ ಚೇತರಿಕೆಯ ನೀಡುವ ಮುನ್ಸೂಚನೆ ನೀಡಿದರು. ಆದರೆ, ತಂಡದ ಮೊತ್ತ 113 ರನ್​ಗಳು ಆಗಿದ್ದಾಗ ಶ್ರೇಯಸ್​ ವಿಕೆಟ್​ ಒಪ್ಪಿಸಿದರು. ಇದಾದ ಬಳಿಕ ಶ್ರಿಕರ್​ ಭರತ್ (3), ಆರ್​.ಅಶ್ವಿನ್​ (16), ಅಕ್ಷರ್​ ಪಟೇಲ್​ (15 ಅಜೇಯ) ಅವರಿಂದ ಅಲ್ಪ ರನ್​ ಕಲೆ ಹಾಕಲು ಮಾತ್ರ ಸಾಧ್ಯವಾಯಿತು. ಉಮೇಶ್​ ಯಾದವ್​, ಮೊಹಮ್ಮದ್ ಸಿರಾಜ್​ ಶೂನ್ಯಕ್ಕೆ ಔಟಾದರು.

8 ವಿಕೆಟ್​ ಕಬಳಿಸಿದ ನಾಥನ್​ ಲಿಯಾನ್: ಆಸ್ಟ್ರೇಲಿಯಾ ತಂಡದ ನಾಥನ್​ ಲಿಯಾನ್​ ಪರ ಎಂಟು ವಿಕೆಟ್​ ಕಬಳಿಸಿ, ಟೀಂ ಇಂಡಿಯಾ ತಂಡವನ್ನು ಕಾಡಿದರು. 23.3 ಓವರ್​ಗಳನ್ನು ಎಸೆತ ನಾಥನ್​ ಕೇವಲ 64 ರನ್​ಗಳನ್ನು ನೀಡಿದರು. ಮಿಚೆಲ್ ಸ್ಟಾರ್ಕ್ ಹಾಗೂ ಮ್ಯಾಥ್ಯೂ ಕುಹ್ನೆಮನ್ ತಲಾ ಒಂದು ವಿಕೆಟ್​ ಪಡೆದರು. ಇನ್ನು, ನಾಳೆ ಬೆಳಗ್ಗೆ ಎಂದರೆ ಪಂದ್ಯದ ಮೂರನೇ ದಿನ ಆಸೀಸ್​ ತಂಡ ತನ್ನ ಎರಡನೇ ಇನ್ನಿಂಗ್​ ಆರಂಭಿಸಲಿದೆ.

ಇದನ್ನೂ ಓದಿ: ಮೂರನೇ ಟೆಸ್ಟ್​: 197 ರನ್​ಗೆ ಆಸ್ಟ್ರೇಲಿಯಾ ಔಟ್​, ಭಾರತಕ್ಕೆ ಮತ್ತೆ ಸ್ಪಿನ್​ ಕಾಟ