ಸಿಡ್ನಿ (ಆಸ್ಟ್ರೇಲಿಯಾ): ಸಿಡ್ನಿ ಕ್ರಿಕೆಟ್ ಮೈದಾನದಲ್ಲಿ ನಡೆಯುತ್ತಿರುವ ಮೂರನೇ ಟೆಸ್ಟ್‌ನಲ್ಲಿ ಉತ್ತಮ ರನ್ ಗಳಿಸಲು ಎಲ್ಲಾ ಬ್ಯಾಟ್ಸ್ಮನ್ಗಳ ಸಾಮೂಹಿಕ ಪ್ರಯತ್ನದ ಅಗತ್ಯವಿದೆ ಎಂದು ಆಲ್ರೌಂಡರ್ ರವೀಂದ್ರ ಜಡೇಜಾ ಅಭಿಪ್ರಾಯಪಟ್ಟಿದ್ದಾರೆ.
2ನೇ ದಿನದಾಟದ ಅಂತ್ಯದ ವೇಳೆ ಭಾರತ 2 ವಿಕೆಟ್ ಕಳೆದುಕೊಂಡು 96 ರನ್ ಗಳಿಸಿದೆ. ನಾಯಕ ಅಜಿಂಕ್ಯ ರಹಾನೆ ಹಾಗೂ ಚೇತೇಶ್ವರ ಪೂಜಾರ ಕ್ರೀಸ್ ಕಾಯ್ದುಕೊಂಡಿದ್ದಾರೆ.
ದಿನದಾಟ ಅಂತ್ಯದ ಬಳಿಕ ಮಾತನಾಡಿರುವ ಜಡೇಜಾ, ಆತಿಥೇಯರ ಮುಂದೆ ಉತ್ತಮ ರನ್ ಕಲೆಹಾಕಲು ಬಯಸಿದರೆ ಪೂಜಾರ, ರಹಾನೆ ಮಾತ್ರವಲ್ಲ, ಎಲ್ಲಾ ಆಟಗಾರರು ರನ್ ಗಳಿಸಬೇಕಾಗುತ್ತದೆ ಎಂದಿದ್ದಾರೆ.
ನಾವು ಜವಾಬ್ದಾರಿಯುತವಾಗಿ ಆಡಿದರೆ ರನ್ ಗಳಿಸುವುದು ಸುಲಭ. ಪಂದ್ಯದಲ್ಲಿ ನಮ್ಮ ಸ್ಥಾನ ಬಲಪಡಿಸಿಕೊಳ್ಳಬೇಕಾದರೆ ತಂಡದ ಎಲ್ಲರ ಕೊಡುಗೆ ಅಗತ್ಯ. ಎರಡನೇ ದಿನದಲ್ಲಿ ಬ್ಯಾಟ್ಸ್ಮನ್ಗಳ ಮೇಲೆ ಒತ್ತಡ ಹೇರುವುದು ಮತ್ತು ಡಾಟ್ ಬಾಲ್ ಆಡಿಸುವುದಷ್ಟೇ ನಮ್ಮ ಗಮನದಲ್ಲಿತ್ತು ಎಂದಿದ್ದಾರೆ.
ಇದನ್ನೂ ಓದಿ: ಅಶ್ವಿನ್ ಮೇಲೆ ಒತ್ತಡ ಹೇರಿ ಬ್ಯಾಟಿಂಗ್ ಮಾಡಿದ್ದು ಫಲ ನೀಡಿತು.. ಸ್ಟೀವ್ ಸ್ಮಿತ್
