ಸೆಂಚುರಿಯನ್ ಟೆಸ್ಟ್: ದಕ್ಷಿಣ ಆಫ್ರಿಕಾ ವಿರುದ್ಧ ಭಾರತ ತಂಡಕ್ಕೆ 113 ರನ್​ಗಳ ಜಯ, 1-0ಯಲ್ಲಿ ಸರಣಿ ಮುನ್ನಡೆ

India beat South Africa: 305 ರನ್​ಗಳ ಗುರಿ ಬೆನ್ನಟ್ಟಿದ ದಕ್ಷಿಣ ಆಫ್ರಿಕಾ 5ನೇ ದಿನ 191 ರನ್​ಗಳಿಗೆ ಆಲೌಟ್​ ಆಗುವ ಮೂಲಕ ತವರಿನಲ್ಲೇ 113 ರನ್​ಗಳ ಹೀನಾಯ ಸೋಲು ಕಂಡಿತು. ಇದು ಭಾರತಕ್ಕೆ ಸೆಂಚುರಿಯನ್​ನಲ್ಲಿ ಮೊದಲ ಜಯವಾದರೆ, ವಿರಾಟ್​ ಕೊಹ್ಲಿ ಹರಿಣಗಳ ನಾಡಿನಲ್ಲಿ 2 ಪಂದ್ಯ ಗೆದ್ದ ಏಕೈಕ ಭಾರತೀಯ ನಾಯಕ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.

ಸೆಂಚುರಿಯನ್​: ಕನ್ನಡಿಗ ಕೆ ಎಲ್​ ರಾಹುಲ್ ಮನಮೋಹಕ ಶತಕ ಮತ್ತು ಬೌಲರ್​ಗಳ ಸಂಘಟಿತ ಪ್ರದರ್ಶನದ ನೆರವಿನಿಂದ ಭಾರತ ತಂಡ ಅತಿಥೇಯ ದಕ್ಷಿಣ ಆಫ್ರಿಕಾ ವಿರುದ್ಧ 113 ರನ್​ಗಳ ಭರ್ಜರಿ ಜಯ ಸಾಧಿಸಿ 3 ಪಂದ್ಯಗಳ ಸರಣಿಯಲ್ಲಿ 1-0ಯಲ್ಲಿ ಮುನ್ನಡೆ ಸಾಧಿಸಿದೆ.

ಭಾರತ ತಂಡ ತನ್ನ ಮೊದಲ ಇನ್ನಿಂಗ್ಸ್​ನಲ್ಲಿ ಕೆ ಎಲ್ ರಾಹುಲ್(123) ಶತಕದ ನೆರವಿನಿಂದ 327 ರನ್​ಗಳಿಸಿದರೆ, ಇದಕ್ಕುತ್ತರವಾಗಿ ದಕ್ಷಿಣ ಆಫ್ರಿಕಾ ತಂಡವನ್ನು 197ಕ್ಕೆ ಕಟ್ಟಿಹಾಕಿತ್ತು. ಮತ್ತೆ ಎರಡನೇ ಇನ್ನಿಂಗ್ಸ್​ನಲ್ಲಿ 174 ರನ್​ಗಳಿಗೆ ಆಲೌಟ್ ಆದರೂ ಮೊದಲ ಇನ್ನಿಂಗ್ಸ್​ನ 130 ರನ್​ಗಳ ಮುನ್ನಡೆ ಸೇರಿ ಹರಿಣಗಳಿಗೆ 305ರನ್​ಗಳ ಕಠಿಣ ಗುರಿ ನೀಡಿತ್ತು.

305 ರನ್​ಗಳ ಗುರಿ ಬೆನ್ನಟ್ಟಿದ ದಕ್ಷಿಣ ಆಫ್ರಿಕಾ 5ನೇ ದಿನ 191 ರನ್​ಗಳಿಗೆ ಆಲೌಟ್​ ಆಗುವ ಮೂಲಕ ತವರಿನಲ್ಲೇ 113 ರನ್​ಗಳ ಹೀನಾಯ ಸೋಲು ಕಂಡಿತು. ಇದು ಭಾರತಕ್ಕೆ ಸೆಂಚುರಿಯನ್​ನಲ್ಲಿ ಮೊದಲ ಜಯವಾದರೆ, ವಿರಾಟ್​ ಕೊಹ್ಲಿ ಹರಿಣಗಳ ನಾಡಿನಲ್ಲಿ 2 ಪಂದ್ಯ ಗೆದ್ದ ಏಕೈಕ ಭಾರತೀಯ ನಾಯಕ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.

• India register their first Test victory in Centurion 🎉
  
  They defeat South Africa by 113 runs and go 1-0 up in the series.#WTC23 | #SAvIND | https://t.co/qi2EfKhLHp pic.twitter.com/FXMMb7UVe4

  — ICC (@ICC) December 30, 2021 " class="align-text-top noRightClick twitterSection" data="

  India register their first Test victory in Centurion 🎉
  
  They defeat South Africa by 113 runs and go 1-0 up in the series.#WTC23 | #SAvIND | https://t.co/qi2EfKhLHp pic.twitter.com/FXMMb7UVe4

  — ICC (@ICC) December 30, 2021

  ">

  India register their first Test victory in Centurion 🎉
  
  They defeat South Africa by 113 runs and go 1-0 up in the series.#WTC23 | #SAvIND | https://t.co/qi2EfKhLHp pic.twitter.com/FXMMb7UVe4

  — ICC (@ICC) December 30, 2021

Boxing Day Test in Centurion: ಬಾಕ್ಸಿಂಗ್ ಡೇ ಟೆಸ್ಟ್​ನ 4ನೇ ದಿನ ದಕ್ಷಿಣ ಆಫ್ರಿಕಾ 94 ರನ್​ಗಳಿಸಿ 4 ವಿಕೆಟ್ ಕಳೆದುಕೊಂಡಿತ್ತು. ಬುಧವಾರ 52 ರನ್​ಗಳಿಸಿದ್ದ ನಾಯಕ ಡೀನ್ ಎಲ್ಗರ್​ 5ನೇ ದಿನ ಟೆಂಬ ಬವೂಮ ಜೊತೆಗೆ ಬ್ಯಾಟಿಂಗ್ ಆರಂಭಿಸಿ 36 ರನ್ 14.3 ಓವರ್​ಗಳ ಕಾಲ ಕ್ರೀಸ್​ನಲ್ಲಿ ಕಾಲ ಕಳೆದರು. ಈ ಹಂತದಲ್ಲಿ ಕಣಕ್ಕಿಳಿದ ಬುಮ್ರಾ 156 ಎಸೆತಗಳಲ್ಲಿ 12 ಬೌಂಡರಿ ಸಹಿತ ​77 ರನ್​ಗಳಿಸಿ ಅಪಾಯಕಾರಿಯಾಗುತ್ತಿದ್ದ ಡೀನ್ ಎಲ್ಗರ್​ ವಿಕೆಟ್ ಉಡಾಯಿಸಿ ಭಾರತಕ್ಕೆ ಬ್ರೇಕ್ ನೀಡಿದರು. ನಂತರ ಬಂದ ವಿಕೆಟ್ ಕೀಪರ್​ ಬ್ಯಾಟರ್​ ಕ್ವಿಂಟನ್​ ಡಿಕಾಕ್​ 21 ರನ್​ಗಳಿಸಿ ಸಿರಾಜ್​ ಬೌಲಿಂಗ್​ನಲ್ಲಿ ಕ್ಲೀನ್ ಬೌಲ್ಡ್ ಆದರೆ, ನಂತರದ ಓವರ್​ನಲ್ಲೇ ಹೊಸ ಬ್ಯಾಟರ್​ ವಿಯಾನ್ ಮಲ್ಡರ್​ರನ್ನು ಶಮಿ ಪೆವಿಲಿಯನ್​ಗಟ್ಟಿದರು.

ಭೋಜನ ವಿರಾಮಕ್ಕೆ 182 ರನ್​ಗಳಿಸಿದ್ದ ಡೀನ್ ಎಲ್ಗರ್​ ಪಡೆ ವಿರಾಮದ ನಂತರ ಕೇವಲ 2 ಓವರ್​ಗಳಲ್ಲಿ ಉಳಿದ ಮೂರು ವಿಕೆಟ್​ ಕಳೆದುಕೊಂಡಿತು.

ಭಾರತದ ಪರ ಬುಮ್ರಾ, ಶಮಿ ತಲಾ 3 ವಿಕೆಟ್ ಪಡೆದರೆ, ಮೊಹಮ್ಮದ್ ಸಿರಾಜ್ ಮತ್ತು ಅಶ್ವಿನ್​ ತಲಾ 2 ವಿಕೆಟ್ ಪಡೆದು ಮಿಂಚಿದರು. ಶಮಿ ಮೊದಲ ಇನ್ನಿಂಗ್ಸ್​ನಲ್ಲೂ 5 ವಿಕೆಟ್ ಪಡೆದಿದ್ದರು.

ಇದನ್ನೂ ಓದಿ:ಚೇತೇಶ್ವರ್ ಪೂಜಾರ, ರಹಾನೆ ಫಾರ್ಮ್​ ವಿಚಾರದಲ್ಲಿ ನಾವು ತಾಳ್ಮೆವಹಿಸಬೇಕಾಗಿದೆ: ಬ್ಯಾಟಿಂಗ್ ಕೋಚ್​ ರಾಥೋರ್