WTC ಫೈನಲ್​ನಲ್ಲಿ ಭಾರತದ ಕಳಪೆ ರೆಕಾರ್ಡ್​​.. ಮೂರು ವರ್ಷದಲ್ಲಿ ಮೊದಲ ಸಲ!

ನ್ಯೂಜಿಲ್ಯಾಂಡ್​ ವಿರುದ್ಧ ನಡೆಯುತ್ತಿರುವ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್​ನಲ್ಲಿ ಟಿಂ ಇಂಡಿಯಾದ ಯಾವುದೇ ಪ್ಲೇಯರ್ಸ್​ ಅರ್ಧ ಶತಕ ಸಾಧನೆ ಮಾಡಿಲ್ಲ. ಈ ಮೂಲಕ ಕಳಪೆ ಸಾಧನೆಗೆ ಗುರಿಯಾಗಿದೆ.

ಸೌತಾಂಪ್ಟನ್​: ಭಾರತ-ನ್ಯೂಜಿಲ್ಯಾಂಡ್​ ತಂಡಗಳ ನಡುವೆ ಐಸಿಸಿ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್​ ಪಂದ್ಯ ನಡೆಯುತ್ತಿದ್ದು, ಇದರಲ್ಲಿ ಟೀಂ ಇಂಡಿಯಾ ಪ್ಲೇಯರ್ಸ್ ಕಳಪೆ ಸಾಧನೆಯೊಂದಕ್ಕೆ ಗುರಿಯಾಗಿದ್ದಾರೆ. ಕಳೆದ ಮೂರು ವರ್ಷಗಳ ಟೆಸ್ಟ್​​ನಲ್ಲಿ ಇದೇ ಮೊದಲ ಸಲ ಇಂತಹದ್ದೊಂದು ರೆಕಾರ್ಡ್​ ಮೂಡಿ ಬಂದಿದೆ.

ಟೀಂ ಇಂಡಿಯಾ ಕಳಪೆ ಸಾಧನೆ

ಟೆಸ್ಟ್​ ಚಾಂಪಿಯನ್​ಶಿಪ್​ನ ಎರಡು ಇನ್ನಿಂಗ್ಸ್​ನಲ್ಲಿ ಟೀಂ ಇಂಡಿಯಾದ ಯಾವುದೇ ಪ್ಲೇಯರ್ಸ್​ ಅರ್ಧಶತಕ ಸಿಡಿಸಿಲ್ಲ. ಹೀಗಾಗಿ 2018ರ ಇದೇ ಮೊದಲ ಸಲ ಇಂತಹ ಕಳಪೆ ಸಾಧನೆಗೆ ಟೀಂ ಇಂಡಿಯಾ ಗುರಿಯಾಗಿದೆ. ಈ ಹಿಂದೆ ಲಾರ್ಡ್ಸ್​ ಮೈದಾನದಲ್ಲಿ ಇಂಗ್ಲೆಂಡ್​ ವಿರುದ್ಧ ನಡೆದ ಟೆಸ್ಟ್​ ಪಂದ್ಯದಲ್ಲಿ ಇಂತಹ ಪ್ರದರ್ಶನಕ್ಕೆ ಟೀಂ ಇಂಡಿಯಾ ಗುರಿಯಾಗಿತ್ತು.

ಟೀಂ ಇಂಡಿಯಾದಿಂದ ದಾಖಲಾಗಲಿಲ್ಲ ಅರ್ಧಶತಕ

ಮೊದಲ ಇನ್ನಿಂಗ್ಸ್​ನಲ್ಲಿ ಟೀಂ ಇಂಡಿಯಾ 217ರನ್​ಗಳಿಗೆ ಆಲೌಟ್​​​ ಆಗಿತ್ತು. ಈ ವೇಳೆ, ಟಾಸ್​ ಸ್ಕೋರ್​ರ ಆಗಿ ಕೊಹ್ಲಿ (44) ಹಾಗೂ ರಹಾನೆ(49) ಹೊರಹೊಮ್ಮಿದ್ದರು. ಇನ್ನು ಎರಡನೇ ಇನ್ನಿಂಗ್ಸ್​​ನಲ್ಲಿ 170ರನ್​ಗಳಿಗೆ ಆಲೌಟ್​​ ಆಗಿರುವ ಟೀಂ ಇಂಡಿಯಾ ಪರ 41ರನ್​ಗಳಿಕೆ ಮಾಡಿರುವ ರಿಷಭ್ ಪಂತ್​ ಟಾಪ್​​ ಸ್ಕೋರ್​ರ ಆಗಿದ್ದಾರೆ. ಇನ್ನು ನ್ಯೂಜಿಲ್ಯಾಂಡ್ ತಂಡದ ಪರ ಕೂಡ ಮೊದಲ ಇನ್ನಿಂಗ್ಸ್​ನಲ್ಲೇ ಒಂದೇ ಒಂದು ಅರ್ಧಶತಕ ದಾಖಲಾಗಿದೆ.