ಮುಂಬೈ : ಮುಂಬುರುವ ಶ್ರೀಲಂಕಾ ವಿರುದ್ಧದ ಸೀಮಿತ ಓವರ್ಗಳ ಸರಣಿಯಲ್ಲಿ ತಂಡದಲ್ಲಿರುವ ಎಲ್ಲಾ 20 ಆಟಗಾರರಿಗೂ ಅವಕಾಶ ಸಿಗುತ್ತದೆ ಎಂದು ಹೇಳುವುದು ಅವಾಸ್ತವಿಕ ಎಂದು ಮುಖ್ಯ ಕೋಚ್ ರಾಹುಲ್ ದ್ರಾವಿಡ್ ಹೇಳಿದ್ದಾರೆ.
ಶ್ರೀಲಂಕಾ ವಿರುದ್ಧ ತಲಾ 3 ಪಂದ್ಯಗಳ ಏಕದಿನ ಸರಣಿ ಮತ್ತು ಟಿ20 ಸರಣಿ ನಡೆಯಲಿದೆ. ಆದರೆ, ಈ ಪ್ರವಾಸದಲ್ಲಿ ಕೆಲವು ಯುವ ಆಟಗಾರರಿಗೂ ಅವಕಾಶ ಕೊಡುವುದಕ್ಕಿಂತ ಸರಣಿ ಗೆಲ್ಲಬೇಕು ಎನ್ನುವುದೇ ಮುಖ್ಯ ಎಂದು ದ್ರಾವಿಡ್ ಹೇಳಿದ್ದಾರೆ.
ಶಿಖರ್ ಧವನ್ ನೇತೃತ್ವದಲ್ಲಿ ಭಾರತ ತಂಡ ಈ ಪ್ರವಾಸ ಕೈಗೊಳ್ಳಲಿದೆ. ಜುಲೈನಲ್ಲಿ ಈ ಸರಣಿ ನಡೆಯಲಿದೆ. ಕೆಲವು ಹೊಸ ಮುಖಗಳಿರುವುದರಿಂದ ಈ ಸರಣಿ ರೋಮಾಂಚನಕಾರಿಯಾಗಿದೆ. ಅದರಲ್ಲೂ ರಾಹುಲ್ ದ್ರಾವಿಡ್ ಮತ್ತೆ ಭಾರತ ತಂಡ ಸೇರಿಕೊಳ್ಳುತ್ತಿರುವುದು ಈ ಸರಣಿ ಮೇಲೆ ಉತ್ಸಾಹ ಹೆಚ್ಚಿದೆ. ಅದರಲ್ಲೂ ಟಿ20 ವಿಶ್ವಕಪ್ ದೃಷ್ಟಿಯಿಂದ ಪರಿಣಾಮಕಾರಿಯಾಗಿದೆ.
ಈ ಸರಣಿ ಭಾರತ ಎ ಸರಣಿಗಿಂತ ವಿಭಿನ್ನ. ಅಭಿವೃದ್ಧಿ ಹಂತದಲ್ಲಿದ್ದಾಗ ಗುರಿ ಇದಕ್ಕಿಂತ ವಿಭಿನ್ನವಾಗಿರುತ್ತದೆ. ನಾವು ಈಗ 20 ಆಟಗಾರರ ಒಳ್ಳೆಯ ತಂಡವನ್ನು ಹೊಂದಿದ್ದೇವೆ. ಈ ಚಿಕ್ಕ ಸರಣಿಯಲ್ಲಿ ಪ್ರತಿಯೊಬ್ಬರಿಗೂ ಅವಕಾಶ ನಿರೀಕ್ಷಿಸುವುದು ಅವಾಸ್ತವಿಕ. ನಾವು ಒಳ್ಳೆಯ ಸಂಯೋಜನೆಯೊಂದಿಗೆ ಸರಣಿಯನ್ನು ಗೆಲ್ಲಲು ಆಲೋಚಿಸುತ್ತೇವೆ ಎಂದು ರಾಹುಲ್ ದ್ರಾವಿಡ್ ಪ್ರವಾಸಕ್ಕೂ ಮುನ್ನ ನಡೆದ ಸುದ್ದಿಗೋಷ್ಠಿಯಲ್ಲಿ ಹೇಳಿದ್ದಾರೆ.
ಯುವಕರಿಗೆ ಅದ್ಭುತ ಅವಕಾಶ : ತಂಡದಲ್ಲಿ ಸಾಕಷ್ಟು ಯುವ ಆಟಗಾರರಿದ್ದಾರೆ. ಅವರು ಇಲ್ಲಿ ಆಡದಿದ್ದರೂ ಸಹ ಶಿಖರ್ ಧವನ್ ಅವರಂತಹ ಆಟಗಾರರಿಂದ ಕಲಿಯಲು ಉತ್ತಮ ಅವಕಾಶವಿದೆ. ಇದು(ಭಾರತ), ಅಂಡರ್ 19 ಮತ್ತು ಎ ತಂಡಕ್ಕಿಂತ ವಿಭಿನ್ನವಾದ ಜಗತ್ತು ಎಂದು ಅವರು ತಿಳಿಸಿದ್ದಾರೆ.
ಇದನ್ನು ಓದಿ: ಮುಖ್ಯ ಕೋಚ್ ಆಗಿರುವುದು ನನಗೆ ಕಲಿಯಲು ಮತ್ತು ಸುಧಾರಿಸಿಕೊಳ್ಳಲು ಒಳ್ಳೆಯ ಅವಕಾಶ : ದ್ರಾವಿಡ್
