ಮಹಿಳಾ ವಿಶ್ವಕಪ್​: ಬಾಂಗ್ಲಾಗೆ ಸಾಧಾರಣ ಗುರಿ ನೀಡಿದ ಭಾರತದ ವನಿತೆಯರು!

ಹ್ಯಾಮಿಲ್ಟನ್​ ಸೆಡೋನ್​ ಪಾರ್ಕ್​ನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಬಾಂಗ್ಲಾದೇಶಕ್ಕೆ ಭಾರತ ವನಿತೆಯರ ತಂಡ 230 ರನ್​ಗಳ ಸಾಧಾರಣ ಮೊತ್ತದ ಗುರಿ ನೀಡಿದೆ.

ಹ್ಯಾಮಿಲ್ಟನ್ (ನ್ಯೂಜಿಲ್ಯಾಂಡ್​ ): ವನಿತೆಯರ ಏಕದಿನ ಕ್ರಿಕೆಟ್​ ವಿಶ್ವಕಪ್​ನಲ್ಲಿ ಆರನೇ ಪಂದ್ಯವಾಡುತ್ತಿರುವ ಟೀಂ ಇಂಡಿಯಾ ಬಾಂಗ್ಲಾದೇಶ ವನಿತೆಯರ ಗೆಲುವಿಗೆ 230 ರನ್​ಗಳ ಸಾಧಾರಣ ಮೊತ್ತದ ಗುರಿ ನೀಡಿದೆ

• A fifty from Yastika Bhatia and crucial knocks down the order help #TeamIndia post 229/7 🏏
  
  Can Bangladesh chase this down?#CWC22 pic.twitter.com/Jg2hAI9K0M

  — ICC Cricket World Cup (@cricketworldcup) March 22, 2022 " class="align-text-top noRightClick twitterSection" data="

  A fifty from Yastika Bhatia and crucial knocks down the order help #TeamIndia post 229/7 🏏
  
  Can Bangladesh chase this down?#CWC22 pic.twitter.com/Jg2hAI9K0M

  — ICC Cricket World Cup (@cricketworldcup) March 22, 2022

  ">

  A fifty from Yastika Bhatia and crucial knocks down the order help #TeamIndia post 229/7 🏏
  
  Can Bangladesh chase this down?#CWC22 pic.twitter.com/Jg2hAI9K0M

  — ICC Cricket World Cup (@cricketworldcup) March 22, 2022

ಭಾರತ ವನಿತೆಯರ ಇನ್ನಿಂಗ್ಸ್​: ಟಾಸ್​ ಗೆದ್ದು ಬ್ಯಾಟಿಂಗ್​ ಆರಂಭಿಸಿರುವ ಭಾರತ ವನಿತೆಯರ ತಂಡಕ್ಕೆ ಉತ್ತಮ ಆರಂಭ ದೊರೆತಿತ್ತು. ಆರಂಭಿಕ ಬ್ಯಾಟರ್ಸ್​ಗಳಾದ ಸ್ಮೃತಿ ಮಂಧಾನ ಮತ್ತು ಶೆಫಾಲಿ ವರ್ಮಾ ಜೊತೆಗೂಡಿ 74 ರನ್​ಗಳನ್ನು ಕಲೆ ಹಾಕಿದ್ದರು. ಆದರೆ, ಇವರ ಜೋಡಿಯನ್ನು ನಹಿದಾ ಅಕ್ತೆರ್ ಮತ್ತು ರಿತು ಮೊನಿ​ ಮುರಿದ್ದಾರೆ.

ಓದಿ: 4 ತಿಂಗಳ ಬಳಿಕ ಗ್ರಾಹಕರ ಜೇಬಿಗೆ ಕತ್ತರಿ; ಪೆಟ್ರೋಲ್‌, ಡೀಸೆಲ್‌ ಲೀಟರ್‌ಗೆ ತಲಾ 80 ಪೈಸೆ, LPG ಸಿಲಿಂಡರ್‌ ಬೆಲೆ 50 ರೂ.ಏರಿಕೆ

ನಹಿದಾ ಅಕ್ತೆರ್​ ಎಸೆತದಲ್ಲಿ 30 ರನ್​ಗಳನ್ನು ಗಳಿಸಿದ್ದ ಸ್ಮೃತಿ ಮಂಧಾನ ಕ್ಯಾಚ್​ ನೀಡಿ ಪೆವಿಲಿಯನ್​ ಹಾದಿ ಹಿಡಿದರು. ಇದಾದ ಮುಂದಿನ ರಿತು ಮೊನಿ ಓವರ್​ನಲ್ಲಿ ಶೆಫಾಲಿ ಸ್ಟಂಪ್ ಔಟ್​ ಆದರು. ಕಣಕ್ಕಿಳಿದ ನಾಯಕಿ ಮಿಥಾಲಿ ರಾಜ್​ ಸಹ ಗೊಲ್ಡನ್​ ಡೆಕ್​ ಆದರು. ಮೇಲಿಂದ ಮೇಲೆ ಮೂರು ವಿಕೆಟ್​ಗಳನ್ನು ಕಳೆದುಕೊಂಡು, ಭಾರತ ತಂಡ ಸಂಕಷ್ಟಕ್ಕೆ ಸಿಲುಕಿಕೊಂಡಿತ್ತು. ಬಳಿಕ ಬಂದ ಯಸ್ತಿಕಾ ಭಾಟಿಯಾ ಬಾಂಗ್ಲಾ ಬೌಲರ್ಸ್​ರ ಬೆವರಿಳಿಸಿದರು.

ಜವಾಬ್ದಾರಿಯುತ ಆಟ ಪ್ರದರ್ಶಿಸಿದ್ದ ಯಸ್ತಿಕಾ ಭಾಟಿಯಾ ಅರ್ಧ ಶತಕ ಪೂರೈಸಿ ಪೆವಲಿಯನ್​ ಹಾದಿ ಹಿಡಿದರು. ನಿಗದಿತ 50 ಓವರ್​ಗಳಿಗೆ ಭಾರತ ವನಿತೆಯರ ತಂಡ ಏಳು ವಿಕೆಟ್​ಗಳನ್ನು ಕಳೆದುಕೊಂಡು 229 ರನ್​ಗಳನ್ನು ಕಲೆ ಹಾಕಿ ಬಾಂಗ್ಲಾದೇಶದ ಗೆಲುವಿಗೆ 230 ರನ್​ಗಳ ಟಾರ್ಗೆಟ್​ ನೀಡಿತು.

ಓದಿ: ಬಂಗಾಳಕೊಲ್ಲಿಯಲ್ಲಿ ವಾಯುಭಾರ ಕುಸಿತ.. ರಾಜ್ಯದಲ್ಲಿ ಮೂರು ದಿನ ಮಳೆ ಮುಂದುವರಿಕೆ

ಭಾರತದ ಪರ ಸ್ಮೃತಿ ಮಂಧಾನ 30 ರನ್​, ಶಫಾಲಿ ವರ್ಮಾ 42 ರನ್​, ಯಸ್ತಿಕಾ ಭಾಟಿಯಾ 50 ರನ್​, ಮಿಥಾಲಿ ರಾಜ್ (ನಾಯಕಿ) ಡೆಕ್​ ಔಟ್​, ಹರ್ಮನ್‌ಪ್ರೀತ್ ಕೌರ್ 14 ರನ್​ , ಸ್ನೇಹ ರಾಣಾ 27 ರನ್​, ರಿಚಾ ಘೋಷ್ (ವಿಕೀ) 26 ರನ್​ ಗಳಿಸಿದ್ರೆ, ಪೂಜಾ ವಸ್ತ್ರಾಕರ್ 30 ರನ್​ ಮತ್ತು ಜೂಲನ್ ಗೋಸ್ವಾಮಿ 2 ರನ್​ ಕಲೆ ಹಾಕಿ ಅಜೇಯರಾಗಿ ಉಳಿದರು.

ಬಾಂಗ್ಲಾದೇಶ ಪರ: ರಿತು ಮೋನಿ 3 ವಿಕೆಟ್​ ಪಡೆದರೆ, ನಹಿದಾ 2 ವಿಕೆಟ್​ ಪಡೆದು ಮಿಂಚಿದರು. ಇನ್ನು ಜಹಾನಾರಾ ಆಲಂ ಒಂದು ವಿಕೆಟ್​ ಪಡೆದು ತಂಡಕ್ಕೆ ಆಸರೆಯಾದರು. ಇನ್ನು ಭಾರತ ನೀಡಿರುವ 230 ರನ್​ಗಳ ಗುರಿಯನ್ನು ಬಾಂಗ್ಲಾದೇಶ ಯಾವ ರೀತಿ ಎದುರಿಸಲಿದೆ ಎಂಬುದನ್ನು ಕಾದು ನೋಡಬೇಕಾಗಿದೆ.