ದುಬೈ: ಸ್ಕಾಟ್ಲೆಂಡ್ನಲ್ಲಿ ಕೋವಿಡ್ 19 ನಿರ್ಬಂಧಗಳಿರುವುದರಿಂದ ಮಿಹಿಳಾ ಟಿ20 ವಿಶ್ವಕಪ್ ಅರ್ಹತಾ ಟೂರ್ನಾಮೆಂಟ್ಅನ್ನು ಸ್ಕಾಟ್ಲೆಂಡ್ನಿಂದ ಸ್ಪೇನ್ಗೆ ಸ್ಥಳಾಂತರಿಸುವುದಾಗಿ ಗುರುವಾರ ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ(ಐಸಿಸಿ) ತಿಳಿಸಿದೆ.
ದಕ್ಷಿಣ ಆಫ್ರಿಕಾದಲ್ಲಿ ನಡೆಯಲಿರುವ 2023ರ ಮಹಿಳಾ ಟಿ20 ವಿಶ್ವಕಪ್ನ ಯುರೋಪ್ ಕ್ವಾಲಿಫೈಯರ್ ಟೂರ್ನಿಯ ಮೊದಲ ಇವೆಂಟ್ ಸ್ಕಾಟ್ಲೆಂಡ್ನಿಂದ ಸ್ಪೇನ್ಗೆ ಸ್ಥಳಾಂತರಗೊಂಡಿದೆ ಎಂದು ಐಸಿಸಿ ಪ್ರಕಟಣೆ ಹೊರಡಿಸಿದೆ.
ವಿಶ್ವಕಪ್ಗೆ 2 ಹಂತಗಳ ಹಿಂದಿರುವ ಈ ಕ್ವಾಲಿಫೈಯರ್ ಟೂರ್ನಿಯ ದಿನಾಂಕದಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ. ಆಗಸ್ಟ್ 26ರಿಂದ 30ರವರೆಗೆ ನಡೆಯಲಿದ್ದು, ಫ್ರಾನ್ಸ್, ಜರ್ಮನಿ, ಐರ್ಲೆಂಡ್, ನೆದರ್ಲೆಂಡ್ಸ್, ಸ್ಕಾಟ್ಲೆಂಡ್ ಮತ್ತು ಟರ್ಕಿ ತಂಡಗಳು ಲಾ ಮಂಗಾದಲ್ಲಿ ಸ್ಪರ್ಧಿಸಲಿವೆ. ಫ್ರಾನ್ಸ್ ಮತ್ತು ಟರ್ಕಿ ಇದೇ ಮೊದಲ ಬಾರಿಗೆ ಐಸಿಸಿ ಇವೆಂಟ್ನಲ್ಲಿ ಭಾಗವಹಿಸುತ್ತಿವೆ.
2019ರ ಪುರುಷರ ಅಂಡರ್ 19 ವಿಶ್ವಕಪ್ ಕ್ವಾಲಿಫೈಯರ್ ಟೂರ್ನಿ ಕೂಡ ಸ್ಕಾಟ್ಲೆಂಡ್ನಿಂದ ಸ್ಪೇನ್ಗೆ ಸ್ಥಳಾಂತರಗೊಂಡಿದೆ. ಸೆಪ್ಟಂಬರ್ 19ರಿಂದ 25ರವರೆಗೆ ಈ ಟೂರ್ನಿ ನಡೆಯಲಿದೆ. ಐರ್ಲೆಂಡ್, ಜರ್ಸಿ, ನೆದರ್ಲೆಂಡ್ಸ್ ಮತ್ತು ಸ್ಕಾಟ್ಲೆಂಡ್ ಒಂದು ವಿಶ್ವಕಪ್ ಸ್ಥಾನಕ್ಕಾಗಿ ಸೆಣಸಾಡಲಿವೆ.
ಇದನ್ನು ಓದಿ:WTC records: ಅಶ್ವಿನ್, ಲಾಬುಶೇನ್ ಸೇರಿದಂತೆ ಟೂರ್ನಿಯಲ್ಲಿನ ವೈಯಕ್ತಿಕ ದಾಖಲೆಗಳ ವಿವರ ಇಲ್ಲಿದೆ
