'ಐಸಿಸಿ ವರ್ಷದ ಟಿ20 ಕ್ರಿಕೆಟಿಗ' ಪ್ರಶಸ್ತಿ ರೇಸ್​ನಲ್ಲಿ ಇಬ್ಬರು ವಿಕೆಟ್ ಕೀಪರ್, ಇಬ್ಬರು ಆಲ್​ರೌಂಡರ್​!

2021ರ ವರ್ಷದಲ್ಲಿ ಆಟಗಾರರು ನೀಡಿದ ಪ್ರದರ್ಶನವನ್ನು ಪರಿಗಣನೆಗೆ ತೆಗೆದುಕೊಂಡು ಐಸಿಸಿ ನಾಲ್ವರು ಆಟಗಾರರನ್ನು ಆಯ್ಕೆ ಮಾಡಿದೆ..

ದುಬೈ : ಆಸ್ಟ್ರೇಲಿಯಾದ ಟಿ20 ವಿಶ್ವಕಪ್​ ಚಾಂಪಿಯನ್ ಆಗುವಲ್ಲಿ ಪ್ರಮುಖ ಪಾತ್ರವಹಿಸಿದ ಮಿಚೆಲ್ ಮಾರ್ಷ್​ ಸೇರಿದಂತೆ ನಾಲ್ಕು ಆಟಗಾರರು ಐಸಿಸಿ 2021 ವರ್ಷದ ಟಿ20 ಆಟಗಾರ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡಿದ್ದಾರೆ.

2021ರ ವರ್ಷದಲ್ಲಿ ಆಟಗಾರರು ನೀಡಿದ ಪ್ರದರ್ಶನವನ್ನು ಪರಿಗಣನೆಗೆ ತೆಗೆದುಕೊಂಡು ಐಸಿಸಿ ನಾಲ್ವರು ಆಟಗಾರರನ್ನು ಆಯ್ಕೆ ಮಾಡಿದೆ.

• 🇦🇺 A T20 World Cup champion
  🇱🇰 A terrific all-rounder
  🇵🇰 🏴󠁧󠁢󠁥󠁮󠁧󠁿 Two stylish wicketkeeper-batters
  
  It was a year to remember for these superstars who have been nominated for the ICC Men’s T20I Player of the Year 2021 💥
  
  ⬇️ ⬇️

  — ICC (@ICC) December 29, 2021 " class="align-text-top noRightClick twitterSection" data="

  🇦🇺 A T20 World Cup champion
  🇱🇰 A terrific all-rounder
  🇵🇰 🏴󠁧󠁢󠁥󠁮󠁧󠁿 Two stylish wicketkeeper-batters
  
  It was a year to remember for these superstars who have been nominated for the ICC Men’s T20I Player of the Year 2021 💥
  
  ⬇️ ⬇️

  — ICC (@ICC) December 29, 2021

  ">

  🇦🇺 A T20 World Cup champion
  🇱🇰 A terrific all-rounder
  🇵🇰 🏴󠁧󠁢󠁥󠁮󠁧󠁿 Two stylish wicketkeeper-batters
  
  It was a year to remember for these superstars who have been nominated for the ICC Men’s T20I Player of the Year 2021 💥
  
  ⬇️ ⬇️

  — ICC (@ICC) December 29, 2021

ಮೊಹಮ್ಮದ್ ರಿಜ್ವಾನ್

ಪಾಕಿಸ್ತಾನ ವಿಕೆಟ್ ಕೀಪರ್ ಮೊಹಮ್ಮದ್ ರಿಜ್ವಾನ್ 2021ರಲ್ಲಿ ಅದ್ಭುತ ಫಾರ್ಮ್​ನಲ್ಲಿದ್ದರು. 29 ಪಂದ್ಯಗಳಲ್ಲಿ ವಿಶ್ವದಾಖಲೆಯ 1326 ರನ್​ಗಳಿಸಿದ್ದಾರೆ. ಅವರು ಟಿ20 ಕ್ರಿಕೆಟ್ ಇತಿಹಾಸದಲ್ಲೇ ಕ್ಯಾಲೆಂಡರ್​ ವರ್ಷದಲ್ಲಿ 1000 ರನ್​ಗಳಿಸಿದ ಮೊದಲ ಬ್ಯಾಟರ್ ಎಂಬ ಗೌರವಕ್ಕೆ ಪಾತ್ರರಾಗಿದ್ದಾರೆ. ಅವರು 73.66ರ ಸರಾಸರಿ ಮತ್ತು 134.9ರ ಸ್ಟ್ರೈಕ್​ರೇಟ್​​ನಲ್ಲಿ ರನ್​ಗಳಿಸುವುದರ ಜತೆಗೆ ವಿಕೆಟ್ ಕೀಪಿಂಗ್​​ನಲ್ಲೂ 24 ಬಲಿ ಪಡೆದು ಮಿಂಚಿದ್ದಾರೆ. ಜೊತೆಗೆ ಪಾಕಿಸ್ತಾನ ತಂಡ ಟಿ20 ವಿಶ್ವಕಪ್​​ನಲ್ಲಿ ಸೆಮಿಫೈನಲ್ ಪ್ರವೇಶಿಸುವಲ್ಲಿ ಅವರ ಪಾತ್ರ ಪ್ರಮುಖವಾಗಿತ್ತು.

ವನಿಡು ಹಸರಂಗ

ಶ್ರೀಲಂಕಾದ ವನಿಡು ಹಸರಂಗ ಈ ವರ್ಷ ಟಿ20 ಕ್ರಿಕೆಟ್​ನಲ್ಲಿ ರೂಪುಗೊಂಡ ಅದ್ಭುತ ಆಲ್​ರೌಂಡರ್​ ಆಗಿದ್ದಾರೆ. ಅವರು ಟಿ20 ವಿಶ್ವಕಪ್​​ನಲ್ಲಿ ಹ್ಯಾಟ್ರಿಕ್​ ಸೇರಿದಂತೆ 16 ವಿಕೆಟ್ ಪಡೆದು ಗರಿಷ್ಠ ವಿಕೆಟ್ ಪಡೆದ ಬೌಲರ್​ ಎನಿಸಿದ್ದರು. ಜೊತೆಗೆ ಐರ್ಲೆಂಡ್ ವಿರುದ್ಧ ನಿರ್ಣಾಯಕ 71 ರನ್​ಗಳಿಸಿ ತಮ್ಮ ತಂಡ ಸೂಪರ್ 12 ಪ್ರವೇಶಿಸಲು ನೆರವಾಗಿದ್ದರು. 24 ವರ್ಷದ ಆಲ್​ರೌಂಡರ್​ ಒಟ್ಟಾರೆ 2021ರಲ್ಲಿ 20 ಪಂದ್ಯಗಳಿಂದ 36 ವಿಕೆಟ್ ಮತ್ತು 196 ರನ್​ಗಳಿಸಿದ್ದಾರೆ.

ಮಿಚೆಲ್ ಮಾರ್ಷ್​

7ನೇ ಕ್ರಮಾಂಕದಿಂದ 3ನೇ ಕ್ರಮಾಂಕಕ್ಕೆ ಬಡ್ತಿ ಪಡೆದ ಆಸ್ಟ್ರೇಲಿಯಾದ ಮಿಚೆಲ್ ಮಾರ್ಷ್​ ಕ್ರಿಕೆಟ್​ ಜಗತ್ತಿನ ಶ್ರೇಷ್ಠ ಆಲ್​ರೌಂಡರ್​ಗಳಲ್ಲಿ ಒಬ್ಬರಾಗಿ ತಮ್ಮ ಸಾಮರ್ಥ್ಯವನ್ನು ಕ್ರಿಕೆಟ್ ಜಗತ್ತಿಗೆ ತೋರಿಸಿಕೊಟ್ಟರು. 27 ಟಿ20 ಪಂದ್ಯಗಳಿಂದ ಅವರು 627 ರನ್​ಗಳಿಸಿದರು. ಬೌಲಿಂಗ್​ನಲ್ಲೂ 8 ವಿಕೆಟ್ ಪಡೆದಿರುವುದಲ್ಲದೇ 2021ರ ಟಿ20 ವಿಶ್ವಕಪ್​ ಗೆಲ್ಲಲು ಆಸ್ಟ್ರೇಲಿಯಾ ತಂಡಕ್ಕೆ ನೆರವಾಗಿದ್ದರು. ಅವರು ಫೈನಲ್​​ನಲ್ಲಿ ನ್ಯೂಜಿಲ್ಯಾಂಡ್​ ವಿರುದ್ಧ 77 ರನ್​ಗಳ ಗೆಲುವಿನ ಇನ್ನಿಂಗ್ಸ್​ ಸೇರಿದಂತೆ 6 ಪಂದ್ಯಗಳಲ್ಲಿ 146ರ ಸ್ಟ್ರೈಕ್​ರೇಟ್​​ನಲ್ಲಿ 185 ರನ್​ಗಳಿಸಿದ್ದರು.

ಜೋಸ್​ ಬಟ್ಲರ್​

ಇಂಗ್ಲೆಂಡ್ ತಂಡದ ವಿಕೆಟ್ ಕೀಪರ್ ಬ್ಯಾಟರ್​ ಬಟ್ಲರ್​ 2021ರಲ್ಲಿ 14 ಪಂದ್ಯಗಳಿಂದ 589 ರನ್​ಗಳಿಸಿದ್ದಾರೆ. ಸ್ಟಂಪ್ ಹಿಂದೆ ನಿಂತು 13 ಬ್ಯಾಟರ್​ಗಳಿಗೆ ಪೆವಿಲಿಯನ್ ದಾರಿ ತೋರಿಸಿರುವ ಇವರು ಟಿ20 ವಿಶ್ವಕಪ್​​ನಲ್ಲಿ 269 ರನ್​ಗಳಿಸಿದ್ದರು. ಜೊತೆಗೆ ಭಾರತದ ವಿರುದ್ಧ ನಡೆದ ಟಿ20 ಸರಣಿಯಲ್ಲೂ ಉತ್ತಮ ಪ್ರದರ್ಶನ ತೋರಿದ್ದರು. ಶ್ರೀಲಂಕಾ ವಿರುದ್ಧ ವಿಶ್ವಕಪ್​​ ಪಂದ್ಯದಲ್ಲಿ 67 ಎಸೆತಗಳಲ್ಲಿ 6 ಸಿಕ್ಸ್ ಮತ್ತು 6 ಬೌಂಡರಿ ಸಹಿತ ಅಜೇಯ 101 ರನ್​ಗಳಿಸಿದ್ದರು.

ಇದನ್ನೂ ಓದಿ:ನಿವೃತ್ತಿಗೂ ಮುನ್ನ ಭಾರತದಲ್ಲಿ ಟೆಸ್ಟ್​ ಸರಣಿ ಗೆದ್ದರೆ, ದೊಡ್ಡ ಸಾಧನೆ ಎಂದು ಭಾವಿಸುವೆ: ಡೇವಿಡ್​ ವಾರ್ನರ್​