ದುಬೈ : ಟಿ 20 ವಿಶ್ವಕಪ್ 2021ರ ಸೂಪರ್ 12 ಸುತ್ತಿನಲ್ಲಿ ಶ್ರಿಲಂಕಾ ತಂಡವು ಬಾಂಗ್ಲಾ ವಿರುದ್ಧ ಭರ್ಜರಿ ಜಯಗಳಿಸಿದೆ. ಬಾಂಗ್ಲಾ ನೀಡಿದ್ದ 172 ರನ್ಗಳ ಗುರಿ ಬೆನ್ನತ್ತಿದ್ದ, ಲಂಕಾ ತಂಡ 18.5 ಓವರ್ಗಳಲ್ಲಿ ಗುರಿ ಮುಟ್ಟಿದೆ.
ಲಂಕಾ ಪರ ಓಪನರ್ ಆಗಿ ಕಣಕ್ಕಿಳಿದ ಕುಸಾಲ್ ಪೆರೇರಾ ಹಾಗೂ ಪಾತುಮ್ ನಿಸಾಂಕ ತಂಡಕ್ಕೆ ಭದ್ರ ಬುನಾದಿ ಹಾಕುವಲ್ಲಿ ಎಡವಿತು. ಕುಸಾಲ್ ಪೆರೇರಾ ಕೇವಲ ಒಂದು ರನ್ಗಳಿಸಿ ನಸುಮ್ ಅಹ್ಮದ್ಗೆ ವಿಕೆಟ್ ಒಪ್ಪಿಸಿದರು. ನಂತರ ಕೂಡಿದ ಚರಿತ್ ಅಸಲಂಕ, ಪಾತುಮ್ ನಿಸಾಂಕ ಜೊಡಿ 70 ರನ್ಗಳ ಜೊತೆಯಾಟವಾಡಿ ತಂಡಕ್ಕೆ ಉತ್ತಮ ಕೊಡುಗೆ ನೀಡಿದರು. ಆದರೆ 24ರನ್ಗಳಿಸಿದ್ದಾಗ ಪಾತುಮ್ ನಿಸಾಂಕ ಶಕೀಬ್ ಅಲ್ ಹಸನ್ ವಿಕೆಟ್ ಒಪ್ಪಿಸಿದರು.
ನಂತರ ಬಂದ ಆವಿಷ್ಕಾ ಫೆರ್ನಾಂಡೊ ಈ ಪಂದ್ಯದಲ್ಲೂ ಶೂನ್ಯಕ್ಕೆ ಔಟಾಗುವ ಮೂಲಕ ಮತ್ತೊಮ್ಮೆ ಪ್ಲಾಪ್ ಆದರು. ನಂತರ ಕ್ರಿಸ್ಗಿಳಿದ ಕಳೆದ ಪಂದ್ಯದ ಹೀರೋ ಹಸರಂಗ ಕೇವಲ 6 ರನ್ಗೆ ತಮ್ಮ ಆಟವನ್ನ ಅಂತ್ಯಗೊಳಿಸಿದರು. ನಂತರ ಚರಿತ್ ಅಸಲಂಕ ಜೊತೆಗೂಡಿದ ಭಾನುಕಾ ರಾಜಪಕ್ಷೆ ತಂಡಕ್ಕೆ ಭರ್ಜರಿ ಗೆಲುವು ತಂದುಕೊಟ್ಟರು. ಚರಿತ್ ಅಸಲಂಕ ಅಜೆಯ 80 ರನ್ಗಳಿಸಿದರೆ, ಭಾನುಕಾ ರಾಜಪಕ್ಷೆ 53 ರನ್ಗಳಿಸುವ ಮೂಲಕ ಸೂಪರ್ 12 ಸುತ್ತಿನಲ್ಲಿ ಲಂಕಾಗೆ ಮೊದಲ ಜಯ ತಂದುಕೊಟ್ಟರು.
ಬಾಂಗ್ಲಾ ಪರ ಉತ್ತಮ ಬೌಲಿಂಗ್ ಮಾಡಿದ ಶಕೀಬ್ ಅಲ್ ಹಸನ್ 2 , ಸೈಫುದ್ದೀನ್ 1, ನಸುಮ್ ಅಹ್ಮದ್ 2, ವಿಕೆಟ್ ಪಡೆದು ಮಿಂಚಿದರು.
ಇದಕ್ಕೂ ಮುನ್ನ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿದ ಬಾಂಗ್ಲಾ ತಂಡ ನಿಗದಿತ 20 ಓವರ್ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 171 ರನ್ ಗಳಿಸಿದ್ದು, ಲಂಕಾ ತಂಡಕ್ಕೆ 172ರನ್ಗಳ ಟಾರ್ಗೆಟ್ ನೀಡಿತ್ತು. ಬಾಂಗ್ಲಾ ಪರ ಓಪನರ್ ಆಗಿ ಕಣಕ್ಕಿಳಿದ ಲಿಟನ್ ದಾಸ್ ಮತ್ತು ಮೊಹಮ್ಮದ್ ನೈಮ್ ತಂಡಕ್ಕ ಉತ್ತಮ ಅಡಿಪಾಯ ಹಾಕಿ ಕೊಟ್ಟಿದ್ದರು. ಈ ಜೋಡಿ 5.5 ಓವರ್ಗಳಲ್ಲಿ 40 ರನ್ಗಳಿಸಿತು. 16 ರನ್ ಗಳಿಸಿದ್ದಾಗ ಲಿಟನ್ ದಾಸ್, ಲಹಿರು ಕುಮಾರಗೆ ವಿಕೆಟ್ ಒಪ್ಪಿಸಿದ್ದರು.
ನಂತರ ಬಂದ ಶಕೀಬ್ ಅಲ್ ಹಸನ್ ಕ್ರೀಸ್ನಲ್ಲಿ ಹೆಚ್ಚು ಹೊತ್ತು ನಿಲ್ಲಲಿಲ್ಲ. ಕೇವಲ 10 ರನ್ಗಳಿಸಿ ಔಟಾದರು. ನಂತರ ಬಂದ ಅನುಭವಿ ಬ್ಯಾಟರ್ ಮುಷ್ಫಿಕರ್ ರಹೀಮ್, ಮೊಹಮ್ಮದ್ ನೈಮ್ ಜೊತೆ ಸೇರಿ ಉತ್ತಮ ರನ್ ಗಳಿಸುವ ಮೂಲಕ ತಂಡಕ್ಕೆ ಆಸರೆಯಾಗಿದ್ದರು. ಈ ಜೋಡಿ ಅರ್ಧಶತಕದ ಜೊತೆಯಾಟವಾಡಿತ್ತು. ಮೊಹಮ್ಮದ್ ನೈಮ್ 62 ರನ್ಗಳಿಸಿ ಫರ್ನಾಂಡೊಗೆ ವಿಕೆಟ್ ಒಪ್ಪಿಸಿದ್ರು.
ನಂತರ ಬಂದ ಅಫೀಫ್ ಹೊಸೇನ್ ಕೇವಲ 7 ರನ್ಗಳಿಸಿ ನಿರ್ಗಮಿಸಿದರು. ಆ ನಂತರ ಬಂದ ನಾಯಕ ಮಹ್ಮದುಲ್ಲಾ 10* ರನ್ಗಳಿಸಿ ತಂಡಕ್ಕೆ ತಮ್ಮದೆ ಆದ ಕೊಡುಗೆ ನೀಡಿದರು. ಈ ಪಂದ್ಯದಲ್ಲಿ ಅರ್ಧಶತಕ ಸಿಡಿಸಿ ಮಿಂಚಿದ ರಹೀಮ್ (57)* ಅಂತಿಮ ಹಂತದವರೆಗೂ ತಂಡಕ್ಕೆ ನೇರವಾದರು.
ಇನ್ನೂ ಶ್ರೀಲಂಕಾ ಪರ ಫರ್ನಾಂಡೊ, ಲಹಿರು ಕುಮಾರ, ಚಮಿಕ ಕರುಣರತ್ನೆ ತಲಾ ಒಂದು ವಿಕೆಟ್ ಪಡೆದು ಮಿಂಚಿದರು.
