ಚೆನ್ನೈ (ತಮಿಳುನಾಡು): ಇಂಗ್ಲೆಂಡ್ ವಿರುದ್ಧ ಅಚ್ಚರಿಯ ಗೆಲುವು ದಾಖಲಿಸಿದ್ದ ಅಫ್ಘಾನಿಸ್ತಾನ ತಂಡ ಇಂದು ನ್ಯೂಜಿಲೆಂಡ್ ವಿರುದ್ಧ 149 ರನ್ಗಳಿಂದ ಸೋಲು ಕಂಡಿದೆ. ಮಿಚೆಲ್ ಸ್ಯಾಂಟ್ನರ್ ಮತ್ತು ಲಾಕಿ ಫರ್ಗುಸನ್ ಬಿಗು ದಾಳಿಗೆ ನಲುಗಿದ ಅಫ್ಘನ್ ತಂಡ 34.4 ಓವರ್ಗಳಿಗೆ 139 ರನ್ ಗಳಿಸಿ ಸರ್ವಪತನ ಕಂಡಿತು. ಸತತ ನಾಲ್ಕು ಗೆಲುವು ದಾಖಲಿಸಿ ಅಜೇಯವಾಗಿರುವ ಕಿವೀಸ್ ಟೀಂ ಇದೀಗ ಅಂಕಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದೆ.
-
Two more points on the board in Chennai! Lockie Ferguson 3-19 and Mitch Santner 3-39 leading the bowling effort. Scorecard | https://t.co/KwEW5rcWOQ #CWC23 pic.twitter.com/VLDdZqy6rh
— BLACKCAPS (@BLACKCAPS) October 18, 2023 " class="align-text-top noRightClick twitterSection" data="
">Two more points on the board in Chennai! Lockie Ferguson 3-19 and Mitch Santner 3-39 leading the bowling effort. Scorecard | https://t.co/KwEW5rcWOQ #CWC23 pic.twitter.com/VLDdZqy6rh
— BLACKCAPS (@BLACKCAPS) October 18, 2023Two more points on the board in Chennai! Lockie Ferguson 3-19 and Mitch Santner 3-39 leading the bowling effort. Scorecard | https://t.co/KwEW5rcWOQ #CWC23 pic.twitter.com/VLDdZqy6rh
— BLACKCAPS (@BLACKCAPS) October 18, 2023
ಟಾಸ್ ಸೋಲು ಮೊದಲು ಬ್ಯಾಟ್ ಮಾಡಿದ್ದ ಕಿವೀಸ್ ಟೀಂ, ವಿಲ್ ಯಂಗ್, ಟಾಮ್ ಲ್ಯಾಥಮ್ ಮತ್ತು ಗ್ಲೆನ್ ಫಿಲಿಪ್ಸ್ ಅವರ ಅರ್ಧಶತಕದ ನೆರವಿನಿಂದ 288 ರನ್ ಕಲೆಹಾಕಿತು. ಈ ಗುರಿ ಬೆನ್ನತ್ತಿದ ಅಫ್ಘಾನಿಸ್ತಾನದ ಬ್ಯಾಟರ್ಗಳು ನ್ಯೂಜಿಲೆಂಡ್ ದಾಳಿಗೆ ನಲುಗಿದರು. ಇಡೀ ತಂಡದಿಂದ ಯಾವುದೇ ದೊಡ್ಡ ಪ್ರಮಾಣದ ಜೊತೆಯಾಟ ನಿರ್ಮಾಣವಾಗಲಿಲ್ಲ. ಕಿವೀಸ್ನ ಅನುಭವಿ ಬೌಲರ್ಗಳು ಅಫ್ಘಾನ್ ಬ್ಯಾಟರ್ಗಳ ಪೆವಿಲಿಯನ್ ಪರೇಡ್ ಮಾಡಿಸಿದರು.
ಅಫ್ಘಾನ್ ತಂಡದ ಸ್ಟಾರ್ ಬ್ಯಾಟರ್ ರಮಾನುಲ್ಲಾ ಗುರ್ಬಾಜ್ 11 ರನ್ಗೆ ವಿಕೆಟ್ ಕೊಟ್ಟರು. ಅವರ ಬೆನ್ನಲ್ಲೇ ಇಬ್ರಾಹಿಂ ಝದ್ರಾನ್ ಸಹ ಔಟಾದರು. ನಾಯಕ ಹಶ್ಮತುಲ್ಲಾ ಶಾಹಿದಿ 8 ರನ್ ಗಳಿಸಿ ಪೆವಿಲಿಯನ್ ದಾರಿ ಹಿಡಿದರು. 13.6 ಓವರ್ಗಳಿಗೆ 3 ವಿಕೆಟ್ ಕಳೆದುಕೊಂಡ ತಂಡ 43 ರನ್ ಕಲೆಹಾಕಿತ್ತು.
ರಹಮತ್ ಷಾ ಮತ್ತು ಅಜ್ಮತುಲ್ಲಾ ಒಮರ್ಜಾಯ್ ಕಿವೀಸ್ ಬೌಲರ್ಗಳ ವಿರುದ್ಧ ಹೋರಾಡಿದರು. ಆದರೆ ರನ್ ಕದಿಯುವಲ್ಲಿ ವಿಫಲರಾದರು. 14 ಓವರ್ನಿಂದ 26 ಓವರ್‌ವರೆಗೆ ಜೊತೆಯಾಟ ಮಾಡಿದ ಜೋಡಿ 54 ರನ್ ಪಾಲುದಾರಿಕೆ ಮಾಡಿ ತಂಡವನ್ನು ಶತಕದ ಸನಿಹಕ್ಕೆ ತಂದರು. ಈ ವೇಳೆ 27 ರನ್ ಗಳಿಸಿದ್ದ ಅಜ್ಮತುಲ್ಲಾ ಒಮರ್ಜಾಯ್ ವಿಕೆಟ್ ಕೊಟ್ಟರು. ಇದಾದ 10 ರನ್ ಅಂತರದಲ್ಲಿ ರಹಮತ್ ಷಾ (36) ಕೂಡಾ ವಿಕೆಟ್ ಕೊಟ್ಟರು.
32 ರನ್ ಅಂತರದಲ್ಲಿ 5 ವಿಕೆಟ್ ಪತನ: ರಹಮತ್ ಷಾ ವಿಕೆಟ್ ಬೆನ್ನಲ್ಲೇ ಅಫ್ಘಾನ್ ಆಟಗಾರರ ವಿಕೆಟ್ ಸರಮಾಲೆಯಂತೆ ಉರುಳಿತು. 107ಕ್ಕೆ 5 ವಿಕೆಟ್ ನಷ್ಟವಾಗಿದ್ದರೆ, 139ಕ್ಕೆ ತಂಡ ಆಲ್ಔಟ್ಗೆ ಬಲಿಯಾಗಿತ್ತು. ಕೊನೆಯ ಐದರಲ್ಲಿ ಮಿಚೆಲ್ ಸ್ಯಾಂಟ್ನರ್ ಮೊಹಮ್ಮದ್ ನಬಿ (7), ನವೀನ್-ಉಲ್-ಹಕ್ (0) ಮತ್ತು ಫಜಲ್ಹಕ್ ಫಾರೂಕಿ (0) ವಿಕೆಟ್ ಉರುಳಿಸಿದರೆ, ಲಾಕಿ ಫರ್ಗುಸನ್ ರಶೀದ್ ಖಾನ್ (8) ಮತ್ತು ಮುಜೀಬ್ ಉರ್ ರಹಮಾನ್ (4) ವಿಕೆಟ್ ಕಿತ್ತರು. ಇಕ್ರಮ್ ಅಲಿಖಿಲ್ 19 ರನ್ ಗಳಸಿ ಅಜೇಯವಾಗುಳಿದರು.
-
Player of the Match in Chennai! @glenndominic159 with a vital 71 runs and a partnership of 144 with skipper Tom Latham. Scorecard | https://t.co/KwEW5rcWOQ #CWC23 pic.twitter.com/04NvnwdUdB
— BLACKCAPS (@BLACKCAPS) October 18, 2023 " class="align-text-top noRightClick twitterSection" data="
">Player of the Match in Chennai! @glenndominic159 with a vital 71 runs and a partnership of 144 with skipper Tom Latham. Scorecard | https://t.co/KwEW5rcWOQ #CWC23 pic.twitter.com/04NvnwdUdB
— BLACKCAPS (@BLACKCAPS) October 18, 2023Player of the Match in Chennai! @glenndominic159 with a vital 71 runs and a partnership of 144 with skipper Tom Latham. Scorecard | https://t.co/KwEW5rcWOQ #CWC23 pic.twitter.com/04NvnwdUdB
— BLACKCAPS (@BLACKCAPS) October 18, 2023
ಗ್ಲೆನ್ ಫಿಲಿಫ್ಸ್ ಪಂದ್ಯಶ್ರೇಷ್ಠ: ಲಾಕಿ ಫರ್ಗುಸನ್ ಮತ್ತು ಮಿಚೆಲ್ ಸ್ಯಾಂಟ್ನರ್ ತಲಾ 3, ಬೋಲ್ಟ್ ಎರಡು ಹಾಗೂ ರಚಿನ್ ರವೀಂದ್ರ, ಮ್ಯಾಟ್ ಹೆನ್ರಿ ಒಂದೊಂದು ವಿಕೆಟ್ ಕಿತ್ತರು. 71 ರನ್ಗಳ ಆಸರೆಯ ಇನ್ನಿಂಗ್ಸ್ ಕಟ್ಟಿದ ಗ್ಲೆನ್ ಫಿಲಿಫ್ಸ್ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.
ಇದನ್ನೂ ಓದಿ: ವಿಶ್ವಕಪ್ ಕ್ರಿಕೆಟ್: ಯಂಗ್, ಲ್ಯಾಥಮ್, ಫಿಲಿಫ್ಸ್ ಅರ್ಧಶತಕದಾಟ: ಆಫ್ಘನ್ನರಿಗೆ 289 ರನ್ಗಳ ಗುರಿ
