ಮತ್ತೆ ಸಿಡಿದೆದ್ದ ಹರಿಣಗಳು.. ಹೆನ್ರಿಚ್​ ಕ್ಲಾಸೆನ್ ಭರ್ಜರಿ ಶತಕ: ಇಂಗ್ಲೆಂಡ್​ಗೆ 400 ರನ್​​ಗಳ​ ಬೃಹತ್​ ಗುರಿ

ದಕ್ಷಿಣ ಆಫ್ರಿಕಾ ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ಭರ್ಜರಿ ಬ್ಯಾಟಿಂಗ್​ ಮಾಡಿದ್ದು ಇಂಗ್ಲೆಂಡ್​ಗೆ 400 ರನ್​ಗಳ​ ಬೃಹತ್​ ಗುರಿ ನೀಡಿದೆ.

ಮುಂಬೈ (ಮಹಾರಾಷ್ಟ್ರ): ನೆದರ್ಲೆಂಡ್​ ವಿರುದ್ಧ ಬ್ಯಾಟಿಂಗ್​ ವೈಫಲ್ಯವನ್ನು ಕಂಡಿದ್ದ ದಕ್ಷಿಣ ಆಫ್ರಿಕಾ ಇಂದು (ಶನಿವಾರ) ಮುಂಬೈನ ವಾಂಖೆಡೆ ಮೈದಾನದಲ್ಲಿ ಸುಧಾರಿತ ಬ್ಯಾಟಿಂಗ್​ ಪ್ರದರ್ಶನ ನೀಡಿದೆ. ಹೆನ್ರಿಚ್​ ಕ್ಲಾಸೆನ್ ಶತಕ ಹಾಗೂ ರೀಜಾ ಹೆಂಡ್ರಿಕ್ಸ್ ಮತ್ತು ರಾಸ್ಸಿ ವ್ಯಾನ್ ಡೆರ್​ ಡಸ್ಸೆನ್ ಅವರ ಅರ್ಧಶತಕದ ಆಟದ ನೆರವಿನಿಂದ ಇಂಗ್ಲೆಂಡ್​ ವಿರುದ್ಧ ನಿಗದಿತ ಓವರ್​ ಅಂತ್ಯಕ್ಕೆ 7 ವಿಕೆಟ್​ ನಷ್ಟಕ್ಕೆ 399 ರನ್​ ಗಳಿಸಿದೆ. ಹಾಲಿ ಚಾಂಪಿಯನ್​ ಇಂಗ್ಲೆಂಡ್​ ವಿಶ್ವಕಪ್​ನಲ್ಲಿ ಎರಡನೇ ಜಯ ಸಾಧಿಸಲು 400 ರನ್​ಗಳ ಟಾರ್ಗೆಟ್​ ಅನ್ನು​ ಭೇದಿಸಬೇಕಿದೆ.

• 🇿🇦A spirited effort from the Proteas to get a total of 399/7. Heinrich Klaasen with a brilliant display 109 runs 🏏
  
  🏴󠁧󠁢󠁥󠁮󠁧󠁿England will need 400 to win #CWC23 #BePartOfIt pic.twitter.com/2OsM7qz0gP

  — Proteas Men (@ProteasMenCSA) October 21, 2023 " class="align-text-top noRightClick twitterSection" data="

  🇿🇦A spirited effort from the Proteas to get a total of 399/7. Heinrich Klaasen with a brilliant display 109 runs 🏏
  
  🏴󠁧󠁢󠁥󠁮󠁧󠁿England will need 400 to win #CWC23 #BePartOfIt pic.twitter.com/2OsM7qz0gP

  — Proteas Men (@ProteasMenCSA) October 21, 2023

  ">

  🇿🇦A spirited effort from the Proteas to get a total of 399/7. Heinrich Klaasen with a brilliant display 109 runs 🏏
  
  🏴󠁧󠁢󠁥󠁮󠁧󠁿England will need 400 to win #CWC23 #BePartOfIt pic.twitter.com/2OsM7qz0gP

  — Proteas Men (@ProteasMenCSA) October 21, 2023

ಟಾಸ್​ ಸೋತು ಮೊದಲು ಬ್ಯಾಟಿಂಗ್​ಗೆ ಇಳಿದ ದಕ್ಷಿಣ ಆಫ್ರಿಕಾ ಆರಂಭಿಕ ಆಟಗಾರ ಕ್ವಿಂಟನ್ ಡಿ ಕಾಕ್ ವಿಕೆಟ್​ ಪತನದ ಹೊರತಾಗಿಯೂ ಉತ್ತಮ ಪ್ರದರ್ಶನವನ್ನು ನೀಡಿತು. ಎರಡನೇ ವಿಕೆಟ್ ​ನಂತರ ಪ್ರತಿ ಹಂತದಲ್ಲೂ ಜೊತೆಯಾಟ ನಿರ್ಮಾಣ ಮಾಡಿದ ಕಾರಣ ತಂಡ ಸುರಕ್ಷಿತ ಗುರಿನ್ನು ಎದುರಾಳಿಗೆ ನೀಡಿದೆ.

ವಿಶ್ವಕಪ್​ನ ದಕ್ಷಿಣ ಆಫ್ರಿಕಾದ ಮೊದಲೆರಡು ಪಂದ್ಯದಲ್ಲಿ ಶತಕ ಗಳಸಿದ್ದ ಕ್ವಿಂಟನ್ ಡಿ ಕಾಕ್ ಇಂದು 4 ರನ್​ಗೆ ವಿಕೆಟ್​ ಒಪ್ಪಿಸಿ ಹೊರ ನಡೆದರು. ಡಿ ಕಾಕ್​ ಔಟ್​ ಆದ ನಂತರ ಎರಡನೇ ವಿಕೆಟ್​ಗೆ ರೀಜಾ ಹೆಂಡ್ರಿಕ್ಸ್, ರಾಸ್ಸಿ ವ್ಯಾನ್ ಡೆರ್​ ಡಸ್ಸೆನ್ 121 ರನ್​ಗಳ ಜೊತೆಯಾಟ ನೀಡಿದರು. ಈ ಜೋಡಿ ತಲಾ ಅರ್ಧಶತಕದ ಇನ್ನಿಂಗ್ಸ್​ ಆಡಿತು. 61 ಬಾಲ್​ನಲ್ಲಿ 8 ಬೌಂಡರಿಯ ಸಹಾಯದಿಂದ 60 ರನ್​ ಗಳಿಸಿ ರಾಸ್ಸಿ ವ್ಯಾನ್ ಡೆರ್​ ಡಸ್ಸೆನ್ ವಿಕೆಟ್​ ಕೊಟ್ಟರೆ, ರೀಜಾ ಹೆಂಡ್ರಿಕ್ಸ್ (85) 15 ರನ್​ನಿಂದ ಶತಕ ವಂಚಿತರಾದರು.

• " class="align-text-top noRightClick twitterSection" data="">

ಮಧ್ಯಮ ಕ್ರಮಾಂಕದಲ್ಲಿ ಜೊತೆಯಾಟದ ಆಸರೆ: ಮಧ್ಯಮ ಕ್ರಮಾಂಕದಲ್ಲಿ ಡೇವಿಡ್ ಮಿಲ್ಲರ್ (5) ರನ್​ ಗಳಿಸುವಲ್ಲಿ ಎಡವಿದ್ದು ಬಿಟ್ಟರೆ, ಮತ್ತೆಲ್ಲಾ ಬ್ಯಾಟರ್​ಗಳು ಇಂಗ್ಲೆಂಡ್​ ಬೌಲರ್​ಗಳನ್ನು ಚೆಂಡಾಡಿದರು. ಹೆನ್ರಿಚ್​ ಕ್ಲಾಸೆನ್ ಶತಕದ ಇನ್ನಿಂಗ್ಸ್​ ಕಟ್ಟದರೆ, ನಾಯಕ ಐಡೆನ್ ಮಾರ್ಕ್ರಾಮ್ (45) ಮತ್ತು ಮಾರ್ಕೊ ಜಾನ್ಸೆನ್ ಜೊತೆಯಾಟವಾಡಿದರು. 67 ಬಾಲ್​ ಎದುರಿಸಿದ ಕ್ಲಾಸೆನ್​ 12 ಬೌಂಡರಿ ಮತ್ತು 4 ಸಿಕ್ಸ್​​ನ ಸಹಾಯದಿಂದ 109 ರನ್​ ಗಳಿಸಿ ವಿಕೆಟ್​ ಕೊಟ್ಟರು.

ಕೊನೆಯಲ್ಲಿ ಅಬ್ಬರಿಸಿದ ಮಾರ್ಕೊ ಜಾನ್ಸೆನ್ 42 ಬಾಲ್​ನಲ್ಲಿ 6 ಸಿಕ್ಸ್​ ಮತ್ತು 3 ಬೌಂಡರಿ ನೆರವಿನಿಂದ 75 ರನ್ ಅಜೇಯ ಇನ್ನಿಂಗ್ಸ್​ ಆಡಿದರು. ಇವರ ಬಿರುಸಿನ ಬ್ಯಾಟಿಂಗ್​ ನೆರವಿನಿಂದ ತಂಡ 50 ಓವರ್​​ಗೆ 400ರ ಗಡಿ ಸಮೀಪಿಸಿತು. ಇಂಗ್ಲೆಂಡ್​ ಪರ ರೀಸ್ ಟೋಪ್ಲಿ 3, ಆದಿಲ್ ರಶೀದ್ ಮತ್ತು ಗಸ್ ಅಟ್ಕಿನ್ಸನ್ ತಲಾ ಎರಡು ವಿಕೆಟ್​ ಕಬಳಿಸಿದರು.

ಇದನ್ನೂ ಓದಿ: ವಿಶ್ವಕಪ್​ ಕ್ರಿಕೆಟ್​​: ಕಪಿಲ್​ ದೇವ್, ಸೈಯದ್ ಕಿರ್ಮಾನಿ ದಾಖಲೆ ಮುರಿದ ಡಚ್​ ಜೋಡಿ​