ಟ್ರಾವಿಸ್ ಹೆಡ್​ ಅಬ್ಬರದ ಶತಕ : ಆಸೀಸ್​ ಹಿಡಿತದಲ್ಲಿ ಮೊದಲ ಆ್ಯಶಸ್​ ಟೆಸ್ಟ್​

ಮೊದಲ ಆ್ಯಶಸ್​ ಟೆಸ್ಟ್​ನಲ್ಲಿ ಇಂಗ್ಲೆಂಡ್ 147 ರನ್​ಗೆ ಆಲೌಟ್ ಆದರೆ ಆಸ್ಟ್ರೇಲಿಯಾ 84 ಓವರ್​ಗಳಲ್ಲಿ 7 ವಿಕೆಟ್​ ಕಳೆದುಕೊಂಡು 343 ರನ್​ಗಳಿಸಿ 196 ರನ್​ಗಳ ಇನ್ನಿಂಗ್ಸ್​ ಮುನ್ನಡೆ ಪಡೆದುಕೊಂಡಿದೆ.

ಬ್ರಿಸ್ಬೇನ್​: ಆರಂಭಿಕ ಬ್ಯಾಟರ್​ ಡೇವಿಡ್ ವಾರ್ನರ್ 95​ ಮತ್ತು ಟ್ರಾವಿಸ್​ ಹೆಡ್(112) ಅಜೇಯ ಶತಕದ ನೆರವಿನಿಂದ ಆಸ್ಟ್ರೇಲಿಯಾ ತಂಡ ಮೊದಲ ಆ್ಯಶಸ್​ ಟೆಸ್ಟ್​ ಪಂದ್ಯದಲ್ಲಿ ಆಂಗ್ಲರ ವಿರುದ್ಧ ಸಂಪೂರ್ಣ ಹಿಡಿತ ಸಾಧಿಸಿದೆ.

ಮೊದಲ ಪಂದ್ಯದ ಮೊದಲ ಬ್ಯಾಟಿಂಗ್ ಮಾಡಿದ ಇಂಗ್ಲೆಂಡ್ ತಂಡ ಆಂಗ್ಲರ ವೇಗದ ದಾಳಿಗೆ ತತ್ತರಿಸಿ ಕೇವಲ 147 ರನ್​ಗಳಿಗೆ ಆಲೌಟ್ ಆಯಿತು. ಜೋಶ್​ ಬಟ್ಲರ್​​ 39, ಒಲ್ಲಿ ಪೋಪ್​ 35 ಮತ್ತು ಹಸೀಬ್ ಹಮೀದ್​ 25 ಮತ್ತು ಕ್ರಿಸ್​ ವೋಕ್ಸ್​ 21 ರನ್​ಗಳಿಸಿ ತಂಡದ ಪರ ಎರಡಂಕಿ ಮೊತ್ತ ದಾಖಲಿಸಿದ ಬ್ಯಾಟರ್​ಗಳೆನಿಸಿಕೊಂಡರು.

ನಾಯಕ ಜೋ ರೂಟ್​(0), ರೋರಿ ಬರ್ನ್ಸ್​(0), ಡೇವಿಡ್ ಮಲನ್(6) ದೀರ್ಘ ಸಮಯದ ನಂತರ ತಂಡಕ್ಕೆ ಮರಳಿದ ಬೆನ್​ ಸ್ಟೋಕ್ಸ್​(5) ಅಲ್ಪ ಮೊತ್ತಕ್ಕೆ ವಿಕೆಟ್ ನೀಡಿ ನಿರಾಶೆಯನುಭವಿಸಿದರು.

• A brilliant day two for Australia at the Gabba as they secure a lead of 196 runs.#Ashes | #WTC23 | #AUSvENG | https://t.co/pR2hqnzR22 pic.twitter.com/Pngwu8Cmuh

  — ICC (@ICC) December 9, 2021 " class="align-text-top noRightClick twitterSection" data="

  A brilliant day two for Australia at the Gabba as they secure a lead of 196 runs.#Ashes | #WTC23 | #AUSvENG | https://t.co/pR2hqnzR22 pic.twitter.com/Pngwu8Cmuh

  — ICC (@ICC) December 9, 2021

  ">

  A brilliant day two for Australia at the Gabba as they secure a lead of 196 runs.#Ashes | #WTC23 | #AUSvENG | https://t.co/pR2hqnzR22 pic.twitter.com/Pngwu8Cmuh

  — ICC (@ICC) December 9, 2021

ಆಸ್ಟ್ರೇಲಿಯಾ ಪರ ಪ್ಯಾಟ್​ ಕಮ್ಮಿನ್ಸ್​ 38ಕ್ಕೆ5, ಮಿಚೆಲ್ ಸ್ಟಾರ್ಕ್​35ಕ್ಕೆ2, ಜೋಶ್​ ಹೆಜಲ್​ವುಡ್​ 42ಕ್ಕೆ 2 ಹಾಗೂ ಕ್ಯಾಮೆರಾನ್ ಗ್ರೀನ್​ 6ಕ್ಕೆ 1 ವಿಕೆಟ್ ಪಡೆದು ಆಂಗ್ಲರನ್ನು ಅಲ್ಪ ಮೊತ್ತಕ್ಕೆ ಆಲೌಟ್ ಮಾಡಿದರು.

ವಾರ್ನರ್ -ಲಾಬುಶೇನ್ ಶತಕದ ಜೊತೆಯಾಟ:

2ನೇ ದಿನ ಆಂಗ್ಲರ 147 ರನ್​ಗಳನ್ನು ಹಿಂಬಾಲಿಸಿದ ಆಸ್ಟ್ರೇಲಿಯಾ 10 ರನ್​ಗಳಿಸುವಷ್ಟರಲ್ಲಿ ಮಾರ್ಕಸ್​ ಹ್ಯಾರಿಸ್​ ವಿಕೆಟ್ ಕಳೆದುಕೊಂಡಿತು. ಆದರೆ 2ನೇ ವಿಕೆಟ್​ ಒಂದಾದ ಡೇವಿಡ್ ವಾರ್ನರ್ ಮತ್ತು ಲಾಬುಶೇನ್​ 156 ರನ್​ಗಳ ಬೃಹತ್​ ಜೊತೆಯಾಟ ನೀಡಿದರು. ಲಾಬುಶೇನ್​ 117 ಎಸೆತಗಳಲ್ಲಿ 6 ಬೌಂಡರಿ ಮತ್ತು 2 ಸಿಕ್ಸರ್​ ಸಹಿತ 74 ರನ್​ಗಳಿಸಿ ಜಾಕ್ ಲೀಚ್​ಗೆ ವಿಕೆಟ್​ ಒಪ್ಪಿಸಿದರು. ಇದರ ಬೆನ್ನಲ್ಲೇ ಸ್ಟೀವ್​ ಸ್ಮಿತ್​(12) ಮಾರ್ಕ್​ ವುಡ್​ ಬೌಲಿಂಗ್​ನಲ್ಲಿ ಕೀಪರ್​ ಬಟ್ಲರ್​ಗೆ ಕ್ಯಾಚ್​ ನೀಡಿ ಔಟಾದರು. 3ನೇ ಓವರ್​ಗಳ ಬಳಿಕ​ 176 ಎಸೆತಗಳಲ್ಲಿ 11 ಬೌಂಡರಿ ಮತ್ತು 2 ಸಿಕ್ಸರ್​ಗಳ ನೆರವಿನಿಂದ 94 ರನ್​ಗಳಿಸಿದ್ದ ವಾರ್ನರ್ ಕೂಡ ರಾಬಿನ್​ಸನ್​ಗೆ ವಿಕೆಟ್​ ಒಪ್ಪಿಸಿದರು.

ಟ್ರಾವಿಸ್ ಹೆಡ್​​ ಅಬ್ಬರದ ಶತಕ:

5ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಇಳಿದಿದ್ದ ಟ್ರಾವಿಸ್ ಹೆಡ್​​ ಒಂದು ಕಡೆ ವಿಕೆಟ್​ ಬೀಳುತ್ತಿದ್ದರೂ ಸಹ ಅಬ್ಬರದ ಬ್ಯಾಟಿಂಗ್ ಪ್ರದರ್ಶಿಸಿ ಕೇವಲ 85 ಎಸೆತಗಳಲ್ಲಿ ಶತಕ ಪೂರೈಸಿದರು. ಇವರು ಅಲೆಕ್ಸ್​ ಕ್ಯಾರಿ(12) ಜೊತೆಗೆ 41, ಪ್ಯಾಟ್ ಕಮ್ಮಿನ್ಸ್​(12) ಜೊತೆ 70 ರನ್​ಗಳ ಜೊತೆಯಾಟ ನೀಡಿದರು. ಪ್ರಸ್ತುತ 95 ಎಸೆತಗಳಲ್ಲಿ 12 ಬೌಂಡರಿ ಮತ್ತು 2 ಸಿಕ್ಸರ್​ಗಳ ಸಹಿತ 112 ರನ್​ಗಳಿಸಿರುವ ಹೆಡ್​ ಹಾಗೂ 10 ರನ್​ಗಳಿಸಿರುವ ಸ್ಟಾರ್ಕ್​ 3ನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದಿರಿಸಿದ್ದಾರೆ.

ಆಸ್ಟ್ರೇಲಿಯಾ 84 ಓವರ್​ಗಳಲ್ಲಿ 7 ವಿಕೆಟ್​ ಕಳೆದುಕೊಂಡು 343 ರನ್​ಗಳಿಸಿ 196 ರನ್​ಗಳ ಇನ್ನಿಂಗ್ಸ್​ ಮುನ್ನಡೆ ಪಡೆದುಕೊಂಡಿದೆ.

ಇದನ್ನೂ ಓದಿ:ಆಫ್ರಿಕಾ ವಿರುದ್ಧದ ಟೆಸ್ಟ್​ ಸರಣಿ: ಕೊಹ್ಲಿ ನೇತೃತ್ವದ ಬಲಿಷ್ಠ ಬಳಗ ಪ್ರಕಟ, ವಿಹಾರಿ ಕಮ್​​ಬ್ಯಾಕ್​​​