ಪುಣೆ: ಭಾರತ ಹಾಗೂ ಪ್ರವಾಸಿ ಇಂಗ್ಲೆಂಡ್ ತಂಡಗಳ ನಡುವಿನ ಏಕದಿನ ಸರಣಿಯ ಮೊದಲ ಪಂದ್ಯದಲ್ಲಿ ಟೀಂ ಇಂಡಿಯಾ 66 ರನ್ಗಲ ಭರ್ಜರಿ ಜಯ ಸಾಧಿಸುವ ಮೂಲಕ ಮೂರು ಪಂದ್ಯಗಳ ಸರಣಿಯಲ್ಲಿ1-0 ಮುನ್ನಡೆ ಸಾಧಿಸಿದೆ.
ಈ ಬಗ್ಗೆ ಪ್ರತಿಕ್ರಿಯಿಸಿರುವ ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ "ಇತ್ತೀಚಿನ ದಿನಗಳಲ್ಲಿ ಈ ಗೆಲುವು ಅತ್ಯಂತ ಸಿಹಿಯಾಗಿದೆ. ಎದುರಾಳಿ ತಂಡವನ್ನು ಆಲೌಟ್ ಮಾಡಿ ಗೆಲುವು ಪಡೆದಿದ್ದು ಅತ್ಯುತ್ತಮವಾಗಿತ್ತು" ಎಂದು ಹೇಳಿದ್ದಾರೆ.
ಟಿ -20 ಸರಣಿಯಲ್ಲಿ ಪ್ಲಾಪ್ ಆಗಿದ್ದ ಕೆ ಎಲ್ ರಾಹುಲ್ ಈ ಪಂದ್ಯದಲ್ಲಿ ಅರ್ಧಶತಕ ಮಿಂಚಿದರೆ, ಟಿ-20 ಸರಣಿಯಲ್ಲಿ ಬೆಂಚ್ ಕಾದಿದ್ದ ಶಿಖರ್ ಧವನ್ 98 ರನ್ಗಳಿ ತಮ್ಮ ಸಾಮರ್ಥ್ಯವನ್ನ ಸಾಬೀತು ಮಾಡಿದ್ದಾರೆ.
"ನಾನು ಈ ಹಿಂದೆ ಹೇಳಿದಂತೆ, ಎಲ್ಲರಿಗೂ ತಮ್ಮ ಸಾಮರ್ಥ್ಯವನ್ನ ಸಾಬೀತು ಮಾಡಲು ಅವಕಾಶ ಬೇಕಾಗುತ್ತದೆ. ಈ ಇನ್ನಿಂಗ್ಸ್ನಲ್ಲಿ ಶಿಖರ್ ಮತ್ತು ಕೆ.ಎಲ್ ರನ್ ಗಳಿಸಿ ಸಾಬೀತು ಮಾಡಿದ್ದಾರೆ. ಅವರನ್ನ ನಾವು ಬೆಂಬಲಿಸಬೇಕಷ್ಟೆ ಎಂದು ಹೇಳಿದರು.
ಓದಿ : "ಅಂತಾರಾಷ್ಟ್ರೀಯ ಕ್ರಿಕೆಟ್ ಒತ್ತಡ ನಿಭಾಯಿಸುವುದು ನನಗೆ ತಿಳಿದಿದೆ": ಧವನ್
"ನಮ್ಮ ಬೌಲರ್‌ಗಳು ಎಷ್ಟು ಪರಿಣಾಮಕಾರಿ ಎಂದು ದೃಢಪಡಿಸಿದ್ದಾರೆ. ಉತ್ತಮ ಬೌಲಿಂಗ್ ದಾಳಿ ಮಾಡಿ ಎದುರಾಳಿ ತಂಡದ ಬ್ಯಾಟ್ಸ್ಮನ್ಗಳನ್ನ ಕಟ್ಟಿ ಹಾಕಿ ತಂಡಕ್ಕೆ ದೊಡ್ಡ ಜಯ ತಂದು ಕೊಟ್ಟಿದ್ದಾರೆ " ಎಂದು ಅವರು ಹೇಳಿದರು.
ಟಾಸ್ ಸೋತು ಬ್ಯಾಟಿಂಗ್ ನಡೆಸಿದ ಭಾರತ ತಂಡ 50 ಓವರ್ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 317 ರನ್ಗಳಿಸಿತ್ತು. 318ರನ್ಗಳ ಗುರಿ ಬೆನ್ನಟ್ಟಿದ ಪ್ರವಾಸಿ ತಂಡ 251 ರನ್ಗಳಿಗೆ ಆಲೌಟ್ ಆಗುವ ಮೂಲಕ 66 ರನ್ಗಳಿಂದ ಸೋಲು ಕಂಡಿತು.
