Eng vs Ind 1st Test: 3ನೇ ದಿನದಾಟಕ್ಕೆ ಅಂತ್ಯಹಾಡಿದ ವರುಣ, 70 ರನ್​ ಹಿನ್ನಡೆಯಲ್ಲಿ ಇಂಗ್ಲೆಂಡ್​

ಎರಡನೇ ಇನ್ನಿಂಗ್ಸ್​ನಲ್ಲಿ ವಿಕೆಟ್​ ನಷ್ಟವಿಲ್ಲದೆ 25 ರನ್​ ಗಳಿಸಿರುವ ಇಂಗ್ಲೆಂಡ್​ 70 ರನ್​ಗಳ ಹಿನ್ನಡೆಯಲ್ಲಿದ್ದು, ನಾಲ್ಕನೇ ದಿನ ಬ್ಯಾಟಿಂಗ್​ ಮುಂದುವರೆಸಲಿದೆ. ಆಂಗ್ಲರನ್ನು ಬೇಗ ಕಟ್ಟಿಹಾಕಿ ಸುಲಭದ ಗೆಲುವಿನ ಗುರಿ ಪಡೆಯುವತ್ತ ಟೀಂ ಇಂಡಿಯಾ ಪ್ರಯತ್ನಿಸಲಿದೆ.

ನಾಟಿಂಗ್‌ಹ್ಯಾಮ್ : ಇಂಗ್ಲೆಂಡ್​ ಹಾಗೂ ಭಾರತ ನಡುವಿನ ಮೊದಲ ಟೆಸ್ಟ್​ ಕ್ರಿಕೆಟ್​ ಪಂದ್ಯದ ಮೂರನೇ ದಿನವೂ ಕೂಡ ವರುಣನ ಕಾಟದಿಂದ ಆಟ ಕೊನೆಗೊಂಡಿತು. ದಿನದಾಟದ ಅಂತ್ಯಗೊಂಡಾಗ ಆಂಗ್ಲರು ಎರಡನೇ ಇನ್ನಿಂಗ್ಸ್​ನಲ್ಲಿ 11.1 ಓವರ್​ಗಳಲ್ಲಿ ವಿಕೆಟ್​ ನಷ್ಟವಿಲ್ಲದೆ 25 ರನ್​ ಗಳಿಸಿದ್ದು, 70 ರನ್​ಗಳ ಹಿನ್ನಡೆಯಲ್ಲಿದ್ದಾರೆ.

ಇಂಗ್ಲೆಂಡ್​ ಆರಂಭಿಕರಾದ ರೊರಿ ಬರ್ನ್ಸ್ ಮತ್ತು ಡೊಮಿನಿಕ್ ಸಿಬ್ಲಿ ಕ್ರಮವಾಗಿ 11 ಮತ್ತು 9 ರನ್ ಗಳಿಸಿ ಅಜೇಯರಾಗುಳಿದಿದ್ದಾರೆ. ದಿನದ ಮೂರನೇ ಅವಧಿಯಲ್ಲಿ ನಿರಂತರ ಮಳೆಯಿಂದಾಗಿ ಆಟ ನಿಲ್ಲಿಸಲಾಯಿತು.

ಇದಕ್ಕೂ ಮುನ್ನ ಭಾರತ 278 ರನ್​ಗಳಿಗೆ ಆಲೌಟ್​ ಆಗುವ ಮೂಲಕ ಮೊದಲ ಇನ್ನಿಂಗ್ಸ್‌ನಲ್ಲಿ 95 ರನ್​ಗಳ ಮುನ್ನಡೆ ಸಾಧಿಸಿತು. ಟೀಂ ಇಂಡಿಯಾ ಪರ 2ನೇ ದಿನದಾಟದ ಅಂತ್ಯದಲ್ಲಿ ಅರ್ಧಶತಕ ಬಾರಿಸಿದ್ದ ಕನ್ನಡಿಗ ರಾಹುಲ್​ 84 ರನ್​ ಗಳಿಸಿ ವಿಕೆಟ್​ ಒಪ್ಪಿಸುವ ಮೂಲಕ ಶತಕದಂಚಿನಲ್ಲಿ ಎಡವಿದರು. 25 ರನ್ ಬಾರಿಸಿದ ರಿಷಬ್​ ಪಂತ್​ ಹಾಗೂ ಅರ್ಧ ಶತಕ ಗಳಿಸಿದ ಆಲ್​ರೌಂಡರ್​ ರವೀಂದ್ರ ಜಡೇಜಾ (56) ರಾಹುಲ್​ಗೆ ಉತ್ತಮ ಸಾಥ್​ ನೀಡಿದರು.

• That's about it on Day 3⃣ of the first #ENGvIND Test at Trent Bridge!
  
  Rain has cut short the day's play, with England moving to 2⃣5⃣/0⃣ - trailing #TeamIndia by 7⃣0⃣ runs.
  
  Scorecard 👉 https://t.co/TrX6JMzP9A pic.twitter.com/vNIfN11KqP

  — BCCI (@BCCI) August 6, 2021 " class="align-text-top noRightClick twitterSection" data="

That's about it on Day 3⃣ of the first #ENGvIND Test at Trent Bridge!

Rain has cut short the day's play, with England moving to 2⃣5⃣/0⃣ - trailing #TeamIndia by 7⃣0⃣ runs.

Scorecard 👉 https://t.co/TrX6JMzP9A pic.twitter.com/vNIfN11KqP

— BCCI (@BCCI) August 6, 2021 ">

That's about it on Day 3⃣ of the first #ENGvIND Test at Trent Bridge!

Rain has cut short the day's play, with England moving to 2⃣5⃣/0⃣ - trailing #TeamIndia by 7⃣0⃣ runs.

Scorecard 👉 https://t.co/TrX6JMzP9A pic.twitter.com/vNIfN11KqP

— BCCI (@BCCI) August 6, 2021

ಬಳಿಕ ಬಾಲಂಗೋಚಿಗಳಾದ​ ಶಮಿ 13, ಸಿರಾಜ್​ 7 ಹಾಗೂ ಅಬ್ಬರದ ಬ್ಯಾಟಿಂಗ್​ ಮಾಡಿದ ಬುಮ್ರಾ 28 ರನ್ ಗಳಿಸಿ ತಂಡವು ಅಮೂಲ್ಯ ಮುನ್ನಡೆ ಪಡೆಯುವಲ್ಲಿ ನೆರವಾದರು. ಶಾರ್ದುಲ್​ ಠಾಕೂರ್​ ಪಾದಾರ್ಪಣೆ ಪಂದ್ಯದಲ್ಲೇ ಖಾತೆ ತೆರೆಯಲಾಗದೆ ನಿರಾಸೆ ಅನುಭವಿಸಿದರು. ಇಂಗ್ಲೆಂಡ್​ ಪರ ರಾಬಿನ್ಸನ್​ 5 ವಿಕೆಟ್​ ಕಬಳಿಸಿ ಮಿಂಚಿದರು.

ಎರಡನೇ ಇನ್ನಿಂಗ್ಸ್​ನಲ್ಲಿ ವಿಕೆಟ್​ ನಷ್ಟವಿಲ್ಲದೆ 25 ರನ್​ ಗಳಿಸಿರುವ ಇಂಗ್ಲೆಂಡ್​ 70 ರನ್​ಗಳ ಹಿನ್ನಡೆಯಲ್ಲಿದ್ದು, ನಾಲ್ಕನೇ ದಿನ ಬ್ಯಾಟಿಂಗ್​ ಮುಂದುವರೆಸಲಿದೆ. ಆಂಗ್ಲರನ್ನು ಬೇಗ ಕಟ್ಟಿಹಾಕಿ ಸುಲಭದ ಗೆಲುವಿನ ಗುರಿ ಪಡೆಯುವತ್ತ ಟೀಂ ಇಂಡಿಯಾ ಪ್ರಯತ್ನಿಸಲಿದೆ.

ಇದನ್ನೂ ಓದಿ: ಟೋಕಿಯೊ ಒಲಿಂಪಿಕ್ಸ್ ​: 15ನೇ ದಿನದ ಪದಕ ಪಟ್ಟಿ