ದುಬೈ: ಚೆನ್ನೈ ಸೂಪರ್ ಕಿಂಗ್ಸ್ 'ಚಾಂಪಿಯನ್' ಆಲ್ ರೌಂಡರ್ ಡ್ವೇನ್ ಬ್ರಾವೋ ತಮ್ಮ ಟಿ-20 ವೃತ್ತಿಜೀವನದಲ್ಲಿ ಹೊಸ ಮೈಲಿಗಲ್ಲು ತಲುಪಿದ್ದಾರೆ. ದುಬೈನಲ್ಲಿ ಸಿಎಸ್ಕೆ 2021ರ ಐಪಿಎಲ್ ಚಾಂಪಿಯನ್ ಆಗುತ್ತಿದ್ದಂತೆ ಬ್ರಾವೋ ಹೊಸ ದಾಖಲೆಗೆ ಪಾತ್ರರಾಗಿದ್ದಾರೆ.
ಕೋಲ್ಕತಾ ನೈಟ್ ರೈಡರ್ಸ್ ವಿರುದ್ಧ ಫೈನಲ್ನಲ್ಲಿ 27 ರನ್ಗಳಿಂದ ಗೆದ್ದ ಸಿಎಸ್ಕೆ 14ನೇ ಆವೃತ್ತಿಯ ಐಪಿಎಲ್ ಟ್ರೋಫಿ ಗೆದ್ದಿದೆ. ಈ ಜಯದ ಮೂಲಕ ಬ್ರಾವೋ 16ನೇ ಟಿ-20 ಲೀಗ್ ಪ್ರಶಸ್ತಿ ಎತ್ತಿ ಹಿಡಿದಂತಾಗಿದೆ. ಅಲ್ಲದೆ ವೆಸ್ಟ್ ಇಂಡೀಸ್ ತಂಡದ ಸಹ ಆಟಗಾರ, ನಾಯಕ ಕೀರನ್ ಪೊಲಾರ್ಡ್ ಅವರನ್ನು ಡಿಜೆ ಹಿಂದಿಕ್ಕಿದರು.
ಇದಕ್ಕೂ ಮುನ್ನ ಬ್ರಾವೋ ಹಾಗೂ ಪೊಲಾರ್ಡ್ ತಲಾ 15 ಟಿ-20 ಲೀಗ್ ಟ್ರೋಫಿ ಗೆದ್ದಿರು ದಾಖಲೆ ಹಂಚಿಕೊಂಡಿದ್ದರು. ಐಪಿಎಲ್ಗೂ ಮುನ್ನ ಬ್ರಾವೋ ನೇತೃತ್ವದ ಸೇಂಟ್ ಕಿಟ್ಸ್ ಮತ್ತು ನೆವಿಸ್ ಪೇಟ್ರಿಯಾಟ್ಸ್ ತಂಡವು ಕೆರಿಬಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಚಾಂಪಿಯನ್ ಪಟ್ಟ ಅಲಂಕರಿಸಿತ್ತು.
ಇದನ್ನೂ ಓದಿ: T20 World Cup: ಇಂದಿನಿಂದ ಚುಟುಕು ಕ್ರಿಕೆಟ್ ಟೂರ್ನಿ ಆರಂಭ, ಇಲ್ಲಿದೆ ಸಂಪೂರ್ಣ ಮಾಹಿತಿ
