ದುಲೀಪ್ ಟ್ರೋಫಿ 2023ರ ಸೆಮಿಫೈನಲ್ ಒಂದು ಮತ್ತು ಎರಡು ಇಂದಿನಿಂದ ಆಂಭವಾಗಿದೆ. ಮೊದಲ ಸೆಮಿಫೈನಲ್ನಲ್ಲಿ ವೆಸ್ಟ್ ಝೋನ್ ಮತ್ತು ಸೆಂಟ್ರಲ್ ಝೋನ್ ಬೆಂಗಳೂರು ಹೊರ ವಲಯದಲ್ಲಿರುವ ಆಲೂರು ಸ್ಟೇಡಿಯಂನಲ್ಲಿ ಆಡುತ್ತಿದೆ. ಸೆಮಿಫೈನಲ್ 2ರಲ್ಲಿ ಸೌಥ್ ಝೋನ್ ಮತ್ತು ನಾರ್ಥ್ ಝೋನ್ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುತ್ತಿದೆ.
ಫಸ್ಟ್ ಸೆಮಿಫೈನಲ್ನ ಮೊದಲ ದಿನ: ವೆಸ್ಟ್ ಝೋನ್ ಮತ್ತು ಸೆಂಟ್ರಲ್ ಝೋನ್ ನಡುವಿನ ಪಂದ್ಯದಲ್ಲಿ, ಟಾಸ್ ಗೆದ್ದ ವೆಸ್ಟ್ ಝೋನ್ ನಾಯಕ ಪ್ರಿಯಾಂಕ್ ಪಾಂಚಾಲ್ ಮೊದಲು ಬ್ಯಾಟಿಂಗ್ ಮಾಡುವ ನಿರ್ಧಾರವನ್ನು ಮಾಡಿದರು. ಅದರಂತೆ ಮೊದಲನೇ ದಿನಕ್ಕೆ ತಂಡ 216 ರನ್ಗೆ 8 ವಿಕೆಟ್ಗಳನ್ನು ಕಳೆದುಕೊಂಡಿದೆ.
ವೆಸ್ಟ್ ಝೋನ್ನಲ್ಲಿ ಆರಂಭಿಕರಾಗಿ ಕಣಕ್ಕಿಳಿದ ಪೃಥ್ವಿ ಶಾ ದೊಡ್ಡ ಮೊತ್ತ ಗಳಿಸುವಲ್ಲಿ ಮತ್ತೆ ವಿಫಲರಾದರು. 54 ಬಾಲ್ನಲ್ಲಿ ಕೇವಲ 26 ರನ್ ಗಳಿಸಿ ವಿಕೆಟ್ ಕೊಟ್ಟರು. ಅವರ ನಂತರ ಬಂದ ಚೇತೇಶ್ವರ ಪೂಜಾರ ಸಹ ಹೆಚ್ಚು ರನ್ ಗಳಿಸಲಿಲ್ಲ. ಆದರೆ ಫಾರ್ಮ್ಗೆ ಮರಳುವ ಉದ್ದೇಶದಿಂದ ವಿಕೆಟ್ ನಿಲ್ಲಸಿಕೊಂಡಿದ್ದರು. ಬರೋಬ್ಬರಿ 103 ಬಾಲ್ಗಳನ್ನು ಆಡಿದ ಪೂಜಾರ ಕೇವಲ 28 ರನ್ ಗಳಿಸಿದರು. ಟಿ20ಯ ಅಗ್ರ ಶ್ರೇಯಾಂಕದ ಬ್ಯಾಟರ್ ಸೂರ್ಯ ಕುಮಾರ್ ಯಾದವ್ ಕೆಂಪು ಚೆಂಡಿನಲ್ಲಿ ರನ್ ಗಳಿಸಲು ಪರದಾಡಿದರು. 13 ಬಾಲ್ ಎದುರಿಸಿ 7 ರನ್ಗೆ ವಿಕೆಟ್ ಕೊಟ್ಟರು. ಸರ್ಫರಾಜ್ ಖಾನ್ ಶೂನ್ಯಕ್ಕೆ ವಿಕೆಟ್ ಕೊಟ್ಟು ನಿರಾಸೆ ಮೂಡಿಸಿದರು.
ವೆಸ್ಟ್ ಝೋನ್ ತಂಡಕ್ಕೆ ಕೊನೆ ಬ್ಯಾಟರ್ಗಳು ಆಸರೆಯಾದರು. ಅತಿತ್ ಸೇಥ್ ಅವರ ಅದ್ಭುತ ಇನ್ನಿಂಗ್ಸ್ 200ರ ಗಡಿ ದಾಟಲು ಸಹಕರಿಸಿತು. ಅವರು ಇನ್ನಿಂಗ್ಸ್ನಲ್ಲಿ 129 ಬಾಲ್ 74 ರನ್ ಗಳಿಸಿದ್ದರು. ಸೇಥ್ಗೆ ಸಾಥ್ ಕೊಟ್ಟಿದ್ದು ಧರ್ಮೇಂದ್ರಸಿನ್ಹ ಜಡೇಜ. ತಾಳ್ಮೆಯಿಂದ 91 ಬಾಲ್ ಆಡಿದ ಅವರು 39 ರನ್ ಗಳಿಸಿದರು. ಇವರಿಬ್ಬರ 7 ಮತ್ತು 8ನೇ ವಿಕೆಟ್ನ ಜೊತೆಯಾಟ ತಂಡಕ್ಕೆ ಆಸರೆಯಾಯಿತು. ದಿನದಾಟದ ಅಂತ್ಯಕ್ಕೆ ಚಿಂತನ್ ಗಜ (13) ಮತ್ತು ಅರ್ಜಾನ್ ನಾಗ್ವಾಸ್ವಾಲ್ಲಾ (5) ಕ್ರೀಸ್ನಲ್ಲಿದ್ದಾರೆ. ಸೆಂಟ್ರಲ್ ಝೋನ್ ಪರ ಶಿವಮ್ ಮಾವಿ 4 ವಿಕೆಟ್ ಪಡೆದು ವಿಂಚಿದ್ದಾರೆ. ಉಳಿದಂತೆ ಅವೇಶ್ ಖಾನ್, ಯಶ್ ಠಾಕೂರ್, ಸೌರಭ್ ಕುಮಾರ್ ಮತ್ತು ಸರಂಶ್ ಜೈನ್ ತಲಾ ಒಂದು ವಿಕೆಟ್ ಪಡೆದಿದ್ದಾರೆ. ಇನ್ನೂ ಮೂರು ದಿನದ ಪಂದ್ಯ ಬಾಕಿ ಇದೆ.
ಸೆಮಿಫೈನಲ್ 2ರಲ್ಲಿ ಸೌಥ್ - ನಾರ್ಥ್ ಝೋನ್: ಟಾಸ್ ಗೆದ್ದ ಸೌಥ್ ಝೋನ್ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಮೊದಲು ಬೌಲಿಂಗ್ ಮಾಡುವ ನಿರ್ಧಾರ ತೆಗೆದುಕೊಂಡಿತು. ಅದರಂತೆ ಮಳೆ ನಡುವೆಯೂ ಯಶಸ್ಸು ಸಾಧಿಸಿತು. ಬ್ಯಾಟಿಂಗ್ಗೆ ಇಳಿದ ನಾರ್ಥ್ ಝೋನ್ ಉತ್ತಮ ಪ್ರದರ್ಶನ ಏನು ನೀಡಲಿಲ್ಲ. ಐಪಿಎಲ್ನಲ್ಲಿ ಪಂಜಾಬ್ ಪರ ಶತಕ ಬಾರಿಸಿದ್ದ ಪ್ರಭಾಸಿಮ್ರಾನ್ ಸಿಂಗ್ ಏಕಾಂಗಿಯಾಗಿ ಮಧ್ಯಮ ಕ್ರಮಾಂಕದಲ್ಲಿ 49 ರನ್ ಗಳಿಸಿದ್ದು ಗಮನಾರ್ಹ ಆಟ ಬಿಟ್ಟರೆ, ಮತ್ತಾರೂ ಹೇಳುವಂತ ಆಟ ಪ್ರದರ್ಶಿಸಲಿಲ್ಲ. ಅಂಕಿತ್ ಕುಮಾರ್ (33), ಹರ್ಷಿತ್ ರಾಣಾ (31), ನಿಷಾಂತ್ ಸಿಂಧು (27) ಮತ್ತು ವೈಭವ್ ಅರೋರಾ (23) ಅವರ ಸಾಧಾರಣ ಪ್ರದರ್ಶನದಿಂದ ನಾರ್ಥ್ ಝೋನ್ 58.3 ಓವರ್ 198 ರನ್ ಗಳಿಸಿ ಆಲ್ಔಟ್ ಆಯಿತು. ಸೌಥ್ ಪರ ವಿಧ್ವತ್ ಕಾವೇರಪ್ಪ 5 ವಿಕೆಟ್ ಕಿತ್ತು ಗಮನ ಸೆಳೆದರು.
ಆಲ್ ಔಟ್ ಆಗುತ್ತಿದ್ದಂತೆ ಮೊದಲ ಇನ್ನಿಂಗ್ಸ್ ಆರಂಭಿಸಿದ ಸೌಥ್ ಝೋನ್ ಸಹ ಕಳಪೆ ಪ್ರದರ್ಶನ ನೀಡಿದೆ. ದಿನದಾಟದ ಅಂತ್ಯಕ್ಕೆ 17 ಓವರ್ಗೆ 4 ವಿಕೆಟ್ ಕಳೆದುಕೊಂಡು 63 ರನ್ ಗಳಿಸಿದೆ. ಐಪಿಎಲ್ನಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದ ಸಾಯಿ ಸುದರ್ಶನ್ 9 ರನ್ಗೆ ವಿಕೆಟ್ ಕೊಟ್ಟರೆ, ನಾಯಕ ಹನುಮ ವಿಹಾರಿ ಮತ್ತು ರಿಕ್ಕಿ ಸೊನ್ನೆ ಸುತ್ತಿದರು. ಈಗ ಕ್ರೀಸ್ನಲ್ಲಿ ಅನುಭವಿ ಮಾಯಾಂಕ್ ಅಗರ್ವಾಲ್ (37) ಮತ್ತು ತಿಲಕ್ ವರ್ಮಾ (12) ಇದ್ದಾರೆ. ನಾರ್ಥ್ ಪರ ಬೌಲಿಂಗ್ ಮಾಡಿದ ಬಲ್ತೇಜ್ ಸಿಂಗ್ ಮತ್ತು ಹರ್ಷಿತ್ ರಾಣಾ ತಲಾ ಎರಡು ವಿಕೆಟ್ ಪಡೆದಿದ್ದಾರೆ. ನಾರ್ಥ್ 135 ರನ್ ಮುನ್ನಡೆಯನ್ನು ಕಾಯ್ದುಕೊಂಡಿದೆ.
ಇದನ್ನೂ ಓದಿ: ICC Raking: ಅಗ್ರ ಸ್ಥಾನದಲ್ಲೇ ಮುಂದುವರಿದ ಅಶ್ವಿನ್, ಬ್ಯಾಟಿಂಗ್ ಶ್ರೇಯಾಂಕದಲ್ಲಿ ಉತ್ತುಂಗಕ್ಕೇರಿದ ಗಾಯಾಳು ವಿಲಿಯಮ್ಸನ್
